헬라어 문장 검색 - ΑριστόΡηετορί1́04́

(아리스토텔레스, 수사학, Book 1, chapter 4)

ὅσα δὲ ἐξ ἀνάγκησ ἢ ἔστιν ἢ ἔσται, ἢ ἀδύνατον ἢ εἶναι ἢ γενέσθαι, περὶ δὲ τούτων οὐκ ἔστι συμβουλή. οὐδὲ δὴ περὶ τῶν ἐνδεχομένων ἁπάντων·

ἔστιν γὰρ καὶ φύσει ἔνια καὶ ἀπὸ τύχησ γινόμενα ἀγαθὰ τῶν ἐνδεχομένων καὶ γίγνεσθαι καὶ μή, περὶ ὧν οὐδὲν πρὸ ἔργου τὸ συμβουλεύειν· ἀλλὰ δῆλον ὅτι περὶ ὅσων ἐστὶν τὸ βουλεύεσθαι. τοιαῦτα δ’ ἐστὶν ὅσα πέφυκεν ἀνάγεσθαι εἰσ ἡμᾶσ, καὶ ὧν ἡ ἀρχὴ τῆσ γενέσεωσ ἐφ’ ἡμῖν ἐστιν· μέχρι γὰρ τούτου σκοποῦμεν, ἑώσ ἂν εὑρ́ωμεν εἰ ἡμῖν δυνατὰ ἢ ἀδύνατα πρᾶξαι. καθ’ ἕκαστον μὲν οὖν ἀκριβῶσ διαριθμήσασθαι καὶ διαλαβεῖν εἰσ εἴδη περὶ ὧν εἰώθασι χρηματίζειν, ἔτι δ’ ὅσον ἐνδέχεται περὶ αὐτῶν διορίσαι κατὰ τὴν ἀλήθειαν, οὐ δεῖ κατὰ τὸν παρόντα καιρὸν ζητεῖν διὰ τὸ μήτε τῆσ ῥητορικῆσ εἶναι τέχνησ, ἀλλ’ ἐμφρονεστέρασ καὶ μᾶλλον ἀληθινῆσ, πολλῷ τε πλείω δεδόσθαι καὶ νῦν αὐτῇ τῶν οἰκείων θεωρημάτων·

ὅπερ γὰρ καὶ πρότερον εἰρηκότεσ τυγχάνομεν ἀληθέσ ἐστιν, ὅτι ἡ ῥητορικὴ σύγκειται μὲν ἔκ τε τῆσ ἀναλυτικῆσ ἐπιστήμησ καὶ τῆσ περὶ τὰ ἤθη πολιτικῆσ, ὁμοία δ’ ἐστὶν τὰ μὲν τῇ διαλεκτικῇ τὰ δὲ τοῖσ σοφιστικοῖσ λόγοισ.

ὅσῳ δ’ ἄν τισ ἢ τὴν διαλεκτικὴν ἢ ταύτην μὴ καθάπερ ἂν δυνάμεισ ἀλλ’ ἐπιστήμασ πειρᾶται κατασκευάζειν, λήσεται τὴν φύσιν αὐτῶν ἀφανίσασ τῷ μεταβαίνειν ἐπισκευάζων εἰσ ἐπιστήμασ ὑποκειμένων τινῶν πραγμάτων, ἀλλὰ μὴ μόνον λόγων.

ὅμωσ δὲ ὅσα πρὸ ἔργου μέν ἐστι διελεῖν, ἔτι δ’ ὑπολείπει σκέψιν τῇ πολιτικῇ ἐπιστήμῃ, εἴπωμεν καὶ νῦν.

σχεδὸν γάρ, περὶ ὧν βουλεύονται πάντεσ καὶ περὶ ὧν ἀγορεύουσιν οἱ συμβουλεύοντεσ, τὰ μέγιστα τυγχάνει πέντε τὸν ἀριθμὸν ὄντα· ταῦτα δ’ ἐστὶν περί τε πόρων, καὶ πολέμου καὶ εἰρήνησ, ἔτι δὲ περὶ φυλακῆσ τῆσ χώρασ, καὶ τῶν εἰσαγομένων καὶ ἐξαγομένων, καὶ νομοθεσίασ· ὥστε περὶ μὲν πόρων τὸν μέλλοντα συμβουλεύειν δέοι ἂν τὰσ προσόδουσ τῆσ πόλεωσ εἰδέναι τίνεσ καὶ πόσαι, ὅπωσ εἴτε τισ παραλείπεται προστεθῇ καὶ εἴ τισ ἐλάττων αὐξηθῇ, ἔτι δὲ τὰσ δαπάνασ τῆσ πόλεωσ ἁπάσασ, ὅπωσ εἴ τισ περίεργοσ ἀφαιρεθῇ καὶ εἴ τισ μείζων ἐλάττων γένηται·

οὐ γὰρ μόνον πρὸσ τὰ ὑπάρχοντα προστιθέντεσ πλουσιώτεροι γίγνονται, ἀλλὰ καὶ ἀφαιροῦντεσ τῶν δαπανημάτων. ταῦτα δ’ οὐ μόνον ἐκ τῆσ περὶ τὰ ἴδια ἐμπειρίασ ἐνδέχεται συνορᾶν, ἀλλ’ ἀναγκαῖον καὶ τῶν παρὰ τοῖσ ἄλλοισ εὑρημένων ἱστορικὸν εἶναι πρὸσ τὴν περὶ τούτων συμβουλήν. περὶ δὲ πολέμου καὶ εἰρήνησ τὴν δύναμιν εἰδέναι τῆσ πόλεωσ, ὁπόση τε ὑπάρχει ἤδη καὶ πόσην ἐνδέχεται ὑπάρξαι, καὶ ποία τισ ἥ τε ὑπάρχουσά ἐστιν καὶ ἥτισ ἐνδέχεται προσγενέσθαι, ἔτι δὲ πολέμουσ πῶσ καὶ τίνασ πεπολέμηκεν.

οὐ μόνον δὲ τῆσ οἰκείασ πόλεωσ ἀλλὰ καὶ τῶν ὁμόρων ταῦτα ἀναγκαῖον εἰδέναι, καὶ πρὸσ οὓσ ἐπίδοξον πολεμεῖν, ὅπωσ πρὸσ μὲν τοὺσ κρείττουσ εἰρηνεύηται, πρὸσ δὲ τοὺσ ἥττουσ ἐφ’ αὑτοῖσ ᾖ τὸ πολεμεῖν, καὶ τὰσ δυνάμεισ, πότερον ὅμοιαι ἢ ἀνόμοιαι· ἔστιν γὰρ καὶ ταύτῃ πλεονεκτεῖν ἢ ἐλαττοῦσθαι. ἀναγκαῖον δὲ καὶ πρὸσ ταῦτα μὴ μόνον τοὺσ οἰκείουσ πολέμουσ τεθεωρηκέναι ἀλλὰ καὶ τοὺσ τῶν ἄλλων, πῶσ ἀποβαίνουσιν· ἀπὸ γὰρ τῶν ὁμοίων τὰ ὅμοια γίγνεσθαι πέφυκεν. ἔτι δὲ περὶ φυλακῆσ τῆσ χώρασ μὴ λανθάνειν πῶσ φυλάττεται, ἀλλὰ καὶ τὸ πλῆθοσ εἰδέναι τῆσ φυλακῆσ καὶ τὸ εἶδοσ καὶ τοὺσ τόπουσ τῶν φυλακτηρίων τοῦτο δ’ ἀδύνατον μὴ ἔμπειρον ὄντα τῆσ χώρασ, ἵν’ εἴ τ’ ἐλάττων ἡ φυλακὴ προστεθῇ καὶ εἴ τισ περίεργοσ ἀφαιρεθῇ καὶ τοὺσ ἐπιτηδείουσ τόπουσ τηρῶσι μᾶλλον.

ἔτι δὲ περὶ τροφῆσ, πόση δαπάνη ἱκανὴ τῇ πόλει καὶ ποία, ἡ αὐτοῦ τε γιγνομένη καὶ <ἡ> εἰσαγώγιμοσ, καὶ τίνων τ’ ἐξαγωγῆσ δέονται καὶ τίνων <καὶ παρὰ τίνων> εἰσαγωγῆσ, ἵνα πρὸσ τούτουσ καὶ συνθῆκαι καὶ συμβολαὶ γίγνωνται·

πρὸσ δύο γὰρ διαφυλάττειν ἀναγκαῖον ἀνεγκλήτουσ τοὺσ πολίτασ, πρόσ τε τοὺσ κρείττουσ καὶ πρὸσ τοὺσ εἰσ ταῦτα χρησίμουσ. εἰσ δ’ ἀσφάλειαν ἅπαντα μὲν ταῦτα ἀναγκαῖον δύνασθαι θεωρεῖν, οὐκ ἐλάχιστον δὲ περὶ νομοθεσίασ ἐπαί̈ειν·

ἐν γὰρ τοῖσ νόμοισ ἐστὶν ἡ σωτηρία τῆσ πόλεωσ, ὥστ’ ἀναγκαῖον εἰδέναι πόσα τέ ἐστι πολιτειῶν εἴδη, καὶ ποῖα συμφέρει ἑκάστῃ, καὶ ὑπὸ τίνων φθείρεσθαι πέφυκεν καὶ οἰκείων τῆσ πολιτείασ καὶ ἐναντίων. λέγω δὲ τὸ ὑπὸ οἰκείων φθείρεσθαι, ὅτι ἔξω τῆσ βελτίστησ πολιτείασ αἱ ἄλλαι πᾶσαι καὶ ἀνιέμεναι καὶ ἐπιτεινόμεναι φθείρονται, οἱο͂ν δημοκρατία οὐ μόνον ἀνιεμένη ἀσθενεστέρα γίγνεται ὥστε τέλοσ ἥξει εἰσ ὀλιγαρχίαν, ἀλλὰ καὶ ἐπιτεινομένη σφόδρα· ὥσπερ καὶ ἡ γρυπότησ καὶ ἡ σιμότησ οὐ μόνον ἀνιέμενα ἔρχεται εἰσ τὸ μέσον, ἀλλὰ καὶ σφόδρα γρυπὰ γινόμενα ἢ σιμὰ οὕτωσ διατίθεται ὥστε μηδὲ μυκτῆρα δοκεῖν εἶναι. χρήσιμον δὲ πρὸσ τὰσ νομοθεσίασ τὸ μὴ μόνον ἐπαί̈ειν τίσ πολιτεία συμφέρει, ἐκ τῶν παρεληλυθότων θεωροῦντα, ἀλλὰ καὶ τὰσ παρὰ τοῖσ ἄλλοισ εἰδέναι, αἱ ποῖαι τοῖσ ποίοισ ἁρμόττουσιν·

ὥστε δῆλον ὅτι πρὸσ μὲν τὴν νομοθεσίαν αἱ τῆσ γῆσ περίοδοι χρήσιμοι ἐντεῦθεν γὰρ λαβεῖν ἔστιν τοὺσ τῶν ἐθνῶν νόμουσ, πρὸσ δὲ τὰσ πολιτικὰσ συμβουλὰσ αἱ τῶν περὶ τὰσ πράξεισ γραφόντων ἱστορίαι· ἅπαντα δὲ ταῦτα πολιτικῆσ ἀλλ’ οὐ ῥητορικῆσ ἔργον ἐστίν. περὶ ὧν μὲν οὖν ἔχειν δεῖ <τὰσ προτάσεισ> τὸν μέλλοντα συμβουλεύειν, τὰ μέγιστα τοσαῦτά ἐστιν· ἐξ ὧν δὲ δεῖ καὶ περὶ τούτων καὶ περὶ τῶν ἄλλων προτρέπειν ἢ ἀποτρέπειν λέγωμεν πάλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aristotle, Rhetoric, Book 1, chapter 4

(아리스토텔레스, 수사학, Book 1, chapter 4)

상위

목록

SEARCH

MENU NAVIGATION