헬라어 문장 검색 - Αππιαν́ΤηεΞιϝί3́01́06́

(아피아노스, The Civil Wars, book 3, chapter 1 6:)

Καὶ Ἀντώνιοσ μὲν ἀμφὶ ταῦτα ἦν, ὁ δὲ Βροῦτοσ καὶ ὁ Κάσσιοσ, οὔτε τινὸσ παρὰ τοῦ δήμου σφίσιν ἢ παρὰ τῶν ἐξεστρατευμένων εἰρηναίου φανέντοσ, οὔτε τὴν ἐνέδραν Ἀματίου καὶ παρ’ ἑτέρου ἂν αὑτοῖσ ἀδύνατον ἡγούμενοι γενέσθαι, οὔτε τὸ ποικίλον Ἀντωνίου φέροντεσ ἀφόβωσ, ἤδη καὶ στρατιὰν ἔχοντοσ, οὔτε τὴν δημοκρατίαν βεβαιουμένην ἔργοισ ὁρῶντεσ, ἀλλὰ καὶ ἐσ τοῦτο ὑφορώμενοι τὸν Ἀντώνιον, Δέκμῳ μάλιστα ἐπεποίθεσαν, ἔχοντι ἐν πλευραῖσ τρία τέλη στρατοῦ, καὶ πρὸσ Τρεβώνιον ἐσ τὴν Ἀσίαν καὶ πρὸσ Τίλλιον ἐσ Βιθυνίαν κρύφα ἔπεμπον χρήματα ἀγείρειν ἀφανῶσ καὶ στρατὸν περιβλέπεσθαι. αὐτοί τε ἠπείγοντο τῶν δεδομένων σφίσιν ὑπὸ τοῦ Καίσαροσ ἐθνῶν λαβέσθαι. τοῦ χρόνου δὲ οὔπω συγχωροῦντοσ αὐτοῖσ, ἀπρεπὲσ ἡγούμενοι, τὴν ἐν ἄστει στρατηγίαν προλιπόντεσ ἀτελῆ, δόξαν ὕποπτον φιλαρχίασ ἐθνῶν ἐνέγκασθαι, ᾑροῦντο ὅμωσ ὑπὸ ἀνάγκησ τὸ ἐν μέσῳ διάστημα διατρῖψαί ποι μᾶλλον ἰδιωτεύοντεσ ἢ ἐν ἄστει στρατηγεῖν, οὔτε ἀφόβωσ ἔχοντεσ οὔτε τὰ εἰκότα ἐφ’ οἷσ ὑπὲρ τῆσ πατρίδοσ ἐπεπράχεσαν τιμώμενοι. οὕτω δ’ αὐτοῖσ ἔχουσιν ἡ βουλὴ συνειδυῖα τὴν γνώμην ἔδωκε σίτου τῇ πόλει φροντίσαι, ἐξ ὅσησ δύναιντο γῆσ, μέχρισ αὐτοὺσ ὁ χρόνοσ τῶν ἐθνῶν τῆσ στρατηγίασ καταλάβοι. Καὶ ἡ μὲν οὕτωσ ἔπραξεν, ἵνα μή ποτε Βροῦτοσ ἢ Κάσσιοσ φεύγειν δοκοῖεν· τοσήδε αὐτῶν φροντὶσ ἦν ἅμα καὶ αἰδώσ, ἐπεὶ καὶ τοῖσ ἄλλοισ σφαγεῦσι διὰ τούσδε μάλιστα συνελάμβανον·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Civil Wars, book 3, chapter 1 6:

(아피아노스, The Civil Wars, book 3, chapter 1 6:)

상위

목록

SEARCH

MENU NAVIGATION