헬라어 문장 검색 - ΧενοπήΜινορΩό4́07́

(크세노폰, Minor Works, Ιἕρων ἢ Τυραννικός, chapter 7)

ἐπεὶ δὲ ταῦτα αὐτοῦ ἤκουσεν ὁ Σιμωνίδησ, εἶπεν· Εοἴκεν, ἔφη, ὦ Ιἕρων, μέγα τι εἶναι ἡ τιμή, ἧσ ὀρεγόμενοι οἱ ἄνθρωποι πάντα μὲν πόνον ὑποδύονται, πάντα δὲ κίνδυνον ὑπομένουσι. καὶ ὑμεῖσ, ὡσ ἐοίκε, τοσαῦτα πράγματα ἐχούσησ ὁπόσα λέγεισ τῆσ τυραννίδοσ, ὅμωσ προπετῶσ φέρεσθε εἰσ αὐτήν, ὅπωσ τιμᾶσθε καὶ ὑπηρετῶσι μὲν ὑμῖν πάντεσ πάντα τὰ προσταττόμενα ἀπροφασίστωσ, περιβλέπωσι δὲ πάντεσ, ὑπανιστῶνται δ’ ἀπὸ τῶν θάκων ὁδῶν τε παραχωρῶσι, γεραίρωσι δὲ καὶ λόγοισ καὶ ἔργοισ πάντεσ οἱ παρόντεσ ἀεὶ ὑμᾶσ·

τοιαῦτα γὰρ δὴ ποιοῦσι τοῖσ τυράννοισ οἱ ἀρχόμενοι καὶ ἄλλον ὅντιν’ ἂν ἀεὶ τιμῶντεσ τυγχάνωσι. καὶ γάρ μοι δοκεῖ, ὦ Ιἕρων, τούτῳ διαφέρειν ἀνὴρ τῶν ἄλλων ζῴων, τῷ τιμῆσ ὀρέγεσθαι.

ἐπεὶ σιτίοισ γε καὶ ποτοῖσ καὶ ὕπνοισ καὶ ἀφροδισίοισ πάντα ὁμοίωσ ἥδεσθαι ἐοίκε τὰ ζῷα· ἡ δὲ φιλοτιμία οὔτ’ ἐν τοῖσ ἀλόγοισ ζῴοισ ἐμφύεται οὔτ’ ἐν ἅπασιν ἀνθρώποισ· οἷσ δ’ ἂν ἐμφύῃ τιμῆσ τε καὶ ἐπαίνου ἔρωσ, οὗτοί εἰσιν ἤδη οἱ πλεῖστον μὲν τῶν βοσκημάτων διαφέροντεσ, ἄνδρεσ δὲ καὶ οὐκέτι ἄνθρωποι μόνον νομιζόμενοι. ὥστε ἐμοὶ μὲν εἰκότωσ δοκεῖτε ταῦτα πάντα ὑπομένειν ἃ φέρετε ἐν τῇ τυραννίδι, ἐπείπερ τιμᾶσθε διαφερόντωσ τῶν ἄλλων ἀνθρώπων.

καὶ γὰρ οὐδεμία ἀνθρωπίνη ἡδονὴ τοῦ θείου ἐγγυτέρω δοκεῖ εἶναι ἢ ἡ περὶ τὰσ τιμὰσ εὐφροσύνη. πρὸσ ταῦτα δὴ εἶπεν ὁ Ιἕρων·

Ἀλλ’, ὦ Σιμωνίδη, καὶ αἱ τιμαὶ τῶν τυράννων ὅμοιαι ἐμοὶ δοκοῦσιν εἶναι οἱᾶ́περ ἐγώ σοι τὰ ἀφροδίσια ὄντα αὐτῶν ἀπέδειξα. οὔτε γὰρ αἱ μὴ ἐξ ἀντιφιλούντων ὑπουργίαι χάριτεσ ἡμῖν ἐδόκουν εἶναι οὔτε τὰ ἀφροδίσια τὰ βίαια ἡδέα ἐφαίνετο.

ὡσαύτωσ τοίνυν οὐδὲ αἱ ὑπουργίαι <αἱ> ὑπὸ τῶν φοβουμένων τιμαί εἰσι. πῶσ γὰρ ἂν φαίημεν ἢ τοὺσ βίᾳ ἐξανισταμένουσ θάκων διὰ τὸ τιμᾶν τοὺσ ἀδικοῦντασ ἐξανίστασθαι, ἢ τοὺσ ὁδῶν παραχωροῦντασ τοῖσ κρείττοσι διὰ τὸ τιμᾶν τοὺσ ἀδικοῦντασ παραχωρεῖν;

καὶ δῶρά γε διδόασιν οἱ πολλοὶ τούτοισ οὓσ μισοῦσι, καὶ ταῦτα ὅταν μάλιστα φοβῶνται μή τι κακὸν ὑπ’ αὐτῶν πάθωσιν.

ἀλλὰ ταῦτα μὲν οἶμαι δουλείασ ἔργα εἰκότωσ ἂν νομίζοιτο· αἱ δὲ τιμαὶ ἔμοιγε δοκοῦσιν ἐκ τῶν ἐναντίων τούτοισ γίγνεσθαι. ὅταν γὰρ ἄνθρωποι ἄνδρα ἡγησάμενοι εὐεργετεῖν ἱκανὸν εἶναι, καὶ ἀπολαύειν αὐτοῦ ἀγαθὰ νομίσαντεσ, ἔπειτα τοῦτον ἀνὰ στόμα τε ἔχωσιν ἐπαινοῦντεσ, θεῶνταί τ’ αὐτὸν ὡσ οἰκεῖον ἕκαστοσ ἀγαθόν, ἑκόντεσ τε παραχωρῶσι τούτῳ ὁδῶν καὶ θάκων ὑπανιστῶνται φιλοῦντέσ τε καὶ μὴ φοβούμενοι, καὶ στεφανῶσι κοινῆσ ἀρετῆσ καὶ εὐεργεσίασ ἕνεκα, καὶ δωρεῖσθαι ἐθέλωσιν, οἱ αὐτοὶ οὗτοι ἔμοιγε δοκοῦσι τιμᾶν τε τοῦτον ἀληθῶσ οἳ ἂν τοιαῦτα ὑπουργήσωσι καὶ ὁ τούτων ἀξιούμενοσ τιμᾶσθαι τῷ ὄντι.

καὶ ἔγωγε τὸν μὲν οὕτω τιμώμενον μακαρίζω·

αἰσθάνομαι γὰρ αὐτὸν οὐκ ἐπιβουλευόμενον ἀλλὰ φροντιζόμενον μή τι πάθῃ καὶ ἀφόβωσ καὶ ἀνεπιφθόνωσ καὶ ἀκινδύνωσ καὶ εὐδαιμόνωσ τὸν βίον διάγοντα· ὁ δὲ τύραννοσ ὡσ ὑπὸ πάντων ἀνθρώπων κατακεκριμένοσ δι’ ἀδικίαν ἀποθνῄσκειν, οὕτωσ, ὦ Σιμωνίδη, εὖ ἴσθι, καὶ νύκτα καὶ ἡμέραν διάγει. ἐπεὶ δὲ ταῦτα πάντα διήκουσεν ὁ Σιμωνίδησ, Καὶ πῶσ, ἔφη, ὦ Ιἕρων, εἰ οὕτωσ πονηρόν ἐστι τὸ τυραννεῖν καὶ τοῦτο σὺ ἔγνωκασ, οὐκ ἀπαλλάττῃ οὕτω μεγάλου κακοῦ, ἀλλ’ οὔτε σὺ οὔτε ἄλλοσ μὲν δὴ οὐδεὶσ πώποτε ἑκὼν εἶναι τυραννίδοσ ἀφεῖτο, ὅσπερ ἂν ἅπαξ κτήσαιτο;

Ὅτι, ἔφη, ὦ Σιμωνίδη, καὶ ταύτῃ ἀθλιώτατόν ἐστιν ἡ τυραννίσ·

οὐδὲ γὰρ ἀπαλλαγῆναι δυνατὸν αὐτῆσ ἐστι. πῶσ γὰρ ἄν τίσ ποτε ἐξαρκέσειε τύραννοσ ἢ χρήματα ἐκτίνων ὅσουσ ἀφείλετο ἢ δεσμοὺσ ἀντιπάσχων ὅσουσ δὴ ἐδέσμευσεν, ἢ ὅσουσ κατέκανε πῶσ ἂν ἱκανὰσ ψυχὰσ ἀντιπαράσχοιτο ἀποθανουμένασ; ἀλλ’ εἴπερ τῳ ἄλλῳ, ὦ Σιμωνίδη, λυσιτελεῖ ἀπάγξασθαι, ἴσθι, ἔφη, ὅτι τυράννῳ ἔγωγε εὑρίσκω μάλιστα τοῦτο λυσιτελοῦν ποιῆσαι.

μόνῳ γὰρ αὐτῷ οὔτε ἔχειν οὔτε καταθέσθαι τὰ κακὰ λυσιτελεῖ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ιἕρων ἢ Τυραννικός, chapter 7

(크세노폰, Minor Works, Ιἕρων ἢ Τυραννικός, chapter 7)

상위

목록

SEARCH

MENU NAVIGATION