헬라어 문장 검색 - ΧενοπήΜινορΩό4́06́

(크세노폰, Minor Works, Ιἕρων ἢ Τυραννικός, chapter 6)

βούλομαι δέ σοι, ἔφη, ὦ Σιμωνίδη, κἀκείνασ τὰσ εὐφροσύνασ δηλῶσαι ὅσαισ ἐγὼ χρώμενοσ ὅτ’ ἦν ἰδιώτησ, νῦν ἐπειδὴ τύραννοσ ἐγενόμην, αἰσθάνομαι στερόμενοσ αὐτῶν. ἐγὼ γὰρ ξυνῆν μὲν ἡλικιώταισ ἡδόμενοσ ἡδομένοισ ἐμοί, συνῆν δὲ ἐμαυτῷ, ὁπότε ἡσυχίασ ἐπιθυμήσαιμι, διῆγον δ’ ἐν συμποσίοισ πολλάκισ μὲν μέχρι τοῦ ἐπιλαθέσθαι πάντων εἴ τι χαλεπὸν ἐν ἀνθρωπίνῳ βίῳ ἦν, πολλάκισ δὲ μέχρι τοῦ ᾠδαῖσ τε καὶ θαλίαισ καὶ χοροῖσ τὴν ψυχὴν συγκαταμιγνύναι, πολλάκισ δὲ μέχρι κοίτησ ἐπιθυμίασ ἐμῆσ τε καὶ τῶν παρόντων.

νῦν δὲ ἀπεστέρημαι μὲν τῶν ἡδομένων ἐμοὶ διὰ τὸ δούλουσ ἀντὶ φίλων ἔχειν τοὺσ ἑταίρουσ, ἀπεστέρημαι δ’ αὖ τοῦ ἡδέωσ ἐκείνοισ ὁμιλεῖν διὰ τὸ μηδεμίαν ἐνορᾶν εὔνοιαν ἐμοὶ παρ’ αὐτῶν·

μέθην δὲ καὶ ὕπνον ὁμοίωσ ἐνέδρᾳ φυλάττομαι. τὸ δὲ φοβεῖσθαι μὲν ὄχλον, φοβεῖσθαι δ’ ἐρημίαν, φοβεῖσθαι δὲ ἀφυλαξίαν, φοβεῖσθαι δὲ καὶ αὐτοὺσ τοὺσ φυλάττοντασ, καὶ μήτ’ ἀόπλουσ ἔχειν ἐθέλειν περὶ αὑτὸν μήθ’ ὡπλισμένουσ ἡδέωσ θεᾶσθαι, πῶσ οὐκ ἀργαλέον ἐστὶ πρᾶγμα;

ἔτι δὲ ξένοισ μὲν μᾶλλον ἢ πολίταισ πιστεύειν, βαρβάροισ δὲ μᾶλλον ἢ Ἕλλησιν, ἐπιθυμεῖν δὲ τοὺσ μὲν ἐλευθέρουσ δούλουσ ἔχειν, τοὺσ δὲ δούλουσ ἀναγκάζεσθαι ποιεῖν ἐλευθέρουσ, οὐ πάντα σοι ταῦτα δοκεῖ ψυχῆσ ὑπὸ φόβων καταπεπληγμένησ τεκμήρια εἶναι;

ὅ γέ τοι φόβοσ οὐ μόνον αὐτὸσ ἐνὼν ταῖσ ψυχαῖσ λυπηρόσ ἐστιν, ἀλλὰ καὶ πάντων τῶν ἡδέων συμπαρακολουθῶν λυμεὼν γίγνεται.

εἰ δὲ καὶ σὺ πολεμικῶν ἔμπειροσ εἶ, ὦ Σιμωνίδη, καὶ ἤδη ποτὲ πολεμίᾳ φάλαγγι πλησίον ἀντετάξω, ἀναμνήσθητι ποῖον μέν τινα σῖτον ᾑροῦ ἐν ἐκείνῳ τῷ χρόνῳ, ποῖον δέ τινα ὕπνον ἐκοιμῶ.

οἱᾶ μέντοι σοὶ τότ’ ἦν τὰ λυπηρά, τοιαῦτά ἐστι τὰ τῶν τυράννων καὶ ἔτι δεινότερα·

οὐ γὰρ ἐξ ἐναντίασ μόνον, ἀλλὰ καὶ πάντοθεν πολεμίουσ ὁρᾶν νομίζουσιν οἱ τύραννοι. ταῦτα δ’ ἀκούσασ ὁ Σιμωνίδησ ὑπολαβὼν εἶπεν·

Ὑπέρευ μοι δοκεῖσ ἔνια λέγειν. ὁ γὰρ πόλεμοσ φοβερὸν μέν, ἀλλ’ ὅμωσ, ὦ Ιἕρων, ἡμεῖσ γε ὅταν ὦμεν ἐν στρατείᾳ, φύλακασ προκαθιστάμενοι θαρραλέωσ δείπνου τε καὶ ὕπνου λαγχάνομεν. καὶ ὁ Ιἕρων ἔφη·

Ναὶ μὰ Δία, ὦ Σιμωνίδη· αὐτῶν μὲν γὰρ προφυλάττουσιν οἱ νόμοι, ὥστε περὶ ἑαυτῶν φοβοῦνται καὶ ὑπὲρ ὑμῶν· οἱ δὲ τύραννοι μισθοῦ φύλακασ ἔχουσιν ὥσπερ θεριστάσ. καὶ δεῖ μὲν δήπου τοὺσ φύλακασ μηδὲν οὕτω ποιεῖν δύνασθαι ὡσ πιστοὺσ εἶναι·

πιστὸν δὲ ἕνα πολὺ χαλεπώτερον εὑρεῖν ἢ πάνυ πολλοὺσ ἐργάτασ ὁποίου βούλει ἔργου, ἄλλωσ τε καὶ ὁπόταν χρημάτων μὲν ἕνεκα παρῶσιν οἱ φυλάττοντεσ, ἐξῇ δ’ αὐτοῖσ ἐν ὀλίγῳ χρόνῳ πολὺ πλείω λαβεῖν ἀποκτείνασι τὸν τύραννον ἢ ὅσα πολὺν χρόνον φυλάττοντεσ παρὰ τοῦ τυράννου λαμβάνουσιν. ὃ δ’ ἐζήλωσασ ἡμᾶσ ὡσ τοὺσ μὲν φίλουσ μάλιστα εὖ ποιεῖν δυνάμεθα, τοὺσ δὲ ἐχθροὺσ πάντων μάλιστα χειρούμεθα, οὐδὲ ταῦθ’ οὕτωσ ἔχει.

φίλουσ μὲν γὰρ πῶσ ἂν νομίσαισ ποτὲ εὖ ποιεῖν, ὅταν εὖ εἰδῇσ ὅτι ὁ τὰ πλεῖστα λαμβάνων παρὰ σοῦ ἥδιστ’ ἂν ὡσ τάχιστα ἐξ ὀφθαλμῶν σου γένοιτο;

ὅ τι γὰρ ἄν τισ λάβῃ παρὰ τυράννου, οὐδεὶσ οὐδὲν ἑαυτοῦ νομίζει πρὶν ἂν ἔξω τῆσ τούτου ἐπικρατείασ γένηται. ἐχθροὺσ δ’ αὖ πῶσ ἂν φαίησ μάλιστα τοῖσ τυράννοισ ἐξεῖναι χειροῦσθαι, ὅταν εὖ εἰδῶσιν ὅτι ἐχθροὶ αὐτῶν εἰσι πάντεσ οἱ τυραννούμενοι, τούτουσ δὲ μήτε κατακαίνειν ἅπαντασ μήτε δεσμεύειν οἱο͂́ν τε ᾖ τίνων γὰρ ἔτι ἄρξει;

ἀλλ’ εἰδότα ὅτι ἐχθροί εἰσι, τούτουσ ἅμα μὲν φυλάττεσθαι δέῃ, καὶ χρῆσθαι δ’ αὐτοῖσ ἀναγκάζηται; εὖ δ’ ἴσθι καὶ τοῦτο, ὦ Σιμωνίδη, ὅτι καὶ οὓσ τῶν πολιτῶν δεδίασι χαλεπῶσ μὲν αὐτοὺσ ζῶντασ ὁρῶσι, χαλεπῶσ δ’ ἀποκτείνουσιν·

χαλεπῶσ δὲ ζῶντι χρῷτο, εὐλαβούμενοσ μή τι ἀνήκεστον ἐν τοῖσ κινδύνοισ ἐργάσηται, καὶ τἆλλά γε κτήματα ὅσα χαλεπὰ μὲν χρήσιμα δ’ ἐστίν, ὁμοίωσ ἅπαντα λυπεῖ μὲν τοὺσ κεκτημένουσ, λυπεῖ δὲ ἀπαλλαττομένουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ιἕρων ἢ Τυραννικός, chapter 6

(크세노폰, Minor Works, Ιἕρων ἢ Τυραννικός, chapter 6)

상위

목록

SEARCH

MENU NAVIGATION