헬라어 문장 검색 - ΧενοπήΜινορΩό4́04́

(크세노폰, Minor Works, Ιἕρων ἢ Τυραννικός, chapter 4)

ἀλλὰ μὴν καὶ πίστεωσ ὅστισ ἐλάχιστον μετέχει, πῶσ οὐχὶ μεγάλου ἀγαθοῦ μειονεκτεῖ; ποία μὲν γὰρ ξυνουσία ἡδεῖα ἄνευ πίστεωσ τῆσ πρὸσ ἀλλήλουσ, ποία δ’ ἀνδρὶ καὶ γυναικὶ τερπνὴ ἄνευ πίστεωσ ὁμιλία, ποῖοσ δὲ θεράπων ἡδὺσ ἀπιστούμενοσ; καὶ τούτου τοίνυν τοῦ πιστῶσ πρόσ τινασ ἔχειν ἐλάχιστον μέτεστι τυράννῳ·

ὁπότε γε οὐδὲ σιτίοισ καὶ ποτοῖσ πιστεύων διάγει, ἀλλὰ καὶ τούτων πρὶν ἀπάρχεσθαι τοῖσ θεοῖσ τοὺσ διακόνουσ πρῶτον κελεύουσιν ἀπογεύεσθαι διὰ τὸ ἀπιστεῖν μὴ καὶ ἐν τούτοισ κακόν τι φάγωσιν ἢ πίωσιν· ἀλλὰ μὴν καὶ αἱ πατρίδεσ τοῖσ μὲν ἄλλοισ ἀνθρώποισ πλείστου ἄξιαι.

πολῖται γὰρ δορυφοροῦσι μὲν ἀλλήλουσ ἄνευ μισθοῦ ἐπὶ τοὺσ δούλουσ, δορυφοροῦσι δ’ ἐπὶ τοὺσ κακούργουσ, ὑπὲρ τοῦ μηδένα τῶν πολιτῶν βιαίῳ θανάτῳ ἀποθνῄσκειν. οὕτω δὲ πόρρω προεληλύθασι φυλακῆσ ὥστε πεποίηνται πολλοὶ νόμον τῷ μιαιφόνῳ μηδὲ τὸν συνόντα καθαρεύειν·

ὥστε διὰ τὰσ πατρίδασ ἀσφαλῶσ ἕκαστοσ βιοτεύει τῶν πολιτῶν. τοῖσ δὲ τυράννοισ καὶ τοῦτο ἔμπαλιν ἀνέστραπται.

ἀντὶ γὰρ τοῦ τιμωρεῖν αἱ πόλεισ αὐτοῖσ μεγάλωσ τιμῶσι τὸν ἀποκτείναντα τὸν τύραννον, καὶ ἀντί γε τοῦ εἴργειν ἐκ τῶν ἱερῶν, ὥσπερ τοὺσ τῶν ἰδιωτῶν φονέασ, ἀντὶ τούτου καὶ εἰκόνασ ἐν τοῖσ ἱεροῖσ ἱστᾶσιν αἱ πόλεισ τῶν τοιοῦτόν τι ποιησάντων. εἰ δὲ σὺ οἰεί ὡσ πλείω ἔχων τῶν ἰδιωτῶν κτήματα ὁ τύραννοσ διὰ τοῦτο καὶ πλείω ἀπ’ αὐτῶν εὐφραίνεται, οὐδὲ τοῦτο οὕτωσ ἔχει, ὦ Σιμωνίδη, ἀλλ’ ὥσπερ οἱ ἀθληταὶ οὐχ ὅταν ἰδιωτῶν γένωνται κρείττονεσ, τοῦτ’ αὐτοὺσ εὐφραίνει, ἀλλ’ ὅταν τῶν ἀνταγωνιστῶν ἥττουσ, τοῦτ’ αὐτοὺσ ἀνιᾷ, οὕτω καὶ ὁ τύραννοσ οὐχ ὅταν τῶν ἰδιωτῶν πλείω φαίνηται ἔχων, τότ’ εὐφραίνεται, ἀλλ’ ὅταν ἑτέρων τυράννων ἐλάττω ἔχῃ, τούτῳ λυπεῖται·

τούτουσ γὰρ ἀνταγωνιστὰσ ἡγεῖται αὑτῷ τοῦ πλούτου εἶναι. οὐδέ γε θᾶττόν <τι> γίγνεται τῷ τυράννῳ ἢ τῷ ἰδιώτῃ ὧν ἐπιθυμεῖ.

ὁ μὲν γὰρ ἰδιώτησ οἰκίασ ἢ ἀγροῦ ἢ οἰκέτου ἐπιθυμεῖ, ὁ δὲ τύραννοσ ἢ πόλεων ἢ χώρασ πολλῆσ ἢ λιμένων ἢ ἀκροπόλεων ἰσχυρῶν, ἅ ἐστι πολὺ χαλεπώτερα καὶ ἐπικινδυνότερα κατεργάσασθαι τῶν ἰδιωτικῶν ἐπιθυμημάτων. ἀλλὰ μέντοι καὶ πένητασ ὄψει οὐχ οὕτωσ ὀλίγουσ τῶν ἰδιωτῶν ὡσ πολλοὺσ τῶν τυράννων.

οὐ γὰρ τῷ ἀριθμῷ οὔτε τὰ πολλὰ κρίνεται οὔτε τὰ ὀλίγα, ἀλλὰ πρὸσ τὰσ χρήσεισ· ὥστε τὰ μὲν ὑπερβάλλοντα τὰ ἱκανὰ πολλά ἐστι, τὰ δὲ τῶν ἱκανῶν ἐλλείποντα ὀλίγα. τῷ οὖν τυράννῳ τὰ πολλαπλάσια ἧττον ἱκανά ἐστιν εἰσ τὰ ἀναγκαῖα δαπανήματα ἢ τῷ ἰδιώτῃ.

τοῖσ μὲν γὰρ ἰδιώταισ ἔξεστι τὰσ δαπάνασ συντέμνειν εἰσ τὰ καθ’ ἡμέραν ὅπῃ βούλονται, τοῖσ δὲ τυράννοισ οὐκ ἐνδέχεται. αἱ γὰρ μέγισται αὐτοῖσ δαπάναι καὶ ἀναγκαιόταται εἰσ τὰσ τῆσ ψυχῆσ φυλακάσ εἰσι· τὸ δὲ τούτων τι συντέμνειν ὄλεθροσ δοκεῖ εἶναι. ἔπειτα δὲ ὅσοι μὲν δύνανται ἔχειν ἀπὸ τοῦ δικαίου ὅσων δέονται, τί ἂν τούτουσ οἰκτίροι τισ ὡσ πένητασ;

ὅσοι δ’ ἀναγκάζονται δι’ ἔνδειαν κακόν τι καὶ αἰσχρὸν μηχανώμενοι ζῆν, πῶσ οὐ τούτουσ ἀθλίουσ ἄν τισ καὶ πένητασ δικαίωσ νομίζοι; οἱ τύραννοι τοίνυν ἀναγκάζονται πλεῖστα συλᾶν ἀδίκωσ καὶ ἱερὰ καὶ ἀνθρώπουσ διὰ τὸ εἰσ τὰσ ἀναγκαίασ δαπάνασ ἀεὶ προσδεῖσθαι χρημάτων.

ὥσπερ γὰρ πολέμου ὄντοσ ἀεὶ ἀναγκάζονται στράτευμα τρέφειν ἢ ἀπολωλέναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ιἕρων ἢ Τυραννικός, chapter 4

(크세노폰, Minor Works, Ιἕρων ἢ Τυραννικός, chapter 4)

상위

목록

SEARCH

MENU NAVIGATION