호흡부호 보기
강세부호 보기
장단부호 보기
작은 Iota 보기
모든 부호 보기
εὐθὺσ οὖν λαβὼν ἱερεῖα ἔθυε Διί τε πατρῴῳ καὶ Ἡλίῳ καὶ τοῖσ ἄλλοισ θεοῖσ ἐπὶ τῶν ἄκρων, ὡσ Πέρσαι θύουσιν, ὧδ’ ἐπευχόμενοσ· Ζεῦ πατρῷε καὶ Ἥλιε καὶ πάντεσ θεοί, δέχεσθε τάδε καὶ τελεστήρια πολλῶν καὶ καλῶν πράξεων καὶ χαριστήρια ὅτι ἐσημαίνετέ μοι καὶ ἐν ἱεροῖσ καὶ ἐν οὐρανίοισ σημείοισ καὶ ἐν οἰωνοῖσ καὶ ἐν φήμαισ ἅ τ’ ἐχρῆν ποιεῖν καὶ ἃ οὐκ ἐχρῆν. πολλὴ δ’ ὑμῖν χάρισ ὅτι κἀγὼ ἐγίγνωσκον τὴν ὑμετέραν ἐπιμέλειαν καὶ οὐδεπώποτε ἐπὶ ταῖσ εὐτυχίαισ ὑπὲρ ἄνθρωπον ἐφρόνησα. αἰτοῦμαι δ’ ὑμᾶσ δοῦναι καὶ νῦν παισὶ μὲν καὶ γυναικὶ καὶ φίλοισ καὶ πατρίδι εὐδαιμονίαν, ἐμοὶ δὲ οἱο͂́νπερ αἰῶνα δεδώκατε, τοιαύτην καὶ τελευτὴν δοῦναι.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기