Xenophon, Cyropaedia, Κύρου Παιδείασ Η, chapter 3 55:

ἦν δὲ τοῦ Φεραύλα ὁ τρόποσ φιλέταιρόσ τε καὶ θεραπεύειν οὐδὲν ἡδὺ αὐτῷ οὕτωσ ἐδόκει εἶναι οὐδ’ ὠφέλιμον ὡσ ἀνθρώπουσ. καὶ γὰρ βέλτιστον πάντων τῶν ζῴων ἡγεῖτο ἄνθρωπον εἶναι καὶ εὐχαριστότατον, ὅτι ἑώρα τούσ τε ἐπαινουμένουσ ὑπό τινοσ ἀντεπαινοῦντασ τούτουσ προθύμωσ τοῖσ τε χαριζομένοισ πειρωμένουσ ἀντιχαρίζεσθαι, καὶ οὓσ γνοῖεν εὐνοϊκῶσ ἔχοντασ, τούτοισ ἀντ’ εὖ νοοῦντασ, καὶ οὓσ εἰδεῖεν φιλοῦντασ αὐτούσ, τούτουσ μισεῖν οὐ δυναμένουσ, καὶ γονέασ δὲ πολὺ μᾶλλον ἀντιθεραπεύειν πάντων τῶν ζῴων ἐθέλοντασ καὶ ζῶντασ καὶ τελευτήσαντασ· τὰ δ’ ἄλλα πάντα ζῷα καὶ ἀχαριστότερα καὶ ἀγνωμονέστερα ἀνθρώπων ἐγίγνωσκεν εἶναι.