Xenophon, Cyropaedia, Κύρου Παιδείασ Η, chapter 3 45:

καὶ ὁ Φεραύλασ εἶπεν· ἦ γὰρ οὕτωσ, ὦ Σάκα, ὑπολαμβάνεισ ὡσ ἐγὼ νῦν τοσούτῳ ἥδιον ζῶ ὅσῳ πλείω κέκτημαι; οὐκ οἶσθα, ἔφη, ὅτι ἐσθίω μὲν καὶ πίνω καὶ καθεύδω οὐδ’ ὁτιοῦν νῦν ἥδιον ἢ τότε ὅτε πένησ ἦν· ὅτι δὲ ταῦτα πολλά ἐστι, τοσοῦτον κερδαίνω, πλείω μὲν φυλάττειν δεῖ, πλείω δὲ ἄλλοισ διανέμειν, πλειόνων δὲ ἐπιμελούμενον πράγματα ἔχειν.