Xenophon, Cyropaedia, Κύρου Παιδείασ Η, chapter 2 32:

πρὸσ δὲ τούτοισ ὥσπερ νόμον κατεστήσατο ὁ Κῦροσ, ὅσα διακρίσεωσ δέοιτο εἴτε δίκῃ εἴτε ἀγωνίσματι, τοὺσ δεομένουσ διακρίσεωσ συντρέχειν τοῖσ κριταῖσ. δῆλον οὖν ὅτι ἐστοχάζοντο μὲν οἱ ἀνταγωνιζόμενοί τι ἀμφότεροι τῶν κρατίστων καὶ τῶν μάλιστα φίλων κριτῶν· ὁ δὲ μὴ νικῶν τοῖσ μὲν νικῶσιν ἐφθόνει, τοὺσ δὲ μὴ ἑαυτὸν κρίνοντασ ἐμίσει· ὁ δ’ αὖ νικῶν τῷ δικαίῳ προσεποιεῖτο νικᾶν, ὥστε χάριν οὐδενὶ ἡγεῖτο ὀφείλειν.