헬라어 문장 검색 - ΧενοπήΑναβασί7́8́

(크세노폰, Anabasis, Κύρου Ἀναβάσεωσ Ζ, chapter 8)

ἐντεῦθεν διέπλευσαν εἰσ Λάμψακον, καὶ ἀπαντᾷ τῷ Ξενοφῶντι Εὐκλείδησ μάντισ Φλειάσιοσ ὁ Κλεαγόρου υἱὸσ τοῦ τὰ ἐντοίχια ἐν Λυκείῳ γεγραφότοσ. οὗτοσ συνήδετο τῷ Ξενοφῶντι ὅτι ἐσέσωστο, καὶ ἠρώτα αὐτὸν πόσον χρυσίον ἔχοι. ὁ δ’ αὐτῷ ἐπομόσασ εἶπεν ἦ μὴν ἔσεσθαι μηδὲ ἐφόδιον ἱκανὸν οἴκαδε ἀπιόντι, εἰ μὴ ἀπόδοιτο τὸν ἵππον καὶ ἃ ἀμφ’ αὑτὸν εἶχεν.

ὁ δ’ αὐτῷ οὐκ ἐπίστευεν.

ἐπεὶ δ’ ἔπεμψαν Λαμψακηνοὶ ξένια τῷ Ξενοφῶντι καὶ ἔθυε τῷ Ἀπόλλωνι, παρεστήσατο τὸν Εὐκλείδην· ἰδὼν δὲ τὰ ἱερὰ ὁ Εὐκλείδησ εἶπεν ὅτι πείθοιτο αὐτῷ μὴ εἶναι χρήματα. ἀλλ’ οἶδα, ἔφη, ὅτι κἂν μέλλῃ ποτὲ ἔσεσθαι, φαίνεταί τι ἐμπόδιον, ἂν μηδὲν ἄλλο, σὺ σαυτῷ. συνωμολόγει ταῦτα ὁ Ξενοφῶν. ὁ δὲ εἶπεν·

ἐμπόδιοσ γάρ σοι ὁ Ζεὺσ ὁ μειλίχιόσ ἐστι, καὶ ἐπήρετο εἰ ἤδη θύσειεν, ὥσπερ οἴκοι, ἔφη, εἰώθειν ἐγὼ ὑμῖν θύεσθαι καὶ ὁλοκαυτεῖν. ὁ δ’ οὐκ ἔφη ἐξ ὅτου ἀπεδήμησε τεθυκέναι τούτῳ τῷ θεῷ. συνεβούλευσεν οὖν αὐτῷ θύεσθαι καθὰ εἰώθει, καὶ ἔφη συνοίσειν ἐπὶ τὸ βέλτιον. τῇ δὲ ὑστεραίᾳ Ξενοφῶν προσελθὼν εἰσ Ὀφρύνιον ἐθύετο καὶ ὡλοκαύτει χοίρουσ τῷ πατρίῳ νόμῳ, καὶ ἐκαλλιέρει.

καὶ ταύτῃ τῇ ἡμέρᾳ ἀφικνεῖται Βίων καὶ Ναυσικλείδησ χρήματα δώσοντεσ τῷ στρατεύματι, καὶ ξενοῦνται τῷ Ξενοφῶντι καὶ ἵππον ὃν ἐν Λαμψάκῳ ἀπέδοτο πεντήκοντα δαρεικῶν, ὑποπτεύοντεσ αὐτὸν δι’ ἔνδειαν πεπρακέναι, ὅτι ἤκουον αὐτὸν ἥδεσθαι τῷ ἵππῳ, λυσάμενοι ἀπέδοσαν καὶ τὴν τιμὴν οὐκ ἤθελον ἀπολαβεῖν.

ἐντεῦθεν ἐπορεύοντο διὰ τῆσ Τρῳάδοσ, καὶ ὑπερβάντεσ τὴν Ἴδην εἰσ Ἄντανδρον ἀφικνοῦνται πρῶτον, εἶτα παρὰ θάλατταν πορευόμενοι τῆσ Ἀσίασ εἰσ Θήβησ πεδίον.

ἐντεῦθεν δι’ Ἀδραμυττίου καὶ Κερτωνοῦ ὁδεύσαντεσ εἰσ Καί̈κου πεδίον ἐλθόντεσ Πέργαμον καταλαμβάνουσι τῆσ Μυσίασ.

ἐνταῦθα δὴ ξενοῦται Ξενοφῶν Ἑλλάδι τῇ Γογγύλου τοῦ Ἐρετριέωσ γυναικὶ καὶ Γοργίωνοσ καὶ Γογγύλου μητρί.

αὕτη δ’ αὐτῷ φράζει ὅτι Ἀσιδάτησ ἐστὶν ἐν τῷ πεδίῳ ἀνὴρ Πέρσησ·

τοῦτον ἔφη αὐτόν, εἰ ἔλθοι τῆσ νυκτὸσ σὺν τριακοσίοισ ἀνδράσι, λαβεῖν ἂν καὶ αὐτὸν καὶ γυναῖκα καὶ παῖδασ καὶ τὰ χρήματα· εἶναι δὲ πολλά. ταῦτα δὲ καθηγησομένουσ ἔπεμψε τόν τε αὑτῆσ ἀνεψιὸν καὶ Δαφναγόραν, ὃν περὶ πλείστου ἐποιεῖτο. ἔχων οὖν ὁ Ξενοφῶν τούτουσ παρ’ ἑαυτῷ ἐθύετο.

καὶ Βασίασ ὁ Ἠλεῖοσ μάντισ παρὼν εἶπεν ὅτι κάλλιστα εἰή τὰ ἱερὰ αὐτῷ καὶ ὁ ἀνὴρ ἁλώσιμοσ εἰή. δειπνήσασ οὖν ἐπορεύετο τούσ τε λοχαγοὺσ τοὺσ μάλιστα φίλουσ λαβὼν καὶ .

. πιστοὺσ γεγενημένουσ διὰ παντόσ, ὅπωσ εὖ ποιήσαι αὐτούσ. συνεξέρχονται δὲ αὐτῷ καὶ ἄλλοι βιασάμενοι εἰσ ἑξακοσίουσ· οἱ δὲ λοχαγοὶ ἀπήλαυνον, ἵνα μὴ μεταδοῖεν τὸ μέροσ, ὡσ ἑτοίμων δὴ χρημάτων. ἐπεὶ δὲ ἀφίκοντο περὶ μέσασ νύκτασ, τὰ μὲν πέριξ ὄντα ἀνδράποδα τῆσ τύρσιοσ καὶ χρήματα τὰ πλεῖστα ἀπέδρα αὐτοὺσ παραμελοῦντασ, ὡσ τὸν Ἀσιδάτην αὐτὸν λάβοιεν καὶ τὰ ἐκείνου.

πυργομαχοῦντεσ δὲ ἐπεὶ οὐκ ἐδύναντο λαβεῖν τὴν τύρσιν ὑψηλὴ γὰρ ἦν καὶ μεγάλη καὶ προμαχεῶνασ καὶ ἄνδρασ πολλοὺσ καὶ μαχίμουσ ἔχουσα, διορύττειν ἐπεχείρησαν τὸν πύργον.

ὁ δὲ τοῖχοσ ἦν ἐπ’ ὀκτὼ πλίνθων γηίνων τὸ εὖροσ.

ἅμα δὲ τῇ ἡμέρᾳ διωρώρυκτο· καὶ ὡσ τὸ πρῶτον διεφάνη, ἐπάταξεν ἔνδοθεν βουπόρῳ τισ ὀβελίσκῳ διαμπερὲσ τὸν μηρὸν τοῦ ἐγγυτάτω· τὸ δὲ λοιπὸν ἐκτοξεύοντεσ ἐποίουν μηδὲ παριέναι ἔτι ἀσφαλὲσ εἶναι. κεκραγότων δὲ αὐτῶν καὶ πυρσευόντων ἐκβοηθοῦσιν Ἰταμένησ μὲν ἔχων τὴν ἑαυτοῦ δύναμιν, ἐκ Κομανίασ δὲ ὁπλῖται Ἀσσύριοι καὶ Ὑρκάνιοι ἱππεῖσ καὶ οὗτοι βασιλέωσ μισθοφόροι ὡσ ὀγδοήκοντα, καὶ ἄλλοι πελτασταὶ εἰσ ὀκτακοσίουσ, ἄλλοι δ’ ἐκ Παρθενίου, ἄλλοι δ’ ἐξ Ἀπολλωνίασ καὶ ἐκ τῶν πλησίον χωρίων καὶ ἱππεῖσ.

ἐνταῦθα δὴ ὡρ́α ἦν σκοπεῖν πῶσ ἔσται ἡ ἄφοδοσ·

καὶ λαβόντεσ ὅσοι ἦσαν βόεσ καὶ πρόβατα ἤλαυνον καὶ ἀνδράποδα ἐντὸσ πλαισίου ποιησάμενοι, οὐ τοῖσ χρήμασιν ἔτι προσέχοντεσ τὸν νοῦν, ἀλλὰ μὴ φυγὴ εἰή ἡ ἄφοδοσ, εἰ καταλιπόντεσ τὰ χρήματα ἀπίοιεν, καὶ οἵ τε πολέμιοι θρασύτεροι εἰε͂ν καὶ οἱ στρατιῶται ἀθυμότεροι· νῦν δὲ ἀπῇσαν ὡσ περὶ τῶν χρημάτων μαχούμενοι. ἐπεὶ δὲ ἑώρα Γογγύλοσ ὀλίγουσ μὲν τοὺσ Ἕλληνασ, πολλοὺσ δὲ τοὺσ ἐπικειμένουσ, ἐξέρχεται καὶ αὐτὸσ βίᾳ τῆσ μητρὸσ ἔχων τὴν ἑαυτοῦ δύναμιν, βουλόμενοσ μετασχεῖν τοῦ ἔργου·

συνεβοήθει δὲ καὶ Προκλῆσ ἐξ Ἁλισάρνησ καὶ Τευθρανίασ ὁ ἀπὸ Δαμαράτου. οἱ δὲ περὶ Ξενοφῶντα ἐπεὶ πάνυ ἤδη ἐπιέζοντο ὑπὸ τῶν τοξευμάτων καὶ σφενδονῶν, πορευόμενοι κύκλῳ, ὅπωσ τὰ ὅπλα ἔχοιεν πρὸ τῶν τοξευμάτων, μόλισ διαβαίνουσι τὸν Κάρκασον ποταμόν, τετρωμένοι ἐγγὺσ οἱ ἡμίσεισ.

ἐνταῦθα δὲ Ἀγασίασ ὁ Στυμφάλιοσ λοχαγὸσ τιτρώσκεται, τὸν πάντα χρόνον μαχόμενοσ πρὸσ τοὺσ πολεμίουσ.

καὶ διασῴζονται ἀνδράποδα ὡσ διακόσια ἔχοντεσ καὶ πρόβατα ὅσον θύματα. τῇ δὲ ὑστεραίᾳ θυσάμενοσ ὁ Ξενοφῶν ἐξάγει νύκτωρ πᾶν τὸ στράτευμα, ὅπωσ ὅτι μακροτάτην ἔλθοι τῆσ Λυδίασ, εἰσ τὸ μὴ διὰ τὸ ἐγγὺσ εἶναι φοβεῖσθαι, ἀλλ’ ἀφυλακτεῖν.

ὁ δὲ Ἀσιδάτησ ἀκούσασ ὅτι πάλιν ἐπ’ αὐτὸν τεθυμένοσ εἰή ὁ Ξενοφῶν καὶ παντὶ τῷ στρατεύματι ἥξοι, ἐξαυλίζεται εἰσ κώμασ ὑπὸ τὸ Παρθένιον πόλισμα ἐχούσασ.

ἐνταῦθα οἱ περὶ Ξενοφῶντα συντυγχάνουσιν αὐτῷ καὶ λαμβάνουσιν αὐτὸν καὶ γυναῖκα καὶ παῖδασ καὶ τοὺσ ἵππουσ καὶ πάντα τὰ ὄντα·

καὶ οὕτω τὰ πρότερα ἱερὰ ἀπέβη. ἔπειτα πάλιν ἀφικνοῦνται εἰσ Πέργαμον.

ἐνταῦθα τὸν θεὸν ἠσπάσατο Ξενοφῶν· συνέπραττον γὰρ καὶ οἱ Λάκωνεσ καὶ οἱ λοχαγοὶ καὶ οἱ ἄλλοι στρατηγοὶ καὶ οἱ στρατιῶται ὥστ’ ἐξαίρετα λαβεῖν καὶ ἵππουσ καὶ ζεύγη καὶ τἆλλα· ὥστε ἱκανὸν εἶναι καὶ ἄλλον ἤδη εὖ ποιεῖν. ἐν τούτῳ Θίβρων παραγενόμενοσ παρέλαβε τὸ στράτευμα καὶ συμμείξασ τῷ ἄλλῳ Ἑλληνικῷ ἐπολέμει πρὸσ Τισσαφέρνην καὶ Φαρνάβαζον.

ἄρχοντεσ δὲ οἵδε τῆσ βασιλέωσ χώρασ ὅσην ἐπήλθομεν.

Λυδίασ Ἀρτίμασ, Φρυγίασ Ἀρτακάμασ, Λυκαονίασ καὶ Καππαδοκίασ Μιθραδάτησ, Κιλικίασ Συέννεσισ, Φοινίκησ καὶ Ἀραβίασ Δέρνησ, Συρίασ καὶ Ἀσσυρίασ Βέλεσυσ, Βαβυλῶνοσ Ῥωπάρασ, Μηδίασ Ἀρβάκασ, Φασιανῶν καὶ Ἑσπεριτῶν Τιρίβαζοσ· Καρδοῦχοι δὲ καὶ Χάλυβεσ καὶ Χαλδαῖοι καὶ Μάκρωνεσ καὶ Κόλχοι καὶ Μοσσύνοικοι καὶ Κοῖτοι καὶ Τιβαρηνοὶ αὐτόνομοι· Παφλαγονίασ Κορύλασ, Βιθυνῶν Φαρνάβαζοσ, τῶν ἐν Εὐρώπῃ Θρᾳκῶν Σεύθησ. ἀριθμὸσ συμπάσησ τῆσ ὁδοῦ τῆσ ἀναβάσεωσ καὶ καταβάσεωσ σταθμοὶ διακόσιοι δεκαπέντε, παρασάγγαι χίλιοι ἑκατὸν πεντήκοντα, στάδια τρισμύρια τετρακισχίλια διακόσια πεντήκοντα πέντε.

χρόνου πλῆθοσ τῆσ ἀναβάσεωσ καὶ καταβάσεωσ ἐνιαυτὸσ καὶ τρεῖσ μῆνεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Ζ, chapter 8

(크세노폰, Anabasis, Κύρου Ἀναβάσεωσ Ζ, chapter 8)

상위

목록

SEARCH

MENU NAVIGATION