Xenophon, Anabasis, Κύρου Ἀναβάσεωσ Ζ, chapter 5

(크세노폰, Anabasis, Κύρου Ἀναβάσεωσ Ζ, chapter 5)

ὑπερβάλλουσι δὲ πρὸσ τοὺσ ὑπὲρ Βυζαντίου Θρᾷκασ εἰσ τὸ Δέλτα καλούμενον· αὕτη δ’ ἦν οὐκέτι ἀρχὴ Μαισάδου, ἀλλὰ Τήρουσ τοῦ Ὀδρύσου ἀρχαίου τινόσ. καὶ ὁ Ἡρακλείδησ ἐνταῦθα ἔχων τὴν τιμὴν τῆσ λείασ παρῆν.

καὶ Σεύθησ ἐξαγαγὼν ζεύγη ἡμιονικὰ τρία οὐ γὰρ ἦν πλείω, τὰ δ’ ἄλλα βοεικά, καλέσασ Ξενοφῶντα ἐκέλευε λαβεῖν, τὰ δ’ ἄλλα διανεῖμαι τοῖσ στρατηγοῖσ καὶ λοχαγοῖσ. Ξενοφῶν δὲ εἶπεν·

ἐμοὶ τοίνυν ἀρκεῖ καὶ αὖθισ λαβεῖν· τούτοισ δὲ τοῖσ στρατηγοῖσ δωροῦ οἳ σὺν ἐμοὶ ἠκολούθησαν καὶ λοχαγοῖσ. καὶ τῶν ζευγῶν λαμβάνει ἓν μὲν Τιμασίων ὁ Δαρδανεύσ, ἓν δὲ Κλεάνωρ ὁ Ὀρχομένιοσ, ἓν δὲ Φρυνίσκοσ ὁ Ἀχαιόσ·

τὰ δὲ βοεικὰ ζεύγη τοῖσ λοχαγοῖσ κατεμερίσθη. τὸν δὲ μισθὸν ἀποδίδωσιν ἐξεληλυθότοσ ἤδη τοῦ μηνὸσ εἴκοσι μόνον ἡμερῶν· ὁ γὰρ Ἡρακλείδησ ἔλεγεν ὅτι οὐ πλέον ἐμπολήσαι. ὁ οὖν Ξενοφῶν ἀχθεσθεὶσ εἶπεν ἐπομόσασ·

δοκεῖσ μοι, ὦ Ἡρακλείδη, οὐχ ὡσ δεῖ κήδεσθαι Σεύθου· εἰ γὰρ ἐκήδου, ἧκεσ ἂν φέρων πλήρη τὸν μισθὸν καὶ προσδανεισάμενοσ, εἰ μὴ ἄλλωσ ἐδύνω, καὶ ἀποδόμενοσ τὰ σαυτοῦ ἱμάτια. ἐντεῦθεν ὁ Ἡρακλείδησ ἠχθέσθη τε καὶ ἔδεισε μὴ ἐκ τῆσ Σεύθου φιλίασ ἐκβληθείη, καὶ ὅ τι ἐδύνατο ἀπὸ ταύτησ τῆσ ἡμέρασ Ξενοφῶντα διέβαλλε πρὸσ Σεύθην.

οἱ μὲν δὴ στρατιῶται Ξενοφῶντι ἐνεκάλουν ὅτι οὐκ εἶχον τὸν μισθόν·

Σεύθησ δὲ ἤχθετο αὐτῷ ὅτι ἐντόνωσ τοῖσ στρατιώταισ ἀπῄτει τὸν μισθόν. καὶ τέωσ μὲν αἰεὶ ἐμέμνητο ὡσ, ἐπειδὰν ἐπὶ θάλατταν ἀπέλθῃ, παραδώσει αὐτῷ Βισάνθην καὶ Γάνον καὶ Νέον τεῖχοσ·

ἀπὸ δὲ τούτου τοῦ χρόνου οὐδενὸσ ἔτι τούτων ἐμέμνητο. ὁ γὰρ Ἡρακλείδησ καὶ τοῦτο διεβεβλήκει ὡσ οὐκ ἀσφαλὲσ εἰή τείχη παραδιδόναι ἀνδρὶ δύναμιν ἔχοντι. ἐκ τούτου ὁ μὲν Ξενοφῶν ἐβουλεύετο τί χρὴ ποιεῖν περὶ τοῦ ἔτι ἄνω στρατεύεσθαι·

ὁ δ’ Ἡρακλείδησ εἰσαγαγὼν τοὺσ ἄλλουσ στρατηγοὺσ πρὸσ Σεύθην λέγειν τε ἐκέλευεν αὐτοὺσ ὅτι οὐδὲν ἂν ἧττον σφεῖσ ἀγάγοιεν τὴν στρατιὰν ἢ Ξενοφῶν, τόν τε μισθὸν ὑπισχνεῖτο αὐτοῖσ ἐντὸσ ὀλίγων ἡμερῶν ἔκπλεων παρέσεσθαι δυοῖν μηνοῖν, καὶ συστρατεύεσθαι ἐκέλευε. καὶ ὁ Τιμασίων εἶπεν·

ἐγὼ μὲν τοίνυν οὐδ’ ἂν πέντε μηνῶν μισθὸσ μέλλῃ εἶναι στρατευσαίμην ἂν ἄνευ Ξενοφῶντοσ. καὶ ὁ Φρυνίσκοσ καὶ ὁ Κλεάνωρ συνωμολόγουν τῷ Τιμασίωνι. ἐντεῦθεν ὁ Σεύθησ ἐλοιδόρει τὸν Ἡρακλείδην ὅτι οὐ παρεκάλει καὶ Ξενοφῶντα.

ἐκ δὲ τούτου παρακαλοῦσιν αὐτὸν μόνον. ὁ δὲ γνοὺσ τοῦ Ἡρακλείδου τὴν πανουργίαν ὅτι βούλοιτο αὐτὸν διαβάλλειν πρὸσ τοὺσ ἄλλουσ στρατηγούσ, παρέρχεται λαβὼν τούσ τε στρατηγοὺσ πάντασ καὶ τοὺσ λοχαγούσ. καὶ ἐπεὶ πάντεσ ἐπείσθησαν, συνεστρατεύοντο καὶ ἀφικνοῦνται ἐν δεξιᾷ ἔχοντεσ τὸν Πόντον διὰ τῶν Μελινοφάγων καλουμένων Θρᾳκῶν εἰσ τὸν Σαλμυδησσόν.

ἔνθα τῶν εἰσ τὸν Πόντον πλεουσῶν νεῶν πολλαὶ ὀκέλλουσι καὶ ἐκπίπτουσι· τέναγοσ γάρ ἐστιν ἐπὶ πάμπολυ τῆσ θαλάττησ. καὶ Θρᾷκεσ οἱ κατὰ ταῦτα οἰκοῦντεσ στήλασ ὁρισάμενοι τὰ καθ’ αὑτοὺσ ἐκπίπτοντα ἕκαστοι λῄζονται·

τέωσ δὲ ἔλεγον πρὶν ὁρίσασθαι ἁρπάζοντασ πολλοὺσ ὑπ’ ἀλλήλων ἀποθνῄσκειν. ἐνταῦθα ηὑρίσκοντο πολλαὶ μὲν κλῖναι, πολλὰ δὲ κιβώτια, πολλαὶ δὲ βίβλοι γεγραμμέναι, καὶ τἆλλα πολλὰ ὅσα ἐν ξυλίνοισ τεύχεσι ναύκληροι ἄγουσιν.

ἐντεῦθεν ταῦτα καταστρεψάμενοι ἀπῇσαν πάλιν. ἔνθα δὴ Σεύθησ εἶχε στράτευμα ἤδη πλέον τοῦ Ἑλληνικοῦ·

ἔκ τε γὰρ Ὀδρυσῶν πολὺ ἔτι πλείουσ κατεβεβήκεσαν καὶ οἱ αἰεὶ πειθόμενοι συνεστρατεύοντο. κατηυλίσθησαν δ’ ἐν τῷ πεδίῳ ὑπὲρ Σηλυμβρίασ ὅσον τριάκοντα σταδίουσ ἀπέχοντεσ τῆσ θαλάττησ. καὶ μισθὸσ μὲν οὐδείσ πω ἐφαίνετο·

πρὸσ δὲ τὸν Ξενοφῶντα οἵ τε στρατιῶται παγχαλέπωσ εἶχον ὅ τε Σεύθησ οὐκέτι οἰκείωσ διέκειτο, ἀλλ’ ὁπότε συγγενέσθαι αὐτῷ βουλόμενοσ ἔλθοι, πολλαὶ ἤδη ἀσχολίαι ἐφαίνοντο.

일치하는 문장이 없습니다.

SEARCH

MENU NAVIGATION