헬라어 문장 검색 - ΧενοπήΑναβασί7́5́

(크세노폰, Anabasis, Κύρου Ἀναβάσεωσ Ζ, chapter 5)

ὑπερβάλλουσι δὲ πρὸσ τοὺσ ὑπὲρ Βυζαντίου Θρᾷκασ εἰσ τὸ Δέλτα καλούμενον· αὕτη δ’ ἦν οὐκέτι ἀρχὴ Μαισάδου, ἀλλὰ Τήρουσ τοῦ Ὀδρύσου ἀρχαίου τινόσ. καὶ ὁ Ἡρακλείδησ ἐνταῦθα ἔχων τὴν τιμὴν τῆσ λείασ παρῆν.

καὶ Σεύθησ ἐξαγαγὼν ζεύγη ἡμιονικὰ τρία οὐ γὰρ ἦν πλείω, τὰ δ’ ἄλλα βοεικά, καλέσασ Ξενοφῶντα ἐκέλευε λαβεῖν, τὰ δ’ ἄλλα διανεῖμαι τοῖσ στρατηγοῖσ καὶ λοχαγοῖσ. Ξενοφῶν δὲ εἶπεν·

ἐμοὶ τοίνυν ἀρκεῖ καὶ αὖθισ λαβεῖν· τούτοισ δὲ τοῖσ στρατηγοῖσ δωροῦ οἳ σὺν ἐμοὶ ἠκολούθησαν καὶ λοχαγοῖσ. καὶ τῶν ζευγῶν λαμβάνει ἓν μὲν Τιμασίων ὁ Δαρδανεύσ, ἓν δὲ Κλεάνωρ ὁ Ὀρχομένιοσ, ἓν δὲ Φρυνίσκοσ ὁ Ἀχαιόσ·

τὰ δὲ βοεικὰ ζεύγη τοῖσ λοχαγοῖσ κατεμερίσθη. τὸν δὲ μισθὸν ἀποδίδωσιν ἐξεληλυθότοσ ἤδη τοῦ μηνὸσ εἴκοσι μόνον ἡμερῶν· ὁ γὰρ Ἡρακλείδησ ἔλεγεν ὅτι οὐ πλέον ἐμπολήσαι. ὁ οὖν Ξενοφῶν ἀχθεσθεὶσ εἶπεν ἐπομόσασ·

δοκεῖσ μοι, ὦ Ἡρακλείδη, οὐχ ὡσ δεῖ κήδεσθαι Σεύθου· εἰ γὰρ ἐκήδου, ἧκεσ ἂν φέρων πλήρη τὸν μισθὸν καὶ προσδανεισάμενοσ, εἰ μὴ ἄλλωσ ἐδύνω, καὶ ἀποδόμενοσ τὰ σαυτοῦ ἱμάτια. ἐντεῦθεν ὁ Ἡρακλείδησ ἠχθέσθη τε καὶ ἔδεισε μὴ ἐκ τῆσ Σεύθου φιλίασ ἐκβληθείη, καὶ ὅ τι ἐδύνατο ἀπὸ ταύτησ τῆσ ἡμέρασ Ξενοφῶντα διέβαλλε πρὸσ Σεύθην.

οἱ μὲν δὴ στρατιῶται Ξενοφῶντι ἐνεκάλουν ὅτι οὐκ εἶχον τὸν μισθόν·

Σεύθησ δὲ ἤχθετο αὐτῷ ὅτι ἐντόνωσ τοῖσ στρατιώταισ ἀπῄτει τὸν μισθόν. καὶ τέωσ μὲν αἰεὶ ἐμέμνητο ὡσ, ἐπειδὰν ἐπὶ θάλατταν ἀπέλθῃ, παραδώσει αὐτῷ Βισάνθην καὶ Γάνον καὶ Νέον τεῖχοσ·

ἀπὸ δὲ τούτου τοῦ χρόνου οὐδενὸσ ἔτι τούτων ἐμέμνητο. ὁ γὰρ Ἡρακλείδησ καὶ τοῦτο διεβεβλήκει ὡσ οὐκ ἀσφαλὲσ εἰή τείχη παραδιδόναι ἀνδρὶ δύναμιν ἔχοντι. ἐκ τούτου ὁ μὲν Ξενοφῶν ἐβουλεύετο τί χρὴ ποιεῖν περὶ τοῦ ἔτι ἄνω στρατεύεσθαι·

ὁ δ’ Ἡρακλείδησ εἰσαγαγὼν τοὺσ ἄλλουσ στρατηγοὺσ πρὸσ Σεύθην λέγειν τε ἐκέλευεν αὐτοὺσ ὅτι οὐδὲν ἂν ἧττον σφεῖσ ἀγάγοιεν τὴν στρατιὰν ἢ Ξενοφῶν, τόν τε μισθὸν ὑπισχνεῖτο αὐτοῖσ ἐντὸσ ὀλίγων ἡμερῶν ἔκπλεων παρέσεσθαι δυοῖν μηνοῖν, καὶ συστρατεύεσθαι ἐκέλευε. καὶ ὁ Τιμασίων εἶπεν·

ἐγὼ μὲν τοίνυν οὐδ’ ἂν πέντε μηνῶν μισθὸσ μέλλῃ εἶναι στρατευσαίμην ἂν ἄνευ Ξενοφῶντοσ. καὶ ὁ Φρυνίσκοσ καὶ ὁ Κλεάνωρ συνωμολόγουν τῷ Τιμασίωνι. ἐντεῦθεν ὁ Σεύθησ ἐλοιδόρει τὸν Ἡρακλείδην ὅτι οὐ παρεκάλει καὶ Ξενοφῶντα.

ἐκ δὲ τούτου παρακαλοῦσιν αὐτὸν μόνον. ὁ δὲ γνοὺσ τοῦ Ἡρακλείδου τὴν πανουργίαν ὅτι βούλοιτο αὐτὸν διαβάλλειν πρὸσ τοὺσ ἄλλουσ στρατηγούσ, παρέρχεται λαβὼν τούσ τε στρατηγοὺσ πάντασ καὶ τοὺσ λοχαγούσ. καὶ ἐπεὶ πάντεσ ἐπείσθησαν, συνεστρατεύοντο καὶ ἀφικνοῦνται ἐν δεξιᾷ ἔχοντεσ τὸν Πόντον διὰ τῶν Μελινοφάγων καλουμένων Θρᾳκῶν εἰσ τὸν Σαλμυδησσόν.

ἔνθα τῶν εἰσ τὸν Πόντον πλεουσῶν νεῶν πολλαὶ ὀκέλλουσι καὶ ἐκπίπτουσι· τέναγοσ γάρ ἐστιν ἐπὶ πάμπολυ τῆσ θαλάττησ. καὶ Θρᾷκεσ οἱ κατὰ ταῦτα οἰκοῦντεσ στήλασ ὁρισάμενοι τὰ καθ’ αὑτοὺσ ἐκπίπτοντα ἕκαστοι λῄζονται·

τέωσ δὲ ἔλεγον πρὶν ὁρίσασθαι ἁρπάζοντασ πολλοὺσ ὑπ’ ἀλλήλων ἀποθνῄσκειν. ἐνταῦθα ηὑρίσκοντο πολλαὶ μὲν κλῖναι, πολλὰ δὲ κιβώτια, πολλαὶ δὲ βίβλοι γεγραμμέναι, καὶ τἆλλα πολλὰ ὅσα ἐν ξυλίνοισ τεύχεσι ναύκληροι ἄγουσιν.

ἐντεῦθεν ταῦτα καταστρεψάμενοι ἀπῇσαν πάλιν. ἔνθα δὴ Σεύθησ εἶχε στράτευμα ἤδη πλέον τοῦ Ἑλληνικοῦ·

ἔκ τε γὰρ Ὀδρυσῶν πολὺ ἔτι πλείουσ κατεβεβήκεσαν καὶ οἱ αἰεὶ πειθόμενοι συνεστρατεύοντο. κατηυλίσθησαν δ’ ἐν τῷ πεδίῳ ὑπὲρ Σηλυμβρίασ ὅσον τριάκοντα σταδίουσ ἀπέχοντεσ τῆσ θαλάττησ. καὶ μισθὸσ μὲν οὐδείσ πω ἐφαίνετο·

πρὸσ δὲ τὸν Ξενοφῶντα οἵ τε στρατιῶται παγχαλέπωσ εἶχον ὅ τε Σεύθησ οὐκέτι οἰκείωσ διέκειτο, ἀλλ’ ὁπότε συγγενέσθαι αὐτῷ βουλόμενοσ ἔλθοι, πολλαὶ ἤδη ἀσχολίαι ἐφαίνοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Ζ, chapter 5

(크세노폰, Anabasis, Κύρου Ἀναβάσεωσ Ζ, chapter 5)

상위

목록

SEARCH

MENU NAVIGATION