Xenophon, Anabasis, Κύρου Ἀναβάσεωσ Δ, chapter 5 25:

ἔνθα δὴ Πολυκράτησ Ἀθηναῖοσ λοχαγὸσ ἐκέλευσεν ἀφιέναι ἑαυτόν· καὶ λαβὼν τοὺσ εὐζώνουσ, θέων ἐπὶ τὴν κώμην ἣν εἰλήχει Ξενοφῶν καταλαμβάνει πάντασ ἔνδον τοὺσ κωμήτασ καὶ τὸν κώμαρχον, καὶ πώλουσ εἰσ δασμὸν βασιλεῖ τρεφομένουσ ἑπτακαίδεκα, καὶ τὴν θυγατέρα τοῦ κωμάρχου ἐνάτην ἡμέραν γεγαμημένην· ὁ δ’ ἀνὴρ αὐτῆσ λαγῶσ ᾤχετο θηράσων καὶ οὐχ ἥλω ἐν τῇ κώμῃ.