헬라어 문장 검색 - ΧενοπήΑναβασί4́5́

(크세노폰, Anabasis, Κύρου Ἀναβάσεωσ Δ, chapter 5)

τῇ δ’ ὑστεραίᾳ ἐδόκει πορευτέον εἶναι ὅπῃ δύναιντο τάχιστα πρὶν ἢ συλλεγῆναι τὸ στράτευμα πάλιν καὶ καταλαβεῖν τὰ στενά. συσκευασάμενοι δ’ εὐθὺσ ἐπορεύοντο διὰ χιόνοσ πολλῆσ ἡγεμόνασ ἔχοντεσ πολλούσ· καὶ αὐθημερὸν ὑπερβαλόντεσ τὸ ἄκρον ἐφ’ ᾧ ἔμελλεν ἐπιτίθεσθαι Τιρίβαζοσ κατεστρατοπεδεύσαντο. ἐντεῦθεν δ’ ἐπορεύθησαν σταθμοὺσ ἐρήμουσ τρεῖσ παρασάγγασ πεντεκαίδεκα ἐπὶ τὸν Εὐφράτην ποταμόν, καὶ διέβαινον αὐτὸν βρεχόμενοι πρὸσ τὸν ὀμφαλόν.

ἐλέγοντο δ’ οὐδὲ πηγαὶ πρόσω εἶναι.

ἐντεῦθεν ἐπορεύοντο διὰ χιόνοσ πολλῆσ καὶ πεδίου σταθμοὺσ τρεῖσ παρασάγγασ πεντεκαίδεκα. ὁ δὲ τρίτοσ ἐγένετο χαλεπὸσ καὶ ἄνεμοσ βορρᾶσ ἐναντίοσ ἔπνει παντάπασιν ἀποκαίων πάντα καὶ πηγνὺσ τοὺσ ἀνθρώπουσ. ἔνθα δὴ τῶν μάντεών τισ εἶπε σφαγιάσασθαι τῷ ἀνέμῳ, καὶ σφαγιάζεται·

καὶ πᾶσι δὴ περιφανῶσ ἔδοξεν λῆξαι τὸ χαλεπὸν τοῦ πνεύματοσ. ἦν δὲ τῆσ χιόνοσ τὸ βάθοσ ὀργυιά· ὥστε καὶ τῶν ὑποζυγίων καὶ τῶν ἀνδραπόδων πολλὰ ἀπώλετο καὶ τῶν στρατιωτῶν ὡσ τριάκοντα. διεγένοντο δὲ τὴν νύκτα πῦρ καίοντεσ·

ξύλα δ’ ἦν ἐν τῷ σταθμῷ πολλά· οἱ δὲ ὀψὲ προσιόντεσ ξύλα οὐκ εἶχον. οἱ οὖν πάλαι ἥκοντεσ καὶ τὸ πῦρ καίοντεσ οὐ προσίεσαν πρὸσ τὸ πῦρ τοὺσ ὀψίζοντασ, εἰ μὴ μεταδοῖεν αὐτοῖσ πυροὺσ ἢ ἄλλο τι εἴ τι ἔχοιεν βρωτόν. ἔνθα δὴ μετεδίδοσαν ἀλλήλοισ ὧν εἶχον ἕκαστοι.

ἔνθα δὲ τὸ πῦρ ἐκαίετο, διατηκομένησ τῆσ χιόνοσ βόθροι ἐγένοντο μεγάλοι ἔστε ἐπὶ τὸ δάπεδον· οὗ δὴ παρῆν μετρεῖν τὸ βάθοσ τῆσ χιόνοσ. ἐντεῦθεν δὲ τὴν ἐπιοῦσαν ἡμέραν ὅλην ἐπορεύοντο διὰ χιόνοσ, καὶ πολλοὶ τῶν ἀνθρώπων ἐβουλιμίασαν.

Ξενοφῶν δ’ ὀπισθοφυλακῶν καὶ καταλαμβάνων τοὺσ πίπτοντασ τῶν ἀνθρώπων ἠγνόει ὅ τι τὸ πάθοσ εἰή. ἐπειδὴ δὲ εἶπέ τισ αὐτῷ τῶν ἐμπείρων ὅτι σαφῶσ βουλιμιῶσι κἄν τι φάγωσιν ἀναστήσονται, περιιὼν περὶ τὰ ὑποζύγια, εἴ πού τι ὁρῴη βρωτόν, διεδίδου καὶ διέπεμπε διδόντασ τοὺσ δυναμένουσ περιτρέχειν τοῖσ βουλιμιῶσιν.

ἐπειδὴ δέ τι ἐμφάγοιεν, ἀνίσταντο καὶ ἐπορεύοντο.

πορευομένων δὲ Χειρίσοφοσ μὲν ἀμφὶ κνέφασ πρὸσ κώμην ἀφικνεῖται, καὶ ὑδροφορούσασ ἐκ τῆσ κώμησ πρὸσ τῇ κρήνῃ γυναῖκασ καὶ κόρασ καταλαμβάνει ἔμπροσθεν τοῦ ἐρύματοσ. αὗται ἠρώτων αὐτοὺσ τίνεσ εἰε͂ν.

ὁ δ’ ἑρμηνεὺσ εἶπε περσιστὶ ὅτι παρὰ βασιλέωσ πορεύονται πρὸσ τὸν σατράπην. αἱ δὲ ἀπεκρίναντο ὅτι οὐκ ἐνταῦθα εἰή, ἀλλ’ ἀπέχει ὅσον παρασάγγην. οἱ δ’, ἐπεὶ ὀψὲ ἦν, πρὸσ τὸν κώμαρχον συνεισέρχονται εἰσ τὸ ἔρυμα σὺν ταῖσ ὑδροφόροισ. Χειρίσοφοσ μὲν οὖν καὶ ὅσοι ἐδυνήθησαν τοῦ στρατεύματοσ ἐνταῦθα ἐστρατοπεδεύσαντο, τῶν δ’ ἄλλων στρατιωτῶν οἱ μὴ δυνάμενοι διατελέσαι τὴν ὁδὸν ἐνυκτέρευσαν ἄσιτοι καὶ ἄνευ πυρόσ·

καὶ ἐνταῦθά τινεσ ἀπώλοντο τῶν στρατιωτῶν. ἐφείποντο δὲ τῶν πολεμίων συνειλεγμένοι τινὲσ καὶ τὰ μὴ δυνάμενα τῶν ὑποζυγίων ἡρ́παζον καὶ ἀλλήλοισ ἐμάχοντο περὶ αὐτῶν.

ἐλείποντο δὲ τῶν στρατιωτῶν οἵ τε διεφθαρμένοι ὑπὸ τῆσ χιόνοσ τοὺσ ὀφθαλμοὺσ οἵ τε ὑπὸ τοῦ ψύχουσ τοὺσ δακτύλουσ τῶν ποδῶν ἀποσεσηπότεσ. ἦν δὲ τοῖσ μὲν ὀφθαλμοῖσ ἐπικούρημα τῆσ χιόνοσ εἴ τισ μέλαν τι ἔχων πρὸ τῶν ὀφθαλμῶν ἐπορεύετο, τῶν δὲ ποδῶν εἴ τισ κινοῖτο καὶ μηδέποτε ἡσυχίαν ἔχοι καὶ εἰσ τὴν νύκτα ὑπολύοιτο·

ὅσοι δὲ ὑποδεδεμένοι ἐκοιμῶντο, εἰσεδύοντο εἰσ τοὺσ πόδασ οἱ ἱμάντεσ καὶ τὰ ὑποδήματα περιεπήγνυντο·

καὶ γὰρ ἦσαν, ἐπειδὴ ἐπέλιπε τὰ ἀρχαῖα ὑποδήματα, καρβάτιναι πεποιημέναι ἐκ τῶν νεοδάρτων βοῶν. διὰ τὰσ τοιαύτασ οὖν ἀνάγκασ ὑπελείποντό τινεσ τῶν στρατιωτῶν·

καὶ ἰδόντεσ μέλαν τι χωρίον διὰ τὸ ἐκλελοιπέναι αὐτόθι τὴν χιόνα εἴκαζον τετηκέναι· καὶ ἐτετήκει διὰ κρήνην τινὰ ἣ πλησίον ἦν ἀτμίζουσα ἐν νάπῃ. ἐνταῦθ’ ἐκτραπόμενοι ἐκάθηντο καὶ οὐκ ἔφασαν πορεύεσθαι. ὁ δὲ Ξενοφῶν ἔχων ὀπισθοφύλακασ ὡσ ᾔσθετο, ἐδεῖτο αὐτῶν πάσῃ τέχνῃ καὶ μηχανῇ μὴ ἀπολείπεσθαι, λέγων ὅτι ἕπονται πολλοὶ πολέμιοι συνειλεγμένοι, καὶ τελευτῶν ἐχαλέπαινεν.

οἱ δὲ σφάττειν ἐκέλευον· οὐ γὰρ ἂν δύνασθαι πορευθῆναι. ἐνταῦθα ἔδοξε κράτιστον εἶναι τοὺσ ἑπομένουσ πολεμίουσ φοβῆσαι, εἴ τισ δύναιτο, μὴ ἐπίοιεν τοῖσ κάμνουσι.

καὶ ἦν μὲν σκότοσ ἤδη, οἱ δὲ προσῇσαν πολλῷ θορύβῳ ἀμφὶ ὧν εἶχον διαφερόμενοι. ἔνθα δὴ οἱ ὀπισθοφύλακεσ, ἅτε ὑγιαίνοντεσ, ἐξαναστάντεσ ἔδραμον εἰσ τοὺσ πολεμίουσ·

οἱ δὲ κάμνοντεσ ἀνακραγόντεσ ὅσον ἐδύναντο μέγιστον τὰσ ἀσπίδασ πρὸσ τὰ δόρατα ἔκρουσαν. οἱ δὲ πολέμιοι δείσαντεσ ἧκαν ἑαυτοὺσ κατὰ τῆσ χιόνοσ εἰσ τὴν νάπην, καὶ οὐδεὶσ ἔτι οὐδαμοῦ ἐφθέγξατο. καὶ Ξενοφῶν μὲν καὶ οἱ σὺν αὐτῷ εἰπόντεσ τοῖσ ἀσθενοῦσιν ὅτι τῇ ὑστεραίᾳ ἥξουσί τινεσ ἐπ’ αὐτούσ, πορευόμενοι πρὶν τέτταρα στάδια διελθεῖν ἐντυγχάνουσιν ἐν τῇ ὁδῷ ἀναπαυομένοισ ἐπὶ τῆσ χιόνοσ τοῖσ στρατιώταισ ἐγκεκαλυμμένοισ, καὶ οὐδὲ φυλακὴ οὐδεμία καθειστήκει·

καὶ ἀνίστασαν αὐτούσ. οἱ δ’ ἔλεγον ὅτι οἱ ἔμπροσθεν οὐχ ὑποχωροῖεν. ὁ δὲ παριὼν καὶ παραπέμπων τῶν πελταστῶν τοὺσ ἰσχυροτάτουσ ἐκέλευε σκέψασθαι τί εἰή τὸ κωλῦον.

οἱ δὲ ἀπήγγελλον ὅτι ὅλον οὕτωσ ἀναπαύοιτο τὸ στράτευμα. ἐνταῦθα καὶ οἱ περὶ Ξενοφῶντα ηὐλίσθησαν αὐτοῦ ἄνευ πυρὸσ καὶ ἄδειπνοι, φυλακὰσ οἱάσ ἐδύναντο καταστησάμενοι.

ἐπεὶ δὲ πρὸσ ἡμέραν ἦν, ὁ μὲν Ξενοφῶν πέμψασ πρὸσ τοὺσ ἀσθενοῦντασ τοὺσ νεωτάτουσ ἀναστήσαντασ ἐκέλευεν ἀναγκάζειν προϊέναι. ἐν δὲ τούτῳ Χειρίσοφοσ πέμπει τῶν ἐκ τῆσ κώμησ σκεψομένουσ πῶσ ἔχοιεν οἱ τελευταῖοι.

οἱ δὲ ἄσμενοι ἰδόντεσ τοὺσ μὲν ἀσθενοῦντασ τούτοισ παρέδοσαν κομίζειν ἐπὶ τὸ στρατόπεδον, αὐτοὶ δὲ ἐπορεύοντο, καὶ πρὶν εἴκοσι στάδια διεληλυθέναι ἦσαν πρὸσ τῇ κώμῃ ἔνθα Χειρίσοφοσ ηὐλίζετο. ἐπεὶ δὲ συνεγένοντο ἀλλήλοισ, ἔδοξε κατὰ τὰσ κώμασ ἀσφαλὲσ εἶναι τὰσ τάξεισ σκηνοῦν.

καὶ Χειρίσοφοσ μὲν αὐτοῦ ἔμενεν, οἱ δὲ ἄλλοι διαλαχόντεσ ἃσ ἑώρων κώμασ ἐπορεύοντο ἕκαστοι τοὺσ ἑαυτῶν ἔχοντεσ. ἔνθα δὴ Πολυκράτησ Ἀθηναῖοσ λοχαγὸσ ἐκέλευσεν ἀφιέναι ἑαυτόν·

καὶ λαβὼν τοὺσ εὐζώνουσ, θέων ἐπὶ τὴν κώμην ἣν εἰλήχει Ξενοφῶν καταλαμβάνει πάντασ ἔνδον τοὺσ κωμήτασ καὶ τὸν κώμαρχον, καὶ πώλουσ εἰσ δασμὸν βασιλεῖ τρεφομένουσ ἑπτακαίδεκα, καὶ τὴν θυγατέρα τοῦ κωμάρχου ἐνάτην ἡμέραν γεγαμημένην· ὁ δ’ ἀνὴρ αὐτῆσ λαγῶσ ᾤχετο θηράσων καὶ οὐχ ἥλω ἐν τῇ κώμῃ. αἱ δ’ οἰκίαι ἦσαν κατάγειοι, τὸ μὲν στόμα ὥσπερ φρέατοσ, κάτω δ’ εὐρεῖαι·

αἱ δὲ εἴσοδοι τοῖσ μὲν ὑποζυγίοισ ὀρυκταί, οἱ δὲ ἄνθρωποι κατέβαινον ἐπὶ κλίμακοσ. ἐν δὲ ταῖσ οἰκίαισ ἦσαν αἶγεσ, οἰε͂σ, βόεσ, ὄρνιθεσ, καὶ τὰ ἔκγονα τούτων· τὰ δὲ κτήνη πάντα χιλῷ ἔνδον ἐτρέφοντο. ἦσαν δὲ καὶ πυροὶ καὶ κριθαὶ καὶ ὄσπρια καὶ οἶνοσ κρίθινοσ ἐν κρατῆρσιν.

ἐνῆσαν δὲ καὶ αὐταὶ αἱ κριθαὶ ἰσοχειλεῖσ, καὶ κάλαμοι ἐνέκειντο, οἱ μὲν μείζουσ οἱ δὲ ἐλάττουσ, γόνατα οὐκ ἔχοντεσ· τούτουσ ἔδει ὁπότε τισ διψῴη λαβόντα εἰσ τὸ στόμα μύζειν.

καὶ πάνυ ἄκρατοσ ἦν, εἰ μή τισ ὕδωρ ἐπιχέοι· καὶ πάνυ ἡδὺ συμμαθόντι τὸ πῶμα ἦν. ὁ δὲ Ξενοφῶν τὸν ἄρχοντα τῆσ κώμησ ταύτησ σύνδειπνον ἐποιήσατο καὶ θαρρεῖν αὐτὸν ἐκέλευε λέγων ὅτι οὔτε τῶν τέκνων στερήσοιτο τήν τε οἰκίαν αὐτοῦ ἀντεμπλήσαντεσ τῶν ἐπιτηδείων ἀπίασιν, ἢν ἀγαθόν τι τῷ στρατεύματι ἐξηγησάμενοσ φαίνηται ἔστ’ ἂν ἐν ἄλλῳ ἔθνει γένωνται.

ὁ δὲ ταῦτα ὑπισχνεῖτο, καὶ φιλοφρονούμενοσ οἶνον ἔφρασεν ἔνθα ἦν κατορωρυγμένοσ.

ταύτην μὲν τὴν νύκτα διασκηνήσαντεσ οὕτωσ ἐκοιμήθησαν ἐν πᾶσιν ἀφθόνοισ πάντεσ οἱ στρατιῶται, ἐν φυλακῇ ἔχοντεσ τὸν κώμαρχον καὶ τὰ τέκνα αὐτοῦ ὁμοῦ ἐν ὀφθαλμοῖσ. τῇ δ’ ἐπιούσῃ ἡμέρᾳ Ξενοφῶν λαβὼν τὸν κώμαρχον πρὸσ Χειρίσοφον ἐπορεύετο·

ὅπου δὲ παρίοι κώμην, ἐτρέπετο πρὸσ τοὺσ ἐν ταῖσ κώμαισ καὶ κατελάμβανε πανταχοῦ εὐωχουμένουσ καὶ εὐθυμουμένουσ, καὶ οὐδαμόθεν ἀφίεσαν πρὶν παραθεῖναι αὐτοῖσ ἄριστον· οὐκ ἦν δ’ ὅπου οὐ παρετίθεσαν ἐπὶ τὴν αὐτὴν τράπεζαν κρέα ἄρνεια, ἐρίφεια, χοίρεια, μόσχεια, ὀρνίθεια, σὺν πολλοῖσ ἄρτοισ τοῖσ μὲν πυρίνοισ τοῖσ δὲ κριθίνοισ.

ὁπότε δέ τισ φιλοφρονούμενόσ τῳ βούλοιτο προπιεῖν, εἷλκεν ἐπὶ τὸν κρατῆρα, ἔνθεν ἐπικύψαντα ἔδει ῥοφοῦντα πίνειν ὥσπερ βοῦν.

καὶ τῷ κωμάρχῳ ἐδίδοσαν λαμβάνειν ὅ τι βούλοιτο. ὁ δὲ ἄλλο μὲν οὐδὲν ἐδέχετο, ὅπου δέ τινα τῶν συγγενῶν ἴδοι, πρὸσ ἑαυτὸν ἀεὶ ἐλάμβανεν. ἐπεὶ δ’ ἦλθον πρὸσ Χειρίσοφον, κατελάμβανον κἀκείνουσ σκηνοῦντασ ἐστεφανωμένουσ τοῦ ξηροῦ χιλοῦ στεφάνοισ, καὶ διακονοῦντασ Ἀρμενίουσ παῖδασ σὺν ταῖσ βαρβαρικαῖσ στολαῖσ·

τοῖσ παισὶν ἐδείκνυσαν ὥσπερ ἐνεοῖσ ὅ τι δέοι ποιεῖν. ἐπεὶ δ’ ἀλλήλουσ ἐφιλοφρονήσαντο Χειρίσοφοσ καὶ Ξενοφῶν, κοινῇ δὴ ἀνηρώτων τὸν κώμαρχον διὰ τοῦ περσίζοντοσ ἑρμηνέωσ τίσ εἰή ἡ χώρα.

ὁ δ’ ἔλεγεν ὅτι Ἀρμενία. καὶ πάλιν ἠρώτων τίνι οἱ ἵπποι τρέφονται. ὁ δ’ ἔλεγεν ὅτι βασιλεῖ δασμόσ· τὴν δὲ πλησίον χώραν ἔφη εἶναι Χάλυβασ, καὶ τὴν ὁδὸν ἔφραζεν ᾗ εἰή. καὶ αὐτὸν τότε μὲν ᾤχετο ἄγων ὁ Ξενοφῶν πρὸσ τοὺσ ἑαυτοῦ οἰκέτασ, καὶ ἵππον ὃν εἰλήφει παλαίτερον δίδωσι τῷ κωμάρχῳ ἀναθρέψαντι καταθῦσαι, ὅτι ἤκουεν αὐτὸν ἱερὸν εἶναι τοῦ Ἡλίου, δεδιὼσ μὴ ἀποθάνῃ·

ἐκεκάκωτο γὰρ ὑπὸ τῆσ πορείασ· αὐτὸσ δὲ τῶν πώλων λαμβάνει, καὶ τῶν ἄλλων στρατηγῶν καὶ λοχαγῶν ἔδωκεν ἑκάστῳ πῶλον. ἦσαν δ’ οἱ ταύτῃ ἵπποι μείονεσ μὲν τῶν Περσικῶν, θυμοειδέστεροι δὲ πολύ.

ἐνταῦθα δὴ καὶ διδάσκει ὁ κώμαρχοσ περὶ τοὺσ πόδασ τῶν ἵππων καὶ τῶν ὑποζυγίων σακία περιειλεῖν, ὅταν διὰ τῆσ χιόνοσ ἄγωσιν· ἄνευ γὰρ τῶν σακίων κατεδύοντο μέχρι τῆσ γαστρόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Δ, chapter 5

(크세노폰, Anabasis, Κύρου Ἀναβάσεωσ Δ, chapter 5)

상위

목록

SEARCH

MENU NAVIGATION