Xenophon, Anabasis, Κύρου Ἀναβάσεωσ Δ, chapter 2

(크세노폰, Anabasis, Κύρου Ἀναβάσεωσ Δ, chapter 2)

καὶ ἦν μὲν δείλη, οἱ δ’ ἐκέλευον αὐτοὺσ ἐμφαγόντασ πορεύεσθαι. καὶ τὸν ἡγεμόνα δήσαντεσ παραδιδόασιν αὐτοῖσ, καὶ συντίθενται τὴν μὲν νύκτα, ἢν λάβωσι τὸ ἄκρον, τὸ χωρίον φυλάττειν, ἅμα δὲ τῇ ἡμέρᾳ τῇ σάλπιγγι σημαίνειν· καὶ τοὺσ μὲν ἄνω ὄντασ ἰέναι ἐπὶ τοὺσ κατέχοντασ τὴν φανερὰν ἔκβασιν, αὐτοὶ δὲ συμβοηθήσειν ἐκβαίνοντεσ ὡσ ἂν δύνωνται τάχιστα. ταῦτα συνθέμενοι οἱ μὲν ἐπορεύοντο πλῆθοσ ὡσ δισχίλιοι·

καὶ ὕδωρ πολὺ ἦν ἐξ οὐρανοῦ· Ξενοφῶν δὲ ἔχων τοὺσ ὀπισθοφύλακασ ἡγεῖτο πρὸσ τὴν φανερὰν ἔκβασιν, ὅπωσ ταύτῃ τῇ ὁδῷ οἱ πολέμιοι προσέχοιεν τὸν νοῦν καὶ ὡσ μάλιστα λάθοιεν οἱ περιιόντεσ. ἐπεὶ δὲ ἦσαν ἐπὶ χαράδρᾳ οἱ ὀπισθοφύλακεσ ἣν ἔδει διαβάντασ πρὸσ τὸ ὄρθιον ἐκβαίνειν, τηνικαῦτα ἐκύλινδον οἱ βάρβαροι ὁλοιτρόχουσ ἁμαξιαίουσ καὶ μείζουσ καὶ ἐλάττουσ, οἳ φερόμενοι πρὸσ τὰσ πέτρασ παίοντεσ διεσφενδονῶντο·

καὶ παντάπασιν οὐδὲ πελάσαι οἱο͂́ν τ’ ἦν τῇ εἰσόδῳ. ἔνιοι δὲ τῶν λοχαγῶν, εἰ μὴ ταύτῃ δύναιντο, ἄλλῃ ἐπειρῶντο·

καὶ ταῦτα ἐποίουν μέχρι σκότοσ ἐγένετο· ἐπεὶ δὲ ᾤοντο ἀφανεῖσ εἶναι ἀπιόντεσ, τότε ἀπῆλθον ἐπὶ τὸ δεῖπνον· ἐτύγχανον δὲ καὶ ἀνάριστοι ὄντεσ αὐτῶν οἱ ὀπισθοφυλακήσαντεσ. οἱ μέντοι πολέμιοι οὐδὲν ἐπαύσαντο δι’ ὅλησ τῆσ νυκτὸσ κυλίνδοντεσ τοὺσ λίθουσ· τεκμαίρεσθαι δ’ ἦν τῷ ψόφῳ. οἱ δ’ ἔχοντεσ τὸν ἡγεμόνα κύκλῳ περιιόντεσ καταλαμβάνουσι τοὺσ φύλακασ ἀμφὶ πῦρ καθημένουσ·

καὶ τοὺσ μὲν κατακαίνοντεσ τοὺσ δὲ καταδιώξαντεσ αὐτοὶ ἐνταῦθ’ ἔμενον ὡσ τὸ ἄκρον κατέχοντεσ. οἱ δ’ οὐ κατεῖχον, ἀλλὰ μαστὸσ ἦν ὑπὲρ αὐτῶν παρ’ ὃν ἦν ἡ στενὴ αὕτη ὁδὸσ ἐφ’ ᾗ ἐκάθηντο οἱ φύλακεσ.

ἔφοδοσ μέντοι αὐτόθεν ἐπὶ τοὺσ πολεμίουσ ἦν οἳ ἐπὶ τῇ φανερᾷ ὁδῷ ἐκάθηντο. καὶ τὴν μὲν νύκτα ἐνταῦθα διήγαγον·

ἐπεὶ δ’ ἡμέρα ὑπέφαινεν, ἐπορεύοντο σιγῇ συντεταγμένοι ἐπὶ τοὺσ πολεμίουσ· καὶ γὰρ ὁμίχλη ἐγένετο, ὥστ’ ἔλαθον ἐγγὺσ προσελθόντεσ. ἐπεὶ δὲ εἶδον ἀλλήλουσ, ἥ τε σάλπιγξ ἐφθέγξατο καὶ ἀλαλάξαντεσ ἱέντο ἐπὶ τοὺσ ἀνθρώπουσ· οἱ δὲ οὐκ ἐδέξαντο, ἀλλὰ λιπόντεσ τὴν ὁδὸν φεύγοντεσ ὀλίγοι ἀπέθνῃσκον· εὔζωνοι γὰρ ἦσαν. οἱ δὲ ἀμφὶ Χειρίσοφον ἀκούσαντεσ τῆσ σάλπιγγοσ εὐθὺσ ἱέντο ἄνω κατὰ τὴν φανερὰν ὁδόν·

ἄλλοι δὲ τῶν στρατηγῶν κατὰ ἀτριβεῖσ ὁδοὺσ ἐπορεύοντο ᾗ ἔτυχον ἕκαστοι ὄντεσ, καὶ ἀναβάντεσ ὡσ ἐδύναντο ἀνίμων ἀλλήλουσ τοῖσ δόρασι. καὶ οὗτοι πρῶτοι συνέμειξαν τοῖσ προκαταλαβοῦσι τὸ χωρίον.

Ξενοφῶν δὲ ἔχων τῶν ὀπισθοφυλάκων τοὺσ ἡμίσεισ ἐπορεύετο ᾗπερ οἱ τὸν ἡγεμόνα ἔχοντεσ· εὐοδωτάτη γὰρ ἦν τοῖσ ὑποζυγίοισ· τοὺσ δὲ ἡμίσεισ ὄπισθεν τῶν ὑποζυγίων ἔταξε. πορευόμενοι δ’ ἐντυγχάνουσι λόφῳ ὑπὲρ τῆσ ὁδοῦ κατειλημμένῳ ὑπὸ τῶν πολεμίων, οὓσ ἢ ἀποκόψαι ἦν ἀνάγκη ἢ διεζεῦχθαι ἀπὸ τῶν ἄλλων Ἑλλήνων.

καὶ αὐτοὶ μὲν ἂν ἐπορεύθησαν ᾗπερ οἱ ἄλλοι, τὰ δὲ ὑποζύγια οὐκ ἦν ἄλλῃ ἢ ταύτῃ ἐκβῆναι. ἔνθα δὴ παρακελευσάμενοι ἀλλήλοισ προσβάλλουσι πρὸσ τὸν λόφον ὀρθίοισ τοῖσ λόχοισ, οὐ κύκλῳ ἀλλὰ καταλιπόντεσ ἄφοδον τοῖσ πολεμίοισ, εἰ βούλοιντο φεύγειν.

καὶ τέωσ μὲν αὐτοὺσ ἀναβαίνοντασ ὅπῃ ἐδύναντο ἕκαστοσ οἱ βάρβαροι ἐτόξευον καὶ ἔβαλλον, ἐγγὺσ δ’ οὐ προσίεντο, ἀλλὰ φυγῇ λείπουσι τὸ χωρίον.

καὶ τοῦτόν τε παρεληλύθεσαν οἱ Ἕλληνεσ καὶ ἕτερον ὁρῶσιν ἔμπροσθεν λόφον κατεχόμενον ἐπὶ τοῦτον αὖθισ ἐδόκει πορεύεσθαι. ἐννοήσασ δ’ ὁ Ξενοφῶν μή, εἰ ἔρημον καταλίποι τὸν ἡλωκότα λόφον, καὶ πάλιν λαβόντεσ οἱ πολέμιοι ἐπιθοῖντο τοῖσ ὑποζυγίοισ παριοῦσιν ἐπὶ πολὺ δ’ ἦν τὰ ὑποζύγια ἅτε διὰ στενῆσ τῆσ ὁδοῦ πορευόμενα, καταλείπει ἐπὶ τοῦ λόφου λοχαγοὺσ Κηφισόδωρον Κηφισοφῶντοσ Ἀθηναῖον καὶ Ἀμφικράτην Ἀμφιδήμου Ἀθηναῖον καὶ Ἀρχαγόραν Ἀργεῖον φυγάδα, αὐτὸσ δὲ σὺν τοῖσ λοιποῖσ ἐπορεύετο ἐπὶ τὸν δεύτερον λόφον, καὶ τῷ αὐτῷ τρόπῳ καὶ τοῦτον αἱροῦσιν.

ἔτι δ’ αὐτοῖσ τρίτοσ μαστὸσ λοιπὸσ ἦν πολὺ ὀρθιώτατοσ ὁ ὑπὲρ τῆσ ἐπὶ τῷ πυρὶ καταληφθείσησ φυλακῆσ τῆσ νυκτὸσ ὑπὸ τῶν ἐθελοντῶν.

ἐπεὶ δ’ ἐγγὺσ ἐγένοντο οἱ Ἕλληνεσ, λείπουσιν οἱ βάρβαροι ἀμαχητὶ τὸν μαστόν, ὥστε θαυμαστὸν πᾶσι γενέσθαι καὶ ὑπώπτευον δείσαντασ αὐτοὺσ μὴ κυκλωθέντεσ πολιορκοῖντο ἀπολιπεῖν.

οἱ δ’ ἄρα ἀπὸ τοῦ ἄκρου καθορῶντεσ τὰ ὄπισθεν γιγνόμενα πάντεσ ἐπὶ τοὺσ ὀπισθοφύλακασ ἐχώρουν. καὶ Ξενοφῶν μὲν σὺν τοῖσ νεωτάτοισ ἀνέβαινεν ἐπὶ τὸ ἄκρον, τοὺσ δὲ ἄλλουσ ἐκέλευσεν ὑπάγειν, ὅπωσ οἱ τελευταῖοι λόχοι προσμείξειαν, καὶ προελθόντασ κατὰ τὴν ὁδὸν ἐν τῷ ὁμαλῷ θέσθαι τὰ ὅπλα εἶπε.

καὶ ἐν τούτῳ τῷ χρόνῳ ἦλθεν Ἀρχαγόρασ ὁ Ἀργεῖοσ πεφευγὼσ καὶ λέγει ὡσ ἀπεκόπησαν ἀπὸ τοῦ λόφου καὶ ὅτι τεθνᾶσι Κηφισόδωροσ καὶ Ἀμφικράτησ καὶ ἄλλοι ὅσοι μὴ ἁλόμενοι κατὰ τῆσ πέτρασ πρὸσ τοὺσ ὀπισθοφύλακασ ἀφίκοντο.

ταῦτα δὲ διαπραξάμενοι οἱ βάρβαροι ἧκον ἐπ’ ἀντίπορον λόφον τῷ μαστῷ·

καὶ ὁ Ξενοφῶν διελέγετο αὐτοῖσ δι’ ἑρμηνέωσ περὶ σπονδῶν καὶ τοὺσ νεκροὺσ ἀπῄτει. οἱ δὲ ἔφασαν ἀποδώσειν ἐφ’ ᾧ μὴ καίειν τὰσ οἰκίασ.

συνωμολόγει ταῦτα ὁ Ξενοφῶν. ἐν ᾧ δὲ τὸ μὲν ἄλλο στράτευμα παρῄει, οἱ δὲ ταῦτα διελέγοντο, πάντεσ οἱ ἐκ τούτου τοῦ τόπου συνερρύησαν· ἐνταῦθα ἵσταντο οἱ πολέμιοι. καὶ ἐπεὶ ἤρξαντο καταβαίνειν ἀπὸ τοῦ μαστοῦ πρὸσ τοὺσ ἄλλουσ ἔνθα τὰ ὅπλα ἔκειντο, ἱέντο δὴ οἱ πολέμιοι πολλῷ πλήθει καὶ θορύβῳ·

καὶ ἐπεὶ ἐγένοντο ἐπὶ τῆσ κορυφῆσ τοῦ μαστοῦ ἀφ’ οὗ Ξενοφῶν κατέβαινεν, ἐκυλίνδουν πέτρουσ· καὶ ἑνὸσ μὲν κατέαξαν τὸ σκέλοσ, Ξενοφῶντα δὲ ὁ ὑπασπιστὴσ ἔχων τὴν ἀσπίδα ἀπέλιπεν· Εὐρύλοχοσ δὲ Λουσιεὺσ Ἀρκὰσ προσέδραμεν αὐτῷ ὁπλίτησ, καὶ πρὸ ἀμφοῖν προβεβλημένοσ ἀπεχώρει, καὶ οἱ ἄλλοι πρὸσ τοὺσ συντεταγμένουσ ἀπῆλθον.

ἐκ δὲ τούτου πᾶν ὁμοῦ ἐγένετο τὸ Ἑλληνικόν, καὶ ἐσκήνησαν αὐτοῦ ἐν πολλαῖσ καὶ καλαῖσ οἰκίαισ καὶ ἐπιτηδείοισ δαψιλέσι·

καὶ γὰρ οἶνοσ πολὺσ ἦν, ὥστε ἐν λάκκοισ κονιατοῖσ εἶχον. Ξενοφῶν δὲ καὶ Χειρίσοφοσ διεπράξαντο ὥστε λαβόντεσ τοὺσ νεκροὺσ ἀπέδοσαν τὸν ἡγεμόνα·

καὶ πάντα ἐποίησαν τοῖσ ἀποθανοῦσιν ἐκ τῶν δυνατῶν ὥσπερ νομίζεται ἀνδράσιν ἀγαθοῖσ. τῇ δὲ ὑστεραίᾳ ἄνευ ἡγεμόνοσ ἐπορεύοντο·

μαχόμενοι δ’ οἱ πολέμιοι καὶ ὅπῃ εἰή στενὸν χωρίον προκαταλαμβάνοντεσ ἐκώλυον τὰσ παρόδουσ. ὁπότε μὲν οὖν τοὺσ πρώτουσ κωλύοιεν, Ξενοφῶν ὄπισθεν ἐκβαίνων πρὸσ τὰ ὄρη ἔλυε τὴν ἀπόφραξιν τῆσ ὁδοῦ τοῖσ πρώτοισ ἀνωτέρω πειρώμενοσ γίγνεσθαι τῶν κωλυόντων, ὁπότε δὲ τοῖσ ὄπισθεν ἐπιθοῖντο, Χειρίσοφοσ ἐκβαίνων καὶ πειρώμενοσ ἀνωτέρω γίγνεσθαι τῶν κωλυόντων ἔλυε τὴν ἀπόφραξιν τῆσ παρόδου τοῖσ ὄπισθεν·

καὶ ἀεὶ οὕτωσ ἐβοήθουν ἀλλήλοισ καὶ ἰσχυρῶσ ἀλλήλων ἐπεμέλοντο.

ἦν δὲ καὶ ὁπότε αὐτοῖσ τοῖσ ἀναβᾶσι πολλὰ πράγματα παρεῖχον οἱ βάρβαροι πάλιν καταβαίνουσιν·

ἐλαφροὶ γὰρ ἦσαν ὥστε καὶ ἐγγύθεν φεύγοντεσ ἀποφεύγειν· οὐδὲν γὰρ εἶχον ἄλλο ἢ τόξα καὶ σφενδόνασ. ἄριστοι δὲ καὶ τοξόται ἦσαν·

εἶχον δὲ τόξα ἐγγὺσ τριπήχη, τὰ δὲ τοξεύματα πλέον ἢ διπήχη· εἷλκον δὲ τὰσ νευρὰσ ὁπότε τοξεύοιεν πρὸσ τὸ κάτω τοῦ τόξου τῷ ἀριστερῷ ποδὶ προσβαίνοντεσ. τὰ δὲ τοξεύματα ἐχώρει διὰ τῶν ἀσπίδων καὶ διὰ τῶν θωράκων. ἐχρῶντο δὲ αὐτοῖσ οἱ Ἕλληνεσ, ἐπεὶ λάβοιεν, ἀκοντίοισ ἐναγκυλῶντεσ. ἐν τούτοισ τοῖσ χωρίοισ οἱ Κρῆτεσ χρησιμώτατοι ἐγένοντο. ἦρχε δὲ αὐτῶν Στρατοκλῆσ Κρήσ.

일치하는 문장이 없습니다.

SEARCH

MENU NAVIGATION