헬라어 문장 검색 - ΧενοπήΑναβασί4́6́

(크세노폰, Anabasis, Κύρου Ἀναβάσεωσ Δ, chapter 6)

ἐπεὶ δ’ ἡμέρα ἦν ὀγδόη, τὸν μὲν ἡγεμόνα παραδίδωσι Χειρισόφῳ, τοὺσ δὲ οἰκέτασ καταλείπει τῷ κωμάρχῳ, πλὴν τοῦ υἱοῦ τοῦ ἄρτι ἡβάσκοντοσ· τοῦτον δὲ Πλεισθένει Ἀμφιπολίτῃ δίδωσι φυλάττειν, ὅπωσ εἰ καλῶσ ἡγήσοιτο, ἔχων καὶ τοῦτον ἀπίοι. καὶ εἰσ τὴν οἰκίαν αὐτοῦ εἰσεφόρησαν ὡσ ἐδύναντο πλεῖστα, καὶ ἀναζεύξαντεσ ἐπορεύοντο. ἡγεῖτο δ’ αὐτοῖσ ὁ κώμαρχοσ λελυμένοσ διὰ χιόνοσ·

καὶ ἤδη τε ἦν ἐν τῷ τρίτῳ σταθμῷ, καὶ Χειρίσοφοσ αὐτῷ ἐχαλεπάνθη ὅτι οὐκ εἰσ κώμασ ἤγαγεν. ὁ δ’ ἔλεγεν ὅτι οὐκ εἰε͂ν ἐν τῷ τόπῳ τούτῳ. ὁ δὲ Χειρίσοφοσ αὐτὸν ἔπαισεν, ἔδησε δ’ οὔ.

ἐκ δὲ τούτου ἐκεῖνοσ τῆσ νυκτὸσ ἀποδρὰσ ᾤχετο καταλιπὼν τὸν υἱόν. τοῦτό γε δὴ Χειρισόφῳ καὶ Ξενοφῶντι μόνον διάφορον ἐν τῇ πορείᾳ ἐγένετο, ἡ τοῦ ἡγεμόνοσ κάκωσισ καὶ ἀμέλεια. Πλεισθένησ δὲ ἠράσθη τοῦ παιδὸσ καὶ οἴκαδε κομίσασ πιστοτάτῳ ἐχρῆτο. μετὰ τοῦτο ἐπορεύθησαν ἑπτὰ σταθμοὺσ ἀνὰ πέντε παρασάγγασ τῆσ ἡμέρασ παρὰ τὸν Φᾶσιν ποταμόν, εὖροσ πλεθριαῖον.

ἐντεῦθεν ἐπορεύθησαν σταθμοὺσ δύο παρασάγγασ δέκα·

ἐπὶ δὲ τῇ εἰσ τὸ πεδίον ὑπερβολῇ ἀπήντησαν αὐτοῖσ Χάλυβεσ καὶ Τάοχοι καὶ Φασιανοί. Χειρίσοφοσ δ’ ἐπεὶ κατεῖδε τοὺσ πολεμίουσ ἐπὶ τῇ ὑπερβολῇ, ἐπαύσατο πορευόμενοσ, ἀπέχων εἰσ τριάκοντα σταδίουσ, ἵνα μὴ κατὰ κέρασ ἄγων πλησιάσῃ τοῖσ πολεμίοισ·

παρήγγειλε δὲ καὶ τοῖσ ἄλλοισ παράγειν τοὺσ λόχουσ, ὅπωσ ἐπὶ φάλαγγοσ γένοιτο τὸ στράτευμα. ἐπεὶ δὲ ἦλθον οἱ ὀπισθοφύλακεσ, συνεκάλεσε στρατηγοὺσ καὶ λοχαγούσ, καὶ ἔλεξεν ὧδε.

οἱ μὲν πολέμιοι, ὡσ ὁρᾶτε, κατέχουσι τὰσ ὑπερβολὰσ τοῦ ὄρουσ· ὡρ́α δὲ βουλεύεσθαι ὅπωσ ὡσ κάλλιστα ἀγωνιούμεθα. ἐμοὶ μὲν οὖν δοκεῖ παραγγεῖλαι μὲν ἀριστοποιεῖσθαι τοῖσ στρατιώταισ, ἡμᾶσ δὲ βουλεύεσθαι εἴτε τήμερον εἴτε αὔριον δοκεῖ ὑπερβάλλειν τὸ ὄροσ.

ἐμοὶ δέ γε, ἔφη ὁ Κλεάνωρ, δοκεῖ, ἐπὰν τάχιστα ἀριστήσωμεν, ἐξοπλισαμένουσ ὡσ κράτιστα ἰέναι ἐπὶ τοὺσ ἄνδρασ.

εἰ γὰρ διατρίψομεν τὴν τήμερον ἡμέραν, οἵ τε νῦν ἡμᾶσ ὁρῶντεσ πολέμιοι θαρραλεώτεροι ἔσονται καὶ ἄλλουσ εἰκὸσ τούτων θαρρούντων πλείουσ προσγενέσθαι. μετὰ τοῦτον Ξενοφῶν εἶπεν·

ἐγὼ δ’ οὕτω γιγνώσκω. εἰ μὲν ἀνάγκη ἐστὶ μάχεσθαι, τοῦτο δεῖ παρασκευάσασθαι, ὅπωσ ὡσ κράτιστα μαχούμεθα· εἰ δὲ βουλόμεθα ὡσ ῥᾷστα ὑπερβάλλειν, τοῦτό μοι δοκεῖ σκεπτέον εἶναι, ὅπωσ <ὡσ> ἐλάχιστα μὲν τραύματα λάβωμεν, ὡσ ἐλάχιστα δὲ σώματα ἀνδρῶν ἀποβάλωμεν. τὸ μὲν οὖν ὄροσ ἐστὶ τὸ ὁρώμενον πλέον ἢ ἐφ’ ἑξήκοντα στάδια, ἄνδρεσ δ’ οὐδαμοῦ φυλάττοντεσ ἡμᾶσ φανεροί εἰσιν ἀλλ’ ἢ κατ’ αὐτὴν τὴν ὁδόν·

πολὺ οὖν κρεῖττον τοῦ ἐρήμου ὄρουσ καὶ κλέψαι τι πειρᾶσθαι λαθόντασ καὶ ἁρπάσαι φθάσαντασ, εἰ δυναίμεθα, μᾶλλον ἢ πρὸσ ἰσχυρὰ χωρία καὶ ἀνθρώπουσ παρεσκευασμένουσ μάχεσθαι. πολὺ γὰρ ῥᾷον ὄρθιον ἀμαχεὶ ἰέναι ἢ ὁμαλὲσ ἔνθεν καὶ ἔνθεν πολεμίων ὄντων, καὶ νύκτωρ ἀμαχεὶ μᾶλλον ἂν τὰ πρὸ ποδῶν ὁρῴη τισ ἢ μεθ’ ἡμέραν μαχόμενοσ, καὶ ἡ τραχεῖα τοῖσ ποσὶν ἀμαχεὶ ἰοῦσιν εὐμενεστέρα ἢ ἡ ὁμαλὴ τὰσ κεφαλὰσ βαλλομένοισ.

καὶ κλέψαι δ’ οὐκ ἀδύνατόν μοι δοκεῖ εἶναι, ἐξὸν μὲν νυκτὸσ ἰέναι, ὡσ μὴ ὁρᾶσθαι, ἐξὸν δ’ ἀπελθεῖν τοσοῦτον ὡσ μὴ αἴσθησιν παρέχειν.

δοκοῦμεν δ’ ἄν μοι ταύτῃ προσποιούμενοι προσβάλλειν ἐρημοτέρῳ ἂν τῷ ὄρει χρῆσθαι· μένοιεν γὰρ <ἂν> αὐτοῦ μᾶλλον ἁθρόοι οἱ πολέμιοι. ἀτὰρ τί ἐγὼ περὶ κλοπῆσ συμβάλλομαι;

ὑμᾶσ γὰρ ἔγωγε, ὦ Χειρίσοφε, ἀκούω τοὺσ Λακεδαιμονίουσ ὅσοι ἐστὲ τῶν ὁμοίων εὐθὺσ ἐκ παίδων κλέπτειν μελετᾶν, καὶ οὐκ αἰσχρὸν εἶναι ἀλλὰ καλὸν κλέπτειν ὅσα μὴ κωλύει νόμοσ. ὅπωσ δὲ ὡσ κράτιστα κλέπτητε καὶ πειρᾶσθε λανθάνειν, νόμιμον ἄρα ὑμῖν ἐστιν, ἐὰν ληφθῆτε κλέπτοντεσ, μαστιγοῦσθαι.

νῦν οὖν μάλα σοι καιρόσ ἐστιν ἐπιδείξασθαι τὴν παιδείαν, καὶ φυλάξασθαι μὴ ληφθῶμεν κλέπτοντεσ τοῦ ὄρουσ, ὡσ μὴ πληγὰσ λάβωμεν. ἀλλὰ μέντοι, ἔφη ὁ Χειρίσοφοσ, κἀγὼ ὑμᾶσ τοὺσ Ἀθηναίουσ ἀκούω δεινοὺσ εἶναι κλέπτειν τὰ δημόσια, καὶ μάλα ὄντοσ δεινοῦ κινδύνου τῷ κλέπτοντι, καὶ τοὺσ κρατίστουσ μέντοι μάλιστα, εἴπερ ὑμῖν οἱ κράτιστοι ἄρχειν ἀξιοῦνται·

ὥστε ὡρ́α καὶ σοὶ ἐπιδείκνυσθαι τὴν παιδείαν. ἐγὼ μὲν τοίνυν, ἔφη ὁ Ξενοφῶν, ἕτοιμόσ εἰμι τοὺσ ὀπισθοφύλακασ ἔχων, ἐπειδὰν δειπνήσωμεν, ἰέναι καταληψόμενοσ τὸ ὄροσ.

ἔχω δὲ καὶ ἡγεμόνασ· οἱ γὰρ γυμνῆτεσ τῶν ἑπομένων ἡμῖν κλωπῶν ἔλαβόν τινασ ἐνεδρεύσαντεσ· τούτων καὶ πυνθάνομαι ὅτι οὐκ ἄβατόν ἐστι τὸ ὄροσ, ἀλλὰ νέμεται αἰξὶ καὶ βουσίν· ὥστε ἐάνπερ ἅπαξ λάβωμέν τι τοῦ ὄρουσ, βατὰ καὶ τοῖσ ὑποζυγίοισ ἔσται. ἐλπίζω δὲ οὐδὲ τοὺσ πολεμίουσ μενεῖν ἔτι, ἐπειδὰν ἴδωσιν ἡμᾶσ ἐν τῷ ὁμοίῳ ἐπὶ τῶν ἄκρων·

οὐδὲ γὰρ νῦν ἐθέλουσι καταβαίνειν εἰσ τὸ ἴσον ἡμῖν. ὁ δὲ Χειρίσοφοσ εἶπε·

καὶ τί δεῖ σὲ ἰέναι καὶ λιπεῖν τὴν ὀπισθοφυλακίαν; ἀλλὰ ἄλλουσ πέμψον, ἂν μή τινεσ ἐθέλοντεσ ἀγαθοὶ φαίνωνται. ἐκ τούτου Ἀριστώνυμοσ Μεθυδριεὺσ ἔρχεται ὁπλίτασ ἔχων καὶ Ἀριστέασ ὁ Χῖοσ γυμνῆτασ καὶ Νικόμαχοσ Οἰταῖοσ γυμνῆτασ·

καὶ σύνθημα ἐποιήσαντο, ὁπότε ἔχοιεν τὰ ἄκρα, πυρὰ καίειν πολλά. ταῦτα συνθέμενοι ἠρίστων·

ἐκ δὲ τοῦ ἀρίστου προήγαγεν ὁ Χειρίσοφοσ τὸ στράτευμα πᾶν ὡσ δέκα σταδίουσ πρὸσ τοὺσ πολεμίουσ, ὅπωσ ὡσ μάλιστα δοκοίη ταύτῃ προσάξειν. ἐπειδὴ δὲ ἐδείπνησαν καὶ νὺξ ἐγένετο, οἱ μὲν ταχθέντεσ ᾤχοντο, καὶ καταλαμβάνουσι τὸ ὄροσ, οἱ δὲ ἄλλοι αὐτοῦ ἀνεπαύοντο.

οἱ δὲ πολέμιοι ἐπεὶ ᾔσθοντο τὸ ὄροσ ἐχόμενον, ἐγρηγόρεσαν καὶ ἔκαιον πυρὰ πολλὰ διὰ νυκτόσ. ἐπειδὴ δὲ ἡμέρα ἐγένετο Χειρίσοφοσ μὲν θυσάμενοσ ἦγε κατὰ τὴν ὁδόν, οἱ δὲ τὸ ὄροσ καταλαβόντεσ κατὰ τὰ ἄκρα ἐπῇσαν.

τῶν δὲ πολεμίων τὸ μὲν πολὺ ἔμενεν ἐπὶ τῇ ὑπερβολῇ τοῦ ὄρουσ, μέροσ δ’ αὐτῶν ἀπήντα τοῖσ κατὰ τὰ ἄκρα.

πρὶν δὲ ὁμοῦ εἶναι τοὺσ πολλοὺσ ἀλλήλοισ, συμμιγνύασιν οἱ κατὰ τὰ ἄκρα, καὶ νικῶσιν οἱ Ἕλληνεσ καὶ διώκουσιν. ἐν τούτῳ δὲ καὶ οἱ ἐκ τοῦ πεδίου οἱ μὲν πελτασταὶ τῶν Ἑλλήνων δρόμῳ ἔθεον πρὸσ τοὺσ παρατεταγμένουσ, Χειρίσοφοσ δὲ βάδην ταχὺ ἐφείπετο σὺν τοῖσ ὁπλίταισ.

οἱ δὲ πολέμιοι οἱ ἐπὶ τῇ ὁδῷ ἐπειδὴ τὸ ἄνω ἑώρων ἡττώμενον, φεύγουσι·

καὶ ἀπέθανον μὲν οὐ πολλοὶ αὐτῶν, γέρρα δὲ πάμπολλα ἐλήφθη· ἃ οἱ Ἕλληνεσ ταῖσ μαχαίραισ κόπτοντεσ ἀχρεῖα ἐποίουν. ὡσ δ’ ἀνέβησαν, θύσαντεσ καὶ τρόπαιον στησάμενοι κατέβησαν εἰσ τὸ πεδίον, καὶ εἰσ κώμασ πολλῶν καὶ ἀγαθῶν γεμούσασ ἦλθον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Δ, chapter 6

(크세노폰, Anabasis, Κύρου Ἀναβάσεωσ Δ, chapter 6)

상위

목록

SEARCH

MENU NAVIGATION