헬라어 문장 검색 - ΧενοπήΑναβασί4́4́

(크세노폰, Anabasis, Κύρου Ἀναβάσεωσ Δ, chapter 4)

ἐπεὶ δὲ διέβησαν, συνταξάμενοι ἀμφὶ μέσον ἡμέρασ ἐπορεύθησαν διὰ τῆσ Ἀρμενίασ πεδίον ἅπαν καὶ λείουσ γηλόφουσ οὐ μεῖον ἢ πέντε παρασάγγασ· οὐ γὰρ ἦσαν ἐγγὺσ τοῦ ποταμοῦ κῶμαι διὰ τοὺσ πολέμουσ τοὺσ πρὸσ τοὺσ Καρδούχουσ. εἰσ δὲ ἣν ἀφίκοντο κώμην μεγάλη τε ἦν καὶ βασίλειον εἶχε τῷ σατράπῃ καὶ ἐπὶ ταῖσ πλείσταισ οἰκίαισ τύρσεισ ἐπῆσαν·

ἐπιτήδεια δ’ ἦν δαψιλῆ. ἐντεῦθεν δ’ ἐπορεύθησαν σταθμοὺσ δύο παρασάγγασ δέκα μέχρι ὑπερῆλθον τὰσ πηγὰσ τοῦ Τίγρητοσ ποταμοῦ.

ἐντεῦθεν δ’ ἐπορεύθησαν σταθμοὺσ τρεῖσ παρασάγγασ πεντεκαίδεκα ἐπὶ τὸν Τηλεβόαν ποταμόν. οὗτοσ δ’ ἦν καλὸσ μέν, μέγασ δ’ οὔ· κῶμαι δὲ πολλαὶ περὶ τὸν ποταμὸν ἦσαν. ὁ δὲ τόποσ οὗτοσ Ἀρμενία ἐκαλεῖτο ἡ πρὸσ ἑσπέραν.

ὕπαρχοσ δ’ ἦν αὐτῆσ Τιρίβαζοσ, ὁ καὶ βασιλεῖ φίλοσ γενόμενοσ, καὶ ὁπότε παρείη, οὐδεὶσ ἄλλοσ βασιλέα ἐπὶ τὸν ἵππον ἀνέβαλλεν. οὗτοσ προσήλασεν ἱππέασ ἔχων, καὶ προπέμψασ ἑρμηνέα εἶπεν ὅτι βούλοιτο διαλεχθῆναι τοῖσ ἄρχουσι.

τοῖσ δὲ στρατηγοῖσ ἔδοξεν ἀκοῦσαι· καὶ προσελθόντεσ εἰσ ἐπήκοον ἠρώτων τί θέλει. ὁ δὲ εἶπεν ὅτι σπείσασθαι βούλοιτο ἐφ’ ᾧ μήτε αὐτὸσ τοὺσ Ἕλληνασ ἀδικεῖν μήτε ἐκείνουσ καίειν τὰσ οἰκίασ λαμβάνειν τε τἀπιτήδεια ὅσων δέοιντο.

ἔδοξε ταῦτα τοῖσ στρατηγοῖσ καὶ ἐσπείσαντο ἐπὶ τούτοισ. ἐντεῦθεν δ’ ἐπορεύθησαν σταθμοὺσ τρεῖσ διὰ πεδίου παρασάγγασ πεντεκαίδεκα·

καὶ Τιρίβαζοσ παρηκολούθει ἔχων τὴν ἑαυτοῦ δύναμιν ἀπέχων ὡσ δέκα σταδίουσ· καὶ ἀφίκοντο εἰσ βασίλεια καὶ κώμασ πέριξ πολλὰσ πολλῶν τῶν ἐπιτηδείων μεστάσ. στρατοπεδευομένων δ’ αὐτῶν γίγνεται τῆσ νυκτὸσ χιὼν πολλή·

καὶ ἑώθεν ἔδοξε διασκηνῆσαι τὰσ τάξεισ καὶ τοὺσ στρατηγοὺσ κατὰ τὰσ κώμασ· οὐ γὰρ ἑώρων πολέμιον οὐδένα καὶ ἀσφαλὲσ ἐδόκει εἶναι διὰ τὸ πλῆθοσ τῆσ χιόνοσ. ἐνταῦθα εἶχον τὰ ἐπιτήδεια ὅσα ἐστὶν ἀγαθά, ἱερεῖα, σῖτον, οἴνουσ παλαιοὺσ εὐώδεισ, ἀσταφίδασ, ὄσπρια παντοδαπά.

τῶν δὲ ἀποσκεδαννυμένων τινὲσ ἀπὸ τοῦ στρατοπέδου ἔλεγον ὅτι κατίδοιεν νύκτωρ πολλὰ πυρὰ φαίνοντα. ἐδόκει δὴ τοῖσ στρατηγοῖσ οὐκ ἀσφαλὲσ εἶναι διασκηνοῦν, ἀλλὰ συναγαγεῖν τὸ στράτευμα πάλιν.

ἐντεῦθεν συνῆλθον· καὶ γὰρ ἐδόκει διαιθριάζειν. νυκτερευόντων δ’ αὐτῶν ἐνταῦθα ἐπιπίπτει χιὼν ἄπλετοσ, ὥστε ἀπέκρυψε καὶ τὰ ὅπλα καὶ τοὺσ ἀνθρώπουσ κατακειμένουσ·

καὶ τὰ ὑποζύγια συνεπόδισεν ἡ χιών· καὶ πολὺσ ὄκνοσ ἦν ἀνίστασθαι· κατακειμένων γὰρ ἀλεεινὸν ἦν ἡ χιὼν ἐπιπεπτωκυῖα ὅτῳ μὴ παραρρυείη. ἐπεὶ δὲ Ξενοφῶν ἐτόλμησε γυμνὸσ ἀναστὰσ σχίζειν ξύλα, τάχ’ ἀναστάσ τισ καὶ ἄλλοσ ἐκείνου ἀφελόμενοσ ἔσχιζεν.

ἐκ δὲ τούτου καὶ ἄλλοι ἀναστάντεσ πῦρ ἔκαιον καὶ ἐχρίοντο· πολὺ γὰρ ἐνταῦθα ηὑρίσκετο χρῖμα, ᾧ ἐχρῶντο ἀντ’ ἐλαίου, σύειον καὶ σησάμινον καὶ ἀμυγδάλινον ἐκ τῶν πικρῶν καὶ τερμίνθινον.

ἐκ δὲ τῶν αὐτῶν τούτων καὶ μύρον ηὑρίσκετο. μετὰ ταῦτα ἐδόκει πάλιν διασκηνητέον εἶναι τὰσ κώμασ εἰσ στέγασ.

ἔνθα δὴ οἱ στρατιῶται σὺν πολλῇ κραυγῇ καὶ ἡδονῇ ᾖσαν ἐπὶ τὰσ στέγασ καὶ τὰ ἐπιτήδεια· ὅσοι δὲ ὅτε τὸ πρότερον ἀπῇσαν τὰσ οἰκίασ ἐνέπρησαν ὑπὸ ἀτασθαλίασ, δίκην ἐδίδοσαν κακῶσ σκηνοῦντεσ. ἐντεῦθεν ἔπεμψαν νυκτὸσ Δημοκράτην Τημνίτην ἄνδρασ δόντεσ ἐπὶ τὰ ὄρη ἔνθα ἔφασαν οἱ ἀποσκεδαννύμενοι καθορᾶν τὰ πυρά·

οὗτοσ γὰρ ἐδόκει καὶ πρότερον πολλὰ ἤδη ἀληθεῦσαι τοιαῦτα, τὰ ὄντα τε ὡσ ὄντα καὶ τὰ μὴ ὄντα ὡσ οὐκ ὄντα. πορευθεὶσ δὲ τὰ μὲν πυρὰ οὐκ ἔφη ἰδεῖν, ἄνδρα δὲ συλλαβὼν ἧκεν ἄγων ἔχοντα τόξον Περσικὸν καὶ φαρέτραν καὶ σάγαριν οἱάνπερ καὶ <αἱ> Ἀμαζόνεσ ἔχουσιν.

ἐρωτώμενοσ δὲ ποδαπὸσ εἰή Πέρσησ μὲν ἔφη εἶναι, πορεύεσθαι δ’ ἀπὸ τοῦ Τιριβάζου στρατοπέδου, ὅπωσ ἐπιτήδεια λάβοι.

οἱ δὲ ἠρώτων αὐτὸν τὸ στράτευμα ὁπόσον τε εἰή καὶ ἐπὶ τίνι συνειλεγμένον. ὁ δὲ εἶπεν ὅτι Τιρίβαζοσ εἰή ἔχων τήν τε ἑαυτοῦ δύναμιν καὶ μισθοφόρουσ Χάλυβασ καὶ Ταόχουσ·

παρεσκευάσθαι δὲ αὐτὸν ἔφη ὡσ ἐπὶ τῇ ὑπερβολῇ τοῦ ὄρουσ ἐν τοῖσ στενοῖσ ᾗπερ μοναχῇ εἰή πορεία, ἐνταῦθα ἐπιθησόμενον τοῖσ Ἕλλησιν. ἀκούσασι τοῖσ στρατηγοῖσ ταῦτα ἔδοξε τὸ στράτευμα συναγαγεῖν·

καὶ εὐθὺσ φύλακασ καταλιπόντεσ καὶ στρατηγὸν ἐπὶ τοῖσ μένουσι Σοφαίνετον Στυμφάλιον ἐπορεύοντο ἔχοντεσ ἡγεμόνα τὸν ἁλόντα ἄνθρωπον. ἐπειδὴ δὲ ὑπερέβαλλον τὰ ὄρη, οἱ πελτασταὶ προϊόντεσ καὶ κατιδόντεσ τὸ στρατόπεδον οὐκ ἔμειναν τοὺσ ὁπλίτασ, ἀλλ’ ἀνακραγόντεσ ἔθεον ἐπὶ τὸ στρατόπεδον.

οἱ δὲ βάρβαροι ἀκούσαντεσ τὸν θόρυβον οὐχ ὑπέμειναν, ἀλλ’ ἔφευγον·

ὅμωσ δὲ καὶ ἀπέθανόν τινεσ τῶν βαρβάρων καὶ ἵπποι ἥλωσαν εἰσ εἴκοσι καὶ ἡ σκηνὴ ἡ Τιριβάζου ἑάλω καὶ ἐν αὐτῇ κλῖναι ἀργυρόποδεσ καὶ ἐκπώματα καὶ οἱ ἀρτοκόποι καὶ οἱ οἰνοχόοι φάσκοντεσ εἶναι. ἐπειδὴ δὲ ἐπύθοντο ταῦτα οἱ τῶν ὁπλιτῶν στρατηγοί, ἐδόκει αὐτοῖσ ἀπιέναι τὴν ταχίστην ἐπὶ τὸ στρατόπεδον, μή τισ ἐπίθεσισ γένοιτο τοῖσ καταλελειμμένοισ.

καὶ εὐθὺσ ἀνακαλεσάμενοι τῇ σάλπιγγι ἀπῇσαν, καὶ ἀφίκοντο αὐθημερὸν ἐπὶ τὸ στρατόπεδον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Anabasis, Κύρου Ἀναβάσεωσ Δ, chapter 4

(크세노폰, Anabasis, Κύρου Ἀναβάσεωσ Δ, chapter 4)

상위

목록

SEARCH

MENU NAVIGATION