헬라어 문장 검색 - ΤηεοπήΞηαραξτ́01́

(테오프라스토스, Characters, Προοίμιον)

Ἤδη μὲν καὶ πρότερον πολλάκισ ἐπιστήσασ τὴν διάνοιαν ἐθαύμασα, ἴσωσ δὲ οὐδὲ παύσομαι θαυμάζων, τί γὰρ δήποτε, τῆσ Ἑλλάδοσ ὑπὸ τὸν αὐτὸν ἀέρα κειμένησ καὶ πάντων τῶν Ἑλλήνων ὁμοίωσ παιδευομένων, συμβέβηκεν ἡμῖν οὐ τὴν αὐτὴν τάξιν τῶν τρόπων ἔχειν. ἐγὼ γάρ, ὦ Πολύκλεισ, συνθεωρήσασ ἐκ πολλοῦ χρόνου τὴν ἀνθρωπίνην φύσιν καὶ βεβιωκὼσ ἔτη ἐνενήκοντα ἐννέα, ἔτι δὲ ὡμιληκὼσ πολλαῖσ τε καὶ παντοδαπαῖσ φύσεσι καὶ παρατεθεαμένοσ ἐξ ἀκριβείασ πολλῆσ τούσ τε ἀγαθοὺσ τῶν ἀνθρώπων καὶ τοὺσ φαύλουσ ὑπέλαβον δεῖν συγγράψαι, ἃ ἑκάτεροι αὐτῶν ἐπιτηδεύουσιν ἐν τῷ βίῳ.

ἐκθήσω δέ σοι κατὰ γένοσ, ὅσα τε τυγχάνει γένη τρόπων τούτοισ προσκείμενα καὶ ὃν τρόπον τῇ οἰκονομίᾳ χρῶνται· ὑπολαμβάνω γάρ, ὦ Πολύκλεισ, τοὺσ υἱεῖσ ἡμῶν βελτίουσ ἔσεσθαι, καταλειφθέντων αὐτοῖσ ὑπομνημάτων τοιούτων, οἷσ παραδείγμασι χρώμενοι αἱρήσονται τοῖσ εὐσχημονεστάτοισ συνεῖναί τε καὶ ὁμιλεῖν, ὅπωσ μὴ καταδεέστεροι ὦσιν αὐτῶν.

τρέψομαι δὲ ἤδη ἐπὶ τὸν λόγον· σὸν δὲ παρακολουθῆσαί τε ὀρθῶσ καὶ εἰδῆσαι, εἰ ὀρθῶσ λέγω.

πρῶτον μὲν οὖν ποιήσομαι τὸν λόγον ἀπὸ τῶν τὴν εἰρωνείαν ἐζηλωκότων, ἀφεὶσ τὸ προοιμιάζεσθαι καὶ πολλὰ περὶ τοῦ πράγματοσ λέγειν· καὶ ἄρξομαι πρῶτον ἀπὸ τῆσ εἰρωνείασ καὶ ὁριοῦμαι αὐτήν, εἶθ’ οὕτωσ τὸν εἴρωνα διέξειμι, ποῖόσ τίσ ἐστι καὶ εἰσ τίνα τρόπον κατενήνεκται·

καὶ τὰ ἄλλα δὴ τῶν παθημάτων, ὥσπερ ὑπεθέμην, πειράσομαι κατὰ γένοσ φανερὰ καθιστάναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Theophrastus, Characters, Προοίμιον

(테오프라스토스, Characters, Προοίμιον)

상위

목록

SEARCH

MENU NAVIGATION