헬라어 문장 검색 - Σεπτύ050́008́

(70인역 성경, 다니엘서 8:)

ΕΝ ἔτει τρίτῳ τῆσ βασιλείασ Βαλτάσαρ τοῦ βασιλέωσ ὅρασισ ὤφθη πρόσ με, ἐγὼ Δανιήλ, μετὰ τὴν ὀφθεῖσάν μοι τὴν ἀρχήν. καὶ ἤμην ἐν Σούσοισ τῇ βάρει, ἥ ἐστιν ἐν χώρᾳ Αἰλὰμ καὶ εἶδον ἐν ὁράματι καὶ ἤμην ἐπὶ τοῦ Οὐβὰλ καὶ ᾖρα τοὺσ ὀφθαλμούσ μου καὶ εἶδον. καὶ ἰδοὺ κριὸσ εἷσ ἑστηκὼσ πρὸ τοῦ Οὐβάλ. καὶ αὐτῷ κέρατα ὑψηλά, καὶ τὸ ἓν ὑψηλότερον τοῦ ἑτέρου, καὶ τὸ ὑψηλὸν ἀνέβαινεν ἐπ’ ἐσχάτων. καὶ εἶδον τὸν κριὸν κερατίζοντα κατὰ θάλασσαν καὶ βορρᾶν καὶ νότον, καὶ πάντα τὰ θηρία οὐ στήσεται ἐνώπιον αὐτοῦ, καὶ οὐκ ἦν ὁ ἐξαιρούμενοσ ἐκ χειρὸσ αὐτοῦ, καὶ ἐποίησε κατὰ τὸ θέλημα αὐτοῦ καὶ ἐμεγαλύνθη. καὶ ἐγὼ ἤμην συνίων καὶ ἰδοὺ τράγοσ αἰγῶν ἤρχετο ἀπὸ λιβὸσ ἐπὶ πρόσωπον πάσησ τῆσ γῆσ καὶ οὐκ ἦν ἁπτόμενοσ τῆσ γῆσ, καὶ τῷ τράγῳ κέρασ θεωρητὸν ἀναμέσον τῶν ὀφθαλμῶν αὐτοῦ. καὶ ἦλθεν ἕωσ τοῦ κριοῦ τοῦ τά κέρατα ἔχοντοσ, οὗ εἶδον, ἑστῶτοσ ἐνώπιον τοῦ Οὐβὰλ καὶ ἔδραμε πρὸσ αὐτὸν ἐν ὁρμῇ τῆσ ἰσχύοσ αὐτοῦ. καὶ εἶδον αὐτὸν φθάνοντα ἕωσ τοῦ κριοῦ, καὶ ἐξηγριάνθη πρὸσ αὐτὸν καὶ ἔπαισε τὸν κριὸν καὶ συνέτριψεν ἀμφότερα τὰ κέρατα αὐτοῦ, καὶ οὐκ ἦν ἰσχὺσ τῷ κριῷ τοῦ στῆναι ἐνώπιον αὐτοῦ. καὶ ἔρριψεν αὐτὸν ἐπὶ τὴν γῆν καὶ συνεπάτησεν αὐτόν, καὶ οὐκ ἦν ὁ ἐξαιρούμενοσ τὸν κριὸν ἐκ χειρὸσ αὐτοῦ. καὶ ὁ τράγοσ τῶν αἰγῶν ἐμεγαλύνθη ἕωσ σφόδρα, καὶ ἐν τῷ ἰσχῦσαι αὐτὸν συνετρίβη τὸ κέρασ αὐτοῦ τὸ μέγα, καὶ ἀνέβη ἕτερα κέρατα τέσσαρα ὑποκάτω αὐτοῦ εἰσ τοὺσ τέσσαρασ ἀνέμουσ τοῦ οὐρανοῦ. καὶ ἐκ τοῦ ἑνὸσ αὐτῶν ἐξῆλθε κέρασ ἓν ἰσχυρὸν καὶ ἐμεγαλύνθη περισσῶσ πρὸσ τὸν νότον καὶ πρὸσ τὴν ἀνατολὴν καὶ πρὸσ τὴν δύναμιν. καὶ ἐμεγαλύνθη ἕωσ τῆσ δυνάμεωσ τοῦ οὐρανοῦ, καὶ ἔπεσεν ἐπὶ τὴν γῆν ἀπὸ τῆσ δυνάμεωσ τοῦ οὐρανοῦ καὶ ἀπὸ τῶν ἄστρων, καὶ συνεπάτησαν αὐτά, καὶ ἕωσ οὗ ὁ ἀρχιστράτηγοσ ρύσεται τὴν αἰχμαλωσίαν, καὶ δι’ αὐτὸν θυσία ἐταράχθη, καὶ ἐγενήθη καὶ κατευοδώθη αὐτῷ, καὶ τὸ ἅγιον ἐρημωθήσεται. καὶ ἐδόθη ἐπὶ τὴν θυσίαν ἁμαρτία, καὶ ἐρρίφη χαμαὶ ἡ δικαιοσύνη, καὶ ἐποίησε καὶ εὐοδώθη. καὶ ἤκουσα ἑνὸσ ἁγίου λαλοῦντοσ, καὶ εἶπεν εἷσ ἅγιοσ τῷ φελμουνὶ τῷ λαλοῦντι. ἕωσ πότε ἡ ὅρασισ στήσεται, ἡ θυσία ἡ ἀρθεῖσα καὶ ἡ ἁμαρτία ἐρημώσεωσ ἡ δοθεῖσα, καὶ τὸ ἅγιον καὶ ἡ δύναμισ συμπατηθήσεται̣ καὶ εἶπεν αὐτῷ. ἕωσ ἐσπέρασ καὶ πρωί̈ ἡμέραι δισχίλιαι καὶ τριακόσιαι, καὶ καθαρισθήσεται τὸ ἅγιον. ‐ Καὶ ἐγένετο ἐν τῷ ἰδεῖν με, ἐγὼ Δανιήλ, τὴν ὅρασιν καὶ ἐζήτουν σύνεσιν, καὶ ἰδοὺ ἔστη ἐνώπιον ἐμοῦ ὡσ ὅρασισ ἀνδρόσ. καὶ ἤκουσα φωνὴν ἀνδρὸσ ἀναμέσον τοῦ Οὐβάλ, καὶ ἐκάλεσε καὶ εἶπε. Γαβριήλ, συνέτισον ἐκεῖνον τὴν ὅρασιν. καὶ ἦλθε καὶ ἔστη ἐχόμενοσ τῆσ στάσεώσ μου, καὶ ἐν τῷ ἐλθεῖν αὐτὸν ἐθαμβήθην, καὶ πίπτω ἐπὶ πρόσωπόν μου, καὶ εἶπε πρόσ με. σύνεσ, υἱὲ ἀνθρώπου. ἔτι γὰρ εἰσ καιροῦ πέρασ ἡ ὅρασισ. καὶ ἐν τῷ λαλεῖν αὐτὸν μετ’ ἐμοῦ πίπτω ἐπὶ πρόσωπόν μου ἐπὶ τὴν γῆν, καὶ ἥψατό μου καὶ ἔστησέ με ἐπὶ πόδας καὶ εἶπεν. ἰδοὺ ἐγὼ γνωρίζω σοι τὰ ἐσόμενα ἐπ’ ἐσχάτων τῆσ ὀργῆσ. ἔτι γὰρ εἰσ καιροῦ πέρασ ἡ ὅρασισ. ὁ κριόσ, ὃν εἶδεσ, ὁ ἔχων τὰ κέρατα βασιλεὺσ Μήδων καὶ Περσῶν. ὁ τράγοσ τῶν αἰγῶν βασιλεὺσ Ἑλλήνων. καὶ τὸ κέρασ τὸ μέγα, ὃ ἦν ἀναμέσον τῶν ὀφθαλμῶν αὐτοῦ, αὐτόσ ἐστιν ὁ βασιλεὺσ ὁ πρῶτοσ. καὶ τοῦ συντριβέντοσ, οὗ ἔστησαν τέσσαρα κέρατα ὑποκάτω, τέσσαρεσ βασιλεῖσ ἐκ τοῦ ἔθνουσ αὐτοῦ ἀναστήσονται καὶ οὐκ ἐν τῇ ἰσχύϊ αὐτοῦ. καὶ ἐπ’ ἐσχάτων τῆσ βασιλείασ αὐτῶν, πληρουμένων τῶν ἁμαρτιῶν αὐτῶν, ἀναστήσεται βασιλεὺσ ἀναιδὴσ προσώπῳ καὶ συνίων προβλήματα. καὶ κραταιὰ ἡ ἰσχὺσ αὐτοῦ καὶ θαυμαστὰ διαφθερεῖ καὶ κατευθυνεῖ καὶ ποιήσει καὶ διαφθερεῖ ἰσχυροὺσ καὶ λαὸν ἅγιον. καὶ ὁ ζυγὸσ τοῦ κλοιοῦ αὐτοῦ κατευθυνεῖ. δόλοσ ἐν τῇ χειρὶ αὐτοῦ, καὶ ἐν καρδίᾳ αὐτοῦ μεγαλυνθήσεται καὶ δόλῳ διαφθερεῖ πολλοὺσ καὶ ἐπὶ ἀπωλείασ πολλῶν στήσεται καὶ ὡσ ὠὰ χειρὶ συντρίψει. καὶ ἡ ὅρασισ τῆσ ἑσπέρασ καὶ τῆσ πρωί̈ασ τῆσ ρηθείσησ ἀληθήσ ἐστι. καὶ σὺ σφράγισον τὴν ὅρασιν, ὅτι εἰσ ἡμέρασ πολλάσ. καὶ ἐγὼ Δανιὴλ ἐκοιμήθην καὶ ἐμαλακίσθην ἡμέρασ καὶ ἀνέστην καὶ ἐποίουν τὰ ἔργα τοῦ βασιλέωσ. καὶ ἐθαύμαζον τὴν ὅρασιν, καὶ οὐκ ἦν ὁ συνίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Danielis 8:

(70인역 성경, 다니엘서 8:)

목록

SEARCH

MENU NAVIGATION