헬라어 문장 검색 - Σεπτύ050́007́

(70인역 성경, 다니엘서 7:)

ΕΝ ἔτει πρώτῳ Βαλτάσαρ βασιλέωσ Χαλδαίων Δανιὴλ ἐνύπνιον εἶδε, καὶ αἱ ὁράσεισ τῆσ κεφαλῆσ αὐτοῦ ἐπὶ τῆσ κοίτησ αὐτοῦ, καὶ τὸ ἐνύπνιον αὐτοῦ ἔγραψεν. ἐγὼ Δανιὴλ ἐθεώρουν ἐν ὁράματί μου τῆσ νυκτὸσ καὶ ἰδοὺ οἱ τέσσαρεσ ἄνεμοι τοῦ οὐρανοῦ προσέβαλον εἰσ τὴν θάλασσαν τὴν μεγάλην. καὶ τέσσαρα θηρία μεγάλα ἀνέβαινον ἐκ τῆσ θαλάσσησ διαφέροντα ἀλλήλων. τὸ πρῶτον ὡσεὶ λέαινα, καὶ πτερὰ αὐτῇ ὡσεὶ ἀετοῦ. ἐθεώρουν ἕωσ οὗ ἐξετίλη τὰ πτερὰ αὐτῆσ, καὶ ἐξῄρθη ἀπὸ τῆσ γῆσ καὶ ἐπὶ ποδῶν ἀνθρώπου ἐστάθη, καὶ καρδία ἀνθρώπου ἐδόθη αὐτῇ. καὶ ἰδοὺ θηρίον δεύτερον ὅμοιον ἄρκῳ, καὶ εἰσ μέροσ ἓν ἐστάθη, καὶ τρεῖσ πλευραὶ ἐν τῷ στόματι αὐτῆσ ἀναμέσον τῶν ὀδόντων αὐτῆσ, καὶ οὕτωσ ἔλεγον αὐτῇ. ἀνάστηθι, φάγε σάρκασ πολλάσ. ὀπίσω τούτου ἐθεώρουν καὶ ἰδοὺ θηρίον ἕτερον ὡσεὶ πάρδαλισ, καὶ αὐτῇ πτερὰ τέσσαρα πετεινοῦ ὑπεράνω αὐτῆσ, καὶ τέσσαρεσ κεφαλαὶ τῷ θηρίῳ, καὶ ἐξουσία ἐδόθη αὐτῇ. ὀπίσω τούτου ἐθεώρουν καὶ ἰδοὺ θηρίον τέταρτον φοβερὸν καὶ ἔκθαμβον καὶ ἰσχυρὸν περισσῶσ, καὶ οἱ ὀδόντεσ αὐτοῦ σιδηροῖ μεγάλοι, ἐσθίον καὶ λεπτῦνον καὶ τὰ ἐπίλοιπα τοῖσ ποσὶν αὐτοῦ συνεπάτει, καὶ αὐτὸ διάφορον περισσῶσ παρὰ πάντα τὰ θηρία τὰ ἔμπροσθεν αὐτοῦ, καὶ κέρατα δέκα αὐτῷ. προσενόουν τοῖσ κέρασιν αὐτοῦ, καὶ ἰδοὺ κέρασ ἕτερον μικρὸν ἀνέβη ἐν μέσῳ αὐτῶν, καὶ τρία κέρατα τῶν ἔμπροσθεν αὐτοῦ ἐξερριζώθη ἀπὸ προσώπου αὐτοῦ, καὶ ἰδοὺ ὀφθαλμοὶ ὡσεὶ ὀφθαλμοὶ ἀνθρώπου ἐν τῷ κέρατι τούτῳ καὶ στόμα λαλοῦν μεγάλα. ἐθεώρουν ἕωσ ὅτου οἱ θρόνοι ἐτέθησαν, καὶ παλαιὸσ ἡμερῶν ἐκάθητο, καὶ τὸ ἔνδυμα αὐτοῦ λευκὸν ὡσεὶ χιών, καὶ ἡ θρὶξ τῆσ κεφαλῆσ αὐτοῦ ὡσεὶ ἔριον καθαρόν, ὁ θρόνοσ αὐτοῦ φλὸξ πυρόσ, οἱ τροχοὶ αὐτοῦ πῦρ φλέγον. ποταμὸσ πυρὸσ εἷλκεν ἔμπροσθεν αὐτοῦ. χίλιαι χιλιάδεσ ἐλειτούργουν αὐτῷ, καὶ μύριαι μυριάδεσ παρειστήκεισαν αὐτῷ. κριτήριον ἐκάθισε, καὶ βίβλοι ἠνεῴχθησαν. ἐθεώρουν τότε ἀπὸ φωνῆσ τῶν λόγων τῶν μεγάλων, ὧν τὸ κέρασ ἐκεῖνο ἐλάλει, ἕωσ οὗ ἀνῃρέθη τὸ θηρίον καὶ ἀπώλετο, καὶ τὸ σῶμα αὐτοῦ ἐδόθη εἰσ καῦσιν πυρόσ. καὶ τῶν λοιπῶν θηρίων μετεστάθη ἡ ἀρχή, καὶ μακρότησ ζωῆσ ἐδόθη αὐτοῖσ ἕωσ καιροῦ καὶ καιροῦ. ἐθεώρουν ἐν ὁράματι τῆσ νυκτὸσ καὶ ἰδοὺ μετὰ τῶν νεφελῶν τοῦ οὐρανοῦ ὡσ υἱὸσ ἀνθρώπου ἐρχόμενοσ ἦν καὶ ἕωσ τοῦ παλαιοῦ τῶν ἡμερῶν ἔφθασε καὶ ἐνώπιον αὐτοῦ προσηνέχθη. καὶ αὐτῷ ἐδόθη ἡ ἀρχὴ καὶ ἡ τιμὴ καὶ ἡ βασιλεία, καὶ πάντεσ οἱ λαοί, φυλαί, γλῶσσαι αὐτῷ δουλεύσουσιν. ἡ ἐξουσία αὐτοῦ ἐξουσία αἰώνιοσ, ἥτισ οὐ παρελεύσεται, καὶ ἡ βασιλεία αὐτοῦ οὐ διαφθαρήσεται. ‐ Ἔφριξε τὸ πνεῦμά μου ἐν τῇ ἕξει μου, ἐγὼ Δανιήλ, καὶ αἱ ὁράσεισ τῆσ κεφαλῆσ μου ἐτάρασσόν με. καὶ προσῆλθον ἑνὶ τῶν ἑστηκότων καὶ τὴν ἀκρίβειαν ἐζήτουν παρ’ αὐτοῦ μαθεῖν περὶ πάντων τούτων, καὶ εἶπέ μοι τὴν ἀκρίβειαν καὶ τὴν σύγκρισιν τῶν λόγων ἐγνώρισέ μοι. ταῦτα τὰ θηρία τὰ μεγάλα τὰ τέσσαρα, τέσσαρεσ βασιλεῖαι ἀναστήσονται ἐπὶ τῆσ γῆσ, αἳ ἀρθήσονται. καὶ παραλήψονται τὴν βασιλείαν ἅγιοι Ὑψίστου καὶ καθέξουσιν αὐτὴν ἕωσ αἰῶνοσ τῶν αἰώνων. καὶ ἐζήτουν ἀκριβῶσ περὶ τοῦ θηρίου τοῦ τετάρτου, ὅτι ἦν διαφέρον παρὰ πᾶν θηρίον, φοβερὸν περισσῶσ, οἱ ὀδόντεσ αὐτοῦ σιδηροῖ καὶ ὄνυχεσ αὐτοῦ χαλκοῖ. ἐσθίον καὶ λεπτῦνον καὶ τὰ ἐπίλοιπα τοῖσ ποσὶν αὐτοῦ συνεπάτει. καὶ περὶ τῶν κεράτων αὐτοῦ τῶν δέκα τῶν ἐν τῇ κεφαλῇ αὐτοῦ καὶ τοῦ ἑτέρου τοῦ ἀναβάντοσ καὶ ἐκτινάξαντοσ τῶν προτέρων τρία, κέρασ ἐκεῖνο, ᾧ οἱ ὀφθαλμοὶ καὶ στόμα λαλοῦν μεγάλα καὶ ἡ ὅρασισ αὐτοῦ μείζων τῶν λοιπῶν. ἐθεώρουν καὶ τὸ κέρασ ἐκεῖνο ἐποίει πόλεμον μετὰ τῶν ἁγίων καὶ ἴσχυσε πρὸσ αὐτούσ, ἕωσ οὗ ἦλθεν ὁ παλαιὸσ ἡμερῶν καὶ τὸ κρίμα ἔδωκεν ἁγίοισ Ὑψίστου, καὶ ὁ καιρὸσ ἔφθασε καὶ τὴν βασιλείαν κατέσχον οἱ ἅγιοι. καὶ εἶπε. τὸ θηρίον τὸ τέταρτον, βασιλεία τετάρτη ἔσται ἐν τῇ γῇ, ἥτισ ὑπερέξει πάσασ τὰσ βασιλείασ καὶ καταφάγεται πᾶσαν τὴν γῆν καὶ συμπατήσει αὐτὴν καὶ κατακόψει. καὶ τὰ δέκα κέρατα αὐτοῦ, δέκα βασιλεῖσ ἀναστήσονται, καὶ ὀπίσω αὐτῶν ἀναστήσεται ἕτεροσ, ὃσ ὑπεροίσει κακοῖσ πάντασ τοὺσ ἔμπροσθεν, καὶ τρεῖσ βασιλεῖσ ταπεινώσει. καὶ λόγουσ πρὸσ τὸν Ὕψιστον λαλήσει καὶ τοὺσ ἁγίουσ Ὑψίστου παλαιώσει καὶ ὑπονοήσει τοῦ ἀλλοιῶσαι καιροὺσ καὶ νόμον. καὶ δοθήσεται ἐν χειρὶ αὐτοῦ ἕωσ καιροῦ καὶ καιρῶν καὶ ἥμισυ καιροῦ. καὶ τὸ κριτήριον καθίσει καὶ τὴν ἀρχὴν μεταστήσουσι τοῦ ἀφανίσαι καὶ τοῦ ἀπολέσαι ἕωσ τέλουσ. καὶ ἡ βασιλεία καὶ ἡ ἐξουσία καὶ ἡ μεγαλωσύνη τῶν βασιλέων τῶν ὑποκάτω παντὸσ τοῦ οὐρανοῦ ἐδόθη ἁγίοισ Ὑψίστου, καὶ ἡ βασιλεία αὐτοῦ βασιλεία αἰώνιοσ, καὶ πᾶσαι αἱ ἀρχαὶ αὐτῷ δουλεύσουσι καὶ ὑπακούσονται. ἕωσ ὧδε τὸ πέρασ τοῦ λόγου. ἐγὼ Δανιήλ, οἱ διαλογισμοί μου ἐπὶ πολὺ συνετάρασσόν με, καὶ ἡ μορφή μου ἠλλοιώθη ἐπ’ ἐμοί, καὶ τὸ ρῆμα ἐν τῇ καρδίᾳ μου διετήρησα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Danielis 7:

(70인역 성경, 다니엘서 7:)

목록

SEARCH

MENU NAVIGATION