헬라어 문장 검색 - Σεπτύ050́005́

(70인역 성경, 다니엘서 5:)

ΒΑΛΤΑΣΑΡ ὁ βασιλεὺσ ἐποίησε δεῖπνον μέγα τοῖσ μεγιστᾶσιν αὐτοῦ χιλίοισ, καὶ κατέναντι τῶν χιλίων ὁ οἶνοσ. καὶ πίνων Βαλτάσαρ εἶπεν ἐν τῇ γεύσει τοῦ οἴνου τοῦ ἐνεγκεῖν τὰ σκεύη τὰ χρυσᾶ καὶ τὰ ἀργυρᾶ, ἃ ἐξήνεγκε Ναβουχοδονόσορ ὁ πατὴρ αὐτοῦ ἐκ τοῦ ναοῦ τοῦ ἐν Ἱερουσαλήμ, καὶ πιέτωσαν ἐν αὐτοῖσ ὁ βασιλεὺσ καὶ οἱ μεγιστᾶνεσ αὐτοῦ καὶ αἱ παλλακαὶ αὐτοῦ καὶ αἱ παράκοιτοι αὐτοῦ. καὶ ἠνέχθησαν τὰ σκεύη τὰ χρυσᾶ καὶ τὰ ἀργυρᾶ, ἃ ἐξήνεγκεν ἐκ τοῦ ναοῦ τοῦ Θεοῦ τοῦ ἐν Ἱερουσαλήμ, καὶ ἔπινον ἐν αὐτοῖσ ὁ βασιλεὺσ καὶ οἱ μεγιστᾶνεσ αὐτοῦ καὶ αἱ παλλακαὶ αὐτοῦ καὶ αἱ παράκοιτοι αὐτοῦ. ἔπινον οἶνον καὶ ᾔνεσαν τοὺσ θεοὺσ τοὺσ χρυσοῦσ καὶ ἀργυροῦσ καὶ χαλκοῦσ καὶ σιδηροῦσ καὶ ξυλίνουσ καὶ λιθίνουσ. ἐν αὐτῇ τῇ ὥρᾳ ἐξῆλθον δάκτυλοι χειρὸσ ἀνθρώπου καὶ ἔγραφον κατέναντι τῆσ λαμπάδοσ ἐπὶ τὸ κονίαμα τοῦ τοίχου τοῦ οἴκου τοῦ βασιλέωσ, καὶ ὁ βασιλεὺσ ἐθεώρει τοὺσ ἀστραγάλουσ τῆσ χειρὸσ τῆσ γραφούσησ. τότε τοῦ βασιλέωσ ἡ μορφὴ ἠλλοιώθη, καὶ οἱ διαλογισμοὶ αὐτοῦ συνετάρασσον αὐτόν, καὶ οἱ σύνδεσμοι τῆσ ὀσφύοσ αὐτοῦ διελύοντο, καὶ τὰ γόνατα αὐτοῦ συνεκροτοῦντο. καὶ ἐβόησεν ὁ βασιλεὺσ ἐν ἰσχύϊ τοῦ εἰσαγαγεῖν μάγουσ, Χαλδαίουσ, γαζαρηνοὺσ καὶ εἶπε τοῖσ σοφοῖσ Βαβυλῶνοσ. ὃσ ἂν ἀναγνῷ τὴν γραφὴν ταύτην καὶ τὴν σύγκρισιν γνωρίσῃ μοι, πορφύραν ἐνδύσεται, καὶ ὁ μανιάκησ ὁ χρυσοῦσ ἐπὶ τὸν τράχηλον αὐτοῦ, καὶ τρίτοσ ἐν τῇ βασιλείᾳ μου ἄρξει. καὶ εἰσεπορεύοντο πάντεσ οἱ σοφοὶ τοῦ βασιλέωσ καὶ οὐκ ἠδύναντο τὴν γραφὴν ἀναγνῶναι, οὐδὲ τὴν σύγκρισιν γνωρίσαι τῷ βασιλεῖ. καὶ ὁ βασιλεὺσ Βαλτάσαρ πολὺ ἐταράχθη, καὶ ἡ μορφὴ αὐτοῦ ἠλλοιώθη ἐπ’ αὐτῷ, καὶ οἱ μεγιστᾶνεσ αὐτοῦ συνεταράσσοντο. ‐ Καὶ εἰσῆλθεν ἡ βασίλισσα εἰσ τὸν οἶκον τοῦ πότου καὶ εἶπε. βασιλεῦ, εἰσ τὸν αἰῶνα ζῆθι. μὴ ταρασσέτωσάν σε οἱ διαλογισμοί σου, καὶ ἡ μορφή σου μὴ ἀλλοιούσθω. ἔστιν ἀνὴρ ἐν τῇ βασιλείᾳ σου, ἐν ᾧ πνεῦμα Θεοῦ, καὶ ἐν ταῖσ ἡμέραισ τοῦ πατρόσ σου γρηγόρησισ καὶ σύνεσισ εὑρέθη ἐν αὐτῷ, καὶ ὁ βασιλεὺσ Ναβουχοδονόσορ ὁ πατήρ σου ἄρχοντα ἐπαοιδῶν, μάγων, Χαλδαίων, γαζαρηνῶν κατέστησεν αὐτόν, ὅτι πνεῦμα περισσὸν ἐν αὐτῷ καὶ φρόνησισ καὶ σύνεσισ ἐν αὐτῷ, συγκρίνων ἐνύπνια καὶ ἀναγγέλλων κρατούμενα καὶ λύων συνδέσμουσ, Δανιήλ, καὶ ὁ βασιλεὺσ ἐπέθηκεν ὄνομα αὐτῷ Βαλτάσαρ. νῦν οὖν κληθήτω, καὶ τὴν σύγκρισιν αὐτοῦ ἀναγγελεῖ σοι. ‐ Τότε Δανιὴλ εἰσήχθη ἐνώπιον τοῦ βασιλέωσ, καὶ εἶπεν ὁ βασιλεὺσ τῷ Δανιήλ. σὺ εἶ Δανιήλ, ὁ ἀπὸ τῶν υἱῶν τῆσ αἰχμαλωσίασ τῆσ Ἰουδαίασ, ἧσ ἤγαγεν ὁ βασιλεὺσ ὁ πατήρ μου̣ ἤκουσα περὶ σοῦ ὅτι πνεῦμα Θεοῦ ἐν σοί, καὶ γρηγόρησισ καὶ σύνεσισ καὶ σοφία περισσὴ εὑρέθη ἐν σοί. καὶ νῦν εἰσῆλθον ἐνώπιόν μου οἱ σοφοί, μάγοι, γαζαρηνοί, ἵνα τὴν γραφὴν ταύτην ἀναγνῶσι καὶ τὴν σύγκρισιν αὐτῆσ γνωρίσωσί μοι, καὶ οὐκ ἠδυνήθησαν ἀναγγγεῖλαί μοι. καὶ ἐγὼ ἤκουσα περὶ σοῦ ὅτι δύνασαι κρίματα συγκρῖναι. νῦν οὖν ἐὰν δυνηθῇσ τὴν γραφὴν ἀναγνῶναι καὶ τὴν σύγκρισιν αὐτῆσ γνωρίσαι μοι, πορφύραν ἐνδύσῃ, καὶ ὁ μανιάκησ ὁ χρυσοῦσ ἔσται ἐπὶ τὸν τράχηλόν σου, καὶ τρίτοσ ἐν τῇ βασιλείᾳ μου ἄρξεισ. τότε ἀπεκρίθη Δανιὴλ καὶ εἶπεν ἐνώπιον τοῦ βασιλέωσ. τὰ δόματά σου σοὶ ἔστω, καὶ τὴν δωρεὰν τῆσ οἰκίασ σου ἑτέρῳ δόσ, ἐγὼ δὲ τὴν γραφὴν ἀναγνώσομαι τῷ βασιλεῖ καὶ τὴν σύγκρισιν αὐτῆσ γνωρίσω σοι. Βασιλεῦ, ὁ Θεὸσ ὁ ὕψιστοσ τὴν βασιλείαν καὶ τὴν μεγαλωσύνην καὶ τὴν τιμὴν καὶ τὴν δόξαν ἔδωκε Ναβουχοδονόσορ τῷ πατρί σου, καὶ ἀπὸ τῆσ μεγαλωσύνησ, ἧσ ἔδωκεν αὐτῷ, πάντεσ οἱ λαοί, φυλαί, γλῶσσαι ἦσαν τρέμοντεσ καὶ φοβούμενοι ἀπὸ προσώπου αὐτοῦ. οὓσ ἠβούλετο αὐτὸσ ἀνῄρει, καὶ οὓσ ἠβούλετο αὐτὸσ ἔτυπτε, καὶ οὓσ ἠβούλετο αὐτὸσ ὕψου, καὶ οὓσ ἠβούλετο αὐτὸσ ἐταπείνου. καὶ ὅτε ὑψώθη ἡ καρδία αὐτοῦ καὶ τὸ πνεῦμα αὐτοῦ ἐκραταιώθη τοῦ ὑπερηφανεύσασθαι, κατηνέχθη ἀπὸ τοῦ θρόνου τῆσ βασιλείασ αὐτοῦ, καὶ ἡ τιμὴ ἀφῃρέθη ἀπ’ αὐτοῦ, καὶ ἀπὸ τῶν ἀνθρώπων ἐξεδιώχθη, καὶ ἡ καρδία αὐτοῦ μετὰ τῶν θηρίων ἐδόθη, καὶ μετὰ τῶν ὀνάγρων ἡ κατοικία αὐτοῦ, καὶ χόρτον ὡσ βοῦν ἐψώμιζον αὐτόν, καὶ ἀπὸ τῆσ δρόσου τοῦ οὐρανοῦ τὸ σῶμα αὐτοῦ ἐβάφη, ἕωσ οὗ ἔγνω ὅτι κυριεύει ὁ Θεὸσ ὕψιστοσ τῆσ βασιλείασ τῶν ἀνθρώπων, καὶ ᾧ ἂν δόξῃ, δώσει αὐτήν. καὶ σὺ οὖν ὁ υἱὸσ αὐτοῦ Βαλτάσαρ οὐκ ἐταπείνωσασ τὴν καρδίαν σου κατενώπιον τοῦ Θεοῦ. οὐ πάντα ταῦτα ἔγνωσ̣ καὶ ἐπὶ τὸν Κύριον Θεὸν τοῦ οὐρανοῦ ὑψώθησ, καὶ τὰ σκεύη τοῦ οἴκου αὐτοῦ ἤνεγκαν ἐνώπιόν σου, καὶ σὺ καὶ οἱ μεγιστᾶνέσ σου καὶ αἱ παλλακαί σου καὶ αἱ παράκοιτοί σου οἶνον ἐπίνετε ἐν αὐτοῖσ, καὶ τοὺσ θεοὺσ τοὺσ χρυσοῦσ καὶ ἀργυροῦσ καὶ χαλκοῦσ καὶ σιδηροῦσ καὶ ξυλίνουσ καὶ λιθίνουσ, οἳ οὐ βλέπουσι καὶ οἳ οὐκ ἀκούουσι καὶ οὐ γινώσκουσιν, ᾔνεσασ καὶ τὸν Θεόν, οὗ ἡ πνοή σου ἐν χειρὶ αὐτοῦ καὶ πᾶσαι αἱ ὁδοί σου, αὐτὸν οὐκ ἐδόξασασ. διὰ τοῦτο ἐκ προσώπου αὐτοῦ ἀπεστάλη ἀστράγαλοσ χειρὸσ καὶ τὴν γραφὴν ταύτην ἐνέταξε. καὶ αὕτη ἡ γραφὴ ἐντεταγμένη. μανή, θεκέλ, φάρεσ. τοῦτο τὸ σύγκριμα τοῦ ρήματοσ. μανή, ἐμέτρησεν ὁ Θεὸσ τὴν βασιλείαν σου καὶ ἐπλήρωσεν αὐτήν. θεκέλ, ἐστάθη ἐν ζυγῷ καὶ εὑρέθη ὑστεροῦσα. φάρεσ, διῄρηται ἡ βασιλεία σου, καὶ ἐδόθη Μήδοισ καὶ Πέρσαισ. ‐ Καὶ εἶπε Βαλτάσαρ καὶ ἐνέδυσαν τὸν Δανιὴλ πορφύραν καὶ τὸν μανιάκην τὸν χρυσοῦν περιέθηκαν περὶ τὸν τράχηλον αὐτοῦ, καὶ ἐκήρυξε περὶ αὐτοῦ εἶναι αὐτὸν ἄρχοντα τρίτον ἐν τῇ βασιλείᾳ. ἐν αὐτῇ τῇ νυκτὶ ἀνῃρέθη Βαλτάσαρ ὁ βασιλεὺσ ὁ Χαλδαίων. καὶ Δαρεῖοσ ὁ Μῆδοσ παρέλαβε τὴν βασιλείαν, ὢν ἐτῶν ἑξήκοντα δύο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Danielis 5:

(70인역 성경, 다니엘서 5:)

목록

SEARCH

MENU NAVIGATION