헬라어 문장 검색 - Σεπτύ049́

(70인역 성경, Liber Susanna)

ΚΑΙ ἦν ἀνὴρ οἰκῶν ἐν Βαβυλῶνι, καὶ ὄνομα αὐτῷ Ἰωακείμ. καὶ ἔλαβε γυναῖκα, ᾗ ὄνομα Σωσάννα, θυγάτηρ Χελκίου, καλὴ σφόδρα καὶ φοβουμένη τὸν Κύριον. καὶ οἱ γονεῖσ αὐτῆσ δίκαιοι καὶ ἐδίδαξαν τὴν θυγατέρα αὐτῶν κατὰ τὸν νόμον Μωυσῆ. καὶ ἦν Ἰωακεὶμ πλούσιοσ σφόδρα, καὶ ἦν αὐτῷ παράδεισοσ γειτνιῶν τῷ οἴκῳ αὐτοῦ. καὶ πρὸσ αὐτὸν προσήγοντο οἱ Ἰουδαῖοι διὰ τὸ εἶναι αὐτὸν ἐνδοξότερον πάντων. καὶ ἀπεδείχθησαν δύο πρεσβύτεροι ἐκ τοῦ λαοῦ κριταὶ ἐν τῷ ἐνιαυτῷ ἐκείνῳ, περὶ ὧν ἐλάλησεν ὁ δεσπότησ, ὅτι ἐξῆλθεν ἀνομία ἐκ Βαβυλῶνοσ ἐκ πρεσβυτέρων κριτῶν, οἳ ἐδόκουν κυβερνᾶν τὸν λαόν. οὗτοι προσεκαρτέρουν ἐν τῇ οἰκίᾳ Ἰωκείμ, καὶ ἤρχοντο πρὸσ αὐτοὺσ πάντεσ οἱ κρινόμενοι. καὶ ἐγένετο ἡνίκα ἀπέτρεχεν ὁ λαὸσ μέσον ἡμέρασ, εἰσεπορεύετο Σωσάννα καὶ περιεπάτει ἐν τῷ παραδείσῳ τοῦ ἀνδρὸσ αὐτῆσ. καὶ ἐθεώρουν αὐτὴν οἱ δύο πρεσβύτεροι καθ̓ ἡμέραν εἰσπορευομένην καὶ περιπατοῦσαν καὶ ἐγένοντο ἐν ἐπιθυμίᾳ αὐτῆσ. καὶ διέστρεψαν τὸν ἑαυτῶν νοῦν καὶ ἐξέκλιναν τοὺσ ὀφθαλμοὺσ αὐτῶν τοῦ μὴ βλέπειν εἰσ τὸν οὐρανόν, μηδὲ μνημονεύειν κριμάτων δικαίων. καὶ ἦσαν ἀμφότεροι κατανενυγμένοι περὶ αὐτῆσ καὶ οὐκ ἀνήγγειλαν ἀλλήλοισ τὴν ὀδύνην αὐτῶν, ὅτι ᾐσχύνοντο ἀναγγεῖλαι τὴν ἐπιθυμίαν αὐτῶν ὅτι ἤθελον συγγενέσθαι αὐτῇ. καὶ παρετηροῦσαν φιλοτίμωσ καθ’ ἡμέραν ὁρᾶν αὐτήν. καὶ εἶπαν ἕτεροσ τῷ ἑτέρῳ. πορευθῶμεν δὴ εἰσ οἶκον, ὅτι ἀρίστου ὥρα ἐστί. καὶ ἐξελθόντεσ διεχωρίσθησαν ἀπ’ ἀλλήλων, καὶ ἀνακάμψαντεσ ἦλθον ἐπὶ τὸ αὐτὸ καὶ ἀνετάζοντεσ ἀλλήλουσ τὴν αἰτίαν, ὡμολόγησαν τὴν ἐπιθυμίαν αὐτῶν. καὶ τότε κοινῇ συνετάξαντο καιρὸν ὅτε αὐτὴν δυνήσονται εὑρεῖν μόνην. καὶ ἐγένετο ἐν τῷ παρατηρεῖν αὐτοὺσ ἡμέραν εὔθετον εἰσῆλθέ ποτε καθὼσ ἐχθὲσ καὶ τρίτησ ἡμέρασ μετὰ δύο μόνων κορασίων καὶ ἐπεθύμησε λούσασθαι ἐν τῷ παραδείσῳ, ὅτι καῦμα ἦν. καὶ οὐκ ἦν οὐδεὶσ ἐκεῖ πλὴν οἱ δύο πρεσβύτεροι κεκρυμμένοι καὶ παρατηροῦντεσ αὐτήν. καὶ εἶπε τοῖσ κορασίοισ. ἐνέγκατε δή μοι ἔλαιον καὶ σμήγματα καὶ τὰσ θύρασ τοῦ παραδείσου κλείσατε, ὅπωσ λούσωμαι. καὶ ἐποίησαν καθὼσ εἶπε καὶ ἀπέκλεισαν τὰσ θύρασ τοῦ παραδείσου καὶ ἐξῆλθαν κατὰ τὰσ πλαγίασ θύρασ ἐνέγκαι τὰ προστεταγμένα αὐταῖσ καὶ οὐκ εἴδοσαν τοὺσ πρεσβυτέρουσ, ὅτι ἦσαν κεκρυμμένοι. καὶ ἐγένετο ὡσ ἐξήλθοσαν τὰ κοράσια, καὶ ἀνέστησαν οἱ δύο πρεσβῦται καὶ ἐπέδραμον αὐτῇ καὶ εἶπον. ἰδοὺ αἱ θύραι τοῦ παραδείσου κέκλεινται, καὶ οὐδεὶσ θεωρεῖ ἡμᾶσ, καὶ ἐν ἐπιθυμίᾳ σού ἐσμεν. διὸ συγκατάθου ἡμῖν καὶ γενοῦ μεθ’ ἡμῶν. εἰ δὲ μή, καταμαρτυρήσομέν σου ὅτι ἦν μετὰ σοῦ νεανίσκοσ καὶ διὰ τοῦτο ἐξαπέστειλασ τὰ κοράσια ἀπὸ σοῦ. καὶ ἀνεστέναξε Σωσάννα καὶ εἶπε. στενά μοι πάντοθεν. ἐάν τε γὰρ τοῦτο πράξω, θάνατόσ μοί ἐστιν, ἐάν τε μὴ πράξω, οὐκ ἐκφεύξομαι τὰσ χεῖρασ ὑμῶν. αἱρετώτερόν μοί ἐστι μὴ πράξασαν ἐμπεσεῖν εἰσ χεῖρασ ὑμῶν ἢ ἁμαρτεῖν ἐνώπιον Κυρίου. καὶ ἀνεβόησε φωνῇ μεγάλῃ Σωσάννα, ἐβόησαν δὲ καὶ οἱ δύο πρεσβῦται κατέναντι αὐτῆσ. καὶ δραμὼν ὁ εἷσ ἤνοιξε τὰσ θύρασ τοῦ παραδείσου. ὡσ δὲ ἤκουσαν τὴν κραυγὴν ἐν τῷ παραδείσῳ οἱ ἐκ τῆσ οἰκίασ, εἰσεπήδησαν διὰ τῆσ πλαγίασ θύρασ ἰδεῖν τὸ συμβεβηκὸσ αὐτῇ. ἡνίκα δὲ εἶπαν οἱ πρεσβῦται τοὺσ λόγουσ αὐτῶν, κατῃσχύνθησαν οἱ δοῦλοι σφόδρα, ὅτι πώποτε οὐκ ἐρρήθη λόγοσ τοιοῦτοσ περὶ Σωσάννησ. Καὶ ἐγένετο τῇ ἐπαύριον ὡσ συνῆλθεν ὁ λαὸσ πρὸσ τὸν ἄνδρα αὐτῆσ Ἰωακείμ, ἦλθον οἱ δύο πρεσβῦται πλήρεισ τῆσ ἀνόμου ἐννοίασ κατὰ Σωσάννησ τοῦ θανατῶσαι αὐτὴν καὶ εἶπαν ἔμπροσθεν τοῦ λαοῦ. ἀποστείλατε ἐπὶ Σωσάνναν θυγατέρα Χελκίου, ἥ ἐστι γυνὴ Ἰωακείμ. οἱ δὲ ἀπέστειλαν. καὶ ἦλθεν αὐτὴ καὶ οἱ γονεῖσ αὐτῆσ καὶ τὰ τέκνα αὐτῆσ καὶ πάντεσ οἱ συγγενεῖσ αὐτῆσ. ἡ δὲ Σωσάννα ἦν τρυφερὰ σφόδρα καὶ καλὴ τῷ εἴδει. οἱ δὲ παράνομοι ἐκέλευσαν ἀποκαλυφθῆναι αὐτήν, ἦν γὰρ κατακεκαλυμμένη, ὅπωσ ἐμπλησθῶσι τοῦ κάλλουσ αὐτῆσ. ἔκλαιον δὲ οἱ παρ’ αὐτῆσ καὶ πάντεσ οἱ ἰδόντεσ αὐτήν. ἀναστάντεσ δὲ οἱ δύο πρεσβῦται ἐν μέσῳ τῷ λαῷ ἔθηκαν τὰσ χεῖρασ ἐπὶ τὴν κεφαλὴν αὐτῆσ. ἡ δὲ κλαίουσα ἀνέβλεψεν εἰσ τὸν οὐρανόν, ὅτι ἦν ἡ καρδία αὐτῆσ πεποιθυῖα ἐπὶ τῷ Κυρίῳ. εἶπον δὲ οἱ πρεσβῦται. περιπατούντων ἡμῶν ἐν τῷ παραδείσῳ μόνων, εἰσῆλθεν αὕτη μετὰ δύο παιδισκῶν καὶ ἀπέκλεισε τὰσ θύρασ τοῦ παραδείσου καὶ ἀπέλυσε τὰσ παιδίσκασ. καὶ ἦλθε πρὸσ αὐτὴν νεανίσκοσ, ὃσ ἦν κεκρυμμένοσ, καὶ ἀνέπεσε μετ’ αὐτῆσ. ἡμεῖσ δὲ ὄντεσ ἐν τῇ γωνίᾳ τοῦ παραδείσου, ἰδόντεσ τὴν ἀνομίαν ἐδράμομεν ἐπ’ αὐτούσ. καὶ ἰδόντεσ συγγινομένουσ αὐτούσ, ἐκείνου μὲν οὐκ ἠδυνήθημεν ἐγκρατεῖσ γενέσθαι διὰ τὸ ἰσχύειν αὐτὸν ὑπὲρ ἡμᾶσ καὶ ἀνοίξαντα τὰσ θύρασ ἐκπεπηδηκέναι, ταύτησ δὲ ἐπιλαβόμενοι ἐπηρωτῶμεν τίσ ἦν ὁ νεανίσκοσ, καὶ οὐκ ἠθέλησεν ἀγγεῖλαι ἡμῖν. ταῦτα μαρτυροῦμεν. καὶ ἐπίστευσεν αὐτοῖσ ἡ συναγωγὴ ὡσ πρεσβυτέροισ τοῦ λαοῦ καὶ κριταῖσ καὶ κατέκριναν αὐτὴν ἀποθανεῖν. ἀνεβόησε δὲ φωνῇ μεγάλῃ Σωσάννα καὶ εἶπεν. ὁ Θεὸσ ὁ αἰώνιοσ ὁ τῶν κρυπτῶν γνώστησ, ὁ εἰδὼσ τὰ πάντα πρὶν γενέσεωσ αὐτῶν, σὺ ἐπίστασαι ὅτι ψευδῆ μου κατεμαρτύρησαν. καὶ ἰδοὺ ἀποθνήσκω μὴ ποιήσασα μηδὲν ὧν οὗτοι ἐπονηρεύσαντο κατ’ ἐμοῦ. Καὶ εἰσήκουσε Κύριοσ τῆσ φωνῆσ αὐτῆσ. καὶ ἀπαγομένησ αὐτῆσ ἀπολέσθαι, ὁ Θεὸσ ἐξήγειρε τὸ πνεῦμα τὸ ἅγιον παιδαρίου νεωτέρου, ᾧ ὄνομα Δανιήλ, καὶ ἐβόησε φωνῇ μεγάλῃ. ἀθῷοσ ἐγὼ ἀπὸ τοῦ αἵματοσ ταύτησ. ἐπέστρεψε δὲ πᾶσ ὁ λαὸσ πρὸσ αὐτὸν καὶ εἶπαν. τίσ ὁ λόγοσ οὗτοσ, ὃν σὺ λελάληκασ̣ ὁ δὲ στὰσ ἐν μέσῳ αὐτῶν εἶπεν. οὕτωσ μωροὶ οἱ υἱοὶ Ἰσραήλ̣ οὐκ ἀνακρίναντεσ οὐδὲ τὸ σαφὲσ ἐπιγνόντεσ κατεκρίνατε θυγατέρα Ἰσραήλ̣ ἀναστρέψατε εἰσ τὸ κριτήριον. ψευδῆ γὰρ οὗτοι κατεμαρτύρησαν αὐτῆσ. καὶ ἀνέστρεψε πᾶσ ὁ λαὸσ μετὰ σπουδῆσ. καὶ εἶπαν αὐτῷ οἱ πρεσβύτεροι. δεῦρο κάθισον ἐν μέσῳ ἡμῶν καὶ ἀνάγγειλον ἡμῖν, ὅτι σοὶ δέδωκεν ὁ Θεὸσ τὸ πρεσβεῖον. καὶ εἶπε πρὸσ αὐτοὺσ Δανιήλ. διαχωρίσατε αὐτοὺσ ἀπ’ ἀλλήλων μακράν, καὶ ἀνακρινῶ αὐτούσ. ὡσ δὲ διεχωρίσθησαν εἷσ ἀπὸ τοῦ ἑνόσ, ἐκάλεσε τὸν ἕνα αὐτῶν καὶ εἶπε πρὸσ αὐτόν. πεπαλαιωμένε ἡμερῶν κακῶν, νῦν ἥκασιν αἱ ἁμαρτίαι σου, ἃσ ἐποίεισ τὸ πρότερον κρίνων κρίσεισ ἀδίκουσ καὶ τοὺσ μὲν ἀθῴουσ κατακρίνων, ἀπολύων δὲ τοὺσ αἰτίουσ, λέγοντοσ τοῦ Κυρίου. ἀθῷον καὶ δίκαιον οὐκ ἀποκτενεῖσ. νῦν οὖν ταύτην εἴπερ εἶδεσ, εἰπόν. ὑπὸ τί δένδρον εἶδεσ αὐτοὺσ ὁμιλοῦντασ ἀλλήλοισ̣ ὁ δὲ εἶπεν. ὑπὸ σχῖνον. εἶπε δὲ Δανιήλ. ὀρθῶσ ἔψευσαι εἰσ τὴν σεαυτοῦ κεφαλήν. ἤδη γὰρ ἄγγελοσ Θεοῦ λαβὼν φάσιν παρὰ τοῦ Θεοῦ σχίσει σε μέσον. καὶ μεταστήσασ αὐτὸν ἐκέλευσε προσαγαγεῖν τὸν ἕτερον. καὶ εἶπεν αὐτῷ. σπέρμα Χαναὰν καὶ οὐκ Ἰούδα, τὸ κάλλοσ ἐξηπάτησέ σε, καὶ ἐπιθυμία διέστρεψε τὴν καρδίαν σου. οὕτωσ ἐποιεῖτε θυγατράσιν Ἰσραήλ, καὶ ἐκεῖναι φοβούμεναι ὡμίλουν ὑμῖν, ἀλλ’ οὐ θυγάτηρ Ἰούδα ὑπέμεινε τὴν ἀνομίαν ὑμῶν. νῦν οὖν λέγε μοι. ὑπὸ τί δένδρον κατέλαβεσ αὐτοὺσ ὁμιλοῦντασ ἀλλήλοισ̣ ὁ δὲ εἶπεν. ὑπὸ πρῖνον. εἶπε δὲ αὐτῷ Δανιήλ. ὀρθῶσ ἔψευσαι καὶ σὺ εἰσ τὴν σεαυτοῦ κεφαλήν. μένει γὰρ ὁ ἄγγελοσ τοῦ Θεοῦ τὴν ρομφαίαν ἔχων πρίσαι σε μέσον, ὅπωσ ἐξολοθρεύσῃ ὑμᾶσ. καὶ ἀνεβόησε πᾶσα ἡ συναγωγὴ φωνῇ μεγάλῃ καὶ εὐλόγησαν τῷ Θεῷ τῷ σώζοντι τοὺσ ἐλπίζοντασ ἐπ’ αὐτόν. καὶ ἀνέστησαν ἐπὶ τοὺσ δύο πρεσβύτασ, ὅτι συνέστησεν αὐτοὺσ Δανιὴλ ἐκ τοῦ στόματοσ αὐτῶν ψευδομαρτυρήσαντασ, καὶ ἐποίησαν αὐτοῖσ ὃν τρόπον ἐπονηρεύσαντο τῷ πλησίον, ποιῆσαι κατὰ τὸν νόμον Μωυσῆ, καὶ ἀπέκτειναν αὐτούσ. καὶ ἐσώθη αἷμα ἀναίτιον ἐν τῇ ἡμέρᾳ ἐκείνῃ. Χελκίασ δὲ καὶ ἡ γυνὴ αὐτοῦ ᾔνεσαν τὸν Θεὸν περὶ τῆσ θυγατρὸσ αὐτῶν μετὰ Ἰωακεὶμ τοῦ ἀνδρὸσ αὐτῆσ καὶ τῶν συγγενῶν πάντων, ὅτι οὐχ εὑρέθη ἐν αὐτῇ ἄσχημον πρᾶγμα. καὶ Δανιὴλ ἐγένετο μέγασ ἐνώπιον τοῦ λαοῦ ἀπὸ τῆσ ἡμέρασ ἐκείνησ καὶ ἐπέκεινα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Liber Susanna

(70인역 성경, Liber Susanna)

목록

SEARCH

MENU NAVIGATION