헬라어 문장 검색 - Σεπτύ048́044́

(70인역 성경, 에제키엘서 44:)

ΚΑΙ ἐπέστρεψέ με κατὰ τὴν ὁδὸν τῆσ πύλησ τῶν ἁγίων τῆσ ἐξωτέρασ τῆσ βλεπούσησ κατὰ ἀνατολάσ, καὶ αὕτη ἦν κεκλεισμένη. καὶ εἶπε Κύριοσ πρόσ με. ἡ πύλη αὕτη κεκλεισμένη ἔσται, οὐκ ἀνοιχθήσεται, καὶ οὐδεὶσ μὴ διέλθῃ δι’ αὐτῆσ, ὅτι Κύριοσ ὁ Θεὸσ Ἰσραὴλ εἰσελεύσεται δι’ αὐτῆσ, καὶ ἔσται κεκλεισμένη. διότι ὁ ἡγούμενοσ, οὗτοσ καθήσεται ἐν αὐτῇ τοῦ φαγεῖν ἄρτον ἐναντίον Κυρίου. κατὰ τὴν ὁδὸν αἰλὰμ τῆσ πύλησ εἰσελεύσεται καὶ κατὰ τὴν ὁδὸν αὐτοῦ ἐξελεύσεται. ‐ Καὶ εἰσήγαγέ με κατὰ τὴν ὁδὸν τῆσ πύλησ τῆσ πρὸσ βορρᾶν κατέναντι τοῦ οἴκου, καὶ εἶδον καὶ ἰδοὺ πλήρησ δόξησ ὁ οἶκοσ τοῦ Κυρίου, καὶ πίπτω ἐπὶ πρόσωπόν μου. καὶ εἶπε Κύριοσ πρόσ με. υἱὲ ἀνθρώπου, τάξον εἰσ τὴν καρδίαν σου καὶ ἰδὲ τοῖσ ὀφθαλμοῖσ σου καὶ τοῖσ ὠσί σου ἄκουε πάντα, ὅσα ἐγὼ λαλῶ μετὰ σοῦ, κατὰ πάντα τά προστάγματα τοῦ οἴκου Κυρίου καὶ κατὰ πάντα τὰ νόμιμα αὐτοῦ. καὶ τάξεισ τὴν καρδίαν σου εἰσ τὴν εἴσοδον τοῦ οἴκου κατὰ πάσασ τὰσ ἐξόδουσ αὐτοῦ ἐν πᾶσι τοῖσ ἁγίοισ. καὶ ἐρεῖσ πρὸσ τὸν οἶκον τὸν παραπικραίνοντα, πρὸσ τὸν οἶκον τοῦ Ἰσραήλ. τάδε λέγει Κύριοσ ὁ Θεόσ. ἱκανούσθω ὑμῖν ἀπὸ πασῶν τῶν ἀνομιῶν ὑμῶν, οἶκοσ Ἰσραήλ, τοῦ εἰσαγαγεῖν ὑμᾶσ υἱοὺσ ἀλλογενεῖσ ἀπεριτμήτουσ καρδίᾳ καὶ ἀπεριτμήτουσ σαρκὶ τοῦ γίνεσθαι ἐν τοῖσ ἁγίοισ μου, καὶ ἐβεβήλουν αὐτὰ ἐν τῷ προσφέρειν ὑμᾶσ ἄρτουσ, στέαρ καὶ αἷμα, καὶ παρεβαίνετε τὴν διαθήκην μου ἐν πάσαισ ταῖσ ἀνομίαισ ὑμῶν καὶ διετάξατε τοῦ φυλάσσειν φυλακὰσ ἐν τοῖσ ἁγίοισ μου. διὰ τοῦτο τάδε λέγει Κύριοσ ὁ Θεόσ. πᾶσ υἱὸσ ἀλλογενὴσ ἀπερίτμητοσ καρδίᾳ καὶ ἀπερίτμητοσ σαρκὶ οὐκ εἰσελεύσεται εἰσ τὰ ἅγιά μου ἐν πᾶσιν υἱοῖσ ἀλλογενῶν τῶν ὄντων ἐν μέσῳ οἴκου Ἰσραήλ, ἀλλ’ ἢ οἱ Λευῖται, οἵτινεσ ἀφήλαντο ἀπ’ ἐμοῦ ἐν τῷ πλανᾶσθαι τὸν Ἰσραὴλ ἀπ’ ἐμοῦ κατόπισθεν τῶν ἐνθυμημάτων αὐτῶν, καὶ λήψονται ἀδικίαν αὐτῶν καὶ ἔσονται ἐν τοῖσ ἁγίοισ μου λειτουργοῦντεσ θυρωροὶ ἐπὶ τῶν πυλῶν τοῦ οἴκου καὶ λειτουργοῦντεσ τῷ οἴκῳ. οὗτοι σφάξουσι τὰσ θυσίασ καὶ τὰ ὁλοκαυτώματα τῷ λαῷ, καὶ οὗτοι στήσονται ἐναντίον τοῦ λαοῦ τοῦ λειτουργεῖν αὐτοῖσ. ἀνθ’ ὧν ἐλειτούργουν αὐτοῖσ πρὸ προσώπου τῶν εἰδώλων αὐτῶν καὶ ἐγένετο τῷ οἴκῳ Ἰσραὴλ εἰσ κόλασιν ἀδικίασ, ἕνεκα τούτου ᾖρα τὴν χεῖρά μου ἐπ’ αὐτούσ, λέγει Κύριοσ ὁ Θεόσ, καὶ οὐκ ἐγγιοῦσι πρόσ με τοῦ ἱερατεύειν μοι, οὐδὲ τοῦ προσάγειν πρὸσ τὰ ἅγια υἱῶν τοῦ Ἰσραὴλ οὐδὲ πρὸσ τὰ ἅγια τῶν ἁγίων μου καὶ λήψονται ἀτιμίαν αὐτῶν ἐν τῇ πλανήσει, ᾗ ἐπλανήθησαν. καὶ κατατάξουσιν αὐτοὺσ φυλάσσειν φυλακὰσ τοῦ οἴκου εἰσ πάντα τὰ ἔργα αὐτοῦ καὶ εἰσ πάντα, ὅσα ἂν ποιήσωσιν. οἱ ἱερεῖσ οἱ Λευῖται, οἱ υἱοὶ τοῦ Σαδδούκ, οἵτινεσ ἐφυλάξαντο τὰσ φυλακὰσ τῶν ἁγίων μου ἐν τῷ πλανᾶσθαι οἶκον Ἰσραὴλ ἀπ’ ἐμοῦ, οὗτοι προσάξουσι πρόσ με τοῦ λειτουργεῖν μοι καὶ στήσονται πρὸ προσώπου μου τοῦ προσφέρειν μοι θυσίαν, στέαρ καὶ αἷμα, λέγει Κύριοσ ὁ Θεόσ. οὗτοι εἰσελεύσονται εἰσ τὰ ἅγιά μου, καὶ οὗτοι προσελεύσονται πρὸσ τὴν τράπεζάν μου τοῦ λειτουργεῖν μοι καὶ φυλάξουσι τὰσ φυλακάσ μου. καὶ ἔσται ἐν τῷ εἰσπορεύεσθαι αὐτοὺσ τὰσ πύλασ τῆσ αὐλῆσ τῆσ ἐσωτέρασ στολὰσ λινᾶσ ἐνδύσονται καὶ οὐκ ἐνδύσονται ἔρια ἐν τῷ λειτουργεῖν αὐτοὺσ ἀπὸ τῆσ πύλησ τῆσ ἐσωτέρασ αὐλῆσ. καὶ κιδάρεισ λινᾶσ ἕξουσιν ἐπὶ ταῖσ κεφαλαῖσ αὐτῶν καὶ περισκελῆ λινᾶ ἕξουσιν ἐπὶ τὰσ ὀσφύασ αὐτῶν καὶ οὐ περιζώσονται βίᾳ. καὶ ἐν τῷ ἐκπορεύεσθαι αὐτοὺσ εἰσ τὴν αὐλὴν τὴν ἐξωτέραν πρὸσ τὸν λαὸν ἐκδύσονται τὰσ στολὰσ αὐτῶν, ἐν αἷσ αὐτοὶ λειτουργοῦσιν ἐν αὐταῖσ, καὶ θήσουσιν αὐτὰσ ἐν ταῖσ ἐξέδραισ τῶν ἁγίων καὶ ἐνδύσονται στολὰσ ἑτέρασ καὶ οὐ μὴ ἁγιάσωσι τὸν λαὸν ἐν ταῖσ στολαῖσ αὐτῶν. καὶ τὰσ κεφαλὰσ αὐτῶν οὐ ξυρήσονται καὶ τὰσ κόμασ αὐτῶν οὐ ψιλώσουσι, καλύπτοντεσ καλύψουσι τὰσ κεφαλὰσ αὐτῶν. καὶ οἶνον οὐ μὴ πίωσι πᾶσ ἱερεὺσ ἐν τῷ εἰσπορεύεσθαι αὐτοὺσ εἰσ τὴν αὐλὴν τὴν ἐσωτέραν. καὶ χήραν καὶ ἐκβεβλημένην οὐ λήψονται ἑαυτοῖσ εἰσ γυναῖκα, ἀλλ’ ἢ παρθένον ἐκ τοῦ σπέρματοσ Ἰσραήλ. καὶ χήρα ἐὰν γένηται ἐξ ἱερέωσ, λήψονται. καὶ τὸν λαόν μου διδάξουσιν ἀνὰ μέσον ἁγίου καὶ βεβήλου καὶ ἀνὰ μέσον ἀκαθάρτου καὶ καθαροῦ γνωριοῦσιν αὐτοῖσ. καὶ ἐπὶ κρίσιν αἵματοσ οὗτοι ἐπιστήσονται τοῦ διακρίνειν. τὰ δικαιώματά μου δικαιώσουσι καὶ τὰ κρίματά μου κρινοῦσι καὶ τὰ νόμιμά μου καὶ τὰ προστάγματά μου ἐν πάσαισ ταῖσ ἑορταῖσ μου φυλάξονται καὶ τὰ σάββατά μου ἁγιάσουσι. καὶ ἐπὶ ψυχὴν ἀνθρώπου οὐκ εἰσελεύσονται τοῦ μιανθῆναι, ἀλλ’ ἢ ἐπὶ πατρὶ καὶ ἐπὶ μητρὶ καὶ ἐπὶ υἱῷ καὶ ἐπὶ θυγατρὶ καὶ ἐπὶ ἀδελφῷ καὶ ἐπὶ ἀδελφῇ αὐτοῦ, ἣ οὐ γέγονεν ἀνδρί, μιανθήσεται. καὶ μετὰ τὸ καθαρισθῆναι αὐτὸν ἑπτὰ ἡμέρασ ἐξαριθμηθήσῃ αὐτῷ. καὶ ᾗ ἂν ἡμέρᾳ εἰσπορεύωνται εἰσ τὴν αὐλὴν τὴν ἐσωτέραν τοῦ λειτουργεῖν ἐν τῷ ἁγίῳ, προσοίσουσιν ἱλασμόν, λέγει Κύριοσ ὁ Θεόσ. καὶ ἔσται αὐτοῖσ εἰσ κληρονομίαν. ἐγὼ κληρονομία αὐτοῖσ, καὶ κατάσχεσισ αὐτοῖσ οὐ δοθήσεται ἐν τοῖσ υἱοῖσ Ἰσραήλ, ὅτι ἐγὼ κατάσχεσισ αὐτῶν. καὶ τὰσ θυσίασ καὶ τὰ ὑπὲρ ἁμαρτίασ καὶ τὰ ὑπὲρ ἀγνοίασ οὗτοι φάγονται, καὶ πᾶν ἀφόρισμα ἐν τῷ Ἰσραὴλ αὐτοῖσ ἔσται. ἀπαρχαὶ πάντων καὶ τὰ πρωτότοκα πάντων καὶ τὰ ἀφαιρέματα πάντα ἐκ πάντων τῶν ἀπαρχῶν ὑμῶν τοῖσ ἱερεῦσιν ἔσται. καὶ τὰ πρωτογεννήματα ὑμῶν δώσετε τῷ ἱερεῖ τοῦ θεῖναι εὐλογίασ ὑμῶν ἐπὶ τοὺσ οἴκουσ ὑμῶν. καὶ πᾶν θνησιμαῖον καὶ θηριάλωτον ἐκ τῶν πετεινῶν καὶ ἐκ τῶν κτηνῶν οὐ φάγονται οἱ ἱερεῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 44:

(70인역 성경, 에제키엘서 44:)

목록

SEARCH

MENU NAVIGATION