헬라어 문장 검색 - Σεπτύ048́042́

(70인역 성경, 에제키엘서 42:)

ΚΑΙ εἰσήγαγέ με εἰσ τὴν αὐλὴν τὴν ἐσωτέραν κατά ἀνατολὰσ κατέναντι τῆσ πύλησ τῆσ πρὸσ βορρᾶν. καὶ εἰσήγαγέ με, καὶ ἰδοὺ ἐξέδραι πέντε ἐχόμεναι τοῦ ἀπολοίπου καὶ ἐχόμεναι τοῦ διορίζοντοσ πρὸσ βορρᾶν, ἐπὶ πήχεισ ἑκατὸν μῆκοσ πρὸσ βορρᾶν καὶ τὸ πλάτοσ πεντήκοντα πηχῶν, διαγεγραμμέναι ὃν τρόπον αἱ πύλαι τῆσ αὐλῆσ τῆσ ἐσωτέρασ καὶ ὃν τρόπον τὰ περίστυλα τῆσ αὐλῆσ τῆσ ἐξωτέρασ, ἐστιχισμέναι ἀντιπρόσωποι στοαὶ τρισσαί. καὶ κατέναντι τῶν ἐξεδρῶν περίπατοσ πηχῶν δέκα τὸ πλάτοσ, ἐπὶ πήχεισ ἑκατὸν τὸ μῆκοσ. καὶ τὰ θυρώματα αὐτῶν πρὸσ βορρᾶν. καὶ οἱ περίπατοι οἱ ὑπερῷοι ὡσαύτωσ, ὅτι ἐξείχετο τὸ περίστυλον ἐξ αὐτοῦ, ἐκ τοῦ ὑποκάτωθεν περιστύλου, καὶ τὸ διάστημα. οὕτωσ περίστυλον καὶ διάστημα καὶ οὕτωσ στοαί. διότι τριπλαῖ ἦσαν καὶ στύλουσ οὐκ εἶχον καθὼσ οἱ στῦλοι τῶν ἐξωτέρων, διὰ τοῦτο ἐξείχοντο τῶν ὑποκάτωθεν καὶ τῶν μέσων ἀπὸ τῆσ γῆσ. καὶ φῶσ ἔξωθεν ὃν τρόπον αἱ ἐξέδραι τῆσ αὐλῆσ τῆσ ἐξωτέρασ αἱ βλέπουσαι ἀπέναντι τῶν ἐξεδρῶν τῶν πρὸσ βορρᾶν, μῆκοσ πηχῶν πεντήκοντα. ὅτι τὸ μῆκοσ τῶν ἐξεδρῶν τῶν βλεπουσῶν εἰσ τὴν αὐλὴν τὴν ἐξωτέραν ἦν πηχῶν πεντήκοντα, καὶ αὐταί εἰσιν αἱ ἀντιπρόσωποι ταύταισ. τὸ πᾶν πηχῶν ἑκατόν. καὶ αἱ θύραι τῶν ἐξεδρῶν τούτων τῆσ εἰσόδου τῆσ πρὸσ ἀνατολὰσ τοῦ εἰσπορεύεσθαι δι’ αὐτῶν ἐκ τῆσ αὐλῆσ τῆσ ἐξωτέρας κατὰ τὸ φῶσ τοῦ ἐν ἀρχῇ περιπάτου. καὶ τὰ πρὸσ νότον κατὰ πρόσωπον τοῦ νότου κατὰ πρόσωπον τοῦ ἀπολοίπου καὶ κατὰ πρόσωπον τοῦ διορίζοντοσ ἐξέδραι, καὶ ὁ περίπατοσ κατὰ πρόσωπον αὐτῶν κατὰ τὰ μέτρα ἐξεδρῶν τῶν πρὸσ βορρᾶν καὶ κατὰ τὸ μῆκοσ αὐτῶν καὶ κατὰ τὸ εὖροσ αὐτῶν καὶ κατὰ πάσασ τὰσ ἐξόδουσ αὐτῶν καὶ κατὰ πάσασ τὰσ ἐπιστροφὰσ αὐτῶν καὶ κατὰ τά φῶτα αὐτῶν καὶ κατὰ τὰ θυρώματα αὐτῶν τῶν ἐξεδρῶν τῶν πρὸσ νότον καὶ κατὰ τὰ θυρώματα ἀπ’ ἀρχῆσ τοῦ περιπάτου ὡσ ἐπὶ φῶσ διαστήματοσ καλάμου καὶ κατὰ ἀνατολὰσ τοῦ εἰσπορεύεσθαι δι’ αὐτῶν. ‐ Καὶ εἶπε πρόσ με. αἱ ἐξέδραι αἱ πρὸσ βορρᾶν, καὶ αἱ ἐξέδραι αἱ πρὸσ νότον αἱ οὖσαι κατὰ πρόσωπον τῶν διαστημάτων, αὗταί εἰσιν αἱ ἐξέδραι τοῦ ἁγίου, ἐν αἷσ φάγονται ἐκεῖ οἱ ἱερεῖσ υἱοὶ Σαδδοὺκ οἱ ἐγγίζοντεσ πρὸσ Κύριον τὰ ἅγια τῶν ἁγίων. καὶ ἐκεῖ θήσουσι τὰ ἅγια τῶν ἁγίων καὶ τὴν θυσίαν καὶ τὰ περὶ ἁμαρτίασ καὶ τὰ περὶ ἀγνοίασ, διότι ὁ τόποσ ἅγιοσ. οὐκ εἰσελεύσονται ἐκεῖ πάρεξ τῶν ἱερέων. οὐκ ἐξελεύσονται ἐκ τοῦ ἁγίου εἰσ τὴν αὐλὴν τὴν ἐξωτέραν, ὅπωσ διαπαντὸσ ἅγιοι ὦσιν οἱ προσάγοντεσ, καὶ μὴ ἅπτωνται τοῦ στολισμοῦ αὐτῶν, ἐν οἷσ λειτουργοῦσιν ἐν αὐτοῖσ, διότι ἅγιά ἐστι. καὶ ἐνδύσονται ἱμάτια ἕτερα, ὅταν ἅπτωνται τοῦ λαοῦ. ‐ Καὶ συνετελέσθη ἡ διαμέτρησισ τοῦ οἴκου ἔσωθεν. καὶ ἐξήγαγέ με καθ’ ὁδὸν τῆσ πύλησ τῆσ βλεπούσησ πρὸσ ἀνατολὰσ καὶ διεμέτρησε τὸ ὑπόδειγμα τοῦ οἴκου κυκλόθεν ἐν διατάξει. καὶ ἔστη κατὰ νώτου τῆσ πύλησ τῆσ βλεπούσησ κατὰ ἀνατολὰσ καὶ διεμέτρησε πεντακοσίουσ ἐν τῷ καλάμῳ τοῦ μέτρου. καὶ ἐπέστρεψε πρὸσ βορρᾶν καὶ διεμέτρησε τὸ κατὰ πρόσωπον τοῦ βορρᾶ πήχεισ πεντακοσίουσ ἐν τῷ καλάμῳ τοῦ μέτρου. καὶ ἐπέστρεψε πρὸσ θάλασσαν καὶ διεμέτρησε τὸ κατὰ πρόσωπον τῆσ θαλάσσησ πεντακοσίουσ ἐν τῷ καλάμῳ τοῦ μέτρου. καὶ ἐπέστρεψε πρὸσ νότον καὶ διεμέτρησε κατέναντι τοῦ νότου πεντακοσίουσ ἐν τῷ καλάμῳ τοῦ μέτρου. τὰ τέσσαρα μέρη τοῦ αὐτοῦ καλάμου. καὶ διέταξεν αὐτὸν καὶ περίβολον αὐτῶν κύκλῳ πεντακοσίων πρὸσ ἀνατολὰσ καὶ πεντακοσίων πηχῶν εὖροσ τοῦ διαστέλλειν ἀναμέσον τῶν ἁγίων καὶ ἀναμέσον τοῦ προτειχίσματοσ τοῦ ἐν διατάξει τοῦ οἴκου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 42:

(70인역 성경, 에제키엘서 42:)

목록

SEARCH

MENU NAVIGATION