Septuagint, Prophetia Ezechielis 41:

(70인역 성경, 에제키엘서 41:)

ΚΑΙ εἰσήγαγέ με εἰσ τὸν ναόν, ᾧ διεμέτρησε τὸ αἰλὰμ πηχῶν ἓξ τὸ πλάτοσ ἔνθεν καὶ πηχῶν ἓξ τὸ εὖροσ τοῦ αἰλὰμ ἔνθεν, καὶ τὸ εὖροσ τοῦ πυλῶνοσ πηχῶν δέκα, καὶ ἐπωμίδεσ τοῦ πυλῶνοσ πηχῶν πέντε ἔνθεν καὶ πηχῶν πέντε ἔνθεν. καὶ διεμέτρησε τὸ μῆκοσ αὐτοῦ πηχῶν τεσσαράκοντα καὶ τὸ εὖροσ πηχῶν εἴκοσι. καὶ εἰσῆλθεν εἰσ τὴν αὐλὴν τὴν ἐσωτέραν καὶ διεμέτρησε τὸ αἲλ τοῦ θυρώματοσ πηχῶν δύο καὶ τὸ θύρωμα πηχῶν ἓξ καὶ τὰσ ἐπωμίδασ τοῦ θυρώματοσ πηχῶν ἑπτὰ ἔνθεν καὶ πηχῶν ἑπτὰ ἔνθεν. καὶ διεμέτρησε τὸ μῆκοσ τῶν θυρῶν πηχῶν τεσσαράκοντα καὶ εὖροσ πηχῶν εἴκοσι κατὰ πρόσωπον τοῦ ναοῦ. καὶ εἶπε. τοῦτο τὸ ἅγιον τῶν ἁγίων. καὶ διεμέτησε τὸν τοῖχον τοῦ οἴκου πηχῶν ἓξ καὶ τὸ εὖροσ τῆσ πλευρᾶσ πηχῶν τεσσάρων κυκλόθεν. καὶ τὰ πλευρὰ πλευρὸν ἐπὶ πλευρὸν τριάκοντα καὶ τρεῖσ δίσ, καὶ διάστημα ἐν τῷ τοίχῳ τοῦ οἴκου ἐν τοῖσ πλευροῖσ κύκλῳ τοῦ εἶναι τοῖσ ἐπιλαμβανομένοισ ὁρᾶν, ὅπωσ τὸ παράπαν μὴ ἅπτωνται τῶν τοίχων τοῦ οἴκου. καὶ τὸ εὖροσ τῆσ ἀνωτέρασ τῶν πλευρῶν κατὰ τὸ πρόσθεμα ἐκ τοῦ τοίχου πρὸσ τὴν ἀνωτέραν κύκλῳ τοῦ οἴκου, ὅπωσ διαπλατύνηται ἄνωθεν καὶ ἐκ τῶν κάτωθεν ἀναβαίνωσιν ἐπὶ τὰ ὑπερῷα καὶ ἐκ τῶν μέσων ἐπὶ τὰ τριώροφα. καὶ τὸ θραὲλ τοῦ οἴκου ὕψοσ κύκλῳ διάστημα τῶν πλευρῶν ἴσον τῷ καλάμῳ, πηχῶν ἓξ διάστημα. καὶ εὖροσ τοῦ τοίχου τῆσ πλευρᾶσ ἔξωθεν πηχῶν πέντε. καὶ τὰ ἀπόλοιπα ἀναμέσον τῶν πλευρῶν τοῦ οἴκου καὶ ἀναμέσον τῶν ἐξεδρῶν εὖροσ πηχῶν εἴκοσι, τὸ περιφερὲσ τῷ οἴκῳ κύκλῳ. καὶ αἱ θύραι τῶν ἐξεδρῶν ἐπὶ τὸ ἀπόλοιπον τῆσ θύρασ τῆσ μιᾶσ τῆσ πρὸσ βορρᾶν. καὶ ἡ θύρα ἡ μία πρὸσ νότον, καὶ τὸ εὖροσ τοῦ φωτὸσ τοῦ ἀπολοίπου πηχῶν πέντε πλάτοσ κυκλόθεν. καὶ τὸ διορίζον κατὰ πρόσωπον τοῦ ἀπολοίπου ὡσ πρὸσ θάλασσαν πηχῶν ἑβδομήκοντα, πλάτοσ τοῦ τοίχου τοῦ διορίζοντοσ πηχῶν πέντε, εὖροσ κυκλόθεν καὶ μῆκοσ αὐτοῦ πηχῶν ἐνενήκοντα. καὶ διεμέτρησε κατέναντι τοῦ οἴκου μῆκοσ πηχῶν ἑκατόν, καὶ τὰ ἀπόλοιπα καὶ τὰ διορίζοντα καὶ οἱ τοῖχοι αὐτῶν μῆκοσ πηχῶν ἑκατόν, καὶ τὸ εὖροσ κατὰ πρόσωπον τοῦ οἴκου καὶ τὰ ἀπόλοιπα κατέναντι πηχῶν ἑκατόν. καὶ διεμέτρησε μῆκοσ τοῦ διορίζοντοσ κατὰ πρόσωπον τοῦ ἀπολοίπου τῶν κατόπισθεν τοῦ οἴκου ἐκείνου καὶ τὰ ἀπόλοιπα ἔνθεν καὶ ἔνθεν πηχῶν ἑκατὸν τὸ μῆκοσ. καὶ ὁ ναὸσ καὶ αἱ γωνίαι καὶ τὸ αἰλὰμ τὸ ἐξώτερον πεφατνωμένα, καὶ αἱ θυρίδεσ δικτυωταί, ὑποφαύσεισ κύκλῳ τοῖσ τρισὶν ὥστε διακύπτειν. καὶ ὁ οἶκοσ καὶ τὰ πλησίον ἐξυλωμένα κύκλῳ καὶ τὸ ἔδαφοσ καὶ ἐκ τοῦ ἐδάφουσ ἕωσ τῶν θυρίδων, καὶ αἱ θυρίδεσ ἀναπτυσσόμεναι τρισσῶσ εἰσ τὸ διακύπτειν. καὶ ἕωσ πλησίον τῆσ ἐσωτέρασ καὶ ἕωσ τῆσ ἐξωτέρασ καὶ ἐφ’ ὅλον τὸν τοῖχον κύκλῳ ἐν τῷ ἔσωθεν καὶ ἐν τῷ ἔξωθεν γεγλυμμένα Χερουβίμ, καὶ φοίνικεσ ἀναμέσον Χερούβ καὶ Χερούβ. δύο πρόσωπα τῷ Χερούβ, πρόσωπον ἀνθρώπου πρὸσ τὸν φοίνικα ἔνθεν καὶ ἔνθεν καὶ πρόσωπον λέοντοσ πρὸσ τὸν φοίνικα ἔνθεν καὶ ἔνθεν. διαγεγλυμμένοσ ὅλοσ ὁ οἶκοσ κυκλόθεν, ἐκ τοῦ ἐδάφουσ ἕωσ τοῦ φατνώματοσ τὰ Χερουβὶμ καὶ οἱ φοίνικεσ διαγεγλυμμένοι. καὶ τὸ ἅγιον καὶ ὁ ναὸσ ἀναπτυσσόμενοσ τετράγωνα. κατὰ πρόσωπον τῶν ἁγίων ὅρασισ ὡσ ὄψις θυσιαστηρίου ξυλίνου, πηχῶν τριῶν τὸ ὕψοσ αὐτοῦ καὶ τὸ μῆκοσ πηχῶν δύο καὶ τὸ εὖροσ πηχῶν δύο. καὶ κέρατα εἶχε, καὶ ἡ βάσισ αὐτοῦ καὶ οἱ τοῖχοι αὐτοῦ ξύλινοι. καὶ εἶπε πρόσ με. αὕτη ἡ τράπεζα ἡ πρὸ προσώπου Κυρίου. καὶ δύο θυρώματα τῷ ναῷ καὶ τῷ ἁγίῳ. δύο θυρώματα τοῖσ δυσὶ θυρώμασι τοῖσ στροφωτοῖσ, δύο θυρώματα τῷ ἑνὶ καὶ δύο θυρώματα τῇ θύρᾳ τῇ δευτέρᾳ. καὶ γλυφὴ ἐπ’ αὐτῶν, καὶ ἐπὶ τὰ θυρώματα τοῦ ναοῦ Χερουβίμ, καὶ φοίνικεσ κατὰ τὴν γλυφὴν τῶν ἁγίων, καὶ σπουδαῖα ξύλα κατὰ πρόσωπον τοῦ αἰλὰμ ἔξωθεν καὶ θυρίδεσ κρυπταί. καὶ διεμέτρησεν ἔνθεν καὶ ἔνθεν εἰσ τὰ ὀροφώματα τοῦ αἰλὰμ καὶ τὰ πλευρὰ τοῦ οἴκου ἐζυγωμένα.

목록

일치하는 문장이 없습니다.

SEARCH

MENU NAVIGATION