헬라어 문장 검색 - Σεπτύ048́040́

(70인역 성경, 에제키엘서 40:)

ΚΑΙ ἐγένετο ἐν τῷ πέμπτῳ καὶ εἰκοστῷ ἔτει τῆσ αἰχμαλωσίασ ἡμῶν, ἐν τῷ πρώτῳ μηνί, δεκάτῃ τοῦ μηνόσ, ἐν τῷ τεσσαρεσκαιδεκάτῳ ἔτει μετὰ τὸ ἁλῶναι τὴν πόλιν, ἐν τῇ ἡμέρᾳ ἐκείνῃ ἐγένετο ἐπ’ ἐμὲ χεὶρ Κυρίου καὶ ἤγαγέ με. ἐν ὁράσει Θεοῦ εἰσ τὴν γῆν τοῦ Ἰσραὴλ καὶ ἔθηκέ με ἐπ’ ὄρουσ ὑψηλοῦ σφόδρα, καὶ ἐπ’ αὐτοῦ ὡσεὶ οἰκοδομὴ πόλεωσ ἀπέναντι. καὶ εἰσήγαγέ με ἐκεῖ, καὶ ἰδοὺ ἀνήρ, καὶ ἡ ὅρασισ αὐτοῦ ἦν ὡσεὶ ὅρασισ χαλκοῦ στίλβοντοσ, καὶ ἐν τῇ χειρὶ αὐτοῦ ἦν σπαρτίον οἰκοδόμων καὶ κάλαμοσ μέτρου, καὶ αὐτὸσ εἱστήκει ἐπὶ τῆσ πύλησ. καὶ εἶπε πρόσ με ὁ ἀνήρ. ἑώρακασ, υἱὲ ἀνθρώπου̣ ἐν τοῖσ ὀφθαλμοῖσ σου ἰδὲ καὶ ἐν τοῖσ ὠσί σου ἄκουε καὶ τάξον εἰσ τὴν καρδίαν σου πάντα, ὅσα ἐγὼ δεικνύω σοι, διότι ἕνεκα τοῦ δεῖξαί σοι εἰσελήλυθασ ὧδε καὶ δείξεισ πάντα, ὅσα σὺ ὁρᾷσ, τῷ οἴκῳ τοῦ Ἰσραήλ. Καὶ ἰδοὺ περίβολοσ ἔξωθεν τοῦ οἴκου κύκλῳ. καὶ ἐν τῇ χειρὶ τοῦ ἀνδρὸσ κάλαμοσ, τὸ μέτρον πηχῶν ἓξ ἐν πήχει καὶ παλαιστῆσ, καὶ διεμέτρησε τὸ προτείχισμα, πλάτοσ ἴσον τῷ καλάμῳ καὶ τὸ ὕψοσ αὐτοῦ ἴσον τῷ καλάμῳ. καὶ εἰσῆλθεν εἰσ τὴν πύλην τὴν βλέπουσαν κατὰ ἀνατολὰσ ἐν ἑπτὰ ἀναβαθμοῖσ καὶ διεμέτρησε τὸ αἰλὰμ τῆσ πύλησ ἴσον τῷ καλάμῳ καὶ τὸ θεὲ ἴσον τῷ καλάμῳ τὸ μῆκοσ καὶ ἴσον τῷ καλάμῳ τὸ πλάτοσ καὶ τὸ αἰλὰμ ἀναμέσον τοῦ θεηλαθὰ πηχῶν ἓξ καὶ τὸ θεὲ τὸ δεύτερον ἴσον τῷ καλάμῳ τὸ πλάτοσ καὶ ἴσον τῷ καλάμῳ τὸ μῆκοσ καὶ τὸ αἰλὰμ πηχέων πέντε καὶ τὸ θεὲ τὸ τρίτον ἴσον τῷ καλάμῳ τὸ μῆκοσ, καὶ ἴσον τῷ καλάμῳ πλάτοσ καὶ τό αἰλὰμ τοῦ πυλῶνοσ πλησίον τοῦ αἰλὰμ τῆσ πύλης πηχῶν ὀκτὼ καὶ τὰ αἰλεῦ πηχῶν δύο καὶ τὸ αἰλὰμ τῆσ πύλησ ἔσωθεν καὶ τὰ θεὲ τῆσ πύλησ τοῦ θεὲ κατέναντι τρεῖσ ἔνθεν καὶ τρεῖσ ἔνθεν καὶ μέτρον ἓν τοῖσ τρισὶ καὶ μέτρον ἓν τοῖσ αἰλὰμ ἔνθεν καὶ ἔνθεν. καὶ διεμέτρησε τὸ πλάτοσ τῆσ θύρασ τοῦ πυλῶνοσ πηχῶν δέκα καὶ τὸ εὖροσ τοῦ πυλῶνοσ πηχῶν δεκατριῶν, καὶ πῆχυσ ἐπισυναγόμενοσ ἐπὶ πρόσωπον τῶν θεεὶμ ἔνθεν καὶ ἔνθεν, καὶ τὸ θεὲ πηχῶν ἓξ ἔνθεν καὶ πηχῶν ἓξ ἔνθεν. καὶ διεμέτρησε τὴν πύλην ἀπὸ τοῦ τοίχου τοῦ θεὲ ἐπὶ τὸν τοῖχον τοῦ θεὲ πλάτοσ πήχεισ εἴκοσι καὶ πέντε, αὕτη πύλη ἐπὶ πύλην. καὶ τὸ αἴθριον τοῦ αἰλὰμ τῆσ πύλησ ἑξήκοντα πήχεισ, εἴκοσι θεεὶμ τῆσ πύλησ κύκλῳ. καὶ τὸ αἴθριον τῆσ πύλησ ἔξωθεν εἰσ τὸ αἴθριον αἰλὰμ τῆσ πύλησ ἔσωθεν πηχῶν πεντήκοντα. καὶ θυρίδεσ κρυπταὶ ἐπὶ τὸ θεεὶμ καὶ ἐπὶ τὰ αἰλὰμ ἔσωθεν τῆσ πύλησ τῆσ αὐλῆσ κυκλόθεν, καὶ ὡσαύτωσ τοῖσ αἰλὰμ θυρίδεσ κύκλῳ ἔσωθεν, καὶ ἐπὶ τὸ αἰλὰμ φοίνικεσ ἔνθεν καὶ ἔνθεν. καὶ εἰσήγαγέ με εἰσ τὴν αὐλὴν τὴν ἐσωτέραν, καὶ ἰδοὺ παστοφόρια καὶ περίστυλα κύκλῳ τῆσ αὐλῆσ, τριάκοντα παστοφόρια ἐν τοῖσ περιστύλοισ, καὶ αἱ στοαὶ κατὰ νώτου τῶν πυλῶν, κατὰ τὸ μῆκοσ τῶν πυλῶν τὸ περίστυλον τὸ ὑποκάτω. καὶ διεμέτρησε τὸ πλάτοσ τῆσ αὐλῆσ ἀπὸ τοῦ αἰθρίου τῆσ πύλησ τῆσ ἐξωτέρασ ἔσωθεν ἐπὶ τὸ αἴθριον τῆσ πύλησ τῆσ βλεπούσησ ἔξω, πήχεισ ἑκατόν, τῆσ βλεπούσησ κατὰ ἀνατολάσ. καὶ ἤγαγέ με ἐπὶ βορρᾶν, καὶ ἰδοὺ πύλη βλέπουσα πρὸσ βορρᾶν τῇ αὐλῇ τῇ ἐξωτέρᾳ, καὶ διεμέτρησεν αὐτήν, τό τε μῆκοσ αὐτῆσ καὶ τὸ πλάτοσ. καὶ τὰ θεὲ τρεῖσ ἔνθεν καὶ τρεῖσ ἔνθεν καὶ τὰ αἰλεῦ καὶ τὰ αἰλαμμὼ καὶ τοὺσ φοίνικασ αὐτῆσ, καὶ ἐγένετο κατὰ τὰ μέτρα τῆσ πύλησ τῆσ βλεπούσησ κατὰ ἀνατολὰσ πηχῶν πεντήκοντα τὸ μῆκοσ αὐτῆσ καὶ πηχῶν εἰκοσιπέντε τὸ εὖροσ αὐτῆσ. καὶ αἱ θυρίδεσ αὐτῆσ καὶ τὰ αἰλαμμὼ καὶ οἱ φοίνικεσ αὐτῆσ καθὼσ ἡ πύλη ἡ βλέπουσα κατὰ ἀνατολάσ. καὶ ἐν ἑπτὰ κλιμακτῆρσιν ἀνέβαινον ἐπ’ αὐτήν, καὶ τὰ αἰλαμμὼ ἔσωθεν. καὶ πύλη τῇ αὐλῇ τῇ ἐσωτέρᾳ βλέπουσα ἐπὶ πύλην τοῦ βορρᾶ ὃν τρόπον τῆσ πύλησ τῆσ βλεπούσησ κατὰ ἀνατολάσ, καὶ διεμέτρησε τὴν αὐλὴν ἀπὸ πύλησ ἐπὶ πύλην πήχεισ ἑκατόν. καὶ ἤγαγέ με κατὰ νότον, καὶ ἰδοὺ πύλη βλέπουσα πρὸσ νότον, καὶ διεμέτρησεν αὐτὴν καὶ τὰ θεὲ καὶ τὰ αἰλεῦ καὶ τὰ αἰλαμμὼ κατὰ τὰ μέτρα ταῦτα. καὶ αἱ θυρίδεσ αὐτῆσ καὶ τὰ αἰλαμμὼ κυκλόθεν καθὼσ αἱ θυρίδεσ τοῦ αἰλάμ, πηχῶν πεντήκοντα τὸ μῆκοσ αὐτῆσ καὶ πηχῶν εἰκοσιπέντε τὸ εὖροσ αὐτῆσ. καὶ ἑπτὰ κλιμακτῆρεσ αὐτῇ, καὶ αἰλαμμὼ ἔσωθεν καὶ φοίνικεσ αὐτῇ, εἷσ ἔνθεν καὶ εἷσ ἔνθεν ἐπὶ τὰ αἰλεῦ. καὶ πύλη κατέναντι τῆσ πύλησ τῆσ αὐλῆσ τῆσ ἐσωτέρασ πρὸσ νότον. καὶ διεμέτρησε τὴν αὐλὴν ἀπὸ πύλησ ἐπὶ πύλην, πήχεισ ἑκατὸν τὸ εὖροσ πρὸσ νότον. Καὶ εἰσήγαγέ με εἰσ τὴν αὐλὴν τὴν ἐσωτέραν τῆσ πύλησ τῆσ πρὸσ νότον καὶ διεμέτρησε τὴν πύλην κατὰ τὰ μέτρα ταῦτα καὶ τὰ θεὲ καὶ τὰ αἰλεῦ καὶ τὰ αἰλαμμὼ κατὰ τὰ μέτρα ταῦτα. καὶ θυρίδεσ αὐτῇ καὶ τῷ αἰλαμμὼ κύκλῳ. πήχεισ πεντήκοντα τὸ μῆκοσ αὐτῆσ καὶ τὸ εὖροσ πήχεισ εἰκοσιπέντε. καὶ αἰλαμμὼ εἰσ τὴν αὐλὴν τὴν ἐξωτέραν καὶ φοίνικεσ τῷ αἰλεῦ, καὶ ὀκτὼ κλιμακτῆρεσ. καὶ εἰσήγαγέ με εἰσ τὴν πύλην τὴν βλέπουσαν κατὰ ἀνατολὰσ καὶ διεμέτρησεν αὐτὴν κατὰ τὰ μέτρα ταῦτα καὶ τὰ θεὲ καὶ τὰ αἰλεῦ καὶ τὰ αἰλαμμὼ κατὰ τὰ μέτρα ταῦτα. καὶ θυρίδεσ αὐτῇ καὶ τῷ αἰλαμμὼ κύκλῳ, πήχεισ πεντήκοντα μῆκοσ αὐτῆσ καὶ εὖροσ αὐτῆσ πήχεισ εἰκοσιπέντε. καὶ αἰλαμμὼ εἰσ τὴν αὐλὴν τὴν ἐσωτέραν, καὶ φοίνικεσ ἐπὶ τοῦ αἰλεῦ ἔνθεν καὶ ἔνθεν, καὶ ὀκτὼ κλιμακτῆρεσ αὐτῇ. καὶ εἰσήγαγέ με εἰσ τὴν πύλην τὴν πρὸσ βορρᾶν καὶ διεμέτρησε κατὰ τὰ μέτρα ταῦτα καὶ τὰ θεὲ καὶ τὰ αἰλεῦ καὶ τὰ αἰλαμμώ. καὶ θυρίδεσ αὐτῇ κύκλῳ καὶ τῷ αἰλαμμὼ αὐτῆσ. πήχεισ πεντήκοντα μῆκοσ αὐτῆσ καὶ εὖροσ πήχεισ εἰκοσιπέντε. καὶ τὰ αἰλαμμὼ εἰσ τὴν αὐλὴν τὴν ἐξωτέραν, καὶ φοίνικεσ τῷ αἰλεῦ ἔνθεν καὶ ἔνθεν, καὶ ὀκτὼ κλιμακτῆρεσ αὐτῇ. τὰ παστοφόρια αὐτῆσ καὶ τὰ θυρώματα αὐτῆσ καὶ τὰ αἰλαμμὼ αὐτῆσ ἐπὶ τῆσ πύλησ τῆσ δευτέρασ ἔκρυσισ, ὅπωσ σφάζωσιν ἐν αὐτῇ τὰ ὑπὲρ ἁμαρτίασ καὶ τὰ ὑπὲρ ἀγνοίασ. καὶ κατὰ νώτου τοῦ ρύακοσ τῶν ὁλοκαυτωμάτων τῆσ βλεπούσησ πρὸσ βορρᾶν δύο τράπεζαι πρὸσ ἀνατολὰσ καὶ κατὰ νώτου τῆσ δευτέρασ καὶ τοῦ αἰλὰμ τῆσ πύλησ δύο τράπεζαι κατὰ ἀνατολάσ, τέσσαρεσ ἔνθεν καὶ τέσσαρεσ ἔνθεν κατὰ νώτου τῆσ πύλησ, ἐπ’ αὐτὰσ σφάξουσι τὰ θύματα κατέναντι τῶν ὀκτὼ τραπεζῶν τῶν θυμάτων. καὶ τέσσαρεσ τράπεζαι τῶν ὁλοκαυτωμάτων λίθιναι λελαξευμέναι πήχεωσ καὶ ἡμίσουσ τὸ πλάτοσ καὶ πήχεων δύο καὶ ἡμίσουσ τὸ μῆκοσ καὶ ἐπὶ πῆχυν τὸ ὕψοσ, ἐπ’ αὐτὰσ ἐπιθήσουσι τὰ σκεύη, ἐν οἷσ σφάζουσιν ἐκεῖ τὰ ὁλοκαυτώματα καὶ τὰ θύματα. καὶ παλαιστὴν ἕξουσιν γεῖσοσ λελαξευμένον ἔσωθεν κύκλῳ καὶ ἐπὶ τὰσ τραπέζασ ἐπάνωθεν στέγασ τοῦ καλύπτεσθαι ἀπὸ τοῦ ὑετοῦ καὶ ἀπὸ τῆσ ξηρασίασ. καὶ εἰσήγαγέ με εἰσ τὴν αὐλὴν τὴν ἐσωτέραν, καὶ ἰδοὺ δύο ἐξέδραι ἐν τῇ αὐλῇ τῇ ἐσωτέρᾳ, μία κατὰ νώτου τῆσ πύλησ τῆσ βλεπούσησ πρὸσ βορρᾶν φέρουσα πρὸσ νότον καὶ μία κατὰ νώτου τῆσ πύλησ τῆσ πρὸσ νότον, βλεπούσησ δὲ πρὸσ βορρᾶν. καὶ εἶπε πρόσ με. ἡ ἐξέδρα αὕτη ἡ βλέπουσα πρὸσ νότον τοῖσ ἱερεῦσι τοῖσ φυλάσσουσι τὴν φυλακὴν τοῦ οἴκου, καὶ ἡ ἐξέδρα ἡ βλέπουσα πρὸσ βορρᾶν τοῖσ ἱερεῦσι τοῖσ φυλάσσουσι τὴν φυλακὴν τοῦ θυσιαστηρίου. ἐκεῖνοί εἰσιν οἱ υἱοὶ Σαδδοὺκ οἱ ἐγγίζοντεσ ἐκ τοῦ Λευί̈ πρὸσ Κύριον λειτουργεῖν αὐτῷ. καὶ διεμέτρησε τὴν αὐλὴν μῆκοσ πηχῶν ἑκατὸν καὶ εὖροσ πήχεισ ἑκατὸν ἐπὶ τὰ τέσσαρα μέρη αὐτῆσ καὶ τὸ θυσιαστήριον ἀπέναντι τοῦ οἴκου. ‐ Καὶ εἰσήγαγέ με εἰσ τὸ αἰλὰμ τοῦ οἴκου. καὶ διεμέτρησε τὸ αἲλ τοῦ αἰλὰμ πηχῶν πέντε τὸ πλάτοσ ἔνθεν καὶ πηχῶν πέντε ἔνθεν, καὶ τὸ εὖροσ τοῦ θυρώματοσ πηχῶν δεκατεσσάρων, καὶ ἐπωμίδεσ τῆσ θύρασ τοῦ αἰλὰμ πηχῶν τριῶν ἔνθεν καὶ πηχῶν τριῶν ἔνθεν. καὶ τὸ μῆκοσ τοῦ αἰλὰμ πηχῶν εἴκοσι καὶ τὸ εὖροσ πηχῶν δώδεκα. καὶ ἐπὶ δέκα ἀναβαθμῶν ἀνέβαινον ἐπ’ αὐτό. καὶ στῦλοι ἦσαν ἐπὶ τὸ αἰλάμ, εἷσ ἔνθεν καὶ εἷσ ἔνθεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 40:

(70인역 성경, 에제키엘서 40:)

목록

SEARCH

MENU NAVIGATION