Septuagint, Prophetia Ezechielis 40:

(70인역 성경, 에제키엘서 40:)

ΚΑΙ ἐγένετο ἐν τῷ πέμπτῳ καὶ εἰκοστῷ ἔτει τῆσ αἰχμαλωσίασ ἡμῶν, ἐν τῷ πρώτῳ μηνί, δεκάτῃ τοῦ μηνόσ, ἐν τῷ τεσσαρεσκαιδεκάτῳ ἔτει μετὰ τὸ ἁλῶναι τὴν πόλιν, ἐν τῇ ἡμέρᾳ ἐκείνῃ ἐγένετο ἐπ’ ἐμὲ χεὶρ Κυρίου καὶ ἤγαγέ με. ἐν ὁράσει Θεοῦ εἰσ τὴν γῆν τοῦ Ἰσραὴλ καὶ ἔθηκέ με ἐπ’ ὄρουσ ὑψηλοῦ σφόδρα, καὶ ἐπ’ αὐτοῦ ὡσεὶ οἰκοδομὴ πόλεωσ ἀπέναντι. καὶ εἰσήγαγέ με ἐκεῖ, καὶ ἰδοὺ ἀνήρ, καὶ ἡ ὅρασισ αὐτοῦ ἦν ὡσεὶ ὅρασισ χαλκοῦ στίλβοντοσ, καὶ ἐν τῇ χειρὶ αὐτοῦ ἦν σπαρτίον οἰκοδόμων καὶ κάλαμοσ μέτρου, καὶ αὐτὸσ εἱστήκει ἐπὶ τῆσ πύλησ. καὶ εἶπε πρόσ με ὁ ἀνήρ. ἑώρακασ, υἱὲ ἀνθρώπου̣ ἐν τοῖσ ὀφθαλμοῖσ σου ἰδὲ καὶ ἐν τοῖσ ὠσί σου ἄκουε καὶ τάξον εἰσ τὴν καρδίαν σου πάντα, ὅσα ἐγὼ δεικνύω σοι, διότι ἕνεκα τοῦ δεῖξαί σοι εἰσελήλυθασ ὧδε καὶ δείξεισ πάντα, ὅσα σὺ ὁρᾷσ, τῷ οἴκῳ τοῦ Ἰσραήλ. Καὶ ἰδοὺ περίβολοσ ἔξωθεν τοῦ οἴκου κύκλῳ. καὶ ἐν τῇ χειρὶ τοῦ ἀνδρὸσ κάλαμοσ, τὸ μέτρον πηχῶν ἓξ ἐν πήχει καὶ παλαιστῆσ, καὶ διεμέτρησε τὸ προτείχισμα, πλάτοσ ἴσον τῷ καλάμῳ καὶ τὸ ὕψοσ αὐτοῦ ἴσον τῷ καλάμῳ. καὶ εἰσῆλθεν εἰσ τὴν πύλην τὴν βλέπουσαν κατὰ ἀνατολὰσ ἐν ἑπτὰ ἀναβαθμοῖσ καὶ διεμέτρησε τὸ αἰλὰμ τῆσ πύλησ ἴσον τῷ καλάμῳ καὶ τὸ θεὲ ἴσον τῷ καλάμῳ τὸ μῆκοσ καὶ ἴσον τῷ καλάμῳ τὸ πλάτοσ καὶ τὸ αἰλὰμ ἀναμέσον τοῦ θεηλαθὰ πηχῶν ἓξ καὶ τὸ θεὲ τὸ δεύτερον ἴσον τῷ καλάμῳ τὸ πλάτοσ καὶ ἴσον τῷ καλάμῳ τὸ μῆκοσ καὶ τὸ αἰλὰμ πηχέων πέντε καὶ τὸ θεὲ τὸ τρίτον ἴσον τῷ καλάμῳ τὸ μῆκοσ, καὶ ἴσον τῷ καλάμῳ πλάτοσ καὶ τό αἰλὰμ τοῦ πυλῶνοσ πλησίον τοῦ αἰλὰμ τῆσ πύλης πηχῶν ὀκτὼ καὶ τὰ αἰλεῦ πηχῶν δύο καὶ τὸ αἰλὰμ τῆσ πύλησ ἔσωθεν καὶ τὰ θεὲ τῆσ πύλησ τοῦ θεὲ κατέναντι τρεῖσ ἔνθεν καὶ τρεῖσ ἔνθεν καὶ μέτρον ἓν τοῖσ τρισὶ καὶ μέτρον ἓν τοῖσ αἰλὰμ ἔνθεν καὶ ἔνθεν. καὶ διεμέτρησε τὸ πλάτοσ τῆσ θύρασ τοῦ πυλῶνοσ πηχῶν δέκα καὶ τὸ εὖροσ τοῦ πυλῶνοσ πηχῶν δεκατριῶν, καὶ πῆχυσ ἐπισυναγόμενοσ ἐπὶ πρόσωπον τῶν θεεὶμ ἔνθεν καὶ ἔνθεν, καὶ τὸ θεὲ πηχῶν ἓξ ἔνθεν καὶ πηχῶν ἓξ ἔνθεν. καὶ διεμέτρησε τὴν πύλην ἀπὸ τοῦ τοίχου τοῦ θεὲ ἐπὶ τὸν τοῖχον τοῦ θεὲ πλάτοσ πήχεισ εἴκοσι καὶ πέντε, αὕτη πύλη ἐπὶ πύλην. καὶ τὸ αἴθριον τοῦ αἰλὰμ τῆσ πύλησ ἑξήκοντα πήχεισ, εἴκοσι θεεὶμ τῆσ πύλησ κύκλῳ. καὶ τὸ αἴθριον τῆσ πύλησ ἔξωθεν εἰσ τὸ αἴθριον αἰλὰμ τῆσ πύλησ ἔσωθεν πηχῶν πεντήκοντα. καὶ θυρίδεσ κρυπταὶ ἐπὶ τὸ θεεὶμ καὶ ἐπὶ τὰ αἰλὰμ ἔσωθεν τῆσ πύλησ τῆσ αὐλῆσ κυκλόθεν, καὶ ὡσαύτωσ τοῖσ αἰλὰμ θυρίδεσ κύκλῳ ἔσωθεν, καὶ ἐπὶ τὸ αἰλὰμ φοίνικεσ ἔνθεν καὶ ἔνθεν. καὶ εἰσήγαγέ με εἰσ τὴν αὐλὴν τὴν ἐσωτέραν, καὶ ἰδοὺ παστοφόρια καὶ περίστυλα κύκλῳ τῆσ αὐλῆσ, τριάκοντα παστοφόρια ἐν τοῖσ περιστύλοισ, καὶ αἱ στοαὶ κατὰ νώτου τῶν πυλῶν, κατὰ τὸ μῆκοσ τῶν πυλῶν τὸ περίστυλον τὸ ὑποκάτω. καὶ διεμέτρησε τὸ πλάτοσ τῆσ αὐλῆσ ἀπὸ τοῦ αἰθρίου τῆσ πύλησ τῆσ ἐξωτέρασ ἔσωθεν ἐπὶ τὸ αἴθριον τῆσ πύλησ τῆσ βλεπούσησ ἔξω, πήχεισ ἑκατόν, τῆσ βλεπούσησ κατὰ ἀνατολάσ. καὶ ἤγαγέ με ἐπὶ βορρᾶν, καὶ ἰδοὺ πύλη βλέπουσα πρὸσ βορρᾶν τῇ αὐλῇ τῇ ἐξωτέρᾳ, καὶ διεμέτρησεν αὐτήν, τό τε μῆκοσ αὐτῆσ καὶ τὸ πλάτοσ. καὶ τὰ θεὲ τρεῖσ ἔνθεν καὶ τρεῖσ ἔνθεν καὶ τὰ αἰλεῦ καὶ τὰ αἰλαμμὼ καὶ τοὺσ φοίνικασ αὐτῆσ, καὶ ἐγένετο κατὰ τὰ μέτρα τῆσ πύλησ τῆσ βλεπούσησ κατὰ ἀνατολὰσ πηχῶν πεντήκοντα τὸ μῆκοσ αὐτῆσ καὶ πηχῶν εἰκοσιπέντε τὸ εὖροσ αὐτῆσ. καὶ αἱ θυρίδεσ αὐτῆσ καὶ τὰ αἰλαμμὼ καὶ οἱ φοίνικεσ αὐτῆσ καθὼσ ἡ πύλη ἡ βλέπουσα κατὰ ἀνατολάσ. καὶ ἐν ἑπτὰ κλιμακτῆρσιν ἀνέβαινον ἐπ’ αὐτήν, καὶ τὰ αἰλαμμὼ ἔσωθεν. καὶ πύλη τῇ αὐλῇ τῇ ἐσωτέρᾳ βλέπουσα ἐπὶ πύλην τοῦ βορρᾶ ὃν τρόπον τῆσ πύλησ τῆσ βλεπούσησ κατὰ ἀνατολάσ, καὶ διεμέτρησε τὴν αὐλὴν ἀπὸ πύλησ ἐπὶ πύλην πήχεισ ἑκατόν. καὶ ἤγαγέ με κατὰ νότον, καὶ ἰδοὺ πύλη βλέπουσα πρὸσ νότον, καὶ διεμέτρησεν αὐτὴν καὶ τὰ θεὲ καὶ τὰ αἰλεῦ καὶ τὰ αἰλαμμὼ κατὰ τὰ μέτρα ταῦτα. καὶ αἱ θυρίδεσ αὐτῆσ καὶ τὰ αἰλαμμὼ κυκλόθεν καθὼσ αἱ θυρίδεσ τοῦ αἰλάμ, πηχῶν πεντήκοντα τὸ μῆκοσ αὐτῆσ καὶ πηχῶν εἰκοσιπέντε τὸ εὖροσ αὐτῆσ. καὶ ἑπτὰ κλιμακτῆρεσ αὐτῇ, καὶ αἰλαμμὼ ἔσωθεν καὶ φοίνικεσ αὐτῇ, εἷσ ἔνθεν καὶ εἷσ ἔνθεν ἐπὶ τὰ αἰλεῦ. καὶ πύλη κατέναντι τῆσ πύλησ τῆσ αὐλῆσ τῆσ ἐσωτέρασ πρὸσ νότον. καὶ διεμέτρησε τὴν αὐλὴν ἀπὸ πύλησ ἐπὶ πύλην, πήχεισ ἑκατὸν τὸ εὖροσ πρὸσ νότον. Καὶ εἰσήγαγέ με εἰσ τὴν αὐλὴν τὴν ἐσωτέραν τῆσ πύλησ τῆσ πρὸσ νότον καὶ διεμέτρησε τὴν πύλην κατὰ τὰ μέτρα ταῦτα καὶ τὰ θεὲ καὶ τὰ αἰλεῦ καὶ τὰ αἰλαμμὼ κατὰ τὰ μέτρα ταῦτα. καὶ θυρίδεσ αὐτῇ καὶ τῷ αἰλαμμὼ κύκλῳ. πήχεισ πεντήκοντα τὸ μῆκοσ αὐτῆσ καὶ τὸ εὖροσ πήχεισ εἰκοσιπέντε. καὶ αἰλαμμὼ εἰσ τὴν αὐλὴν τὴν ἐξωτέραν καὶ φοίνικεσ τῷ αἰλεῦ, καὶ ὀκτὼ κλιμακτῆρεσ. καὶ εἰσήγαγέ με εἰσ τὴν πύλην τὴν βλέπουσαν κατὰ ἀνατολὰσ καὶ διεμέτρησεν αὐτὴν κατὰ τὰ μέτρα ταῦτα καὶ τὰ θεὲ καὶ τὰ αἰλεῦ καὶ τὰ αἰλαμμὼ κατὰ τὰ μέτρα ταῦτα. καὶ θυρίδεσ αὐτῇ καὶ τῷ αἰλαμμὼ κύκλῳ, πήχεισ πεντήκοντα μῆκοσ αὐτῆσ καὶ εὖροσ αὐτῆσ πήχεισ εἰκοσιπέντε. καὶ αἰλαμμὼ εἰσ τὴν αὐλὴν τὴν ἐσωτέραν, καὶ φοίνικεσ ἐπὶ τοῦ αἰλεῦ ἔνθεν καὶ ἔνθεν, καὶ ὀκτὼ κλιμακτῆρεσ αὐτῇ. καὶ εἰσήγαγέ με εἰσ τὴν πύλην τὴν πρὸσ βορρᾶν καὶ διεμέτρησε κατὰ τὰ μέτρα ταῦτα καὶ τὰ θεὲ καὶ τὰ αἰλεῦ καὶ τὰ αἰλαμμώ. καὶ θυρίδεσ αὐτῇ κύκλῳ καὶ τῷ αἰλαμμὼ αὐτῆσ. πήχεισ πεντήκοντα μῆκοσ αὐτῆσ καὶ εὖροσ πήχεισ εἰκοσιπέντε. καὶ τὰ αἰλαμμὼ εἰσ τὴν αὐλὴν τὴν ἐξωτέραν, καὶ φοίνικεσ τῷ αἰλεῦ ἔνθεν καὶ ἔνθεν, καὶ ὀκτὼ κλιμακτῆρεσ αὐτῇ. τὰ παστοφόρια αὐτῆσ καὶ τὰ θυρώματα αὐτῆσ καὶ τὰ αἰλαμμὼ αὐτῆσ ἐπὶ τῆσ πύλησ τῆσ δευτέρασ ἔκρυσισ, ὅπωσ σφάζωσιν ἐν αὐτῇ τὰ ὑπὲρ ἁμαρτίασ καὶ τὰ ὑπὲρ ἀγνοίασ. καὶ κατὰ νώτου τοῦ ρύακοσ τῶν ὁλοκαυτωμάτων τῆσ βλεπούσησ πρὸσ βορρᾶν δύο τράπεζαι πρὸσ ἀνατολὰσ καὶ κατὰ νώτου τῆσ δευτέρασ καὶ τοῦ αἰλὰμ τῆσ πύλησ δύο τράπεζαι κατὰ ἀνατολάσ, τέσσαρεσ ἔνθεν καὶ τέσσαρεσ ἔνθεν κατὰ νώτου τῆσ πύλησ, ἐπ’ αὐτὰσ σφάξουσι τὰ θύματα κατέναντι τῶν ὀκτὼ τραπεζῶν τῶν θυμάτων. καὶ τέσσαρεσ τράπεζαι τῶν ὁλοκαυτωμάτων λίθιναι λελαξευμέναι πήχεωσ καὶ ἡμίσουσ τὸ πλάτοσ καὶ πήχεων δύο καὶ ἡμίσουσ τὸ μῆκοσ καὶ ἐπὶ πῆχυν τὸ ὕψοσ, ἐπ’ αὐτὰσ ἐπιθήσουσι τὰ σκεύη, ἐν οἷσ σφάζουσιν ἐκεῖ τὰ ὁλοκαυτώματα καὶ τὰ θύματα. καὶ παλαιστὴν ἕξουσιν γεῖσοσ λελαξευμένον ἔσωθεν κύκλῳ καὶ ἐπὶ τὰσ τραπέζασ ἐπάνωθεν στέγασ τοῦ καλύπτεσθαι ἀπὸ τοῦ ὑετοῦ καὶ ἀπὸ τῆσ ξηρασίασ. καὶ εἰσήγαγέ με εἰσ τὴν αὐλὴν τὴν ἐσωτέραν, καὶ ἰδοὺ δύο ἐξέδραι ἐν τῇ αὐλῇ τῇ ἐσωτέρᾳ, μία κατὰ νώτου τῆσ πύλησ τῆσ βλεπούσησ πρὸσ βορρᾶν φέρουσα πρὸσ νότον καὶ μία κατὰ νώτου τῆσ πύλησ τῆσ πρὸσ νότον, βλεπούσησ δὲ πρὸσ βορρᾶν. καὶ εἶπε πρόσ με. ἡ ἐξέδρα αὕτη ἡ βλέπουσα πρὸσ νότον τοῖσ ἱερεῦσι τοῖσ φυλάσσουσι τὴν φυλακὴν τοῦ οἴκου, καὶ ἡ ἐξέδρα ἡ βλέπουσα πρὸσ βορρᾶν τοῖσ ἱερεῦσι τοῖσ φυλάσσουσι τὴν φυλακὴν τοῦ θυσιαστηρίου. ἐκεῖνοί εἰσιν οἱ υἱοὶ Σαδδοὺκ οἱ ἐγγίζοντεσ ἐκ τοῦ Λευί̈ πρὸσ Κύριον λειτουργεῖν αὐτῷ. καὶ διεμέτρησε τὴν αὐλὴν μῆκοσ πηχῶν ἑκατὸν καὶ εὖροσ πήχεισ ἑκατὸν ἐπὶ τὰ τέσσαρα μέρη αὐτῆσ καὶ τὸ θυσιαστήριον ἀπέναντι τοῦ οἴκου. ‐ Καὶ εἰσήγαγέ με εἰσ τὸ αἰλὰμ τοῦ οἴκου. καὶ διεμέτρησε τὸ αἲλ τοῦ αἰλὰμ πηχῶν πέντε τὸ πλάτοσ ἔνθεν καὶ πηχῶν πέντε ἔνθεν, καὶ τὸ εὖροσ τοῦ θυρώματοσ πηχῶν δεκατεσσάρων, καὶ ἐπωμίδεσ τῆσ θύρασ τοῦ αἰλὰμ πηχῶν τριῶν ἔνθεν καὶ πηχῶν τριῶν ἔνθεν. καὶ τὸ μῆκοσ τοῦ αἰλὰμ πηχῶν εἴκοσι καὶ τὸ εὖροσ πηχῶν δώδεκα. καὶ ἐπὶ δέκα ἀναβαθμῶν ἀνέβαινον ἐπ’ αὐτό. καὶ στῦλοι ἦσαν ἐπὶ τὸ αἰλάμ, εἷσ ἔνθεν καὶ εἷσ ἔνθεν.

목록

일치하는 문장이 없습니다.

SEARCH

MENU NAVIGATION