헬라어 문장 검색 - Σεπτύ048́039́

(70인역 성경, 에제키엘서 39:)

ΚΑΙ σύ, υἱὲ ἀνθρώπου, προφήτευσον ἐπὶ Γὼγ καὶ εἰπόν. τάδε λέγει Κύριοσ. ἰδοὺ ἐγὼ ἐπὶ σὲ Γὼγ ἄρχοντα Ρώσ, Μοσὸχ καὶ Θοβὲλ καὶ συνάξω σε καὶ καθοδηγήσω σε καὶ ἀναβιβῶ σε ἐπ’ ἐσχάτου τοῦ βορρᾶ καὶ ἀνάξω σε ἐπὶ τὰ ὄρη τὰ Ἰσραήλ. καὶ ἀπολῶ τὸ τόξον σου ἀπὸ τῆσ χειρόσ σου τῆσ ἀριστερᾶσ καὶ τὰ τοξεύματά σου ἀπὸ τῆσ χειρόσ σου τῆσ δεξιᾶσ καὶ καταβαλῶ σε ἐπὶ τὰ ὄρη Ἰσραήλ, καὶ πεσῇ σὺ καὶ πάντεσ οἱ περὶ σέ, καὶ τὰ ἔθνη τὰ μετὰ σοῦ δοθήσονται εἰσ πλήθη ὀρνέων, παντὶ πετεινῷ καὶ πᾶσι τοῖσ θηρίοισ τοῦ πεδίου δέδωκά σε καταβρωθῆναι. ἐπὶ προσώπου τοῦ πεδίου πεσῇ, ὅτι ἐγὼ ἐλάλησα, λέγει Κύριοσ. καὶ ἀποστελῶ πῦρ ἐπὶ Γώγ, καὶ κατοικηθήσονται αἱ νῆσοι ἐπ’ εἰρήνησ. καὶ γνώσονται ὅτι ἐγώ εἰμι Κύριοσ. καὶ τὸ ὄνομά μου τὸ ἅγιον γνωσθήσεται ἐν μέσῳ λαοῦ μου Ἰσραήλ, καὶ οὐ βεβηλωθήσεται τὸ ὄνομά μου τὸ ἅγιον οὐκέτι. καὶ γνώσονται τὰ ἔθνη ὅτι ἐγώ εἰμι Κύριοσ ἅγιοσ ἐν Ἰσραήλ. ἰδοὺ ἥκει, καὶ γνώσῃ ὅτι ἔσται, λέγει Κύριοσ Κύριοσ. αὕτη ἐστὶν ἡ ἡμέρα, ἐν ᾗ ἐλάλησα. καὶ ἐξελεύσονται οἱ κατοικοῦντεσ τὰσ πόλεισ Ἰσραὴλ καὶ καύσουσιν ἐν τοῖσ ὅπλοισ, πέλταισ καὶ κοντοῖσ καὶ τόξοισ καὶ τοξεύμασι καὶ ράβδοισ χειρῶν καὶ λόγχαισ. καὶ καύσουσιν ἐν αὐτοῖσ πῦρ ἑπτὰ ἔτη. καὶ οὐ μὴ λάβωσι ξύλα ἐκ τοῦ πεδίου οὐδὲ μὴ κόψωσιν ἐκ τῶν δρυμῶν, ἀλλ’ ἢ τὰ ὅπλα κατακαύσουσι πυρί. καὶ προνομεύσουσι τοὺσ προνομεύσαντασ αὐτοὺσ καὶ σκυλεύσουσι τοὺσ σκυλεύσαντασ αὐτούσ, λέγει Κύριοσ. καὶ ἔσται ἐν τῇ ἡμέρᾳ ἐκείνῃ δώσω τῷ Γὼγ τόπον ὀνομαστόν, μνημεῖον ἐν Ἰσραήλ, τὸ πολυάνδριον τῶν ἐπελθόντων πρὸσ τῇ θαλάσσῃ, καὶ περιοικοδομήσουσι τὸ περιστόμιον τῆσ φάραγγοσ. καὶ κατορύξουσιν ἐκεῖ τὸν Γὼγ καὶ πᾶν τὸ πλῆθοσ αὐτοῦ, καὶ κληθήσεται Τὸ γαὶ τὸ πολυάνδριον τοῦ Γώγ. καὶ κατορύξουσιν αὐτοὺσ οἶκοσ Ἰσραήλ, ἵνα καθαρισθῇ ἡ γῆ, ἐν ἑπταμήνῳ. καὶ κατορύξουσιν αὐτοὺσ πᾶσ ὁ λαὸσ τῆσ γῆσ, καὶ ἔσται αὐτοῖσ ὀνομαστὸν ᾗ ἡμέρᾳ ἐδοξάσθη, λέγει Κύριοσ. καὶ ἄνδρασ διὰ παντὸσ διαστελοῦσιν ἐπιπορευομένουσ τὴν γῆν θάψαι τοὺσ καταλελειμμένουσ ἐπὶ προσώπου τῆσ γῆσ, καθαρίσαι αὐτὴν μετὰ τὴν ἑπτάμηνον, καὶ ἐκζητήσουσι. καὶ πᾶσ ὁ διαπορευόμενοσ τὴν γῆν καὶ ἰδὼν ὀστοῦν ἀνθρώπου οἰκοδομήσει παρ’ αὐτῷ σημεῖον, ἕωσ ὅτου θάψωσιν αὐτὸ οἱ θάπτοντεσ εἰσ τὸ γαὶ τὸ πολυάνδριον τοῦ Γώγ. καὶ γὰρ τὸ ὄνομα τῆσ πόλεωσ Πολυάνδριον. καὶ καθαρισθήσεται ἡ γῆ. καὶ σύ, υἱὲ ἀνθρώπου, εἰπόν. τάδε λέγει Κύριοσ. εἰπὸν παντὶ ὀρνέῳ πετεινῷ καὶ πρὸσ πάντα τὰ θηρία τοῦ πεδίου. συνάχθητε καὶ ἔρχεσθε, συνάχθητε ἀπὸ πάντων τῶν περικύκλῳ ἐπὶ τὴν θυσίαν μου ἣν τέθυκα ὑμῖν, θυσίαν μεγάλην ἐπὶ τὰ ὄρη Ἰσραήλ, καὶ φάγεσθε κρέα καὶ πίεσθε αἷμα. κρέα γιγάντων φάγεσθε καὶ αἷμα ἀρχόντων τῆσ γῆσ πίεσθε, κριοὺσ καὶ μόσχουσ καὶ τράγουσ, καὶ οἱ μόσχοι ἐστεατωμένοι πάντεσ. καὶ φάγεσθε στέαρ εἰσ πλησμονὴν καὶ πίεσθε αἷμα εἰσ μέθην ἀπὸ τῆσ θυσίασ μου, ἧσ ἔθυσα ὑμῖν. καὶ ἐμπλησθήσεσθε ἐπὶ τῆσ τραπέζησ μου ἵππον καὶ ἀναβάτην, γίγαντα καὶ πάντα ἄνδρα πολεμιστήν, λέγει Κύριοσ. καὶ δώσω τὴν δόξαν μου ἐν ὑμῖν, καὶ ὄψονται πάντα τὰ ἔθνη τὴν κρίσιν μου, ἣν ἐποίησα, καὶ τὴν χεῖρά μου, ἣν ἐπήγαγον ἐπ’ αὐτούσ. καὶ γνώσονται οἶκοσ Ἰσραὴλ ὅτι ἐγώ εἰμι Κύριοσ ὁ Θεὸσ αὐτῶν ἀπὸ τῆσ ἡμέρασ ταύτησ καὶ ἐπέκεινα. καὶ γνώσονται πάντα τὰ ἔθνη ὅτι διὰ τὰσ ἁμαρτίασ αὐτῶν ᾐχμαλωτεύθησαν οἶκοσ Ἰσραήλ, ἀνθ’ ὧν ἠθέτησαν εἰσ ἐμέ, καὶ ἀπέστρεψα τὸ πρόσωπόν μου ἀπ’ αὐτῶν καὶ παρέδωκα αὐτοὺσ εἰσ χεῖρασ τῶν ἐχθρῶν αὐτῶν, καὶ ἔπεσαν πάντεσ μαχαίρᾳ. κατὰ τὰσ ἀκαθαρσίασ αὐτῶν καὶ κατὰ τὰ ἀνομήματα αὐτῶν ἐποίησα αὐτοῖσ καὶ ἀπέστρεψα τὸ πρόσωπόν μου ἀπ’ αὐτῶν. διὰ τοῦτο τάδε λέγει Κύριοσ Κύριοσ. νῦν ἀποστρέψω τὴν αἰχμαλωσίαν Ἰακὼβ καὶ ἐλεήσω τὸν οἶκον Ἰσραὴλ καὶ ζηλώσω διὰ τὸ ὄνομα τὸ ἅγιόν μου. καὶ λήψονται τὴν ἀτιμίαν αὐτῶν καὶ τὴν ἀδικίαν, ἣν ἠδίκησαν, ἐν τῷ κατοικισθῆναι αὐτοὺσ ἐπὶ τὴν γῆν αὐτῶν ἐπ’ εἰρήνησ, καὶ οὐκ ἔσται ὁ ἐκφοβῶν. ἐν τῷ ἀποστρέψαι με αὐτοὺσ ἐκ τῶν ἐθνῶν καὶ συναγαγεῖν με αὐτοὺσ ἐκ τῶν χωρῶν τῶν ἐθνῶν καὶ ἁγιασθήσομαι ἐν αὐτοῖσ ἐνώπιον τῶν ἐθνῶν, καὶ γνώσονται ὅτι ἐγώ εἰμι Κύριοσ ὁ Θεὸσ αὐτῶν ἐν τῷ ἐπιφανῆναί με αὐτοῖσ ἐν τοῖσ ἔθνεσι. καὶ οὐκ ἀποστρέψω οὐκέτι τὸ πρόσωπόν μου ἀπ’ αὐτῶν, ἀνθ’ οὗ ἐξέχεα τὸν θυμόν μου ἐπὶ τὸν οἶκον Ἰσραήλ, λέγει Κύριοσ Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 39:

(70인역 성경, 에제키엘서 39:)

목록

SEARCH

MENU NAVIGATION