헬라어 문장 검색 - Σεπτύ048́037́

(70인역 성경, 에제키엘서 37:)

ΚΑΙ ἐγένετο ἐπ’ ἐμὲ χεὶρ Κυρίου, καὶ ἐξήγαγέ με ἐν πνεύματι Κύριοσ καὶ ἔθηκέ με ἐν μέσῳ τοῦ πεδίου, καὶ τοῦτο ἦν μεστὸν ὀστέων ἀνθρωπίνων. καὶ περιήγαγέ με ἐπ’ αὐτὰ κυκλόθεν κύκλῳ, καὶ ἰδοὺ πολλὰ σφόδρα ἐπὶ προσώπου τοῦ πεδίου, ξηρὰ σφόδρα. καὶ εἶπε πρόσ με. υἱὲ ἀνθρώπου, εἰ ζήσεται τὰ ὀστέα ταῦτα̣ καὶ εἶπα. Κύριε Κύριε, σὺ ἐπίστῃ ταῦτα. καὶ εἶπε πρόσ με. προφήτευσον ἐπὶ τὰ ὀστᾶ ταῦτα καὶ ἐρεῖσ αὐτοῖσ. τὰ ὀστᾶ τὰ ξηρά, ἀκούσατε λόγον Κυρίου. τάδε λέγει Κύριοσ τοῖσ ὀστέοισ τούτοισ. ἰδοὺ ἐγὼ φέρω ἐφ’ ὑμᾶσ πνεῦμα ζωῆς καὶ δώσω ἐφ’ ὑμᾶσ νεῦρα καὶ ἀνάξω ἐφ’ ὑμᾶσ σάρκασ, καὶ ἐκτενῶ ἐφ’ ὑμᾶσ δέρμα καὶ δώσω πνεῦμά μου εἰσ ὑμᾶσ, καὶ ζήσεσθε. καὶ γνώσεσθε ὅτι ἐγώ εἰμι Κύριοσ. καὶ ἐπροφήτευσα καθὼσ ἐνετείλατό μοι. καὶ ἐγένετο ἐν τῷ ἐμὲ προφητεῦσαι καὶ ἰδοὺ σεισμόσ, καὶ προσήγαγε τὰ ὀστᾶ ἑκάτερον πρὸσ τὴν ἁρμονίαν αὐτοῦ. καὶ εἶδον καὶ ἰδοὺ ἐπ’ αὐτὰ νεῦρα καὶ σάρκεσ ἐφύοντο, καὶ ἀνέβαινεν ἐπ’ αὐτὰ δέρμα ἐπάνω, καὶ πνεῦμα οὐκ ἦν ἐπ’ αὐτοῖσ. καὶ εἶπε πρόσ με. προφήτευσον ἐπὶ τὸ πνεῦμα, προφήτευσον, υἱὲ ἀνθρώπου, καὶ εἰπὸν τῷ πνεύματι. τάδε λέγει Κύριοσ. ἐκ τῶν τεσσάρων πνευμάτων ἐλθὲ καὶ ἐμφύσησον εἰσ τοὺσ νεκροὺσ τούτουσ, καὶ ζησάτωσαν. καὶ ἐπροφήτευσα καθότι ἐνετείλατό μοι. καὶ εἰσῆλθεν εἰσ αὐτοὺσ τὸ πνεῦμα, καὶ ἔζησαν καὶ ἔστησαν ἐπὶ τῶν ποδῶν αὐτῶν, συναγωγὴ πολλὴ σφόδρα. καὶ ἐλάλησε Κύριοσ πρόσ με λέγων. υἱὲ ἀνθρώπου, τὰ ὀστᾶ ταῦτα πᾶσ οἶκοσ Ἰσραήλ ἐστι, καὶ αὐτοὶ λέγουσι. ξηρὰ γέγονε τὰ ὀστᾶ ἡμῶν, ἀπόλωλεν ἡ ἐλπὶσ ἡμῶν, διαπεφωνήκαμεν. διὰ τοῦτο προφήτευσον καὶ εἰπὸν πρὸσ αὐτούσ. τάδε λέγει Κύριοσ. ἰδοὺ ἐγὼ ἀνοίγω τὰ μνήματα ὑμῶν καὶ ἀνάξω ὑμᾶσ ἐκ τῶν μνημάτων ὑμῶν καὶ εἰσάξω ὑμᾶσ εἰσ τὴν γῆν τοῦ Ἰσραήλ, καὶ γνώσεσθε ὅτι ἐγώ εἰμι Κύριοσ ἐν τῷ ἀνοῖξαί με τοὺσ τάφουσ ὑμῶν τοῦ ἀναγαγεῖν με ἐκ τῶν τάφων τὸν λαόν μου. καὶ δώσω πνεῦμά μου εἰσ ὑμᾶσ, καὶ ζήσεσθε, καὶ θήσομαι ὑμᾶσ ἐπὶ τὴν γῆν ὑμῶν, καὶ γνώσεσθε ὅτι ἐγὼ Κύριοσ. λελάληκα καὶ ποιήσω, λέγει Κύριοσ. Καὶ ἐγένετο λόγοσ Κυρίου πρόσ με λέγων. υἱὲ ἀνθρώπου, λαβὲ σεαυτῷ ράβδον καὶ γράψον ἐπ’ αὐτὴν τὸν Ἰούδαν καὶ τοὺσ υἱοὺσ Ἰσραὴλ τοὺσ προσκειμένουσ ἐπ’ αὐτόν. καὶ ράβδον δευτέραν λήψῃ σεαυτῷ καὶ γράψεισ αὐτὴν τῷ Ἰωσήφ, ράβδον Ἐφραὶμ καὶ πάντασ τοὺσ υἰοὺσ Ἰσραὴλ τοὺσ προστεθέντασ πρὸσ αὐτόν. καὶ συνάψεισ αὐτὰσ πρὸσ ἀλλήλασ σαυτῷ εἰσ ράβδον μίαν τοῦ δῆσαι αὐτάσ, καὶ ἔσονται ἐν τῇ χειρί σου. καὶ ἔσται ὅταν λέγωσι πρὸσ σὲ οἱ υἱοὶ τοῦ λαοῦ σου. οὐκ ἀναγγέλλεισ ἡμῖν τί ἐστι ταῦτά σοι̣ καὶ ἐρεῖσ πρὸσ αὐτούσ. τάδε λέγει Κύριοσ. ἰδοὺ ἐγὼ λήψομαι τὴν φυλὴν Ἰωσήφ, τὴν διὰ χειρὸσ Ἐφραίμ, καὶ τὰσ φυλὰσ Ἰσραὴλ τὰσ προσκειμένασ πρὸσ αὐτὸν καὶ δώσω αὐτοὺσ ἐπὶ τὴν φυλὴν Ἰούδα, καὶ ἔσονται εἰσ ράβδον μίαν τῇ χειρὶ Ἰούδα. καὶ ἔσονται αἱ ράβδοι, ἐφ’ αἷσ σὺ ἔγραψασ ἐπ’ αὐταῖσ, ἐν τῇ χειρί σου ἐνώπιον αὐτῶν, καὶ ἐρεῖσ αὐτοῖσ. τάδε λέγει Κύριοσ Κύριοσ. ἰδοὺ ἐγὼ λαμβάνω πάντα οἶκον Ἰσραὴλ ἐκ μέσου τῶν ἐθνῶν, οὗ εἰσήλθοσαν ἐκεῖ, καὶ συνάξω αὐτοὺσ ἀπὸ πάντων τῶν περικύκλῳ αὐτῶν καὶ εἰσάξω αὐτοὺσ εἰσ τὴν γῆν τοῦ Ἰσραήλ. καὶ δώσω αὐτοὺσ εἰσ ἔθνοσ ἓν ἐν τῇ γῇ μου καὶ ἐν τοῖσ ὄρεσιν Ἰσραήλ, καὶ ἄρχων εἷσ ἔσται αὐτῶν, καὶ οὐκ ἔσονται ἔτι εἰσ δύο ἔθνη, οὐδὲ μὴ διαιρεθῶσιν οὐκέτι εἰσ δύο βασιλείασ, ἵνα μὴ μιαίνωνται ἔτι ἐν τοῖσ εἰδώλοισ αὐτῶν. καὶ ρύσομαι αὐτοὺσ ἀπὸ πασῶν τῶν ἀνομιῶν αὐτῶν, ὧν ἡμάρτοσαν ἐν αὐταῖσ, καὶ καθαριῶ αὐτούσ, καὶ ἔσονταί μοι εἰσ λαόν, καὶ ἐγὼ Κύριοσ ἔσομαι αὐτοῖσ εἰσ Θεόν. καὶ ὁ δοῦλόσ μου Δαυὶδ ἄρχων ἐν μέσῳ αὐτῶν ἔσται ποιμὴν εἷσ πάντων. ὅτι ἐν τοῖσ προστάγμασί μου πορεύσονται καὶ τὰ κρίματά μου φυλάξονται καὶ ποιήσουσιν αὐτά. καὶ κατοικήσουσιν ἐπὶ τῆσ γῆσ αὐτῶν, ἣν ἐγὼ δέδωκα τῷ δούλῳ μου Ἰακώβ, οὗ κατῴκησαν ἐκεῖ οἱ πατέρεσ αὐτῶν. καὶ κατοικήσουσιν ἐπ’ αὐτῆσ αὐτοί, καὶ Δαυὶδ ὁ δοῦλόσ μου ἄρχων αὐτῶν ἔσται εἰσ τὸν αἰῶνα. καὶ διαθήσομαι αὐτοῖσ διαθήκην εἰρήνησ, διαθήκη αἰωνία ἔσται μετ’ αὐτῶν. καὶ θήσω τὰ ἅγιά μου ἐν μέσῳ αὐτῶν εἰσ τὸν αἰῶνα. καὶ ἔσται ἡ κατασκήνωσίσ μου ἐν αὐτοῖσ, καὶ ἔσομαι αὐτοῖσ Θεόσ, καὶ αὐτοί μου ἔσονται λαόσ. καὶ γνώσονται τὰ ἔθνη ὅτι ἐγώ εἰμι Κύριοσ ὁ ἁγιάζων αὐτοὺσ ἐν τῷ εἶναι τὰ ἅγιά μου ἐν μέσῳ αὐτῶν εἰσ τὸν αἰῶνα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 37:

(70인역 성경, 에제키엘서 37:)

목록

SEARCH

MENU NAVIGATION