헬라어 문장 검색 - Σεπτύ048́036́

(70인역 성경, 에제키엘서 36:)

ΚΑΙ σὺ υἱὲ ἀνθρώπου, προφήτευσον ἐπὶ τὰ ὄρη Ἰσραὴλ καὶ εἰπὸν τοῖσ ὄρεσι τοῦ Ἰσραήλ. ἀκούσατε λόγον Κυρίου. τάδε λέγει Κύριοσ Κύριοσ. ἀνθ’ ὧν εἶπεν ἐφ’ ὑμᾶσ ὁ ἐχθρόσ. εὖγε ἔρημα αἰώνια εἰσ κατάσχεσιν ἡμῖν ἐγενήθη, διὰ τοῦτο προφήτευσον καὶ εἰπόν. τάδε λέγει Κύριοσ Κύριοσ. ἀντὶ τοῦ ἀτιμασθῆναι ὑμᾶσ καὶ μισηθῆναι ὑμᾶσ ὑπὸ τῶν κύκλῳ ὑμῶν τοῦ εἶναι ὑμᾶσ εἰσ κατάσχεσιν τοῖσ καταλοίποισ ἔθνεσι καὶ ἀνέβητε λάλημα γλώσσῃ καὶ εἰσ ὀνείδισμα ἔθνεσι, διὰ τοῦτο ὄρη Ἰσραήλ, ἀκούσατε λόγον Κυρίου. τάδε λέγει Κύριοσ τοῖσ ὄρεσι καὶ τοῖσ βουνοῖσ καὶ τοῖσ χειμάρροισ καὶ ταῖσ φάραγξι καὶ τοῖσ ἐξηρημωμένοισ καὶ ἠφανισμένοισ καὶ ταῖσ πόλεσι ταῖσ ἐγκαταλελειμμέναισ, αἳ ἐγένοντο εἰσ προνομὴν καὶ εἰσ καταπάτημα τοῖσ καταλειφθεῖσιν ἔθνεσι περικύκλῳ. διὰ τοῦτο τάδε λέγει Κύριοσ Κύριοσ. εἰ μὴν ἐν πυρὶ θυμοῦ μου ἐλάλησα ἐπὶ τὰ λοιπὰ ἔθνη καὶ ἐπὶ τὴν Ἰδουμαίαν πᾶσαν, ὅτι ἔδωκαν τὴν γῆν μου ἑαυτοῖσ εἰσ κατάσχεσιν μετ’ εὐφροσύνησ ἀτιμάσαντεσ ψυχὰσ τοῦ ἀφανίσαι ἐν προνομῇ. διὰ τοῦτο προφήτευσον ἐπὶ τὴν γῆν τοῦ Ἰσραὴλ καὶ εἰπὸν τοῖσ ὄρεσι καί τοῖσ βουνοῖσ καὶ ταῖσ φάραγξι καὶ ταῖσ νάπαισ. τάδε λέγει Κύριοσ. ἰδοὺ ἐγὼ ἐν τῷ ζήλῳ μου καὶ ἐν τῷ θυμῷ μου ἐλάλησα, ἀντὶ τοῦ ὀνειδισμοὺσ ἐθνῶν ἐνέγκαι ὑμᾶσ. διὰ τοῦτο ἐγὼ ἀρῶ τὴν χεῖρά μου ἐπὶ τὰ ἔθνη τὰ περικύκλῳ ὑμῶν, οὗτοι τὴν ἀτιμίαν αὐτῶν λήψονται. ὑμῶν δέ, ὄρη Ἰσραήλ, τὴν σταφυλὴν καὶ τὸν καρπὸν ὑμῶν καταφάγεται ὁ λαόσ μου, ὅτι ἐλπίζουσι τοῦ ἐλθεῖν. ὅτι ἰδοὺ ἐγὼ ἐφ’ ὑμᾶσ καὶ ἐπιβλέψω ἐφ’ ὑμᾶσ, καὶ κατεργασθήσεσθε καὶ σπαρήσεσθε. καὶ πληθυνῶ ἐφ’ ὑμᾶσ ἀνθρώπουσ, πᾶν οἶκον Ἰσραὴλ εἰσ τέλοσ. καὶ κατοικηθήσονται αἱ πόλεισ καὶ ἡ ἠρημωμένη οἰκοδομηθήσεται. καὶ πληθυνῶ ἐφ’ ὑμᾶσ ἀνθρώπουσ καὶ κτήνη καὶ κατοικιῶ ὑμᾶσ ὡσ τὸ ἐν ἀρχῇ ὑμῶν καὶ εὖ ποιήσω ὑμᾶσ ὥσπερ τὰ ἔμπροσθεν ὑμῶν. καὶ γνώσεσθε ὅτι ἐγώ εἰμι Κύριοσ. καὶ γεννήσω ἐφ’ ὑμᾶσ ἀνθρώπουσ, τὸν λαόν μου Ἰσραήλ, καὶ κληρονομήσουσιν ὑμᾶσ, καὶ ἔσεσθε αὐτοῖσ εἰσ κατάσχεσιν. καὶ οὐ μὴ προστεθῆτε ἔτι ἀτεκνωθῆναι ἀπ’ αὐτῶν. τάδε λέγει Κύριοσ Κύριοσ. ἀνθ’ ὧν εἶπάν σοι. κατέσθουσα ἀνθρώπουσ εἶ καὶ ἠτεκνωμένη ὑπὸ τοῦ ἔθνουσ σου ἐγένου, διὰ τοῦτο ἀνθρώπουσ οὐκέτι φάγεσαι καὶ τὸ ἔθνοσ σου οὐκ ἀτεκνώσεισ ἔτι, λέγει Κύριοσ Κύριοσ. καὶ οὐκ ἀκουσθήσεται οὐκέτι ἐφ’ ὑμᾶσ ἀτιμία ἐθνῶν, καὶ ὀνειδισμοὺσ λαῶν οὐ μὴ ἀνενέγκητε ἔτι, λέγει Κύριοσ Κύριοσ. Καὶ ἐγένετο λόγοσ Κυρίου πρόσ με λέγων. υἱὲ ἀνθρώπου, οἶκοσ Ἰσραὴλ κατῴκησεν ἐπὶ τῆσ γῆσ αὐτῶν καὶ ἐμίαναν αὐτὴν ἐν τῇ ὁδῷ αὐτῶν καὶ ἐν τοῖσ εἰδώλοισ αὐτῶν καὶ ἐν ταῖσ ἀκαθαρσίαισ αὐτῶν. κατὰ τὴν ἀκαθαρσίαν τῆσ ἀποκαθημένησ ἐγενήθη ἡ ὁδὸσ αὐτῶν πρὸ προσώπου μου. καὶ ἐξέχεα τὸν θυμόν μου ἐπ’ αὐτοὺς καὶ διέσπειρα αὐτοὺσ εἰσ τὰ ἔθνη καὶ ἐλίκμησα αὐτοὺσ εἰσ τὰσ χώρασ. κατὰ τὴν ὁδὸν αὐτῶν καὶ κατὰ τὴν ἁμαρτίαν αὐτῶν ἔκρινα αὐτούσ. καὶ εἰσήλθοσαν εἰσ τὰ ἔθνη, οὗ εἰσήλθοσαν ἐκεῖ, καὶ ἐβεβήλωσαν τὸ ὄνομά μου τὸ ἅγιον ἐν τῷ λέγεσθαι αὐτούσ. λαὸσ Κυρίου οὗτοι καὶ ἐκ τῆσ γῆσ αὐτοῦ ἐξεληλύθασι. καὶ ἐφεισάμην αὐτῶν διὰ τὸ ὄνομά μου τὸ ἅγιον, ὃ ἐβεβήλωσαν οἶκοσ Ἰσραὴλ ἐν τοῖσ ἔθνεσιν, οὗ εἰσήλθοσαν ἐκεῖ. διὰ τοῦτο εἰπὸν τῷ οἴκῳ Ἰσραήλ. τάδε λέγει Κύριοσ. οὐχ ὑμῖν ἐγὼ ποιῶ, οἶκοσ Ἰσραήλ, ἀλλ’ ἢ διὰ τὸ ὄνομά μου τὸ ἅγιον, ὃ ἐβεβηλώσατε ἐν τοῖσ ἔθνεσιν, οὗ εἰσήλθετε ἐκεῖ. καὶ ἁγιάσω τὸ ὄνομά μου τὸ μέγα τὸ βεβηλωθὲν ἐν τοῖσ ἔθνεσιν, ὃ ἐβεβηλώσατε ἐν μέσῳ αὐτῶν, καὶ γνώσονται τὰ ἔθνη ὅτι ἐγώ εἰμι Κύριοσ ἐν τῷ ἁγιασθῆναί με ἐν ὑμῖν κατ’ ὀφθαλμοὺσ αὐτῶν. καὶ λήψομαι ὑμᾶσ ἐκ τῶν ἐθνῶν καὶ ἀθροίσω ὑμᾶσ ἐκ πασῶν τῶν γαιῶν καὶ εἰσάξω ὑμᾶσ εἰσ τὴν γῆν ὑμῶν. καὶ ρανῶ ἐφ’ ὑμᾶσ καθαρὸν ὕδωρ, καὶ καθαρισθήσεσθε ἀπὸ πασῶν τῶν ἀκαθαρσιῶν ὑμῶν καὶ ἀπὸ πάντων τῶν εἰδώλων ὑμῶν, καὶ καθαριῶ ὑμᾶσ. καὶ δώσω ὑμῖν καρδίαν καινὴν καὶ πνεῦμα καινὸν δώσω ἐν ὑμῖν καὶ ἀφελῶ τὴν καρδίαν τὴν λιθίνην ἐκ τῆσ σαρκὸσ ὑμῶν καὶ δώσω ὑμῖν καρδίαν σαρκίνην. καὶ τὸ πνεῦμά μου δώσω ἐν ὑμῖν καὶ ποιήσω ἵνα ἐν τοῖσ δικαιώμασί μου πορεύησθε, καὶ τὰ κρίματά μου φυλάξησθε καὶ ποιήσητε. καὶ κατοικήσετε ἐπὶ τῆσ γῆσ, ἧσ ἔδωκα τοῖσ πατράσιν ὑμῶν, καὶ ἔσεσθέ μοι εἰσ λαόν, καὶ ἐγὼ ἔσομαι ὑμῖν εἰσ Θεόν. καὶ σώσω ὑμᾶσ ἐκ πασῶν τῶν ἀκαθαρσιῶν ὑμῶν καὶ καλέσω τὸν σῖτον καὶ πληθυνῶ αὐτὸν καὶ οὐ δώσω ἐφ’ ὑμᾶσ λιμόν. καὶ πληθυνῶ τὸν καρπὸν τοῦ ξύλου καὶ τὰ γεννήματα τοῦ ἀγροῦ, ὅπωσ ἂν μὴ λάβητε ὀνειδισμὸν λιμοῦ ἐν τοῖσ ἔθνεσι. καὶ μνησθήσεσθε τὰσ ὁδοὺσ ὑμῶν τὰσ πονηρὰσ καὶ τὰ ἐπιτηδεύματα ὑμῶν τὰ μὴ ἀγαθὰ καὶ προσοχθιεῖτε κατὰ πρόσωπον αὐτῶν ἐν ταῖσ ἀνομίαισ ὑμῶν καὶ ἐπὶ τοῖσ βδελύγμασιν αὐτῶν. οὐ δι’ ὑμᾶσ ἐγὼ ποιῶ, λέγει Κύριοσ Κύριοσ, γνωστὸν ἔσται ὑμῖν. αἰσχύνθητε καὶ ἐντράπητε ἐκ τῶν ὁδῶν ὑμῶν, οἶκοσ Ἰσραήλ. τάδε λέγει Ἀδωναί̈ Κύριοσ. ἐν ἡμέρᾳ, ᾗ καθαριῶ ὑμᾶσ ἐκ πασῶν ἀνομιῶν ὑμῶν, καὶ κατοικιῶ τὰσ πόλεισ, καὶ οἰκοδομηθήσονται ἔρημοι. καὶ ἡ γῆ ἡ ἠφανισμένη ἐργασθήσεται, ἀνθ’ ὧν ὅτι ἠφανισμένη ἐγενήθη κατ’ ὀφθαλμοὺσ παντὸσ παροδεύοντοσ. καὶ ἐροῦσιν. ἡ γῆ ἐκείνη ἡ ἠφανισμένη ἐγενήθη ὡσ κῆποσ τρυφῆσ, καὶ αἱ πόλεισ αἱ ἔρημοι καὶ ἠφανισμέναι καὶ κατεσκαμμέναι ὀχυραὶ ἐκάθισαν. καὶ γνώσονται τὰ ἔθνη, ὅσα ἂν καταλειφθῶσι κύκλῳ ὑμῶν, ὅτι ἐγὼ Κύριοσ ᾠκοδόμησα τὰσ καθῃρημένασ καὶ κατεφύτευσα τὰσ ἠφανισμένασ. ἐγὼ Κύριοσ ἐλάλησα καὶ ποιήσω. τάδε λέγει Ἀδωναί̈ Κύριοσ. ἔτι τοῦτο ζητηθήσομαι τῷ οἴκῳ Ἰσραὴλ τοῦ ποιῆσαι αὐτοῖσ. πληθυνῶ αὐτοὺσ ὡσ πρόβατα ἀνθρώπουσ, ὡσ πρόβατα ἅγια, ὡσ πρόβατα Ἱερουσαλὴμ ἐν ταῖσ ἑορταῖσ αὐτῆσ, οὕτωσ ἔσονται αἱ πόλεισ αἱ ἔρημοι πλήρεισ προβάτων ἀνθρώπων, καὶ γνώσονται ὅτι ἐγὼ Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 36:

(70인역 성경, 에제키엘서 36:)

목록

SEARCH

MENU NAVIGATION