헬라어 문장 검색 - Σεπτύ048́034́

(70인역 성경, 에제키엘서 34:)

ΚΑΙ ἐγένετο λόγοσ Κυρίου πρόσ με λέγων. υἱὲ ἀνθρώπου, προφήτευσον ἐπὶ τοὺσ ποιμένασ τοῦ Ἰσραήλ, προφήτευσον καὶ εἰπὸν τοῖσ ποιμέσι. τάδε λέγει Κύριοσ Κύριοσ. ὦ ποιμένεσ Ἰσραήλ, μὴ βόσκουσι ποιμένεσ ἑαυτούσ̣ οὐ τὰ πρόβατα βόσκουσιν οἱ ποιμένεσ̣ ἰδοὺ τὸ γάλα κατέσθετε καὶ τὰ ἔρια περιβάλλεσθε καὶ τὸ παχὺ σφάζετε καὶ τὰ πρόβατά μου οὐ βόσκετε. τὸ ἠσθενηκὸσ οὐκ ἐνισχύσατε καὶ τὸ κακῶσ ἔχον οὐκ ἐσωματοποιήσατε καὶ τὸ συντετριμμένον οὐ κατεδήσατε καὶ τὸ πλανώμενον οὐκ ἐπεστρέψατε καὶ τὸ ἀπολωλὸσ οὐκ ἐζητήσατε καὶ τὸ ἰσχυρὸν κατηργάσασθε μόχθῳ. καὶ διεσπάρη τά πρόβατά μου διὰ τὸ μὴ εἶναι ποιμένασ καὶ ἐγενήθη εἰσ κατάβρωμα πᾶσι τοῖσ θηρίοισ τοῦ ἀγροῦ. καὶ διεσπάρη τά πρόβατά μου ἐν παντὶ ὄρει καὶ ἐπὶ πᾶν βουνὸν ὑψηλὸν καὶ ἐπὶ προσώπου πάσησ τῆσ γῆσ διεσπάρη, καὶ οὐκ ἦν ὁ ἐκζητῶν οὐδὲ ὁ ἀποστρέφων. διὰ τοῦτο, ποιμένεσ, ἀκούσατε λόγον Κυρίου. ζῶ ἐγώ, λέγει Κύριοσ Κύριοσ, εἰ μὴν ἀντὶ τοῦ γενέσθαι τὰ πρόβατά μου εἰσ προνομὴν καὶ γενέσθαι τὰ πρόβατά μου εἰσ κατάβρωμα πᾶσι τοῖσ θηρίοισ τοῦ πεδίου, παρὰ τὸ μὴ εἶναι ποιμένασ, καὶ οὐκ ἐξεζήτησαν οἱ ποιμένεσ τὰ πρόβατά μου, καὶ ἐβόσκησαν οἱ ποιμένεσ ἑαυτούσ, τὰ δὲ πρόβατά μου οὐκ ἐβόσκησαν, ἀντὶ τούτου, ποιμένεσ, τάδε λέγει Κύριοσ Κύριοσ. ἰδοὺ ἐγὼ ἐπὶ τοὺσ ποιμένασ καὶ ἐκζητήσω τὰ πρόβατά μου ἐκ τῶν χειρῶν αὐτῶν καὶ ἀποστρέψω αὐτοὺσ τοῦ μὴ ποιμαίνειν τὰ πρόβατά μου, καὶ οὐ βοσκήσουσιν ἔτι οἱ ποιμένεσ αὐτά. καὶ ἐξελοῦμαι τὰ πρόβατά μου ἐκ τοῦ στόματοσ αὐτῶν. καὶ οὐκ ἔσονται αὐτοῖσ ἔτι εἰσ κατάβρωμα. διότι τάδε λέγει Κύριοσ Κύριοσ. ἰδοὺ ἐγὼ ἐκζητήσω τὰ πρόβατά μου καὶ ἐπισκέψομαι αὐτά. ὥσπερ ζητεῖ ὁ ποιμὴν τὸ ποίμνιον αὐτοῦ ἐν ἡμέρᾳ, ὅταν ᾖ γνόφοσ καὶ νεφέλη ἐν μέσῳ προβάτων διακεχωρισμένων, οὕτωσ ἐκζητήσω τά πρόβατά μου καὶ ἀπελάσω αὐτὰ ἀπὸ παντὸσ τόπου, οὗ διεσπάρησαν ἐκεῖ ἐν ἡμέρᾳ νεφέλησ καὶ γνόφου. καὶ ἐξάξω αὐτοὺσ ἐκ τῶν ἐθνῶν καὶ συνάξω αὐτοὺσ ἀπὸ τῶν χωρῶν καὶ εἰσάξω αὐτοὺσ εἰσ τὴν γῆν αὐτῶν καὶ βοσκήσω αὐτοὺσ ἐπὶ τὰ ὄρη Ἰσραὴλ καὶ ἐν ταῖσ φάραγξι καὶ ἐν πάσῃ κατοικίᾳ τῆσ γῆσ. ἐν νομῇ ἀγαθῇ βοσκήσω αὐτοὺσ καὶ ἐν τῷ ὄρει τῷ ὑψηλῷ Ἰσραὴλ ἔσονται αἱ μάνδραι αὐτῶν. ἐκεῖ κοιμηθήσονται καὶ ἐκεῖ ἀναπαύσονται ἐν τρυφῇ ἀγαθῇ, καὶ ἐν νομῇ πίονι βοσκηθήσονται ἐπὶ τῶν ὀρέων Ἰσραήλ. ἐγὼ βοσκήσω τὰ πρόβατά μου καὶ ἐγὼ ἀναπαύσω αὐτά, καὶ γνώσονται ὅτι ἐγώ εἰμι Κύριοσ. τάδε λέγει Κύριοσ Κύριοσ. τὸ ἀπολωλὸσ ζητήσω καὶ τὸ πλανώμενον ἐπιστρέψω καὶ τὸ συντετριμμένον καταδήσω καὶ τὸ ἐκλεῖπον ἐνισχύσω καὶ τὸ ἰσχυρὸν φυλάξω καὶ βοσκήσω αὐτὰ μετὰ κρίματοσ. καὶ ὑμεῖσ, πρόβατα, τάδε λέγει Κύριοσ Κύριοσ. ἰδοὺ ἐγὼ διακρινῶ ἀναμέσον προβάτου καὶ προβάτου, κριῶν καὶ τράγων. καὶ οὐχ ἱκανὸν ὑμῖν ὅτι τὴν καλὴν νομὴν ἐνέμεσθε, καὶ τὰ κατάλοιπα τῆσ νομῆσ ὑμῶν κατεπατεῖτε τοῖσ ποσὶν ὑμῶν̣ καὶ τὸ καθεστηκὸσ ὕδωρ ἐπίνετε, καὶ τὸ λοιπὸν τοῖσ ποσὶν ὑμῶν ἐταράσσετε̣ καὶ τὰ πρόβατά μου τὰ πατήματα τῶν ποδῶν ὑμῶν ἐνέμοντο καὶ τὸ τεταραγμένον ὕδωρ ὑπὸ τῶν ποδῶν ὑμῶν ἔπινον̣ διὰ τοῦτο τάδε λέγει Κύριοσ Κύριοσ. ἰδοὺ ἐγὼ διακρινῶ ἀναμέσον προβάτου ἰσχυροῦ καὶ ἀναμέσον προβάτου ἀσθενοῦσ. ἐπὶ ταῖσ πλευραῖσ καὶ τοῖσ ὤμοισ ὑμῶν διωθεῖσθε καὶ τοῖσ κέρασιν ὑμῶν ἐκερατίζετε καὶ πᾶν τὸ ἐκλεῖπον ἐξεθλίβετε. καὶ σώσω τὰ πρόβατά μου, καὶ οὐ μὴ ὦσιν ἔτι εἰσ προνομήν, καὶ κρινῶ ἀναμέσον κριοῦ πρὸσ κριόν. καὶ ἀναστήσω ἐπ’ αὐτοὺσ ποιμένα ἕνα καὶ ποιμανεῖ αὐτούσ, τὸν δοῦλόν μου Δαυίδ, καὶ ἔσται αὐτῶν ποιμήν. καὶ ἐγὼ Κύριοσ ἔσομαι αὐτοῖσ εἰσ Θεόν, καὶ Δαυὶδ ἄρχων ἐν μέσῳ αὐτῶν. ἐγὼ Κύριοσ ἐλάλησα. καὶ διαθήσομαι τῷ Δαυὶδ διαθήκην εἰρήνησ καὶ ἀφανιῶ θηρία πονηρὰ ἀπὸ τῆσ γῆσ, καὶ κατοικήσουσιν ἐν τῇ ἐρήμῳ καὶ ὑπνώσουσιν ἐν τοῖσ δρυμοῖσ. καὶ δώσω αὐτοὺσ περικύκλῳ τοῦ ὄρουσ μου. καὶ δώσω τὸν ὑετὸν ὑμῖν, ὑετὸν εὐλογίασ. καὶ τὰ ξύλα τὰ ἐν τῷ πεδίῳ δώσει τὸν καρπὸν αὐτῶν, καὶ ἡ γῆ δώσει τὴν ἰσχὺν αὐτῆσ, καὶ κατοικήσουσιν ἐπὶ τῆσ γῆσ αὐτῶν ἐν ἐλπίδι εἰρήνησ, καὶ γνώσονται ὅτι ἐγώ εἰμι Κύριοσ ἐν τῷ συντρίψαι με τὸν ζυγὸν αὐτῶν. καὶ ἐξελοῦμαι αὐτοὺσ ἐκ χειρὸσ τῶν καταδουλωσαμένων αὐτούσ. καὶ οὐκ ἔσονται ἔτι ἐν προνομῇ τοῖσ ἔθνεσι, καὶ τὰ θηρία τῆσ γῆσ οὐκέτι μὴ φάγωσιν αὐτούσ. καὶ κατοικήσουσιν ἐν ἐλπίδι, καὶ οὐκ ἔσται ὁ ἐκφοβῶν αὐτούσ. καὶ ἀναστήσω αὐτοῖσ φυτὸν εἰρήνησ, καὶ οὐκέτι ἔσονται ἀπολλύμενοι λιμῷ ἐπὶ τῆσ γῆσ καὶ ὀνειδισμὸν ἐθνῶν οὐ μὴ ἐνέγκωσιν ἔτι. καὶ γνώσονται ὅτι ἐγώ εἰμι Κύριοσ ὁ Θεὸσ αὐτῶν, καὶ αὐτοὶ λαόσ μου, οἶκοσ Ἰσραήλ, λέγει Κύριοσ Κύριοσ. πρόβατά μου καὶ πρόβατα ποιμνίου μού ἐστε, καὶ ἐγὼ Κύριοσ ὁ Θεὸσ ὑμῶν, λέγει Κύριοσ Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 34:

(70인역 성경, 에제키엘서 34:)

목록

SEARCH

MENU NAVIGATION