Septuagint, Prophetia Ezechielis 33:

(70인역 성경, 에제키엘서 33:)

ΚΑΙ ἐγένετο λόγοσ Κυρίου πρόσ με λέγων. Υἱὲ ἀνθρώπου, λάλησον τοῖσ υἱοῖσ τοῦ λαοῦ σου καὶ ἐρεῖσ πρὸσ αὐτούσ. γῆ, ἐφ’ ἣν ἂν ἐπάγω ρομφαίαν, καὶ λάβῃ ὁ λαὸσ τῆσ γῆσ ἄνθρωπον ἕνα ἐξ αὐτῶν καὶ δῶσιν αὐτὸν ἑαυτοῖσ εἰσ σκοπόν, καὶ ἴδῃ τὴν ρομφαίαν ἐρχομένην ἐπὶ τὴν γῆν καὶ σαλπίσῃ τῇ σάλπιγγι καὶ σημάνῃ τῷ λαῷ, καὶ ἀκούσῃ ὁ ἀκούσασ τὴν φωνὴν τῆσ σάλπιγγοσ καὶ μὴ φυλάξηται, καὶ ἐπέλθῃ ἡ ρομφαία καὶ καταλάβῃ αὐτόν, τὸ αἷμα αὐτοῦ ἐπὶ τῆσ κεφαλῆσ αὐτοῦ ἔσται. ὅτι τὴν φωνὴν τῆσ σάλπιγγοσ ἀκούσασ οὐκ ἐφυλάξατο, τὸ αἷμα αὐτοῦ ἐπ’ αὐτοῦ ἔσται, καὶ οὗτοσ ὅτι ἐφυλάξατο, τὴν ψυχὴν αὐτοῦ ἐξείλατο. καὶ ὁ σκοπόσ, ἐὰν ἴδῃ τὴν ρομφαίαν ἐρχομένην καὶ μὴ σημάνῃ τῇ σάλπιγγι, καὶ ὁ λαὸσ μὴ φυλάξηται, καὶ ἐλθοῦσα ἡ ρομφαία λάβῃ ἐξ αὐτῶν ψυχήν, αὕτη διὰ τὴν αὐτῆσ ἀνομίαν ἐλήφθη, καὶ τὸ αἷμα ἐκ χειρὸσ τοῦ σκοποῦ ἐκζητήσω. καὶ σύ, υἱὲ ἀνθρώπου, σκοπὸν δέδωκά σε τῷ οἴκῳ Ἰσραήλ, καὶ ἀκούσῃ ἐκ στόματόσ μου λόγον. ἐν τῷ εἰπεῖν με τῷ ἁμαρτωλῷ. θανάτῳ θανατωθήσῃ, καὶ μὴ λαλήσῃσ τοῦ φυλάξασθαι τὸν ἀσεβῆ ἀπὸ τῆσ ὁδοῦ αὐτοῦ, αὐτὸσ ὁ ἄνομοσ τῇ ἀνομίᾳ αὐτοῦ ἀποθανεῖται, τὸ δὲ αἷμα αὐτοῦ ἐκ τῆσ χειρόσ σου ἐκζητήσω. σὺ δὲ ἐὰν προαπαγγείλῃσ τῷ ἀσεβεῖ τὴν ὁδὸν αὐτοῦ τοῦ ἀποστρέψαι ἀπ’ αὐτῆσ, καὶ μὴ ἀποστρέψῃ ἀπὸ τῆσ ὁδοῦ αὐτοῦ, οὗτοσ τῇ ἀσεβείᾳ αὐτοῦ ἀποθανεῖται, καὶ σὺ τὴν ψυχὴν σεαυτοῦ ἐξήρησαι. ‐ Καὶ σύ, υἱὲ ἀνθρώπου, εἰπὸν τῷ οἴκῳ Ἰσραήλ. οὕτωσ ἐλαλήσατε λέγοντεσ. αἱ πλάναι ἡμῶν καὶ αἱ ἀνομίαι ἡμῶν ἐφ’ ἡμῖν εἰσι καὶ ἐν αὐταῖσ ἡμεῖσ τηκόμεθα. καὶ πῶσ ζηζόμεθα̣ εἰπὸν αὐτοῖσ. ζῶ ἐγώ, τάδε λέγει Κύριοσ, οὐ βούλομαι τὸν θάνατον τοῦ ἀσεβοῦσ ὡσ τὸ ἀποστρέψαι τὸν ἀσεβῆ ἀπὸ τῆσ ὁδοῦ αὐτοῦ καὶ ζῆν αὐτόν. ἀποστροφῇ ἀποστρέψατε ἀπὸ τῆσ ὁδοῦ ὑμῶν. καί ἱνατί ἀποθνήσκετε, οἶκοσ Ἰσραήλ̣ εἰπὸν πρὸσ τοὺσ υἱοὺσ τοῦ λαοῦ σου. δικαιοσύνη δικαίου οὐ μὴ ἐξελεῖται αὐτὸν ἐν ᾗ ἂν ἡμέρᾳ πλανηθῇ, καὶ ἀνομία ἀσεβοῦσ οὐ μὴ κακώσῃ αὐτὸν ἐν ᾗ ἂν ἡμέρᾳ ἀποστρέψῃ ἀπὸ τῆσ ἀνομίασ αὐτοῦ. καὶ δίκαιοσ οὐ μὴ δύνηται σωθῆναι. ἐν τῷ εἰπεῖν με τῷ δικαίῳ. οὗτοσ πέποιθεν ἐπὶ τῇ δικαιοσύνῃ αὐτοῦ, καὶ ποιήσει ἀνομίαν, πᾶσαι αἱ δικαιοσύναι αὐτοῦ οὐ μὴ ἀναμνησθῶσιν. ἐν τῇ ἀδικίᾳ αὐτοῦ, ᾗ ἐποίησεν, ἐν αὐτῇ ἀποθανεῖται. καὶ ἐν τῷ εἰπεῖν με τῷ ἀσεβεῖ. θανάτῳ θανατωθήσῃ, καὶ ἀποστρέψει ἀπὸ τῆσ ἁμαρτίασ αὐτοῦ καὶ ποιήσει κρίμα καὶ δικαιοσύνην καὶ ἐνεχύρασμα ἀποδῷ καὶ ἅρπαγμα ἀποτίσει, ἐν προστάγμασι ζωῆσ διαπορεύηται τοῦ μὴ ποιῆσαι ἄδικον, ζωῇ ζήσεται καὶ οὐ μὴ ἀποθάνῃ. πᾶσαι αἱ ἁμαρτίαι αὐτοῦ, ἃσ ἥμαρτεν, οὐ μὴ ἀναμνησθῶσιν, ὅτι κρίμα καὶ δικαιοσύνην ἐποίησεν, ἐν αὐτοῖσ ζήσεται. καὶ ἐροῦσιν οἱ υἱοὶ τοῦ λαοῦ σου. οὐκ εὐθεῖα ἡ ὁδὸσ τοῦ Κυρίου. καὶ αὕτη ἡ ὁδὸσ αὐτῶν οὐκ εὐθεῖα. ἐν τῷ ἀποστρέψαι δίκαιον ἀπὸ τῆσ δικαιοσύνησ αὐτοῦ καὶ ποιήσει ἀνομίασ, καὶ ἀποθανεῖται ἐν αὐταῖσ. καὶ ἐν τῷ ἀποστρέψαι τὸν ἁμαρτωλὸν ἀπὸ τῆσ ἀνομίασ αὐτοῦ καὶ ποιήσει κρίμα καὶ δικαιοσύνην, ἐν αὐτοῖσ αὐτὸσ ζήσεται. καὶ τοῦτό ἐστιν, ὃ εἴπατε. οὐκ εὐθεῖα ἡ ὁδὸσ Κυρίου. ἕκαστον ἐν ταῖσ ὁδοῖσ αὐτοῦ κρινῶ ὑμᾶσ, οἶκοσ Ἰσραήλ. Καὶ ἐγενήθη ἐν τῷ δωδεκάτῳ ἔτει, ἐν τῷ δωδεκάτῳ μηνί, πέμπτῃ τοῦ μηνὸσ τῆσ αἰχμαλωσίασ ἡμῶν, ἦλθε πρόσ με ὁ ἀνασωθεὶσ ἀπὸ Ἱερουσαλὴμ λέγων. ἑάλω ἡ πόλισ. καὶ χεὶρ Κυρίου ἐγενήθη ἐπ’ ἐμὲ ἑσπέρασ πρὶν ἐλθεῖν αὐτὸν καὶ ἤνοιξέ μου τὸ στόμα, ἕωσ ἦλθε πρόσ με τὸ πρωί̈, καὶ ἀνοιχθὲν τὸ στόμα μου οὐ συνεσχέθη ἔτι. καὶ ἐγενήθη λόγοσ Κυρίου πρόσ με λέγων. υἱὲ ἀνθρώπου, οἱ κατοικοῦντεσ τὰσ ἠρημωμένασ ἐπὶ τῆσ γῆσ τοῦ Ἰσραὴλ λέγουσιν. εἷσ ἦν Ἁβραὰμ καὶ κατέσχε τὴν γῆν, καὶ ἡμεῖσ πλείουσ ἐσμέν, ἡμῖν δέδοται ἡ γῆ εἰσ κατάσχεσιν. διὰ τοῦτο εἰπὸν αὐτοῖσ. τάδε λέγει Κύριοσ Κύριοσ. ζῶ ἐγώ, εἰ μὴν οἱ ἐν ταῖσ ἠρημωμέναισ μαχαίρᾳ πεσοῦνται, καὶ οἱ ἐπὶ προσώπου τοῦ πεδίου τοῖσ θηρίοισ τοῦ ἀγροῦ δοθήσονται εἰσ κατάβρωμα, καὶ τοὺσ ἐν ταῖσ τετειχισμέναισ καὶ τοὺσ ἐν τοῖσ σπηλαίοισ θανάτῳ ἀποκτενῶ. καὶ δώσω τὴν γῆν ἔρημον, καὶ ἀπολεῖται ἡ ὕβρισ τῆσ ἰσχύοσ αὐτῆσ, καὶ ἐρημωθήσεται τὰ ὄρη τοῦ Ἰσραὴλ διὰ τὸ μὴ εἶναι διαπορευόμενον. καὶ γνώσονται ὅτι ἐγώ εἰμι Κύριοσ. καὶ ποιήσω τὴν γῆν αὐτῶν ἔρημον, καὶ ἐρημωθήσεται διὰ πάντα τὰ βδελύγματα αὐτῶν, ἃ ἐποίησαν. καὶ σύ, υἱὲ ἀνθρώπου, οἱ υἱοὶ τοῦ λαοῦ σου οἱ λαλοῦντεσ περὶ σοῦ παρὰ τὰ τείχη καὶ ἐν τοῖσ πυλῶσι τῶν οἰκιῶν καὶ λαλοῦσιν ἄνθρωποσ τῷ ἀδελφῷ αὐτοῦ λέγοντεσ. συνέλθωμεν καὶ ἀκούσωμεν τὰ ἐκπορευόμενα παρὰ Κυρίου, ἔρχονται πρόσ σε, ὡσ συμπορεύεται λαόσ, καὶ κάθηνται ἐναντίον σου καὶ ἀκούουσι τὰ ρήματά σου, καὶ αὐτὰ οὐ μὴ ποιήσουσιν, ὅτι ψεῦδοσ ἐν τῷ στόματι αὐτῶν, καὶ ὀπίσω τῶν μιασμάτων ἡ καρδία αὐτῶν. καὶ γίνῃ αὐτοῖσ ὡσ φωνὴ ψαλτηρίου ἡδυφώνου, εὐαρμόστου, καὶ ἀκούσονταί σου τὰ ρήματα καὶ οὐ μὴ ποιήσουσιν αὐτά. καὶ ἡνίκα ἐὰν ἔλθῃ, ἐροῦσιν. ἰδοὺ ἥκει. καὶ γνώσονται ὅτι προφήτησ ἦν ἐν μέσῳ αὐτῶν.

목록

일치하는 문장이 없습니다.

SEARCH

MENU NAVIGATION