헬라어 문장 검색 - Σεπτύ048́033́

(70인역 성경, 에제키엘서 33:)

ΚΑΙ ἐγένετο λόγοσ Κυρίου πρόσ με λέγων. Υἱὲ ἀνθρώπου, λάλησον τοῖσ υἱοῖσ τοῦ λαοῦ σου καὶ ἐρεῖσ πρὸσ αὐτούσ. γῆ, ἐφ’ ἣν ἂν ἐπάγω ρομφαίαν, καὶ λάβῃ ὁ λαὸσ τῆσ γῆσ ἄνθρωπον ἕνα ἐξ αὐτῶν καὶ δῶσιν αὐτὸν ἑαυτοῖσ εἰσ σκοπόν, καὶ ἴδῃ τὴν ρομφαίαν ἐρχομένην ἐπὶ τὴν γῆν καὶ σαλπίσῃ τῇ σάλπιγγι καὶ σημάνῃ τῷ λαῷ, καὶ ἀκούσῃ ὁ ἀκούσασ τὴν φωνὴν τῆσ σάλπιγγοσ καὶ μὴ φυλάξηται, καὶ ἐπέλθῃ ἡ ρομφαία καὶ καταλάβῃ αὐτόν, τὸ αἷμα αὐτοῦ ἐπὶ τῆσ κεφαλῆσ αὐτοῦ ἔσται. ὅτι τὴν φωνὴν τῆσ σάλπιγγοσ ἀκούσασ οὐκ ἐφυλάξατο, τὸ αἷμα αὐτοῦ ἐπ’ αὐτοῦ ἔσται, καὶ οὗτοσ ὅτι ἐφυλάξατο, τὴν ψυχὴν αὐτοῦ ἐξείλατο. καὶ ὁ σκοπόσ, ἐὰν ἴδῃ τὴν ρομφαίαν ἐρχομένην καὶ μὴ σημάνῃ τῇ σάλπιγγι, καὶ ὁ λαὸσ μὴ φυλάξηται, καὶ ἐλθοῦσα ἡ ρομφαία λάβῃ ἐξ αὐτῶν ψυχήν, αὕτη διὰ τὴν αὐτῆσ ἀνομίαν ἐλήφθη, καὶ τὸ αἷμα ἐκ χειρὸσ τοῦ σκοποῦ ἐκζητήσω. καὶ σύ, υἱὲ ἀνθρώπου, σκοπὸν δέδωκά σε τῷ οἴκῳ Ἰσραήλ, καὶ ἀκούσῃ ἐκ στόματόσ μου λόγον. ἐν τῷ εἰπεῖν με τῷ ἁμαρτωλῷ. θανάτῳ θανατωθήσῃ, καὶ μὴ λαλήσῃσ τοῦ φυλάξασθαι τὸν ἀσεβῆ ἀπὸ τῆσ ὁδοῦ αὐτοῦ, αὐτὸσ ὁ ἄνομοσ τῇ ἀνομίᾳ αὐτοῦ ἀποθανεῖται, τὸ δὲ αἷμα αὐτοῦ ἐκ τῆσ χειρόσ σου ἐκζητήσω. σὺ δὲ ἐὰν προαπαγγείλῃσ τῷ ἀσεβεῖ τὴν ὁδὸν αὐτοῦ τοῦ ἀποστρέψαι ἀπ’ αὐτῆσ, καὶ μὴ ἀποστρέψῃ ἀπὸ τῆσ ὁδοῦ αὐτοῦ, οὗτοσ τῇ ἀσεβείᾳ αὐτοῦ ἀποθανεῖται, καὶ σὺ τὴν ψυχὴν σεαυτοῦ ἐξήρησαι. ‐ Καὶ σύ, υἱὲ ἀνθρώπου, εἰπὸν τῷ οἴκῳ Ἰσραήλ. οὕτωσ ἐλαλήσατε λέγοντεσ. αἱ πλάναι ἡμῶν καὶ αἱ ἀνομίαι ἡμῶν ἐφ’ ἡμῖν εἰσι καὶ ἐν αὐταῖσ ἡμεῖσ τηκόμεθα. καὶ πῶσ ζηζόμεθα̣ εἰπὸν αὐτοῖσ. ζῶ ἐγώ, τάδε λέγει Κύριοσ, οὐ βούλομαι τὸν θάνατον τοῦ ἀσεβοῦσ ὡσ τὸ ἀποστρέψαι τὸν ἀσεβῆ ἀπὸ τῆσ ὁδοῦ αὐτοῦ καὶ ζῆν αὐτόν. ἀποστροφῇ ἀποστρέψατε ἀπὸ τῆσ ὁδοῦ ὑμῶν. καί ἱνατί ἀποθνήσκετε, οἶκοσ Ἰσραήλ̣ εἰπὸν πρὸσ τοὺσ υἱοὺσ τοῦ λαοῦ σου. δικαιοσύνη δικαίου οὐ μὴ ἐξελεῖται αὐτὸν ἐν ᾗ ἂν ἡμέρᾳ πλανηθῇ, καὶ ἀνομία ἀσεβοῦσ οὐ μὴ κακώσῃ αὐτὸν ἐν ᾗ ἂν ἡμέρᾳ ἀποστρέψῃ ἀπὸ τῆσ ἀνομίασ αὐτοῦ. καὶ δίκαιοσ οὐ μὴ δύνηται σωθῆναι. ἐν τῷ εἰπεῖν με τῷ δικαίῳ. οὗτοσ πέποιθεν ἐπὶ τῇ δικαιοσύνῃ αὐτοῦ, καὶ ποιήσει ἀνομίαν, πᾶσαι αἱ δικαιοσύναι αὐτοῦ οὐ μὴ ἀναμνησθῶσιν. ἐν τῇ ἀδικίᾳ αὐτοῦ, ᾗ ἐποίησεν, ἐν αὐτῇ ἀποθανεῖται. καὶ ἐν τῷ εἰπεῖν με τῷ ἀσεβεῖ. θανάτῳ θανατωθήσῃ, καὶ ἀποστρέψει ἀπὸ τῆσ ἁμαρτίασ αὐτοῦ καὶ ποιήσει κρίμα καὶ δικαιοσύνην καὶ ἐνεχύρασμα ἀποδῷ καὶ ἅρπαγμα ἀποτίσει, ἐν προστάγμασι ζωῆσ διαπορεύηται τοῦ μὴ ποιῆσαι ἄδικον, ζωῇ ζήσεται καὶ οὐ μὴ ἀποθάνῃ. πᾶσαι αἱ ἁμαρτίαι αὐτοῦ, ἃσ ἥμαρτεν, οὐ μὴ ἀναμνησθῶσιν, ὅτι κρίμα καὶ δικαιοσύνην ἐποίησεν, ἐν αὐτοῖσ ζήσεται. καὶ ἐροῦσιν οἱ υἱοὶ τοῦ λαοῦ σου. οὐκ εὐθεῖα ἡ ὁδὸσ τοῦ Κυρίου. καὶ αὕτη ἡ ὁδὸσ αὐτῶν οὐκ εὐθεῖα. ἐν τῷ ἀποστρέψαι δίκαιον ἀπὸ τῆσ δικαιοσύνησ αὐτοῦ καὶ ποιήσει ἀνομίασ, καὶ ἀποθανεῖται ἐν αὐταῖσ. καὶ ἐν τῷ ἀποστρέψαι τὸν ἁμαρτωλὸν ἀπὸ τῆσ ἀνομίασ αὐτοῦ καὶ ποιήσει κρίμα καὶ δικαιοσύνην, ἐν αὐτοῖσ αὐτὸσ ζήσεται. καὶ τοῦτό ἐστιν, ὃ εἴπατε. οὐκ εὐθεῖα ἡ ὁδὸσ Κυρίου. ἕκαστον ἐν ταῖσ ὁδοῖσ αὐτοῦ κρινῶ ὑμᾶσ, οἶκοσ Ἰσραήλ. Καὶ ἐγενήθη ἐν τῷ δωδεκάτῳ ἔτει, ἐν τῷ δωδεκάτῳ μηνί, πέμπτῃ τοῦ μηνὸσ τῆσ αἰχμαλωσίασ ἡμῶν, ἦλθε πρόσ με ὁ ἀνασωθεὶσ ἀπὸ Ἱερουσαλὴμ λέγων. ἑάλω ἡ πόλισ. καὶ χεὶρ Κυρίου ἐγενήθη ἐπ’ ἐμὲ ἑσπέρασ πρὶν ἐλθεῖν αὐτὸν καὶ ἤνοιξέ μου τὸ στόμα, ἕωσ ἦλθε πρόσ με τὸ πρωί̈, καὶ ἀνοιχθὲν τὸ στόμα μου οὐ συνεσχέθη ἔτι. καὶ ἐγενήθη λόγοσ Κυρίου πρόσ με λέγων. υἱὲ ἀνθρώπου, οἱ κατοικοῦντεσ τὰσ ἠρημωμένασ ἐπὶ τῆσ γῆσ τοῦ Ἰσραὴλ λέγουσιν. εἷσ ἦν Ἁβραὰμ καὶ κατέσχε τὴν γῆν, καὶ ἡμεῖσ πλείουσ ἐσμέν, ἡμῖν δέδοται ἡ γῆ εἰσ κατάσχεσιν. διὰ τοῦτο εἰπὸν αὐτοῖσ. τάδε λέγει Κύριοσ Κύριοσ. ζῶ ἐγώ, εἰ μὴν οἱ ἐν ταῖσ ἠρημωμέναισ μαχαίρᾳ πεσοῦνται, καὶ οἱ ἐπὶ προσώπου τοῦ πεδίου τοῖσ θηρίοισ τοῦ ἀγροῦ δοθήσονται εἰσ κατάβρωμα, καὶ τοὺσ ἐν ταῖσ τετειχισμέναισ καὶ τοὺσ ἐν τοῖσ σπηλαίοισ θανάτῳ ἀποκτενῶ. καὶ δώσω τὴν γῆν ἔρημον, καὶ ἀπολεῖται ἡ ὕβρισ τῆσ ἰσχύοσ αὐτῆσ, καὶ ἐρημωθήσεται τὰ ὄρη τοῦ Ἰσραὴλ διὰ τὸ μὴ εἶναι διαπορευόμενον. καὶ γνώσονται ὅτι ἐγώ εἰμι Κύριοσ. καὶ ποιήσω τὴν γῆν αὐτῶν ἔρημον, καὶ ἐρημωθήσεται διὰ πάντα τὰ βδελύγματα αὐτῶν, ἃ ἐποίησαν. καὶ σύ, υἱὲ ἀνθρώπου, οἱ υἱοὶ τοῦ λαοῦ σου οἱ λαλοῦντεσ περὶ σοῦ παρὰ τὰ τείχη καὶ ἐν τοῖσ πυλῶσι τῶν οἰκιῶν καὶ λαλοῦσιν ἄνθρωποσ τῷ ἀδελφῷ αὐτοῦ λέγοντεσ. συνέλθωμεν καὶ ἀκούσωμεν τὰ ἐκπορευόμενα παρὰ Κυρίου, ἔρχονται πρόσ σε, ὡσ συμπορεύεται λαόσ, καὶ κάθηνται ἐναντίον σου καὶ ἀκούουσι τὰ ρήματά σου, καὶ αὐτὰ οὐ μὴ ποιήσουσιν, ὅτι ψεῦδοσ ἐν τῷ στόματι αὐτῶν, καὶ ὀπίσω τῶν μιασμάτων ἡ καρδία αὐτῶν. καὶ γίνῃ αὐτοῖσ ὡσ φωνὴ ψαλτηρίου ἡδυφώνου, εὐαρμόστου, καὶ ἀκούσονταί σου τὰ ρήματα καὶ οὐ μὴ ποιήσουσιν αὐτά. καὶ ἡνίκα ἐὰν ἔλθῃ, ἐροῦσιν. ἰδοὺ ἥκει. καὶ γνώσονται ὅτι προφήτησ ἦν ἐν μέσῳ αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 33:

(70인역 성경, 에제키엘서 33:)

목록

SEARCH

MENU NAVIGATION