헬라어 문장 검색 - Σεπτύ048́030́

(70인역 성경, 에제키엘서 30:)

ΚΑΙ ἐγένετο λόγοσ Κυρίου πρόσ με λέγων. υἱὲ ἀνθρώπου, προφήτευσον καὶ εἰπόν. τάδε λέγει Κύριοσ. ὦ ὦ ἡ ἡμέρα, ὅτι ἐγγὺσ ἡμέρα τοῦ Κυρίου, ἡμέρα νεφέλησ, πέρασ ἐθνῶν ἔσται. καὶ ἥξει μάχαιρα ἐπ’ Αἰγυπτίουσ, καὶ ἔσται ταραχὴ ἐν τῇ Αἰθιοπίᾳ, καὶ πεσοῦνται τετραυματισμένοι ἐν Αἰγύπτῳ, καὶ συμπεσεῖται τὰ θεμέλια αὐτῆσ. Πέρσαι καὶ Κρῆτεσ καὶ Λυδοὶ καὶ Λίβυεσ καὶ πάντεσ οἱ ἐπίμεικτοι καὶ τῶν υἱῶν τῆσ διαθήκησ μου μαχαίρᾳ πεσοῦνται ἐν αὐτῇ. καὶ πεσοῦνται τά ἀντιστηρίγματα Αἰγύπτου, καὶ καταβήσεται ἡ ὕβρισ τῆσ ἰσχύοσ αὐτῆσ ἀπὸ Μαγδώλου ἕωσ Συήνησ. μαχαίρᾳ πεσοῦνται ἐν αὐτῇ, λέγει Κύριοσ. καὶ ἐρημωθήσεται ἐν μέσῳ χωρῶν ἠρημωμένων, καὶ αἱ πόλεισ αὐτῶν ἐν μέσῳ πόλεων ἠρημωμένων ἔσονται. καὶ γνώσονται ὅτι ἐγώ εἰμι Κύριοσ, ὅταν δῶ πῦρ ἐπ’ Αἴγυπτον καὶ συντριβῶσι πάντεσ οἱ βοηθοῦντεσ αὐτῇ. ἐν τῇ ἡμέρᾳ ἐκείνῃ ἐξελεύσονται ἄγγελοι σπεύδοντεσ ἀφανίσαι τὴν Αἰθιοπίαν, καὶ ἔσται ταραχὴ ἐν αὐτοῖσ ἐν τῇ ἡμέρᾳ Αἰγύπτου, ὅτι ἰδοὺ ἥκει. ‐ Τάδε λέγει Κύριοσ Κύριοσ. καὶ ἀπολῶ πλῆθοσ Αἰγυπτίων διὰ χειρὸσ Ναβουχοδονόσορ βασιλέωσ Βαβυλῶνοσ, αὐτοῦ καὶ τοῦ λαοῦ αὐτοῦ. λοιμοὶ ἀπὸ ἐθνῶν ἀπεσταλμένοι ἀπολέσαι τὴν γῆν καὶ ἐκκενώσουσι πάντεσ τὰσ μαχαίρασ αὐτῶν ἐπ’ Αἴγυπτον, καὶ πλησθήσεται ἡ γῆ τραυματιῶν. καὶ δώσω τοὺσ ποταμοὺσ αὐτῶν ἐρήμουσ καὶ ἀπολῶ τὴν γῆν καὶ τὸ πλήρωμα αὐτῆσ ἐν χερσὶν ἀλλοτρίων. ἐγὼ Κύριοσ λελάληκα. ‐ Ὅτι τάδε λέγει Κύριοσ Κύριοσ. καὶ ἀπολῶ μεγιστᾶνασ ἀπὸ Μέμφεωσ καὶ ἄρχοντασ ἐκ γῆσ Αἰγύπτου, καὶ οὐκ ἔσονται ἔτι. καὶ ἀπολῶ γῆν Φαθωρῆσ καὶ δώσω πῦρ ἐπὶ Τάνιν καὶ ποιήσω ἐκδίκησιν ἐν Διοσπόλει καὶ ἐκχεῶ τὸν θυμόν μου ἐπὶ Σαὶν τὴν ἰσχὺν Αἰγύπτου καὶ ἀπολῶ τὸ πλῆθοσ Μέμφεωσ. καὶ δώσω πῦρ ἐπ’ Αἴγυπτον, καὶ ταραχῇ ταραχθήσεται ἡ Συήνη, καὶ ἐν Διοσπόλει ἔσται ἔκρηγμα καὶ διαχυθήσεται ὕδατα. νεανίσκοι Ἡλιουπόλεωσ καὶ Βουβάστου ἐν μαχαίρᾳ πεσοῦνται, καὶ αἱ γυναῖκεσ ἐν αἰχμαλωσίᾳ πορεύσονται. καὶ ἐν Τάφναισ συσκοτάσει ἡ ἡμέρα ἐν τῷ συντρίψαι με ἐκεῖ τὰ σκῆπτρα Αἰγύπτου, καὶ ἀπολεῖται ἐκεῖ ἡ ὕβρισ ἰσχύοσ αὐτῆσ, καὶ ταύτην νεφέλη καλύψει, καὶ αἱ θυγατέρεσ αὐτῆσ αἰχμάλωτοι ἀχθήσονται. καὶ ποιήσω κρίμα ἐν Αἰγύπτῳ, καὶ γνώσονται ὅτι ἐγώ εἰμι Κύριοσ. Καὶ ἐγένετο ἐν τῷ ἑνδεκάτῳ ἔτει, ἐν τῷ πρώτω μηνί, ἑβδόμῃ τοῦ μηνόσ, ἐγένετο λόγοσ Κυρίου πρόσ με λέγων. υἱὲ ἀνθρώπου, τοὺσ βραχίονασ Φαραὼ βασιλέωσ Αἰγύπτου συνέτριψα, καὶ ἰδοὺ οὐ κατεδέθη τοῦ δοθῆναι ἴασιν, τοῦ δοθῆναι ἐπ’ αὐτὸν μάλαγμα, τοῦ δοθῆναι ἰσχὺν ἐπιλαβέσθαι μαχαίρασ. διὰ τοῦτο τάδε λέγει Κύριοσ Κύριοσ. ἰδοὺ ἐγὼ ἐπὶ Φαραὼ βασιλέα Αἰγύπτου καὶ συντρίψω τοὺσ βραχίονασ αὐτοῦ τοὺσ ἰσχυροὺσ καὶ τοὺσ τεταμένουσ καὶ καταβαλῶ τὴν μάχαιραν αὐτοῦ ἐκ τῆσ χειρὸσ αὐτοῦ καὶ διασπερῶ Αἴγυπτον εἰσ τά ἔθνη καὶ λικμήσω αὐτοὺσ εἰσ τὰσ χώρασ. καὶ κατισχύσω τοὺσ βραχίονασ βασιλέωσ Βαβυλῶνοσ καὶ δώσω τὴν ρομφαίαν μου εἰσ τὴν χεῖρα αὐτοῦ, καὶ ἐπάξει αὐτὴν ἐπ’ Αἴγυπτον καὶ προνομεύσει τὴν προνομὴν αὐτῆσ καὶ σκυλεύσει τά σκῦλα αὐτῆσ. καὶ ἐνισχύσω τοὺσ βραχίονασ βασιλέωσ Βαβυλῶνοσ, οἱ δέ βραχίονεσ Φαραὼ πεσοῦνται. καὶ γνώσονται ὅτι ἐγώ εἰμι Κύριοσ, ἐν τῷ δοῦναι τὴν ρομφαίαν μου εἰσ χεῖρασ βασιλέωσ Βαβυλῶνοσ, καὶ ἐκτενεῖ αὐτὴν ἐπὶ γῆν Αἰγύπτου. καὶ διασπερῶ Αἴγυπτον εἰσ τὰ ἔθνη καὶ λικμήσω αὐτοὺσ εἰσ τὰσ χώρασ. καὶ γνώσονται πάντεσ ὅτι ἐγώ εἰμι Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 30:

(70인역 성경, 에제키엘서 30:)

목록

SEARCH

MENU NAVIGATION