헬라어 문장 검색 - Σεπτύ048́029́

(70인역 성경, 에제키엘서 29:)

ΕΝ τῷ ἔτει τῷ δωδεκάτῳ, ἐν τῷ δεκάτῳ μηνί, μιᾷ τοῦ μηνόσ, ἐγένετο λόγοσ Κυρίου πρόσ με λέγων. υἱὲ ἀνθρώπου, στήρισον τὸ πρόσωπόν σου ἐπὶ Φαραὼ βασιλέα Αἰγύπτου καὶ προφήτευσον ἐπ’ αὐτὸν καὶ ἐπ’ Αἴγυπτον ὅλην καὶ εἰπόν. τάδε λέγει Κύριοσ. ἰδοὺ ἐγὼ ἐπὶ Φαραώ, τὸν δράκοντα τὸν μέγαν τὸν ἐγκαθήμενον ἐν μέσῳ ποταμῶν αὐτοῦ, τὸν λέγοντα. ἐμοί εἰσιν οἱ ποταμοί, καὶ ἐγὼ ἐποίησα αὐτούσ. καὶ ἐγὼ δώσω παγίδασ εἰσ τὰσ σιαγόνασ σου καὶ προσκολλήσω τοὺσ ἰχθύασ τοῦ ποταμοῦ σου πρὸσ τὰσ πτέρυγάσ σου καὶ ἀνάξω σε ἐκ μέσου τοῦ ποταμοῦ σου. καὶ καταβαλῶ σε ἐν τάχει καὶ πάντασ τοὺσ ἰχθύασ τοῦ ποταμοῦ σου. ἐπὶ πρόσωπον τοῦ πεδίου πεσῇ, καὶ οὐ μὴ συναχθῇσ καὶ οὐ μὴ περισταλῇσ, τοῖσ θηρίοισ τῆσ γῆσ καὶ τοῖσ πετεινοῖσ τοῦ οὐρανοῦ δέδωκά σε εἰσ κατάβρωμα. καὶ γνώσονται πάντεσ οἱ κατοικοῦντεσ Αἴγυπτον ὅτι ἐγώ εἰμι Κύριοσ, ἀνθ’ ὧν ἐγενήθησ ράβδοσ καλαμίνη τῷ οἴκῳ Ἰσραήλ. ὅτε ἐπελάβοντό σου τῇ χειρὶ αὐτῶν, ἐθλάσθησ, καὶ ὅτε ἐπεκρότησεν ἐπ’ αὐτοὺσ πᾶσα χεὶρ καὶ ὅτε ἐπανεπαύσαντο ἐπὶ σέ, συνετρίβησ καὶ συνέκλασασ αὐτῶν πᾶσαν ὀσφύν. διὰ τοῦτο τάδε λέγει Κύριοσ. ἰδοὺ ἐγὼ ἐπάγω ἐπὶ σὲ ρομφαίαν καὶ ἀπολῶ ἀπὸ σοῦ ἀνθρώπουσ καὶ κτήνη. καὶ ἔσται ἡ γῆ Αἰγύπτου ἀπώλεια καὶ ἔρημοσ, καὶ γνώσονται ὅτι ἐγώ εἰμι Κύριοσ, ἀντὶ τοῦ λέγειν σε. οἱ ποταμοὶ ἐμοί εἰσι, καὶ ἐγὼ ἐποίησα αὐτούσ. διὰ τοῦτο ἰδοὺ ἐγὼ ἐπὶ σὲ καὶ ἐπὶ πάντασ τοὺσ ποταμούσ σου καὶ δώσω γῆν Αἰγύπτου εἰσ ἔρημον καὶ ρομφαίαν καὶ ἀπώλειαν ἀπὸ Μαγδώλου καὶ Συήνησ καὶ ἕωσ ὁρίων Αἰθιόπων. οὐ μὴ διέλθῃ ἐν αὐτῇ ποὺσ ἀνθρώπου, καὶ ποὺσ κτήνουσ οὐ μὴ διέλθῃ αὐτήν, καὶ οὐ κατοικηθήσεται τεσσαράκοντα ἔτη. καὶ δώσω τὴν γῆν αὐτῆσ ἀπώλειαν ἐν μέσῳ γῆσ ἠρημωμένησ, καὶ αἱ πόλεισ αὐτῆσ ἐν μέσῳ πόλεων ἠρημωμένων ἔσονται τεσσαράκοντα ἔτη. καὶ διασπερῶ Αἴγυπτον ἐν τοῖσ ἔθνεσι καὶ λικμήσω αὐτοὺσ εἰσ τὰσ χώρασ. τάδε λέγει Κύριοσ. μετὰ τεσσαράκοντα ἔτη συνάξω Αἰγυπτίουσ ἀπὸ τῶν ἐθνῶν, οὗ διεσκορπίσθησαν ἐκεῖ, καὶ ἀποστρέψω τὴν αἰχμαλωσίαν τῶν Αἰγυπτίων καὶ κατοικίσω αὐτοὺσ ἐν γῇ Φαθωρῆσ, ἐν τῇ γῇ, ὅθεν ἐλήφθησαν. καὶ ἔσται ἀρχὴ ταπεινὴ παρὰ πάσασ τὰσ ἀρχάσ, οὐ μὴ ὑψωθῇ ἔτι ἐπὶ τὰ ἔθνη, καὶ ὀλιγοστοὺσ αὐτοὺσ ποιήσω τοῦ μὴ εἶναι αὐτοὺσ πλείονασ ἐν τοῖσ ἔθνεσι. καὶ οὐκέτι ἔσονται τῷ οἴκῳ Ἰσραὴλ εἰσ ἐλπίδα ἀναμιμνήσκουσαν ἀνομίαν ἐν τῷ ἀκολουθῆσαι αὐτοὺσ ὀπίσω αὐτῶν. καὶ γνώσονται ὅτι ἐγώ εἰμι Κύριοσ. καὶ ἐγένετο ἐν τῷ ἑβδόμῳ καὶ εἰκοστῷ ἔτει, μιᾷ τοῦ μηνὸσ τοῦ πρώτου, ἐγένετο λόγοσ Κυρίου πρόσ με λέγων. υἱὲ ἀνθρώπου, Ναβουχοδονόσορ βασιλεὺσ Βαβυλῶνοσ κατεδουλώσατο τὴν δύναμιν αὐτοῦ δουλείᾳ μεγάλῃ ἐπὶ Τύρου, πᾶσα κεφαλὴ φαλακρὰ καὶ πᾶσ ὦμοσ μαδῶν, καὶ μισθὸσ οὐκ ἐγενήθη αὐτῷ καὶ τῇ δυνάμει αὐτοῦ ἐπὶ Τύρου καὶ τῆσ δουλείασ, ἧσ ἐδούλευσαν ἐπ’ αὐτήν. τάδε λέγει Κύριοσ Κύριοσ. ἰδοὺ ἐγὼ δίδωμι τῷ Ναβουχοδονόσορ βασιλεῖ Βαβυλῶνοσ γῆν Αἰγύπτου, καὶ προνομεύσει τὴν προνομὴν αὐτῆσ καὶ σκυλεύσει τὰ σκῦλα αὐτῆσ, καὶ ἔσται μισθὸσ τῇ δυνάμει αὐτοῦ. ἀντὶ τῆσ λειτουργίασ αὐτοῦ, ἧσ ἐδούλευσεν ἐπὶ Τύρον, δέδωκα αὐτῷ γῆν Αἰγύπτου. τάδε λέγει Κύριοσ Κύριοσ. ἐν τῇ ἡμέρᾳ ἐκείνῃ ἀνατελεῖ κέρασ παντὶ τῷ οἴκῳ Ἰσραήλ, καὶ σοὶ δώσω στόμα ἀνεῳγμένον ἐν μέσῳ αὐτῶν, καὶ γνώσονται ὅτι ἐγώ εἰμι Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 29:

(70인역 성경, 에제키엘서 29:)

목록

SEARCH

MENU NAVIGATION