헬라어 문장 검색 - Σεπτύ048́027́

(70인역 성경, 에제키엘서 27:)

ΚΑΙ ἐγένετο λόγοσ Κυρίου πρόσ με λέγων. καὶ σὺ υἱὲ ἀνθρώπου, λαβὲ ἐπὶ Σὸρ θρῆνον καὶ ἐρεῖσ τῇ Σὸρ τῇ κατοικούσῃ ἐπὶ τῆσ εἰσόδου τῆσ θαλάσσησ, τῷ ἐμπορίῳ τῶν λαῶν ἀπὸ νήσων πολλῶν. τάδε λέγει Κύριοσ τῇ Σόρ. σὺ εἶπασ. ἐγὼ περιέθηκα ἐμαυτῇ κάλλοσ μου. ἐν καρδίᾳ θαλάσσησ τῷ Βεελεὶμ υἱοί σου περιέθηκάν σοι κάλλοσ. κέδροσ ἐκ Σανεὶρ ᾠκοδομήθη σοι, ταινίαι σανίδων κυπαρίσσου ἐκ τοῦ Λιβάνου ἐλήφθησαν τοῦ ποιῆσαί σοι ἱστοὺσ ἐλατίνουσ. ἐκ τῆσ Βασανίτιδοσ ἐποίησαν τὰσ κώπασ σου, τὰ ἱερά σου ἐποίησαν ἐξ ἐλέφαντοσ, οἴκουσ ἀλσώδεισ ἀπὸ νήσων τῶν Χετιείμ. βύσσοσ μετὰ ποικιλίασ ἐξ Αἰγύπτου ἐγένετό σοι στρωμνὴ τοῦ περιθεῖναί σοι δόξαν καὶ περιβαλεῖν σε ὑάκινθον καὶ πορφύραν ἐκ τῶν νήσων Ἐλεισαὶ καὶ ἐγένετο περιβόλαιά σου. καὶ οἱ ἄρχοντέσ σου οἱ κατοικοῦντεσ Σιδῶνα καὶ Ἀράδιοι ἐγένοντο κωπηλάται σου. οἱ σοφοί σου, Σόρ, οἳ ἦσαν ἐν σοί, οὗτοι κυβερνῆταί σου. οἱ πρεσβύτεροι βιβλίων καὶ οἱ σοφοὶ αὐτῶν ἦσαν ἐν σοί, οὗτοι ἐνίσχυον τὴν βουλήν σου. καὶ πάντα τὰ πλοῖα τῆσ θαλάσσησ καὶ οἱ κωπηλάται αὐτῶν ἐγένοντό σοι ἐπὶ δυσμὰσ δυσμῶν. Πέρσαι καὶ Λυδοὶ καὶ Λίβυεσ ἦσαν ἐν τῇ δυνάμει σου, ἄνδρεσ πολεμισταί σου πέλτασ καὶ περικεφαλαίασ ἐκρέμασαν ἐν σοί, οὗτοι ἔδωκαν τὴν δόξαν σου. υἱοὶ Ἀραδίων καὶ ἡ δύναμίσ σου ἐπὶ τῶν τειχέων σου φύλακεσ ἐν τοῖσ πύργοισ σου ἦσαν, τὰσ φαρέτρασ αὐτῶν ἐκρέμασαν ἐπὶ τῶν ὅρμων σου κύκλῳ. οὗτοι ἐτελείωσάν σου τὸ κάλλοσ. Καρχηδόνιοι ἔμποροί σου ἀπὸ πλήθουσ πάσησ ἰσχύοσ σου, ἀργύριον καὶ χρυσίον καὶ σίδηρον καὶ κασσίτερον καὶ μόλιβον ἔδωκαν τὴν ἀγοράν σου. ἡ Ἑλλὰσ καὶ ἡ σύμπασα καὶ τὰ παρατείνοντα, οὗτοι ἐνεπορεύοντό σοι ἐν ψυχαῖσ ἀνθρώπων καὶ σκεύη χαλκᾶ ἔδωκαν τὴν ἐμπορίαν σου. ἐξ οἴκου Θεργαμὰ ἵππουσ καὶ ἱππεῖσ ἔδωκαν τὴν ἀγοράν σου. υἱοὶ Ροδίων ἔμποροί σου ἀπὸ νήσων ἐπλήθυναν τὴν ἐμπορίαν σου ὀδόντασ ἐλεφαντίνουσ, καὶ τοῖσ εἰσαγομένοισ ἀντεδίδουσ τοὺσ μισθούσ σου, ἀνθρώπουσ ἐμπορίαν σου ἀπὸ πλήθουσ τοῦ συμμείκτου σου, στακτὴν καὶ ποικίλματα ἐκ Θαρσίσ, καὶ Ραμὸθ καὶ Χορχὸρ ἔδωκαν τὴν ἀγοράν σου. Ἰούδασ καὶ οἱ υἱοὶ τοῦ Ἰσραήλ, οὗτοι ἔμποροί σου ἐν πράσει σίτου καὶ μύρων καὶ κασίασ, καὶ πρῶτον μέλι καὶ ἔλαιον καὶ ρητίνην ἔδωκαν εἰσ τὸν σύμμεικτόν σου. Δαμασκὸσ ἔμπορόσ σου ἐκ πλήθουσ πάσησ δυνάμεώσ σου. οἶνοσ ἐκ Χελβὼν καὶ ἔρια ἐκ Μιλήτου, καὶ οἶνον εἰσ τὴν ἀγοράν σου ἔδωκαν. ἐξ Ἀσὴλ σίδηροσ εἰργασμένοσ καὶ τροχὸσ ἐν τῷ συμμείκτῳ σού ἐστι. Δαιδὰν ἔμποροί σου μετὰ κτηνῶν ἐκλεκτῶν εἰσ ἅρματα. ἠ Ἀραβία καὶ πάντεσ οἱ ἄρχοντεσ Κηδάρ, οὗτοι ἔμποροί σου διά χειρόσ σου, καμήλουσ καὶ ἀμνοὺσ καὶ κριοὺσ ἐν οἷσ ἐμπορεύονταί σε. ἔμποροι Σαββὰ καὶ Ραγμά, οὗτοι ἔμποροί σου μετὰ πρώτων ἡδυσμάτων καὶ λίθων χρηστῶν καὶ χρυσὸν ἔδωκαν τὴν ἀγοράν σου. Χαρρὰν καὶ Χαννά, οὗτοι ἔμποροί σου. Ἀσσοὺρ καὶ Χαρμὰν ἔμποροί σου φέροντεσ ἐμπορίαν ὑάκινθον καὶ θησαυροὺσ ἐκλεκτοὺσ δεδεμένουσ σχοινίοισ καὶ κυπαρύσσινα. πλοῖα, ἐν αὐτοῖσ Καρχηδόνιοι ἔμποροί σου ἐν τῷ πλήθει, ἐν τῷ συμμείκτῳ σου, καὶ ἐνεπλήσθησ καὶ ἐβαρύνθησ σφόδρα ἐν καρδίᾳ θαλάσσησ. ἐν ὕδατι πολλῷ ἦγόν σε οἱ κωπηλάται σου. τὸ πνεῦμα τοῦ νότου συνέτριψέ σε ἐν καρδίᾳ θαλάσσησ. ἦσαν δυνάμεισ σου καὶ ὁ μισθόσ σου καὶ τῶν συμμείκτων σου καὶ οἱ κωπηλάται σου καὶ οἱ κυβερνῆταί σου καὶ οἱ σύμβουλοί σου καὶ οἱ σύμμεικτοί σου ἐκ τῶν συμμείκτων σου καὶ πάντεσ οἱ ἄνδρεσ οἱ πολεμισταί σου οἱ ἐν σοὶ καὶ πᾶσα συναγωγή σου ἐν μέσῳ σου, πεσοῦνται ἐν καρδίᾳ θαλάσσησ ἐν τῇ ἡμέρᾳ τῆσ πτώσεώσ σου. πρὸσ τὴν κραυγὴν τῆσ φωνῆσ σου οἱ κυβερνῆταί σου φόβῳ φοβηθήσονται, καὶ καταβήσονται ἀπὸ τῶν πλοίων πάντεσ οἱ κωπηλάται καὶ οἱ ἐπιβάται καὶ οἱ πρωρεῖσ τῆσ θαλάσσησ ἐπὶ τὴν γῆν στήσονται καὶ ἀλαλάξουσιν ἐπὶ σὲ τῇ φωνῇ αὐτῶν καὶ κεκράξονται πικρὸν καὶ ἐπιθήσουσι γῆν ἐπὶ τὴν κεφαλὴν αὐτῶν καὶ σποδὸν ὑποστρώσονται. καὶ λήψονται οἱ υἱοὶ αὐτῶν ἐπὶ σὲ θρῆνον καὶ θρήνημά σοι. πόσον τινὰ εὗρεσ μισθὸν ἀπὸ τῆσ θαλάσσησ̣ ἐνέπλησασ ἔθνη ἀπὸ τοῦ πλήθουσ σου καὶ ἀπὸ τοῦ συμμείκτου σου ἐπλούτησασ πάντασ βασιλεῖσ τῆσ γῆσ. νῦν συνετρίβησ ἐν θαλάσσῃ, ἐν βάθει ὕδατοσ. ὁ σύμμεικτόσ σου καὶ πᾶσα ἡ συναγωγή σου ἐν μέσῳ σου ἔπεσον, πάντεσ οἱ κωπηλάται σου. πάντεσ οἱ κατοικοῦντεσ τὰσ νήσουσ ἐστύγνασαν ἐπὶ σέ, καὶ οἱ βασιλεῖσ αὐτῶν ἐκστάσει ἐξέστησαν, καὶ ἐδάκρυσε τὸ πρόσωπον αὐτῶν. ἔμποροι ἀπὸ ἐθνῶν ἐσύρισάν σε, ἀπώλεια ἐγένου, καὶ οὐκέτι ἔσῃ εἰσ τὸν αἰῶνα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 27:

(70인역 성경, 에제키엘서 27:)

목록

SEARCH

MENU NAVIGATION