헬라어 문장 검색 - Σεπτύ048́026́

(70인역 성경, 에제키엘서 26:)

ΚΑΙ ἐγενήθη ἐν τῷ ἑνδεκάτῳ ἔτει, μιᾷ τοῦ μηνόσ, ἐγένετο λόγοσ Κυρίου πρόσ με λέγων. υἱὲ ἀνθρώπου, ἀνθ’ ὧν εἶπε Σὸρ ἐπὶ Ἱερουσαλήμ. εὖγε, συνετρίβη, ἀπόλωλε τὰ ἔθνη, ἐπεστράφη πρόσ με, ἡ πλήρησ ἠρήμωται, διὰ τοῦτο τάδε λέγει Κύριοσ. ἰδοὺ ἐγὼ ἐπὶ σέ, Σόρ, καὶ ἀνάξω ἐπὶ σὲ ἔθνη πολλά, ὡσ ἀναβαίνει ἡ θάλασσα τοῖσ κύμασιν αὐτῆσ. καὶ καταβαλοῦσι τὰ τείχη Σὸρ καὶ καταβαλοῦσι τοὺσ πύργουσ σου, καὶ λικμήσω τὸν χοῦν αὐτῆσ ἀπ’ αὐτῆσ καὶ δώσω αὐτὴν εἰσ λεωπετρίαν. ψυγμὸσ σαγηνῶν ἔσται ἐν μέσῳ θαλάσσησ, ὅτι ἐγὼ λελάληκα, λέγει Κύριοσ. καὶ ἔσται εἰσ προνομὴν τοῖσ ἔθνεσι. καὶ αἱ θυγατέρεσ αὐτῆσ αἱ ἐν τῷ πεδίῳ μαχαίρᾳ ἀναιρεθήσονται, καὶ γνώσονται ὅτι ἐγὼ Κύριοσ. ὅτι τάδε λέγει Κύριοσ. ἰδοὺ ἐγὼ ἐπάγω ἐπὶ σέ, Σόρ, τὸν Ναβουχοδονόσορ βασιλέα Βαβυλῶνοσ ἀπὸ τοῦ βορρᾶ μεθ’ ἵππων καὶ ἁρμάτων καὶ ἱππέων καὶ συναγωγῆσ ἐθνῶν πολλῶν σφόδρα. οὗτοσ τὰσ θυγατέρασ σου τὰσ ἐν τῷ πεδίῳ μαχαίρᾳ ἀνελεῖ καὶ δώσει ἐπὶ σὲ προφυλακὴν καὶ περιοικοδομήσει καὶ ποιήσει ἐπὶ σὲ κύκλῳ χάρακα καὶ περίστασιν ὅπλων καὶ τὰσ λόγχασ αὐτοῦ ἀπέναντί σου δώσει. τὰ τείχη σου καὶ τοὺσ πύργουσ σου καταβαλεῖ ἐν ταῖσ μαχαίραισ αὐτοῦ. ἀπὸ τοῦ πλήθουσ τῶν ἵππων αὐτοῦ κατακαλύψει σε ὁ κονιορτὸσ αὐτῶν, καὶ ἀπὸ τῆσ φωνῆσ τῶν ἱππέων αὐτοῦ καὶ τῶν τροχῶν τῶν ἁρμάτων αὐτοῦ σεισθήσεται τὰ τείχη σου εἰσπορευομένου αὐτοῦ τὰσ πύλασ σου, ὡσ εἰσπορευόμενοσ εἰσ πόλιν ἐκ πεδίου. ἐν ταῖσ ὁπλαῖσ τῶν ἵππων αὐτοῦ καταπατήσουσί σου πάσασ τὰσ πλατείασ. τὸν λαόν σου μαχαίρᾳ ἀνελεῖ καὶ τὴν ὑπόστασιν τῆσ ἰσχύοσ σου ἐπὶ τὴν γῆν κατάξει. καὶ προνομεύσει τὴν δύναμίν σου καὶ σκυλεύσει τὰ ὑπάρχοντά σου καὶ καταβαλεῖ τὰ τείχη σου καὶ τοὺσ οἴκουσ σου τοὺσ ἐπιθυμητοὺσ καθελεῖ, καὶ τοὺσ λίθουσ σου καὶ τὰ ξύλα σου καὶ τὸν χοῦν σου εἰσ μέσον τῆσ θαλάσσησ σου ἐμβαλεῖ. καὶ καταλύσει τὸ πλῆθοσ τῶν μουσικῶν σου, καὶ ἡ φωνὴ τῶν ψαλτηρίων σου οὐ μὴ ἀκουσθῇ ἔτι. καὶ δώσω σε εἰσ λεωπετρίαν, ψυγμὸσ σαγηνῶν ἔσῃ, οὐ μὴ οἰκοδομηθῇσ ἔτι, ὅτι ἐγὼ Κύριοσ ἐλάλησα, λέγει Κύριοσ. διότι τάδε λέγει Κύριοσ Κύριοσ τῇ Σόρ. οὐκ ἀπὸ φωνῆσ τῆσ πτώσεώσ σου ἐν τῷ στενάξαι τραυματίασ, ἐν τῷ σπάσαι μάχαιραν ἐν μέσῳ σου σεισθήσονται αἱ νῆσοι̣ καὶ καταβήσονται ἀπὸ τῶν θρόνων αὐτῶν πάντεσ οἱ ἄρχοντεσ ἐκ τῶν ἐθνῶν τῆσ θαλάσσησ καὶ ἀφελοῦνται τὰσ μίτρασ ἀπὸ τῶν κεφαλῶν αὐτῶν καὶ τὸν ἱματισμὸν τὸν ποικίλον αὐτῶν ἐκδύσονται. ἐκστάσει ἐκστήσονται, ἐπὶ γῆν καθεδοῦνται καὶ φοβηθήσονται τὴν ἀπώλειαν αὐτῶν καὶ στενάξουσιν ἐπὶ σέ. καὶ λήψονται ἐπὶ σὲ θρῆνον καὶ ἐροῦσί σοι. πῶσ κατελύθησ ἐκ θαλάσσησ, ἡ πόλισ ἡ ἐπαινετή, ἡ δοῦσα τὸν φόβον αὐτῆσ πᾶσι τοῖσ κατοικοῦσιν αὐτήν̣ καὶ φοβηθήσονται αἱ νῆσοι ἀπὸ ἡμέρασ πτώσεώσ σου. ὅτι τάδε λέγει Κύριοσ Κύριοσ. ὅταν δῶ σε πόλιν ἠρημωμένην ὡσ τὰσ πόλεισ τὰσ μὴ κατοικισθησομένασ, ἐν τῷ ἀναγαγεῖν με ἐπὶ σὲ τὴν ἄβυσσον καὶ κατακαλύψει σε ὕδωρ πολύ, καὶ καταβιβάσω σε πρὸσ τοὺσ καταβαίνοντασ εἰσ βόθρον πρὸσ λαὸν αἰῶνοσ καὶ κατοικιῶ σε εἰσ βάθη τῆσ γῆσ ὡσ ἔρημον αἰώνιον μετὰ καταβαινόντων εἰσ βόθρον, ὅπωσ μὴ κατοικηθῇσ μηδὲ ἀναστῇσ ἐπὶ γῆσ ζωῆσ. ἀπώλειάν σε δώσω, καὶ οὐχ ὑπάρξεισ ἔτι εἰσ τὸν αἰῶνα, λέγει Κύριοσ Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 26:

(70인역 성경, 에제키엘서 26:)

목록

SEARCH

MENU NAVIGATION