Septuagint, Prophetia Ezechielis 24:

(70인역 성경, 에제키엘서 24:)

ΚΑΙ ἐγένετο λόγοσ Κυρίου πρόσ με ἐν τῷ ἔτει τῷ ἐνάτῳ, ἐν τῷ μηνὶ τῷ δεκάτῳ, δεκάτῃ τοῦ μηνόσ, λέγων. υἱὲ ἀνθρώπου, γράψον σεαυτῷ εἰσ ἡμέραν ἀπὸ τῆσ ἡμέρασ ταύτησ, ἀφ’ ἧσ ἀπηρείσατο βασιλεὺσ Βαβυλῶνοσ ἐπὶ Ἱερουσαλήμ, ἀπὸ τῆσ ἡμέρασ τῆσ σήμερον, καὶ εἰπὸν ἐπὶ τὸν οἶκον τὸν παραπικραίνοντα παραβολὴν καὶ ἐρεῖσ πρὸσ αὐτούσ. τάδε λέγει Κύριοσ. ἐπίστησον τὸν λέβητα καὶ ἔγχεον εἰσ αὐτὸν ὕδωρ καὶ ἔμβαλε εἰσ αὐτὸν τὰ διχοτομήματα, πᾶν διχοτόμημα καλόν, σκέλοσ καὶ ὦμον ἐκσεσαρκισμένα ἀπὸ τῶν ὀστῶν ἐξ ἐπιλέκτων κτηνῶν εἰλημμένων καὶ ὑπόκαιε τὰ ὀστᾶ ὑποκάτω αὐτῶν. ἔζεσεν ἔζεσε, καὶ ἥψηται τὰ ὀστᾶ αὐτῆσ ἐν μέσῳ αὐτῆσ. διὰ τοῦτο τάδε λέγει Κύριοσ. ὦ πόλισ αἱμάτων, λέβησ ἐν ᾧ ἐστιν ἰὸσ ἐν αὐτῷ, καὶ ὁ ἰὸσ οὐκ ἐξῆλθεν ἐξ αὐτῆσ. κατὰ μέλοσ αὐτῆσ ἐξήνεγκεν, οὐκ ἔπεσεν ἐπ’ αὐτὴν κλῆροσ. ὅτι αἷμα αὐτῆσ ἐν μέσῳ αὐτῆσ ἐστιν, ἐπὶ λεωπετρίαν τέταχα αὐτό. οὐκ ἐκκέχυκα αὐτὸ ἐπὶ τὴν γῆν τοῦ καλύψαι ἐπ’ αὐτὸ γῆν. τοῦ ἀναβῆναι θυμὸν εἰσ ἐκδίκησιν ἐκδικηθῆναι δέδωκα τὸ αἷμα αὐτῆσ ἐπὶ λεωπετρίαν τοῦ μὴ καλύψαι αὐτό. διὰ τοῦτο τάδε λέγει Κύριοσ. κἀγὼ μεγαλυνῶ τὸν δαλὸν καὶ πληθυνῶ τὰ ξύλα καὶ ἀνακαύσω τὸ πῦρ, ὅπωσ τακῇ τὰ κρέα καὶ ἐλαττωθῇ ὁ ζωμὸς καὶ στῇ ἐπὶ τοὺσ ἄνθρακασ, ὅπωσ προσκαυθῇ καὶ θερμανθῇ ὁ χαλκὸσ αὐτῆσ καὶ τακῇ ἐν μέσῳ ἀκαθαρσίασ αὐτῆσ, καὶ ἐκλίπῃ ὁ ἰὸσ αὐτῆσ, καὶ οὐ μὴ ἐξέλθῃ ἐξ αὐτῆσ πολὺσ ὁ ἰὸσ αὐτῆσ, καταισχυνθήσεται ὁ ἰὸσ αὐτῆσ, ἀνθ’ ὧν ἐμιαίνου σύ. καὶ τί ἐὰν μὴ καθαρισθῇσ ἔτι, ἕωσ οὗ ἐμπλήσω τὸν θυμόν μου̣ ἐγὼ Κύριοσ λελάληκα, καὶ ἥξει, καὶ ποιήσω, οὐ διαστελῶ οὐδὲ μὴ ἐλεήσω. κατὰ τὰσ ὁδούσ σου, καὶ κατὰ τὰ ἐνθυμήματά σου κρινῶ σε, λέγει Κύριοσ. διὰ τοῦτο ἐγὼ κρινῶ σε κατὰ τὰ αἵματά σου καὶ κατὰ τὰ ἐνθυμήματά σου κρινῶ σε, ἡ ἀκάθαρτοσ, ἡ ὀνομαστὴ καὶ πολλὴ τοῦ παραπικραίνειν. Καὶ ἐγένετο λόγοσ Κυρίου πρόσ με λέγων. υἱὲ ἀνθρώπου, ἰδοὺ ἐγὼ λαμβάνω ἐκ σοῦ τὰ ἐπιθυμήματα τῶν ὀφθαλμῶν σου ἐν παρατάξει. οὐ μὴ κοπῇσ οὐδ’ οὐ μὴ κλαυσθῇσ. στεναγμὸσ αἵματοσ, ὀσφύοσ, πένθουσ ἐστίν. οὐκ ἔσται τὸ τρίχωμά σου συμπεπλεγμένον ἐπὶ σὲ καὶ τὰ ὑποδήματά σου ἐν τοῖσ ποσί σου, οὐ μὴ παρακληθῇσ ἐν χείλεσιν αὐτῶν καὶ ἄρτον ἀνδρῶν οὐ μὴ φάγῃσ. καὶ ἐλάλησα πρὸσ τὸν λαὸν τὸ πρωί̈, ὃν τρόπον ἐνετείλατό μοι, καὶ ἀπέθανεν ἡ γυνή μου ἑσπέρασ, καὶ ἐποίησα τὸ πρωί̈ ὃν τρόπον ἐπετάγη μοι. καὶ εἶπε πρόσ με ὁ λαόσ. οὐκ ἀναγγελεῖσ ἡμῖν τί ἐστι ταῦτα, ἃ σὺ ποιεῖσ̣ καὶ εἶπα πρὸσ αὐτούσ. λόγοσ Κυρίου ἐγένετο πρόσ με λέγων. εἰπὸν πρὸσ τὸν οἶκον τοῦ Ἰσραήλ. τάδε λέγει Κύριοσ. ἰδοὺ ἐγὼ βεβηλῶ τὰ ἅγιά μου, φρύαγμα ἰσχύοσ ὑμῶν, ἐπιθυμήματα ὀφθαλμῶν ὑμῶν, καὶ ὑπὲρ ὧν φείδονται αἱ ψυχαὶ ὑμῶν. καὶ οἱ υἱοὶ ὑμῶν καὶ αἱ θυγατέρεσ ὑμῶν, οὓσ ἐγκατελίπετε, ἐν ρομφαίᾳ πεσοῦνται. καὶ ποιήσετε ὃν τρόπον πεποίηκα. ἀπὸ στόματοσ αὐτῶν οὐ παρακληθήσεσθε καὶ ἄρτον ἀνδρῶν οὐ φάγεσθε, καὶ αἱ κόμαι ὑμῶν ἐπὶ τῆσ κεφαλῆσ ὑμῶν, καὶ τὰ ὑποδήματα ὑμῶν ἐν τοῖσ ποσὶν ὑμῶν. οὔτε μὴ κόψησθε οὔτε μὴ κλαύσητε, καὶ ἐντακήσεσθε ἐν ταῖσ ἀδικίαισ ὑμῶν καὶ παρακαλέσετε ἕκαστοσ τὸν ἀδελφὸν αὐτοῦ. καὶ ἔσται Ἰεζεκιὴλ ὑμῖν εἰσ τέρασ. κατὰ πάντα, ὅσα ἐποίησα, ποιήσετε, ὅταν ἔλθῃ ταῦτα. καὶ ἐπιγνώσεσθε διότι ἐγὼ Κύριοσ. ‐ Καὶ σὺ υἱὲ ἀνθρώπου, οὐχὶ ἐν τῇ ἡμέρᾳ, ὅταν λαμβάνων τὴν ἰσχὺν παρ’ αὐτῶν, τὴν ἔπαρσιν τῆσ καυχήσεωσ αὐτῶν, τὰ ἐπιθυμήματα ὀφθαλμῶν αὐτῶν καὶ τὴν ἔπαρσιν ψυχῆσ αὐτῶν, υἱοὺσ αὐτῶν καὶ θυγατέρασ αὐτῶν, ἐν τῇ ἡμέρᾳ ἐκείνῃ ἥξει ὁ ἀνασῳζόμενοσ πρὸσ σὲ τοῦ ἀναγγεῖλαί σοι εἰσ τὰ ὦτα̣ ἐν τῇ ἡμέρᾳ ἐκείνῃ διανοιχθήσεται τὸ στόμα σου πρὸσ τὸν ἀνασῳζόμενον καὶ λαλήσεισ καὶ οὐ μὴ ἀποκωφωθῇσ οὐκέτι. καὶ ἔσῃ αὐτοῖσ εἰσ τέρασ, καὶ ἐπιγνώσονται διότι ἐγὼ Κύριοσ.

목록

일치하는 문장이 없습니다.

SEARCH

MENU NAVIGATION