Septuagint, Prophetia Ezechielis 23:

(70인역 성경, 에제키엘서 23:)

ΚΑΙ ἐγένετο λόγοσ Κυρίου πρόσ με λέγων. υἱὲ ἀνθρώπου, δύο γυναῖκεσ ἦσαν θυγατέρεσ μητρὸσ μιᾶς καὶ ἐξεπόρνευσαν ἐν Αἰγύπτῳ ἐν τῇ νεότητι αὐτῶν. ἐκεῖ ἔπεσον οἱ μαστοὶ αὐτῶν, ἐκεῖ διεπαρθενεύθησαν. καὶ τὰ ὀνόματα αὐτῶν ἦν Ὀολὰ ἡ πρεσβυτέρα καὶ Ὀολιβὰ ἡ ἀδελφὴ αὐτῆσ. καὶ ἐγένοντό μοι καὶ ἔτεκον υἱοὺσ καὶ θυγατέρασ, καὶ τὰ ὀνόματα αὐτῶν. Σαμάρεια ἦν Ὀολὰ καὶ Ἱερουσαλὴμ ἦν Ὀολιβά. καὶ ἐξεπόρνευσεν ἡ Ὀολὰ ἀπ’ ἐμοῦ καὶ ἐπέθετο ἐπὶ τοὺσ ἐραστὰσ αὐτῆσ, ἐπὶ τοὺσ Ἀσσυρίουσ τοὺσ ἐγγίζοντασ αὐτῇ, ἐνδεδυκότασ ὑακίνθινα, ἡγουμένουσ καὶ στρατηγούσ. νεανίσκοι καὶ ἐπίλεκτοι πάντεσ, ἱππεῖσ ἱππαζόμενοι ἐφ’ ἵππων. καὶ ἔδωκε τὴν πορνείαν αὐτῆσ ἐπ’ αὐτούσ. ἐπίλεκτοι υἱοὶ Ἀσσυρίων πάντεσ, καὶ ἐπὶ πάντασ, οὓσ ἐπέθετο, ἐν πᾶσι τοῖσ ἐνθυμήμασιν αὐτοῖσ ἐμιαίνετο. καὶ τὴν πορνείαν αὐτῆσ ἐξ Αἰγύπτου οὐκ ἐγκατέλιπεν, ὅτι μετ’ αὐτῆσ ἐκοιμῶντο ἐν νεότητι αὐτῆσ, καὶ αὐτοὶ διεπαρθένευσαν αὐτὴν καὶ ἐξέχεαν τὴν πορνείαν αὐτῶν ἐπ’ αὐτήν. διὰ τοῦτο παρέδωκα αὐτὴν εἰσ χεῖρασ τῶν ἐραστῶν αὐτῆσ, εἰσ χεῖρασ υἱῶν Ἀσσυρίων, ἐφ’ οὓσ ἐπετίθετο. αὐτοὶ ἀπεκάλυψαν τὴν αἰσχύνην αὐτῆσ, υἱοὺσ καὶ θυγατέρασ αὐτῆσ ἔλαβον καὶ αὐτὴν ἐν ρομφαίᾳ ἀπέκτειναν. καὶ ἐγένετο λάλημα εἰσ γυναῖκασ, καὶ ἐποίησαν ἐκδικήσεισ ἐν αὐτῇ εἰσ τὰσ θυγατέρασ. ‐ Καὶ εἶδεν ἡ ἀδελφὴ αὐτῆσ Ὀολιβὰ καὶ διέφθειρε τὴν ἐπίθεσιν αὐτῆσ ὑπὲρ αὐτὴν καὶ τὴν πορνείαν αὐτῆσ ὑπὲρ τὴν πορνείαν τῆσ ἀδελφῆσ αὐτῆσ. ἐπὶ τοὺσ υἱοὺσ τῶν Ἀσσυρίων ἐπέθετο, ἡγουμένουσ καὶ στρατηγοὺσ τοὺσ ἐγγὺσ αὐτῆσ ἐνδεδυκότασ εὐπάρυφα, ἱππεῖσ ἱππαζομένουσ ἐφ’ ἵππων. νεανίσκοι ἐπίλεκτοι πάντεσ. καὶ εἶδον ὅτι μεμίανται. ὁδὸσ μία τῶν δύο. καὶ προσέθετο πρὸσ τὴν πορνείαν αὐτῆσ καὶ εἶδεν ἄνδρασ ἐζωγραφημένουσ ἐπὶ τοῦ τοίχου, εἰκόνασ Χαλδαίων, ἐζωγραφημένουσ ἐν γραφίδι, ἐζωσμένουσ ποικίλματα ἐπὶ τὰσ ὀσφύασ αὐτῶν, καὶ τιάραι βαπταὶ ἐπὶ τῶν κεφαλῶν αὐτῶν, ὄψισ τρισσὴ πάντων, ὁμοίωμα υἱῶν Χαλδαίων, γῆσ πατρίδοσ αὐτῶν, καὶ ἐπέθετο ἐπ’ αὐτοὺσ τῇ ὁράσει ὀφθαλμῶν αὐτῆσ καὶ ἐξαπέστειλεν ἀγγέλουσ πρὸσ αὐτοὺσ εἰσ γῆν Χαλδαίων. καὶ ἤλθοσαν πρὸσ αὐτὴν υἱοὶ Βαβυλῶνοσ εἰσ κοίτην καταλυόντων καὶ ἐμίαινον αὐτὴν ἐν τῇ πορνείᾳ αὐτῆσ, καὶ ἐμιάνθη ἐν αὐτοῖσ. καὶ ἀπέστη ἡ ψυχὴ αὐτῆσ ἀπ’ αὐτῶν. καί ἀπεκάλυψε τὴν πορνείαν αὐτῆσ καὶ ἀπεκάλυψεν αἰσχύνην αὐτῆσ, καὶ ἀπέστη ἡ ψυχή μου ἀπ’ αὐτῆσ, ὃν τρόπον ἀπέστη ἡ ψυχή μου ἀπὸ τῆσ ἀδελφῆσ αὐτῆσ. καὶ ἐπλήθυνασ τὴν πορνείαν σου τοῦ ἀναμνῆσαι ἡμέραν νεότητόσ σου, ἐν αἷσ ἐπόρνευσασ ἐν Αἰγύπτῳ, καὶ ἐπέθου ἐπὶ τοὺσ Χαλδαίουσ, ὧν ὡσ ὄνων αἱ σάρκεσ αὐτῶν καὶ αἰδοῖα ἵππων τὰ αἰδοῖα αὐτῶν. καὶ ἐπεσκέψω τὴν ἀνομίαν νεότητόσ σου, ἃ ἐποίεισ ἐν Αἰγύπτῳ ἐν τῷ καταλύματί σου, οὗ οἱ μαστοὶ νεότητόσ σου. ‐ Διὰ τοῦτο Ὀολιβά, τάδε λέγει Κύριοσ. ἰδοὺ ἐγὼ ἐξεγείρω τοὺσ ἐραστάσ σου ἐπὶ σέ, ἀφ’ ὧν ἀπέστη ἡ ψυχή σου ἀπ’ αὐτῶν, καὶ ἐπάξω αὐτοὺσ ἐπὶ σὲ κυκλόθεν, υἱοὺσ Βαβυλῶνοσ καὶ πάντασ τοὺσ Χαλδαίουσ, Φακοὺδ καὶ Σουὲ καὶ Κουὲ καὶ πάντασ υἱοὺσ Ἀσσυρίων μετ’ αὐτῶν, νεανίσκουσ ἐπιλέκτουσ, ἡγεμόνασ καὶ στρατηγοὺσ πάντασ, τρισσοὺσ καὶ ὀνομαστοὺσ ἱππεύοντασ ἐφ’ ἵππων. καὶ πάντεσ ἥξουσιν ἐπὶ σὲ ἀπὸ βορρᾶ, ἅρματα καὶ τροχοὶ μετ’ ὄχλου λαῶν, θυρεοὶ καὶ πέλται, καὶ βαλοῦσι φυλακὴν ἐπὶ σὲ κύκλῳ. καὶ δώσω πρὸ προσώπου αὐτῶν κρίμα, καὶ ἐκδικήσουσί σε ̀ρ̀ν̀ρ̀ν̀ρ̀ν̀ρ̀νἐν τοῖσ κρίμασιν αὐτῶν. καὶ δώσω τὸν ζῆλόν μου ἐν σοί, καὶ ποιήσουσι μετὰ σοῦ ἐν ὀργῇ θυμοῦ. μυκτῆρά σου καὶ ὦτά σου ἀφελοῦσι καὶ τοὺσ καταλοίπουσ σου ἐν ρομφαίᾳ καταβαλοῦσιν. αὐτοὶ υἱούσ σου καὶ θυγατέρασ σου λήψονται, καὶ τοὺσ καταλοίπουσ σου πῦρ καταφάγεται. καὶ ἐκδύσουσί σε τὸν ἱματισμόν σου καὶ λήψονται τὰ σκεύη τῆσ καυχήσεώσ σου. καὶ ἀποστρέψω τὰσ ἀσεβείασ σου ἐκ σοῦ καὶ τὴν πορνείαν σου ἐκ γῆσ Αἰγύπτου, καὶ οὐ μὴ ἄρῃσ τοὺσ ὀφθαλμούσ σου ἐπ’ αὐτούσ, καὶ Αἰγύπτου οὐ μὴ μνησθῇσ οὐκέτι. διότι τάδε λέγει Κύριοσ Κύριοσ. ἰδοὺ ἐγὼ παραδίδωμί σε εἰσ χεῖρασ ὧν μισεῖσ, ἀφ’ ὧν ἀπέστη ἡ ψυχή σου ἀπ’ αὐτῶν. καί ποιήσουσιν ἐν σοὶ ἐν μίσει καὶ λήψονται πάντασ τοὺσ πόνουσ σου καὶ τοὺσ μόχθουσ σου, καὶ ἔσῃ γυμνὴ καὶ αἰσχύνουσα, καὶ ἀποκαλυφθήσεται αἰσχύνη πορνείασ σου καὶ ἀσέβειά σου. καὶ ἡ πορνεία σου ἐποίησε ταῦτά σοι ἐν τῷ ἐκπορνεῦσαί σε ὀπίσω ἐθνῶν καὶ ἐμιαίνου ἐν τοῖσ ἐνθυμήμασιν αὐτῶν. ἐν τῇ ὁδῷ τῆσ ἀδελφῆσ σου ἐπορεύθησ, καὶ δώσω τὸ ποτήριον αὐτῆσ εἰσ χεῖράσ σου. τάδε λέγει Κύριοσ. τὸ ποτήριον τῆσ ἀδελφῆσ σου πίεσαι, τὸ βαθὺ καὶ τὸ πλατύ, τὸ πλεονάζον τοῦ συντελέσαι μέθην, καὶ ἐκλύσεωσ πλησθήσῃ. καὶ τὸ ποτήριον ἀφανισμοῦ, ποτήριον ἀδελφῆσ σου Σαμαρείασ, καὶ πίεσαι αὐτό. καὶ τὰσ ἑορτὰσ καὶ τὰσ νουμηνίασ αὐτῆσ ἀποστρέψω. διότι ἐγὼ λελάληκα, λέγει Κύριοσ. διὰ τοῦτο τάδε λέγει Κύριοσ. ἀνθ’ ὧν ἐπελάθου μου καὶ ἀπέρριψάσ με ὀπίσω τοῦ σώματόσ σου, καὶ σὺ λαβὲ τὴν ἀσέβειάν σου καὶ τὴν πορνείαν σου. ‐ Καὶ εἶπε Κύριοσ πρόσ με. υἱὲ ἀνθρώπου, οὐ κρινεῖσ τὴν Ὀολὰν καὶ τὴν Ὀολιβάν, καὶ ἀναγγελεῖσ αὐταῖσ τὰσ ἀνομίασ αὐτῶν̣ ὅτι ἐμοιχῶντο, καὶ αἷμα ἐν χερσὶν αὐτῶν. τὰ ἐνθυμήματα αὐτῶν ἐμοιχῶντο, καὶ τὰ τέκνα αὐτῶν, ἃ ἐγέννησάν μοι, διήγαγον αὐτοῖσ δι’ ἐμπύρων. ἕωσ καὶ ταῦτα ἐποίησάν μοι. τὰ ἅγιά μου ἐμίαινον καὶ τὰ σάββατά μου ἐβεβήλουν. καὶ ἐν τῷ σφάζειν αὐτοὺσ τὰ τέκνα αὐτῶν τοῖσ εἰδώλοισ αὐτῶν καὶ εἰσεπορεύοντο εἰσ τὰ ἅγιά μου τοῦ βεβηλοῦν αὐτά. καὶ ὅτι οὕτωσ ἐποίουν ἐν μέσῳ τοῦ οἴκου μου. καὶ ὅτι τοῖσ ἀνδράσι τοῖσ ἐρχομένοισ μακρόθεν, οἷσ ἀγγέλουσ ἐξαπέστειλαν πρὸσ αὐτούσ, καὶ ἅμα τῷ ἔρχεσθαι αὐτοὺσ εὐθὺσ ἐλούου καὶ ἐστιβίζου τοὺσ ὀφθαλμούσ σου καὶ ἐκόσμου κόσμῳ καὶ ἐκάθου ἐπὶ κλίνησ ἐστρωμένησ, καὶ τράπεζα κεκοσμημένη πρὸ προσώπου αὐτῆσ, καὶ τὸ θυμίαμα καὶ τὸ ἔλαιόν μου εὐφραίνοντο ἐν αὐτοῖσ. καὶ φωνὴν ἁρμονίασ ἀνεκρούοντο, καὶ πρὸσ ἄνδρασ ἐκ πλήθουσ ἀνθρώπων ἥκοντασ ἐκ τῆσ ἐρήμου, καὶ ἐδίδοσαν ψέλλια ἐπὶ τὰσ χεῖρασ αὐτῶν καὶ στέφανον καυχήσεωσ ἐπὶ τὰσ κεφαλὰσ αὐτῶν. καὶ εἶπα. οὐκ ἐν τούτοισ μοιχεύουσι̣ καὶ ἔργα πόρνησ καὶ αὐτὴ ἐξεπόρνευσε. καὶ εἰσεπορεύοντο πρὸσ αὐτήν, ὃν τρόπον εἰσπορεύονται πρὸσ γυναῖκα πόρνην, οὕτωσ εἰσεπορεύοντο πρὸσ Ὀολὰν καὶ πρὸσ Ὀολιβὰν τοῦ ποιῆσαι ἀνομίαν. καὶ ἄνδρεσ δίκαιοι αὐτοὶ καὶ ἐκδικήσουσιν αὐτὰσ ἐκδικήσει μοιχαλίδοσ καὶ ἐκδικήσει αἵματοσ, ὅτι μοιχαλίδεσ εἰσί, καὶ αἷμα ἐν χερσὶν αὐτῶν. τάδε λέγει Κύριοσ Κύριοσ. ἀνάγαγε ἐπ’ αὐτὰσ ὄχλον καὶ δὸσ ἐν αὐταῖσ ταραχὴν καὶ διαρπαγὴν καὶ λιθοβόλησον ἐπ’ αὐτὰσ λίθοισ ὄχλων καὶ κατακέντει αὐτὰσ ἐν τοῖσ ξίφεσιν αὐτῶν. υἱοὺσ αὐτῶν καὶ θυγατέρασ αὐτῶν ἀποκτενοῦσι καὶ τοὺσ οἴκουσ αὐτῶν ἐμπρήσουσι. καὶ ἀποστρέψω ἀσέβειαν ἐκ τῆσ γῆσ, καὶ παιδευθήσονται πᾶσαι αἱ γυναῖκεσ καὶ οὐ μὴ ποιήσουσι κατὰ τὰσ ἀσεβείασ αὐτῶν. καὶ δοθήσεται ἡ ἀσέβεια ὑμῶν ἐφ’ ὑμᾶσ, καὶ τὰσ ἁμαρτίασ τῶν ἐνθυμημάτων ὑμῶν λήψεσθε. καὶ γνώσεσθε διότι ἐγὼ Κύριοσ.

목록

일치하는 문장이 없습니다.

SEARCH

MENU NAVIGATION