헬라어 문장 검색 - Σεπτύ048́023́

(70인역 성경, 에제키엘서 23:)

ΚΑΙ ἐγένετο λόγοσ Κυρίου πρόσ με λέγων. υἱὲ ἀνθρώπου, δύο γυναῖκεσ ἦσαν θυγατέρεσ μητρὸσ μιᾶς καὶ ἐξεπόρνευσαν ἐν Αἰγύπτῳ ἐν τῇ νεότητι αὐτῶν. ἐκεῖ ἔπεσον οἱ μαστοὶ αὐτῶν, ἐκεῖ διεπαρθενεύθησαν. καὶ τὰ ὀνόματα αὐτῶν ἦν Ὀολὰ ἡ πρεσβυτέρα καὶ Ὀολιβὰ ἡ ἀδελφὴ αὐτῆσ. καὶ ἐγένοντό μοι καὶ ἔτεκον υἱοὺσ καὶ θυγατέρασ, καὶ τὰ ὀνόματα αὐτῶν. Σαμάρεια ἦν Ὀολὰ καὶ Ἱερουσαλὴμ ἦν Ὀολιβά. καὶ ἐξεπόρνευσεν ἡ Ὀολὰ ἀπ’ ἐμοῦ καὶ ἐπέθετο ἐπὶ τοὺσ ἐραστὰσ αὐτῆσ, ἐπὶ τοὺσ Ἀσσυρίουσ τοὺσ ἐγγίζοντασ αὐτῇ, ἐνδεδυκότασ ὑακίνθινα, ἡγουμένουσ καὶ στρατηγούσ. νεανίσκοι καὶ ἐπίλεκτοι πάντεσ, ἱππεῖσ ἱππαζόμενοι ἐφ’ ἵππων. καὶ ἔδωκε τὴν πορνείαν αὐτῆσ ἐπ’ αὐτούσ. ἐπίλεκτοι υἱοὶ Ἀσσυρίων πάντεσ, καὶ ἐπὶ πάντασ, οὓσ ἐπέθετο, ἐν πᾶσι τοῖσ ἐνθυμήμασιν αὐτοῖσ ἐμιαίνετο. καὶ τὴν πορνείαν αὐτῆσ ἐξ Αἰγύπτου οὐκ ἐγκατέλιπεν, ὅτι μετ’ αὐτῆσ ἐκοιμῶντο ἐν νεότητι αὐτῆσ, καὶ αὐτοὶ διεπαρθένευσαν αὐτὴν καὶ ἐξέχεαν τὴν πορνείαν αὐτῶν ἐπ’ αὐτήν. διὰ τοῦτο παρέδωκα αὐτὴν εἰσ χεῖρασ τῶν ἐραστῶν αὐτῆσ, εἰσ χεῖρασ υἱῶν Ἀσσυρίων, ἐφ’ οὓσ ἐπετίθετο. αὐτοὶ ἀπεκάλυψαν τὴν αἰσχύνην αὐτῆσ, υἱοὺσ καὶ θυγατέρασ αὐτῆσ ἔλαβον καὶ αὐτὴν ἐν ρομφαίᾳ ἀπέκτειναν. καὶ ἐγένετο λάλημα εἰσ γυναῖκασ, καὶ ἐποίησαν ἐκδικήσεισ ἐν αὐτῇ εἰσ τὰσ θυγατέρασ. ‐ Καὶ εἶδεν ἡ ἀδελφὴ αὐτῆσ Ὀολιβὰ καὶ διέφθειρε τὴν ἐπίθεσιν αὐτῆσ ὑπὲρ αὐτὴν καὶ τὴν πορνείαν αὐτῆσ ὑπὲρ τὴν πορνείαν τῆσ ἀδελφῆσ αὐτῆσ. ἐπὶ τοὺσ υἱοὺσ τῶν Ἀσσυρίων ἐπέθετο, ἡγουμένουσ καὶ στρατηγοὺσ τοὺσ ἐγγὺσ αὐτῆσ ἐνδεδυκότασ εὐπάρυφα, ἱππεῖσ ἱππαζομένουσ ἐφ’ ἵππων. νεανίσκοι ἐπίλεκτοι πάντεσ. καὶ εἶδον ὅτι μεμίανται. ὁδὸσ μία τῶν δύο. καὶ προσέθετο πρὸσ τὴν πορνείαν αὐτῆσ καὶ εἶδεν ἄνδρασ ἐζωγραφημένουσ ἐπὶ τοῦ τοίχου, εἰκόνασ Χαλδαίων, ἐζωγραφημένουσ ἐν γραφίδι, ἐζωσμένουσ ποικίλματα ἐπὶ τὰσ ὀσφύασ αὐτῶν, καὶ τιάραι βαπταὶ ἐπὶ τῶν κεφαλῶν αὐτῶν, ὄψισ τρισσὴ πάντων, ὁμοίωμα υἱῶν Χαλδαίων, γῆσ πατρίδοσ αὐτῶν, καὶ ἐπέθετο ἐπ’ αὐτοὺσ τῇ ὁράσει ὀφθαλμῶν αὐτῆσ καὶ ἐξαπέστειλεν ἀγγέλουσ πρὸσ αὐτοὺσ εἰσ γῆν Χαλδαίων. καὶ ἤλθοσαν πρὸσ αὐτὴν υἱοὶ Βαβυλῶνοσ εἰσ κοίτην καταλυόντων καὶ ἐμίαινον αὐτὴν ἐν τῇ πορνείᾳ αὐτῆσ, καὶ ἐμιάνθη ἐν αὐτοῖσ. καὶ ἀπέστη ἡ ψυχὴ αὐτῆσ ἀπ’ αὐτῶν. καί ἀπεκάλυψε τὴν πορνείαν αὐτῆσ καὶ ἀπεκάλυψεν αἰσχύνην αὐτῆσ, καὶ ἀπέστη ἡ ψυχή μου ἀπ’ αὐτῆσ, ὃν τρόπον ἀπέστη ἡ ψυχή μου ἀπὸ τῆσ ἀδελφῆσ αὐτῆσ. καὶ ἐπλήθυνασ τὴν πορνείαν σου τοῦ ἀναμνῆσαι ἡμέραν νεότητόσ σου, ἐν αἷσ ἐπόρνευσασ ἐν Αἰγύπτῳ, καὶ ἐπέθου ἐπὶ τοὺσ Χαλδαίουσ, ὧν ὡσ ὄνων αἱ σάρκεσ αὐτῶν καὶ αἰδοῖα ἵππων τὰ αἰδοῖα αὐτῶν. καὶ ἐπεσκέψω τὴν ἀνομίαν νεότητόσ σου, ἃ ἐποίεισ ἐν Αἰγύπτῳ ἐν τῷ καταλύματί σου, οὗ οἱ μαστοὶ νεότητόσ σου. ‐ Διὰ τοῦτο Ὀολιβά, τάδε λέγει Κύριοσ. ἰδοὺ ἐγὼ ἐξεγείρω τοὺσ ἐραστάσ σου ἐπὶ σέ, ἀφ’ ὧν ἀπέστη ἡ ψυχή σου ἀπ’ αὐτῶν, καὶ ἐπάξω αὐτοὺσ ἐπὶ σὲ κυκλόθεν, υἱοὺσ Βαβυλῶνοσ καὶ πάντασ τοὺσ Χαλδαίουσ, Φακοὺδ καὶ Σουὲ καὶ Κουὲ καὶ πάντασ υἱοὺσ Ἀσσυρίων μετ’ αὐτῶν, νεανίσκουσ ἐπιλέκτουσ, ἡγεμόνασ καὶ στρατηγοὺσ πάντασ, τρισσοὺσ καὶ ὀνομαστοὺσ ἱππεύοντασ ἐφ’ ἵππων. καὶ πάντεσ ἥξουσιν ἐπὶ σὲ ἀπὸ βορρᾶ, ἅρματα καὶ τροχοὶ μετ’ ὄχλου λαῶν, θυρεοὶ καὶ πέλται, καὶ βαλοῦσι φυλακὴν ἐπὶ σὲ κύκλῳ. καὶ δώσω πρὸ προσώπου αὐτῶν κρίμα, καὶ ἐκδικήσουσί σε ̀ρ̀ν̀ρ̀ν̀ρ̀ν̀ρ̀νἐν τοῖσ κρίμασιν αὐτῶν. καὶ δώσω τὸν ζῆλόν μου ἐν σοί, καὶ ποιήσουσι μετὰ σοῦ ἐν ὀργῇ θυμοῦ. μυκτῆρά σου καὶ ὦτά σου ἀφελοῦσι καὶ τοὺσ καταλοίπουσ σου ἐν ρομφαίᾳ καταβαλοῦσιν. αὐτοὶ υἱούσ σου καὶ θυγατέρασ σου λήψονται, καὶ τοὺσ καταλοίπουσ σου πῦρ καταφάγεται. καὶ ἐκδύσουσί σε τὸν ἱματισμόν σου καὶ λήψονται τὰ σκεύη τῆσ καυχήσεώσ σου. καὶ ἀποστρέψω τὰσ ἀσεβείασ σου ἐκ σοῦ καὶ τὴν πορνείαν σου ἐκ γῆσ Αἰγύπτου, καὶ οὐ μὴ ἄρῃσ τοὺσ ὀφθαλμούσ σου ἐπ’ αὐτούσ, καὶ Αἰγύπτου οὐ μὴ μνησθῇσ οὐκέτι. διότι τάδε λέγει Κύριοσ Κύριοσ. ἰδοὺ ἐγὼ παραδίδωμί σε εἰσ χεῖρασ ὧν μισεῖσ, ἀφ’ ὧν ἀπέστη ἡ ψυχή σου ἀπ’ αὐτῶν. καί ποιήσουσιν ἐν σοὶ ἐν μίσει καὶ λήψονται πάντασ τοὺσ πόνουσ σου καὶ τοὺσ μόχθουσ σου, καὶ ἔσῃ γυμνὴ καὶ αἰσχύνουσα, καὶ ἀποκαλυφθήσεται αἰσχύνη πορνείασ σου καὶ ἀσέβειά σου. καὶ ἡ πορνεία σου ἐποίησε ταῦτά σοι ἐν τῷ ἐκπορνεῦσαί σε ὀπίσω ἐθνῶν καὶ ἐμιαίνου ἐν τοῖσ ἐνθυμήμασιν αὐτῶν. ἐν τῇ ὁδῷ τῆσ ἀδελφῆσ σου ἐπορεύθησ, καὶ δώσω τὸ ποτήριον αὐτῆσ εἰσ χεῖράσ σου. τάδε λέγει Κύριοσ. τὸ ποτήριον τῆσ ἀδελφῆσ σου πίεσαι, τὸ βαθὺ καὶ τὸ πλατύ, τὸ πλεονάζον τοῦ συντελέσαι μέθην, καὶ ἐκλύσεωσ πλησθήσῃ. καὶ τὸ ποτήριον ἀφανισμοῦ, ποτήριον ἀδελφῆσ σου Σαμαρείασ, καὶ πίεσαι αὐτό. καὶ τὰσ ἑορτὰσ καὶ τὰσ νουμηνίασ αὐτῆσ ἀποστρέψω. διότι ἐγὼ λελάληκα, λέγει Κύριοσ. διὰ τοῦτο τάδε λέγει Κύριοσ. ἀνθ’ ὧν ἐπελάθου μου καὶ ἀπέρριψάσ με ὀπίσω τοῦ σώματόσ σου, καὶ σὺ λαβὲ τὴν ἀσέβειάν σου καὶ τὴν πορνείαν σου. ‐ Καὶ εἶπε Κύριοσ πρόσ με. υἱὲ ἀνθρώπου, οὐ κρινεῖσ τὴν Ὀολὰν καὶ τὴν Ὀολιβάν, καὶ ἀναγγελεῖσ αὐταῖσ τὰσ ἀνομίασ αὐτῶν̣ ὅτι ἐμοιχῶντο, καὶ αἷμα ἐν χερσὶν αὐτῶν. τὰ ἐνθυμήματα αὐτῶν ἐμοιχῶντο, καὶ τὰ τέκνα αὐτῶν, ἃ ἐγέννησάν μοι, διήγαγον αὐτοῖσ δι’ ἐμπύρων. ἕωσ καὶ ταῦτα ἐποίησάν μοι. τὰ ἅγιά μου ἐμίαινον καὶ τὰ σάββατά μου ἐβεβήλουν. καὶ ἐν τῷ σφάζειν αὐτοὺσ τὰ τέκνα αὐτῶν τοῖσ εἰδώλοισ αὐτῶν καὶ εἰσεπορεύοντο εἰσ τὰ ἅγιά μου τοῦ βεβηλοῦν αὐτά. καὶ ὅτι οὕτωσ ἐποίουν ἐν μέσῳ τοῦ οἴκου μου. καὶ ὅτι τοῖσ ἀνδράσι τοῖσ ἐρχομένοισ μακρόθεν, οἷσ ἀγγέλουσ ἐξαπέστειλαν πρὸσ αὐτούσ, καὶ ἅμα τῷ ἔρχεσθαι αὐτοὺσ εὐθὺσ ἐλούου καὶ ἐστιβίζου τοὺσ ὀφθαλμούσ σου καὶ ἐκόσμου κόσμῳ καὶ ἐκάθου ἐπὶ κλίνησ ἐστρωμένησ, καὶ τράπεζα κεκοσμημένη πρὸ προσώπου αὐτῆσ, καὶ τὸ θυμίαμα καὶ τὸ ἔλαιόν μου εὐφραίνοντο ἐν αὐτοῖσ. καὶ φωνὴν ἁρμονίασ ἀνεκρούοντο, καὶ πρὸσ ἄνδρασ ἐκ πλήθουσ ἀνθρώπων ἥκοντασ ἐκ τῆσ ἐρήμου, καὶ ἐδίδοσαν ψέλλια ἐπὶ τὰσ χεῖρασ αὐτῶν καὶ στέφανον καυχήσεωσ ἐπὶ τὰσ κεφαλὰσ αὐτῶν. καὶ εἶπα. οὐκ ἐν τούτοισ μοιχεύουσι̣ καὶ ἔργα πόρνησ καὶ αὐτὴ ἐξεπόρνευσε. καὶ εἰσεπορεύοντο πρὸσ αὐτήν, ὃν τρόπον εἰσπορεύονται πρὸσ γυναῖκα πόρνην, οὕτωσ εἰσεπορεύοντο πρὸσ Ὀολὰν καὶ πρὸσ Ὀολιβὰν τοῦ ποιῆσαι ἀνομίαν. καὶ ἄνδρεσ δίκαιοι αὐτοὶ καὶ ἐκδικήσουσιν αὐτὰσ ἐκδικήσει μοιχαλίδοσ καὶ ἐκδικήσει αἵματοσ, ὅτι μοιχαλίδεσ εἰσί, καὶ αἷμα ἐν χερσὶν αὐτῶν. τάδε λέγει Κύριοσ Κύριοσ. ἀνάγαγε ἐπ’ αὐτὰσ ὄχλον καὶ δὸσ ἐν αὐταῖσ ταραχὴν καὶ διαρπαγὴν καὶ λιθοβόλησον ἐπ’ αὐτὰσ λίθοισ ὄχλων καὶ κατακέντει αὐτὰσ ἐν τοῖσ ξίφεσιν αὐτῶν. υἱοὺσ αὐτῶν καὶ θυγατέρασ αὐτῶν ἀποκτενοῦσι καὶ τοὺσ οἴκουσ αὐτῶν ἐμπρήσουσι. καὶ ἀποστρέψω ἀσέβειαν ἐκ τῆσ γῆσ, καὶ παιδευθήσονται πᾶσαι αἱ γυναῖκεσ καὶ οὐ μὴ ποιήσουσι κατὰ τὰσ ἀσεβείασ αὐτῶν. καὶ δοθήσεται ἡ ἀσέβεια ὑμῶν ἐφ’ ὑμᾶσ, καὶ τὰσ ἁμαρτίασ τῶν ἐνθυμημάτων ὑμῶν λήψεσθε. καὶ γνώσεσθε διότι ἐγὼ Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 23:

(70인역 성경, 에제키엘서 23:)

목록

SEARCH

MENU NAVIGATION