Septuagint, Prophetia Ezechielis 21:

(70인역 성경, 에제키엘서 21:)

ΚΑΙ ἐγένετο λόγοσ Κυρίου πρόσ με λέγων. διὰ τοῦτο προφήτευσον, υἱὲ ἀνθρώπου, καὶ στήρισον τὸ πρόσωπόν σου ἐπὶ Ἱερουσαλὴμ καὶ ἐπίβλεψον ἐπὶ τὰ ἅγια αὐτῶν καὶ προφητεύσεισ ἐπὶ τὴν γῆν τοῦ Ἰσραὴλ καὶ ἐρεῖσ πρὸσ τὴν γῆν τοῦ Ἰσραήλ. τάδε λέγει Κύριοσ. ἰδοὺ ἐγὼ πρὸσ σὲ καὶ ἐκσπάσω τὸ ἐγχειρίδιόν μου ἐκ τοῦ κολεοῦ αὐτοῦ καὶ ἐξολοθρεύσω ἐκ σοῦ ἄνομον καὶ ἄδικον. ἀνθ’ ὧν ἐξολοθρεύσω ἐκ σοῦ ἄδικον καὶ ἄνομον, οὕτωσ ἐξελεύσεται τὸ ἐγχειρίδιόν μου ἐκ τοῦ κολεοῦ αὐτοῦ ἐπὶ πᾶσαν σάρκα ἀπὸ ἀπηλιώτου ἕωσ βορρᾶ. καὶ ἐπιγνώσεται πᾶσα σὰρξ διότι ἐγὼ Κύριοσ ἐξέσπασα τὸ ἐγχειρίδιόν μου ἐκ τοῦ κολεοῦ αὐτοῦ καὶ οὐκ ἀποστρέψει οὐκέτι. καὶ σὺ υἱὲ ἀνθρώπου, καταστέναξον ἐν συντριβῇ ὀσφύοσ σου καὶ ἐν ὀδύναισ στενάξεισ κατ’ ὀφθαλμοὺσ αὐτῶν. καὶ ἔσται ἐὰν εἴπωσι πρὸσ σέ. ἕνεκα τίνοσ σὺ στενάζεισ̣ καὶ ἐρεῖσ. ἐπὶ τῇ ἀγγελίᾳ, διότι ἔρχεται, καὶ θραυσθήσεται πᾶσα καρδία, καὶ πᾶσαι χεῖρεσ παραλυθήσονται, καὶ ἐκψύξει πᾶσα σὰρξ καὶ πᾶν πνεῦμα, καὶ πάντεσ μηροὶ μολυνθήσονται ὑγρασίᾳ. ἰδοὺ ἔρχεται καὶ ἔσται λέγει Κύριοσ. καὶ ἐγένετο λόγοσ Κυρίου πρόσ με, λέγων. υἱὲ ἀνθρώπου, προφήτευσον καὶ ἐρεῖσ. τάδε λέγει Κύριοσ. εἰπόν. ρομφαία ρομφαία, ὀξύνου καὶ θυμώθητι, ὅπωσ σφάξῃσ σφάγια, ὀξύνου ὅπωσ γένῃ εἰσ στίλβωσιν, ἑτοίμη εἰσ παράλυσιν, σφάζε, ἐξουδένει, ἀπωθοῦ πᾶν ξύλον. καὶ ἔδωκεν αὐτὴν ἑτοίμην τοῦ κρατεῖν χεῖρα αὐτοῦ. ἐξηκονήθη ἡ ρομφαία, ἐστὶν ἑτοίμη τοῦ δοῦναι αὐτὴν εἰσ χεῖρα ἀποκεντοῦντοσ. ἀνάκραγε καὶ ὀλόλυξον, υἱὲ ἀνθρώπου, ὅτι αὐτὴ ἐγένετο ἐν τῷ λαῷ μου, αὐτὴ ἐν πᾶσι τοῖσ ἀφηγουμένοισ τοῦ Ἰσραήλ. παροικήσουσιν ἐπὶ ρομφαίᾳ, ἐγένετο ἐν τῷ λαῷ μου. διὰ τοῦτο κρότησον ἐπὶ τὴν χεῖρά σου, ὅτι δεδικαίωται. καὶ τί εἰ καὶ φυλὴ ἀπώσθη̣ οὐκ ἔσται, λέγει Κύριοσ Κύριοσ. καὶ σύ, υἱὲ ἀνθρώπου, προφήτευσον καὶ κρότησον χεῖρα ἐπὶ χεῖρα καὶ διπλασίασον ρομφαίαν. ἡ τρίτη ρομφαία τραυματιῶν ἐστι, ρομφαία τραυματιῶν ἡ μεγάλη καὶ ἐκστήσει αὐτούσ, ὅπωσ θραυσθῇ ἡ καρδία καὶ πληθυνθῶσιν οἱ ἀσθενοῦντεσ ἐπὶ πᾶσαν πύλην αὐτῶν. παραδέδονται εἰσ σφάγια ρομφαίασ, εὖ γέγονεν εἰσ σφαγήν, εὖ γέγονεν εἰσ στίλβωσιν. καὶ διαπορεύου, ὀξύνου, ἐκ δεξιῶν καὶ ἐξ εὐωνύμων, οὗ ἂν τὸ πρόσωπόν σου ἐξεγείρηται. καὶ ἐγὼ δὲ κροτήσω χεῖρά μου πρὸσ χεῖρά μου καὶ ἀναφήσω τόν θυμόν μου. ἐγὼ Κύριοσ λελάληκα. Καὶ ἐγένετο λόγοσ Κυρίου πρόσ με λέγων. καὶ σὺ υἱὲ ἀνθρώπου, διάταξον σεαυτῷ δύο ὁδοὺς τοῦ εἰσελθεῖν ρομφαίαν βασιλέωσ Βαβυλῶνοσ. ἐκ χώρασ μιᾶσ ἐξελεύσονται αἱ δύο, καὶ χεὶρ ἐν ἀρχῇ ὁδοῦ πόλεωσ, ἐπ’ ἀρχῆσ ὁδοῦ διατάξεισ τοῦ εἰσελθεῖν ρομφαίαν ἐπὶ Ραββὰθ υἱῶν Ἀμμὼν καὶ ἐπὶ τὴν Ἰουδαίαν καὶ ἐπὶ Ἱερουσαλὴμ ἐν μέσῳ αὐτῆσ. διότι στήσεται βασιλεὺσ Βαβυλῶνοσ ἐπὶ τὴν ἀρχαίαν ὁδόν, ἐπ’ ἀρχῆσ τῶν δύο ὁδῶν, τοῦ μαντεύσασθαι μαντείαν, τοῦ ἀναβράσαι ράβδον καὶ ἐπερωτῆσαι ἐν τοῖσ γλυπτοῖσ καὶ κατασκοπήσασθαι ἐκ δεξιῶν αὐτοῦ. ἐγένετο τὸ μαντεῖον ἐπὶ Ἱερουσαλὴμ τοῦ βαλεῖν χάρακα, τοῦ διανοῖξαι στόμα ἐν βοῇ, ὑψῶσαι φωνὴν μετὰ κραυγῆσ, τοῦ βαλεῖν χάρακα ἐπὶ τὰσ πύλασ αὐτῆσ καὶ βαλεῖν χῶμα καὶ οἰκοδομῆσαι βελοστάσεισ. καὶ αὐτὸσ αὐτοῖσ ὡσ μαντευόμενοσ μαντείαν ἐνώπιον αὐτῶν καὶ αὐτὸσ ἀναμιμνήσκων ἀδικίασ αὐτοῦ μνησθῆναι. διὰ τοῦτο τάδε λέγει Κύριοσ. ἀνθ’ ὧν ἀνεμνήσατε τὰσ ἀδικίασ ὑμῶν, ἐν τῷ ἀποκαλυφθῆναι τὰσ ἀσεβείασ ὑμῶν, τοῦ ὁραθῆναι ἁμαρτίασ ὑμῶν ἐν πάσαισ ταῖσ ἀσεβείαισ ὑμῶν καὶ ἐν τοῖσ ἐπιτηδεύμασιν ὑμῶν, ἀνθ’ ἀνεμνήσατε, ἐν τούτοισ ἁλώσεσθε. καὶ σύ, βέβηλε, ἄνομε, ἀφηγούμενε τοῦ Ἰσραήλ, οὗ ἥκει ἡ ἡμέρα, ἐν καιρῷ ἀδικίασ πέρασ, τάδε λέγει Κύριοσ. ἀφείλου τὴν κίδαριν καὶ ἐπέθου τὸν στέφανον. αὕτη οὐ τοιαύτη ἔσται. ἐταπείνωσασ τὸ ὑψηλὸν καὶ ὕψωσασ τὸ ταπεινόν. ἀδικίαν ἀδικίαν θήσομαι αὐτήν, οὐδ’ αὕτη τοιαύτη ἔσται, ἕωσ οὗ ἔλθῃ ᾧ καθήκει, καὶ παραδώσω αὐτῷ. ‐ Καὶ σὺ υἱὲ ἀνθρώπου, προφήτευσον, καὶ ἐρεῖσ. τάδε λέγει Κύριοσ πρὸσ τοὺσ υἱοὺσ Ἀμμὼν καὶ πρὸσ τὸν ὀνειδισμὸν αὐτῶν καὶ ἐρεῖσ. ρομφαία ρομφαία ἐσπασμένη εἰσ σφάγια καὶ ἐσπασμένη εἰσ συντέλειαν, ἐγείρου ὅπωσ στίλβῃς ἐν τῇ ὁράσει σου τῇ ματαίᾳ καὶ ἐν τῷ μαντεύεσθαί σε ψευδῆ, τοῦ παραδοῦναί σε ἐπὶ τραχήλουσ τραυματιῶν ἀνόμων, ὧν ἥκει ἡ ἡμέρα, ἐν καιρῷ ἀδικίασ πέρασ. ἀπόστρεφε, μὴ καταλύσῃσ ἐν τῷ τόπῳ τούτῳ, ᾧ γεγέννησαι. ἐν τῇ γῇ τῇ ἰδίᾳ σου κρινῶ σε καὶ ἐκχεῶ ἐπὶ σέ ὀργήν μου, ἐν πυρὶ ὀργῆσ μου ἐμφυσήσω ἐπὶ σέ καὶ παραδώσω σε εἰσ χεῖρασ ἀνδρῶν βαρβάρων τεκταινόντων διαφθοράν. ἐν πυρὶ ἔσῃ κατάβρωμα, τὸ αἷμά σου ἔσται ἐν μέσῳ τῆσ γῆσ σου. οὐ μὴ γένηταί σου μνεία, διότι ἐγὼ Κύριοσ λελάληκα.

목록

일치하는 문장이 없습니다.

SEARCH

MENU NAVIGATION