Septuagint, Prophetia Ezechielis 19:

(70인역 성경, 에제키엘서 19:)

ΚΑΙ σὺ λαβὲ θρῆνον ἐπὶ τὸν ἄρχοντα τοῦ Ἰσραὴλ καὶ ἐρεῖσ. τί ἡ μήτηρ σου̣ σκύμνοσ. ἐν μέσῳ λεόντων ἐγενήθη, ἐν μέσῳ λεόντων ἐπλήθυνε σκύμνουσ αὐτῆσ. καὶ ἀπεπήδησεν εἷσ τῶν σκύμνων αὐτῆσ, λέων ἐγένετο καὶ ἔμαθε τοῦ ἁρπάζειν ἁρπάγματα, ἀνθρώπουσ ἔφαγε. καὶ ἤκουσαν κατ’ αὐτοῦ ἔθνη, ἐν τῇ διαφθορᾷ αὐτῶν συνελήφθη, καὶ ἤγαγον αὐτὸν ἐν κημῷ εἰσ γῆν Αἰγύπτου. καὶ εἶδεν ὅτι ἀπῶσται ἀπ’ αὐτῆσ, ἀπώλετο ἡ ὑπόστασισ αὐτῆσ, καὶ ἔλαβεν ἄλλον ἐκ τῶν σκύμνων αὐτῆσ, λέοντα ἔταξεν αὐτόν, καὶ ἀνεστρέφετο ἐν μέσῳ λεόντων, λέων ἐγένετο καὶ ἔμαθεν ἁρπάζειν ἁρπάγματα, ἀνθρώπουσ ἔφαγε. καὶ ἐνέμετο τῷ θράσει αὐτοῦ καὶ τὰσ πόλεισ αὐτῶν ἐξηρήμωσε καὶ ἠφάνισε γῆν καὶ τὸ πλήρωμα αὐτῆσ ἀπὸ φωνῆσ ὠρυώματοσ αὐτοῦ. καὶ ἔδωκαν ἐπ’ αὐτὸν ἔθνη ἐκ χωρῶν κυκλόθεν καὶ ἐξεπέτασαν ἐπ’ αὐτὸν δίκτυα αὐτῶν, ἐν διαφθορᾷ αὐτῶν συνελήφθη. καὶ ἔθεντο αὐτὸν ἐν κημῷ καὶ ἐν γαλεάγρᾳ, ἦλθε πρὸσ βασιλέα Βαβυλῶνοσ, καὶ εἰσήγαγεν αὐτὸν εἰσ φυλακήν, ὅπωσ μὴ ἀκουσθῇ ἡ φωνὴ αὐτοῦ ἐπὶ τὰ ὄρη τοῦ Ἰσραήλ. ἡ μήτηρ σου ὡσ ἄμπελοσ καὶ ὡσ ἄνθοσ ἐν ρόᾳ ἐν ὕδατι πεφυτευμένη, ὁ καρπὸσ αὐτῆσ καὶ ὁ βλαστὸσ αὐτῆσ ἐγένετο ἐξ ὕδατοσ πολλοῦ. καὶ ἐγένετο αὐτῇ ράβδοσ ἐπὶ φυλὴν ἡγουμένων, καὶ ὑψώθη τῷ μεγέθει αὐτῆσ ἐν μέσῳ στελεχῶν καὶ εἶδε τὸ μέγεθοσ αὐτῆσ ἐν πλήθει κλημάτων αὐτῆσ. καὶ κατεκλάσθη ἐν θυμῷ, ἐπὶ γῆν ἐρρίφη, καὶ ἄνεμοσ ὁ καύσων ἐξήρανε τὰ ἐκλεκτὰ αὐτῆσ. ἐξεδικήθη καὶ ἐξηράνθη ἡ ράβδοσ ἰσχύοσ αὐτῆσ, πῦρ ἀνήλωσεν αὐτήν. καὶ νῦν πεφύτευκαν αὐτὴν ἐν τῇ ἐρήμῳ, ἐν γῇ ἀνύδρῳ. καὶ ἐξῆλθε πῦρ ἐκ ράβδου ἐκλεκτῶν αὐτῆσ καὶ κατέφαγεν αὐτήν, καὶ οὐκ ἦν ἐν αὐτῇ ράβδοσ ἰσχύοσ. φυλὴ εἰσ παραβολὴν θρήνου ἐστὶ καὶ ἔσται εἰσ θρῆνον.

목록

SEARCH

MENU NAVIGATION