Septuagint, Prophetia Ezechielis 17:

(70인역 성경, 에제키엘서 17:)

ΚΑΙ ἐγένετο λόγοσ Κυρίου πρόσ με λέγων. υἱὲ ἀνθρώπου, διήγησαι διήγημα καὶ εἰπὸν παραβολὴν πρὸσ τὸν οἶκον τοῦ Ἰσραὴλ καὶ ἐρεῖσ. τάδε λέγει Κύριοσ. ὁ ἀετὸσ ὁ μέγασ ὁ μεγαλοπτέρυγοσ, ὁ μακρὸσ τῇ ἐκτάσει, πλήρησ ὀνύχων, ὃσ ἔχει τὸ ἥγημα εἰσελθεῖν εἰσ τὸν Λίβανον καὶ ἔλαβε τὰ ἐπίλεκτα τῆσ κέδρου, τὰ ἄκρα τῆσ ἁπαλότητοσ ἀπέκνισε καὶ ἤνεγκεν αὐτὰ εἰσ γῆν Χαναάν, εἰσ πόλιν τετειχισμένην ἔθετο αὐτά. καὶ ἔλαβεν ἀπὸ τοῦ σπέρματοσ τῆσ γῆσ καὶ ἔδωκεν αὐτὸ εἰσ τὸ πεδίον φυτὸν ἐφ̓ ὕδατι πολλῷ, ἐπιβλεπόμενον ἔταξεν αὐτό. καὶ ἀνέτειλε καὶ ἐγένετο εἰσ ἄμπελον ἀσθενοῦσαν καὶ μικρὰν τῷ μεγέθει τοῦ ἐπιφαίνεσθαι αὐτήν. τὰ κλήματα αὐτῆσ ἐπ̓ αὐτὴν καὶ ρίζαι αὐτῆσ ὑποκάτω αὐτῆσ ἦσαν. καὶ ἐγένετο εἰσ ἄμπελον καὶ ἐποίησεν ἀπώρυγασ καὶ ἐξέτεινε τὴν ἀναδενδράδα αὐτῆσ. καὶ ἐγένετο ἀετὸσ ἕτεροσ μέγασ, μεγαλοπτέρυγοσ, πολὺσ ὄνυξι, καὶ ἰδοὺ ἡ ἄμπελοσ αὕτη περιπεπλεγμένη πρὸσ αὐτόν, καὶ ρίζαι αὐτῆσ πρὸσ αὐτόν, καὶ τὰ κλήματα αὐτῆσ ἐξαπέστειλεν αὐτῷ τοῦ ποτίσαι αὐτὴν σὺν τῷ βώλῳ τῆσ φυτείασ αὐτῆσ. εἰσ πεδίον καλὸν ἐφ̓ ὕδατι πολλῷ αὕτη πιαίνεται τοῦ ποιεῖν βλαστοὺσ καὶ φέρειν καρπόν, τοῦ εἶναι εἰσ ἄμπελον μεγάλην. διὰ τοῦτο εἰπόν. τάδε λέγει Κύριοσ. εἰ κατευθυνεῖ̣ οὐχὶ αἱ ρίζαι τῆσ ἁπαλότητοσ αὐτῆσ καὶ ὁ καρπὸσ σαπήσεται, καὶ ξηρανθήσεται πάντα τὰ προανατέλλοντα αὐτῆσ̣ καὶ οὐκ ἐν βραχίονι μεγάλῳ, οὐδὲ ἐν λαῷ πολλῷ τοῦ ἐκσπᾶσαι αὐτὴν ἐκ ριζῶν αὐτῆσ. καὶ ἰδοὺ πιαίνεται. μὴ κατευθυνεῖ̣ οὐχὶ ἅμα τῷ ἅψασθαι αὐτῆσ ἀνεμον τὸν καύσωνα ξηρανθήσεται̣ σὺν τῷ βώλῳ ἀνατολῆσ αὐτῆσ ξηρανθήσεται. Καὶ ἐγένετο λόγοσ Κυρίου πρόσ με λέγων. υἱὲ ἀνθρώπου, εἰπὸν δὴ πρὸσ τὸν οἶκον τὸν παραπικραίνοντα. οὐκ ἐπίστασθε τί ἦν ταῦτα̣ εἰπόν. ὅταν ἔλθῃ βασιλεὺσ Βαβυλῶνοσ ἐπὶ Ἱερουσαλήμ, καὶ λήψεται τὸν βασιλέα αὐτῆσ καὶ τοὺσ ἄρχοντασ αὐτῆσ καὶ ἄξῃ αὐτοὺσ πρὸσ ἑαυτὸν εἰσ Βαβυλῶνα. καὶ λήψεται ἐκ τοῦ σπέρματοσ τῆσ βασιλείασ καὶ διαθήσεται πρὸσ αὐτὸν διαθήκην καὶ εἰσάξει αὐτὸν ἐν ἀρᾷ, καὶ τοὺσ ἡγεμόνασ τῆσ γῆσ λήψεται τοῦ γενέσθαι εἰσ βασιλείαν ἀσθενῆ τὸ καθόλου μὴ ἐπαίρεσθαι, τοῦ φυλάσσειν τὴν διαθήκην αὐτοῦ καὶ ἱστάνειν αὐτήν. καὶ ἀποστήσεται ἀπ̓ αὐτοῦ τοῦ ἐξαποστέλλειν ἀγγέλουσ ἑαυτοῦ εἰσ Αἴγυπτον, τοῦ δοῦναι αὐτῷ ἵππουσ καὶ λαὸν πολύν. εἰ κατευθυνεῖ̣ εἰ διασωθήσεται ὁ ποιῶν ἐναντία̣ καὶ παραβαίνων διαθήκην εἰ διασωθήσεται̣ ζῶ ἐγώ, λέγει Κύριοσ, ἐὰν μὴ ἐν ᾧ τόπῳ ὁ βασιλεὺσ ὁ βασιλεύσασ αὐτόν, ὃσ ἠτίμωσε τὴν ἀράν μου καὶ ὃσ παρέβη τὴν διαθήκην μου, μετ̓ αὐτοῦ ἐν μέσῳ Βαβυλῶνοσ τελευτήσει. καὶ οὐκ ἐν δυνάμει μεγάλῃ οὐδὲ ἐν ὄχλῳ πολλῷ ποιήσει πρὸσ αὐτὸν Φαραὼ πόλεμον, ἐν χαρακοβολίᾳ καὶ ἐν οἰκοδομῇ βελοστάσεων τοῦ ἐξᾶραι ψυχάσ. καὶ ἠτίμωσεν ὁρκωμοσίαν τοῦ παραβῆναι διαθήκην, καὶ ἰδοὺ δέδωκε τὴν χεῖρα αὐτοῦ καὶ πάντα ταῦτα ἐποίησεν αὐτῷ. μὴ σωθήσεται̣ διὰ τοῦτο εἰπόν. τάδε λέγει Κύριοσ. ζῶ ἐγὼ ἐὰν μὴ τὴν ὁρκωμοσίαν μου, ἣν ἠτίμωσε, καὶ τὴν διαθήκην μου, ἣν παρέβη, καὶ δώσω αὐτὰ εἰσ κεφαλὴν αὐτοῦ. καὶ ἐκπετάσω ἐπ̓ αὐτὸν τὸ δίκτυόν μου, καὶ ἁλώσεται ἐν τῇ περιοχῇ αὐτοῦ. ἐν πάσῃ παρατάξει αὐτοῦ ἐν ρομφαίᾳ πεσοῦνται, καὶ τοὺσ καταλοίπουσ εἰσ πάντα ἄνεμον διασπερῶ, καὶ ἐπιγνώσεσθε διότι ἐγὼ Κύριοσ λελάληκα. ‐ Διότι τάδε λέγει Κύριοσ. καὶ λήψομαι ἐγὼ ἐκ τῶν ἐκλεκτῶν τῆσ κέδρου, ἐκ κορυφῆσ καρδίασ αὐτῶν ἀποκνιῶ καὶ καταφυτεύσω ἐγὼ ἐπ̓ ὄροσ ὑψηλόν. καὶ κρεμάσω αὐτὸν ἐν ὄρει μετεώρῳ τῷ Ἰσραὴλ καὶ καταφυτεύσω, καὶ ἐξοίσει βλαστὸν καὶ ποιήσει καρπὸν καὶ ἔσται εἰσ κέδρον μεγάλην, καὶ ἀναπαύσεται ὑποκάτω αὐτοῦ πᾶν θηρίον, καὶ πᾶν πετεινὸν ὑπὸ τὴν σκιὰν αὐτοῦ ἀναπαύσεται, τὰ κλήματα αὐτοῦ ἀποκατασταθήσεται. καὶ γνώσονται πάντα τὰ ξύλα τοῦ πεδίου διότι ἐγὼ Κύριοσ ὁ ταπεινῶν ξύλον ὑψηλὸν καὶ ὑψῶν ξύλον ταπεινὸν καὶ ξηραίνων ξύλον χλωρὸν καὶ ἀναθάλλων ξύλον ξηρόν. ἐγὼ Κύριοσ λελάληκα καὶ ποιήσω.

목록

일치하는 문장이 없습니다.

SEARCH

MENU NAVIGATION