Septuagint, Prophetia Ezechielis 13:

(70인역 성경, 에제키엘서 13:)

ΚΑΙ ἐγένετο λόγοσ Κυρίου πρόσ με λέγων. υἱὲ ἀνθρώπου, προφήτευσον ἐπὶ τοὺσ προφήτασ τοῦ Ἰσραὴλ καὶ προφητεύσεισ καὶ ἐρεῖσ πρὸσ αὐτούσ. ἀκούσατε λόγον Κυρίου. τάδε λέγει Κύριοσ. οὐαὶ τοῖσ προφητεύουσιν ἀπὸ καρδίασ αὐτῶν καὶ τὸ καθόλου μὴ βλέπουσιν. ὡσ ἀλώπεκεσ ἐν ταῖσ ἐρήμοισ, οἱ προφῆταί σου Ἰσραήλ. οὐκ ἔστησαν ἐν στερεώματι καὶ συνήγαγον ποίμνια ἐπὶ τὸν οἶκον τοῦ Ἰσραήλ. οὐκ ἀνέστησαν οἱ λέγοντεσ. ἐν ἡμέρᾳ Κυρίου. βλέποντεσ ψευδῆ, μαντευόμενοι μάταια, οἱ λέγοντεσ. λέγει Κύριοσ, καὶ Κύριοσ οὐκ ἀπέσταλκεν αὐτούσ, καὶ ἤρξαντο τοῦ ἀναστῆσαι λόγον. οὐχὶ ὅρασιν ψευδῆ ἑωράκατε καὶ μαντείασ ματαίασ εἰρήκατε̣ διὰ τοῦτο εἰπόν. τάδε λέγει Κύριοσ. ἀνθ̓ ὧν οἱ λόγοι ὑμῶν ψευδεῖσ καὶ αἱ μαντεῖαι ὑμῶν μάταιαι, διὰ τοῦτο ἰδοὺ ἐγὼ ἐφ̓ ὑμᾶσ, λέγει Κύριοσ, καὶ ἐκτενῶ τὴν χεῖρά μου ἐπὶ τοὺσ προφήτασ τοὺσ ὁρῶντασ ψευδῆ καὶ τοὺσ ἀποφθεγγομένουσ μάταια. ἐν παιδείᾳ τοῦ λαοῦ μου οὐκ ἔσονται, οὐδὲ ἐν γραφῇ οἴκου Ἰσραὴλ οὐ γραφήσονται καὶ εἰσ τὴν γῆν τοῦ Ἰσραὴλ οὐκ εἰσελεύσονται. καὶ γνώσονται διότι ἐγὼ Κύριοσ. ἀνθ̓ ὧν ἐπλάνησαν τὸν λαόν μου λέγοντεσ. εἰρήνη εἰρήνη, καὶ οὐκ ἔστιν εἰρήνη, καὶ οὗτοσ οἰκοδομεῖ τοῖχον, καὶ αὐτοὶ ἀλείφουσιν αὐτόν, εἰ πεσεῖται, εἰπὸν πρὸσ τοὺσ ἀλείφοντασ. πεσεῖται, καὶ ἔσται ὑετὸσ κατακλύζων, καὶ δώσω λίθουσ πετροβόλουσ εἰσ τοὺσ ἐνδέσμουσ αὐτῶν, καὶ πεσοῦνται, καὶ πνεῦμα ἐξαῖρον, καὶ ραγήσεται. καὶ ἰδοὺ πέπτωκεν ὁ τοῖχοσ, καὶ οὐκ ἐροῦσι πρὸσ ὑμᾶσ. ποῦ ἐστιν ἡ ἀλοιφὴ ὑμῶν, ἣν ἠλείψατε̣ διὰ τοῦτο τάδε λέγει Κύριοσ. καὶ ρήξω πνοὴν ἐξαίρουσαν μετὰ θυμοῦ, καὶ ὑετὸσ κατακλύζων ἐν ὀργῇ μου ἔσται, καὶ τοὺσ λίθουσ τοὺσ πετροβόλουσ ἐν θυμῷ ἐπάξω εἰσ συντέλειαν καὶ κατασκάψω τὸν τοῖχον, ὃν ἠλείψατε, καὶ πεσεῖται. καὶ θήσω αὐτὸν ἐπὶ τὴν γῆν, καὶ ἀποκαλυφθήσεται τὰ θεμέλια αὐτοῦ, καὶ πεσεῖται, καὶ συντελεσθήσεσθε μετ̓ ἐλέγχων. καὶ ἐπιγνώσεσθε διότι ἐγὼ Κύριοσ. καὶ συντελέσω τὸν θυμόν μου ἐπὶ τὸν τοῖχον καὶ ἐπὶ τοὺσ ἀλείφοντασ αὐτόν, καὶ πεσεῖται. καὶ εἶπα πρὸσ ὑμᾶσ. οὐκ ἔστιν ὁ τοῖχοσ οὐδὲ οἱ ἀλείφοντεσ αὐτὸν προφῆται τοῦ Ἰσραὴλ οἱ προφητεύοντεσ ἐπὶ Ἱερουσαλὴμ καὶ οἱ ὁρῶντεσ αὐτῇ εἰρήνην, καὶ οὐκ ἔστιν εἰρήνη, λέγει Κύριοσ. ‐ Καὶ σύ, υἱὲ ἀνθρώπου, στήρισον τὸ πρόσωπόν σου ἐπὶ τὰσ θυγατέρασ τοῦ λαοῦ σου τὰσ προφητευούσασ ἀπὸ καρδίασ αὐτῶν καὶ προφήτευσον ἐπ̓ αὐτὰς καὶ ἐρεῖσ. τάδε λέγει Κύριοσ. οὐαὶ ταῖσ συρραπτούσαισ προσκεφάλαια ὑπὸ πάντα ἀγκῶνα χειρὸσ καὶ ποιούσαισ ἐπιβόλαια ἐπὶ πᾶσαν κεφαλὴν πάσησ ἡλικίασ τοῦ διαστρέφειν ψυχάσ. αἱ ψυχαὶ διεστράφησαν τοῦ λαοῦ μου, καὶ ψυχὰσ περιεποιοῦντο. καὶ ἐβεβήλουν με πρὸσ τὸν λαόν μου ἕνεκεν δρακὸσ κριθῶν καὶ ἕνεκεν κλασμάτων ἄρτων τοῦ ἀποκτεῖναι ψυχάσ, ἃσ οὐκ ἔδει ἀποθανεῖν, καὶ τοῦ περιποιήσασθαι ψυχάσ, ἃσ οὐκ ἔδει ζῆσαι, ἐν τῷ ἀποφθέγγεσθαι ὑμᾶσ λαῷ εἰσακούοντι μάταια ἀποφθέγματα. διὰ τοῦτο τάδε λέγει Κύριοσ Κύριοσ. ἰδοὺ ἐγὼ ἐπὶ τὰ προσκεφάλαια ὑμῶν, ἐφ̓ ἃ ὑμεῖσ ἐκεῖ συστρέφετε ψυχάσ, καὶ διαρρήξω αὐτὰ ἀπὸ τῶν βραχιόνων ὑμῶν καὶ ἐξαποστελῶ τὰσ ψυχάσ, ἃσ ὑμεῖσ ἐκστρέφετε τὰσ ψυχὰσ αὐτῶν, εἰσ διασκορπισμόν. καὶ διαρρήξω τὰ ἐπιβόλαια ὑμῶν καὶ ρύσομαι τὸν λαόν μου ἐκ χειρὸσ ὑμῶν, καὶ οὐκέτι ἔσονται ἐν χερσὶν ὑμῶν εἰσ συστροφήν. καὶ ἐπιγνώσεσθε διότι ἐγὼ Κύριοσ. ἀνθ̓ ὧν διεστρέφετε καρδίαν δικαίου ἀδίκωσ, καὶ ἐγὼ οὐ διέστρεφον αὐτόν, καὶ τοῦ κατισχῦσαι χεῖρασ ἀνόμου τὸ καθόλου μὴ ἀποστρέψαι ἀπὸ τῆσ ὁδοῦ αὐτοῦ τῆσ πονηρᾶσ καὶ ζῆσαι αὐτόν, διὰ τοῦτο ψευδῆ οὐ μὴ ἴδητε καὶ μαντείασ οὐ μὴ μαντεύσησθε ἔτι, καὶ ρύσομαι τὸν λαόν μου ἐκ χειρὸσ ὑμῶν. καὶ γνώσεσθε ὅτι ἐγὼ Κύριοσ.

목록

일치하는 문장이 없습니다.

SEARCH

MENU NAVIGATION