헬라어 문장 검색 - Σεπτύ048́013́

(70인역 성경, 에제키엘서 13:)

ΚΑΙ ἐγένετο λόγοσ Κυρίου πρόσ με λέγων. υἱὲ ἀνθρώπου, προφήτευσον ἐπὶ τοὺσ προφήτασ τοῦ Ἰσραὴλ καὶ προφητεύσεισ καὶ ἐρεῖσ πρὸσ αὐτούσ. ἀκούσατε λόγον Κυρίου. τάδε λέγει Κύριοσ. οὐαὶ τοῖσ προφητεύουσιν ἀπὸ καρδίασ αὐτῶν καὶ τὸ καθόλου μὴ βλέπουσιν. ὡσ ἀλώπεκεσ ἐν ταῖσ ἐρήμοισ, οἱ προφῆταί σου Ἰσραήλ. οὐκ ἔστησαν ἐν στερεώματι καὶ συνήγαγον ποίμνια ἐπὶ τὸν οἶκον τοῦ Ἰσραήλ. οὐκ ἀνέστησαν οἱ λέγοντεσ. ἐν ἡμέρᾳ Κυρίου. βλέποντεσ ψευδῆ, μαντευόμενοι μάταια, οἱ λέγοντεσ. λέγει Κύριοσ, καὶ Κύριοσ οὐκ ἀπέσταλκεν αὐτούσ, καὶ ἤρξαντο τοῦ ἀναστῆσαι λόγον. οὐχὶ ὅρασιν ψευδῆ ἑωράκατε καὶ μαντείασ ματαίασ εἰρήκατε̣ διὰ τοῦτο εἰπόν. τάδε λέγει Κύριοσ. ἀνθ̓ ὧν οἱ λόγοι ὑμῶν ψευδεῖσ καὶ αἱ μαντεῖαι ὑμῶν μάταιαι, διὰ τοῦτο ἰδοὺ ἐγὼ ἐφ̓ ὑμᾶσ, λέγει Κύριοσ, καὶ ἐκτενῶ τὴν χεῖρά μου ἐπὶ τοὺσ προφήτασ τοὺσ ὁρῶντασ ψευδῆ καὶ τοὺσ ἀποφθεγγομένουσ μάταια. ἐν παιδείᾳ τοῦ λαοῦ μου οὐκ ἔσονται, οὐδὲ ἐν γραφῇ οἴκου Ἰσραὴλ οὐ γραφήσονται καὶ εἰσ τὴν γῆν τοῦ Ἰσραὴλ οὐκ εἰσελεύσονται. καὶ γνώσονται διότι ἐγὼ Κύριοσ. ἀνθ̓ ὧν ἐπλάνησαν τὸν λαόν μου λέγοντεσ. εἰρήνη εἰρήνη, καὶ οὐκ ἔστιν εἰρήνη, καὶ οὗτοσ οἰκοδομεῖ τοῖχον, καὶ αὐτοὶ ἀλείφουσιν αὐτόν, εἰ πεσεῖται, εἰπὸν πρὸσ τοὺσ ἀλείφοντασ. πεσεῖται, καὶ ἔσται ὑετὸσ κατακλύζων, καὶ δώσω λίθουσ πετροβόλουσ εἰσ τοὺσ ἐνδέσμουσ αὐτῶν, καὶ πεσοῦνται, καὶ πνεῦμα ἐξαῖρον, καὶ ραγήσεται. καὶ ἰδοὺ πέπτωκεν ὁ τοῖχοσ, καὶ οὐκ ἐροῦσι πρὸσ ὑμᾶσ. ποῦ ἐστιν ἡ ἀλοιφὴ ὑμῶν, ἣν ἠλείψατε̣ διὰ τοῦτο τάδε λέγει Κύριοσ. καὶ ρήξω πνοὴν ἐξαίρουσαν μετὰ θυμοῦ, καὶ ὑετὸσ κατακλύζων ἐν ὀργῇ μου ἔσται, καὶ τοὺσ λίθουσ τοὺσ πετροβόλουσ ἐν θυμῷ ἐπάξω εἰσ συντέλειαν καὶ κατασκάψω τὸν τοῖχον, ὃν ἠλείψατε, καὶ πεσεῖται. καὶ θήσω αὐτὸν ἐπὶ τὴν γῆν, καὶ ἀποκαλυφθήσεται τὰ θεμέλια αὐτοῦ, καὶ πεσεῖται, καὶ συντελεσθήσεσθε μετ̓ ἐλέγχων. καὶ ἐπιγνώσεσθε διότι ἐγὼ Κύριοσ. καὶ συντελέσω τὸν θυμόν μου ἐπὶ τὸν τοῖχον καὶ ἐπὶ τοὺσ ἀλείφοντασ αὐτόν, καὶ πεσεῖται. καὶ εἶπα πρὸσ ὑμᾶσ. οὐκ ἔστιν ὁ τοῖχοσ οὐδὲ οἱ ἀλείφοντεσ αὐτὸν προφῆται τοῦ Ἰσραὴλ οἱ προφητεύοντεσ ἐπὶ Ἱερουσαλὴμ καὶ οἱ ὁρῶντεσ αὐτῇ εἰρήνην, καὶ οὐκ ἔστιν εἰρήνη, λέγει Κύριοσ. ‐ Καὶ σύ, υἱὲ ἀνθρώπου, στήρισον τὸ πρόσωπόν σου ἐπὶ τὰσ θυγατέρασ τοῦ λαοῦ σου τὰσ προφητευούσασ ἀπὸ καρδίασ αὐτῶν καὶ προφήτευσον ἐπ̓ αὐτὰς καὶ ἐρεῖσ. τάδε λέγει Κύριοσ. οὐαὶ ταῖσ συρραπτούσαισ προσκεφάλαια ὑπὸ πάντα ἀγκῶνα χειρὸσ καὶ ποιούσαισ ἐπιβόλαια ἐπὶ πᾶσαν κεφαλὴν πάσησ ἡλικίασ τοῦ διαστρέφειν ψυχάσ. αἱ ψυχαὶ διεστράφησαν τοῦ λαοῦ μου, καὶ ψυχὰσ περιεποιοῦντο. καὶ ἐβεβήλουν με πρὸσ τὸν λαόν μου ἕνεκεν δρακὸσ κριθῶν καὶ ἕνεκεν κλασμάτων ἄρτων τοῦ ἀποκτεῖναι ψυχάσ, ἃσ οὐκ ἔδει ἀποθανεῖν, καὶ τοῦ περιποιήσασθαι ψυχάσ, ἃσ οὐκ ἔδει ζῆσαι, ἐν τῷ ἀποφθέγγεσθαι ὑμᾶσ λαῷ εἰσακούοντι μάταια ἀποφθέγματα. διὰ τοῦτο τάδε λέγει Κύριοσ Κύριοσ. ἰδοὺ ἐγὼ ἐπὶ τὰ προσκεφάλαια ὑμῶν, ἐφ̓ ἃ ὑμεῖσ ἐκεῖ συστρέφετε ψυχάσ, καὶ διαρρήξω αὐτὰ ἀπὸ τῶν βραχιόνων ὑμῶν καὶ ἐξαποστελῶ τὰσ ψυχάσ, ἃσ ὑμεῖσ ἐκστρέφετε τὰσ ψυχὰσ αὐτῶν, εἰσ διασκορπισμόν. καὶ διαρρήξω τὰ ἐπιβόλαια ὑμῶν καὶ ρύσομαι τὸν λαόν μου ἐκ χειρὸσ ὑμῶν, καὶ οὐκέτι ἔσονται ἐν χερσὶν ὑμῶν εἰσ συστροφήν. καὶ ἐπιγνώσεσθε διότι ἐγὼ Κύριοσ. ἀνθ̓ ὧν διεστρέφετε καρδίαν δικαίου ἀδίκωσ, καὶ ἐγὼ οὐ διέστρεφον αὐτόν, καὶ τοῦ κατισχῦσαι χεῖρασ ἀνόμου τὸ καθόλου μὴ ἀποστρέψαι ἀπὸ τῆσ ὁδοῦ αὐτοῦ τῆσ πονηρᾶσ καὶ ζῆσαι αὐτόν, διὰ τοῦτο ψευδῆ οὐ μὴ ἴδητε καὶ μαντείασ οὐ μὴ μαντεύσησθε ἔτι, καὶ ρύσομαι τὸν λαόν μου ἐκ χειρὸσ ὑμῶν. καὶ γνώσεσθε ὅτι ἐγὼ Κύριοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 13:

(70인역 성경, 에제키엘서 13:)

목록

SEARCH

MENU NAVIGATION