헬라어 문장 검색 - Σεπτύ048́010́

(70인역 성경, 에제키엘서 10:)

ΚΑΙ εἶδον καὶ ἰδοὺ ἐπάνω τοῦ στερεώματοσ τοῦ ὑπὲρ κεφαλῆσ τῶν Χερουβὶμ ὡσ λίθοσ σαπφείρου ὁμοίωμα θρόνου ἐπ̓ αὐτῶν. καὶ εἶπε πρὸσ τὸν ἄνδρα τὸν ἐνδεδυκότα τὴν στολήν. εἴσελθε εἰσ τὸ μέσον τῶν τροχῶν τῶν ὑποκάτω τῶν Χερουβὶμ καὶ πλῆσον τὰσ δράκασ σου ἀνθράκων πυρὸσ ἐκ μέσου τῶν Χερουβὶμ καὶ διασκόρπισον ἐπὶ τὴν πόλιν. καὶ εἰσῆλθεν ἐνώπιον ἐμοῦ. καὶ τὰ Χερουβὶμ εἰστήκει ἐκ δεξιῶν τοῦ οἴκου ἐν τῷ εἰσπορεύεσθαι τὸν ἄνδρα, καὶ ἡ νεφέλη ἔπλησε τὴν αὐλὴν τὴν ἐσωτέραν. καὶ ἀπῇρεν ἡ δόξα Κυρίου ἀπὸ τῶν Χερουβὶμ εἰσ τὸ αἴθριον τοῦ οἴκου, καὶ ἔπλησε τὸν οἶκον ἡ νεφέλη, καὶ ἡ αὐλὴ ἐπλήσθη τοῦ φέγγουσ τῆσ δόξησ Κυρίου. καὶ φωνὴ τῶν πτερύγων τῶν Χερουβὶμ ἠκούετο ἕωσ τῆσ αὐλῆσ τῆσ ἐξωτέρασ ὡσ φωνὴ Θεοῦ Σαδδαί̈ λαλοῦντοσ. καὶ ἐγένετο ἐν τῷ ἐντέλλεσθαι αὐτὸν τῷ ἀνδρὶ τῷ ἐνδεδυκότι τὴν στολὴν τὴν ἁγίαν λέγων. λαβὲ πῦρ ἐκ μέσου τῶν τροχῶν ἐκ μέσου τῶν Χερουβίμ, καὶ εἰσῆλθε καὶ ἔστη ἐχόμενοσ τῶν τροχῶν, καὶ ἐξέτεινε τὴν χεῖρα αὐτοῦ εἰσ μέσον τοῦ πυρὸσ τοῦ ὄντοσ ἐν μέσῳ τῶν Χερουβὶμ καὶ ἔλαβε καὶ ἔδωκεν εἰσ τὰσ χεῖρασ τοῦ ἐνδεδυκότοσ τὴν στολὴν τὴν ἁγίαν, καὶ ἔλαβε καὶ ἐξῆλθε. καὶ εἶδον τὰ Χερουβὶμ ὁμοίωμα χειρῶν ἀνθρώπων ὑποκάτωθεν τῶν πτερύγων αὐτῶν. καὶ εἶδον καὶ ἰδοὺ τροχοὶ τέσσαρεσ εἱστήκεισαν ἐχόμενοι τῶν Χερουβίμ, τροχὸσ εἷσ ἐχόμενοσ Χερουβὶμ ἑνόσ, καὶ ἡ ὄψισ τῶν τροχῶν ὡσ ὄψισ λίθου ἄνθρακοσ. καὶ ἡ ὄψισ αὐτῶν ὁμοίωμα ἓν τοῖσ τέσσαρσιν, ὃν τρόπον ὅταν ᾖ τροχὸσ ἐν μέσῳ τροχοῦ. ἐν τῷ πορεύεσθαι αὐτὰ εἰσ τὰ τέσσαρα μέρη αὐτῶν ἐπορεύοντο, οὐκ ἐπέστρεφον ἐν τῷ πορεύεσθαι αὐτά. ὅτι εἰσ ὃν ἂν τόπον ἐπέβλεψεν ἡ ἀρχὴ ἡ μία, ἐπορεύοντο καὶ οὐκ ἐπέστρεφον ἐν τῷ πορεύεσθαι αὐτά. καὶ οἱ νῶτοι αὐτῶν καὶ αἱ χεῖρεσ αὐτῶν καὶ αἱ πτέρυγεσ αὐτῶν καὶ οἱ τροχοὶ πλήρεισ ὀφθαλμῶν κυκλόθεν τοῖσ τέσσαρσι τροχοῖσ αὐτῶν. τοῖσ δὲ τροχοῖσ τούτοισ ἐπεκλήθη Γελγὲλ ἀκούοντόσ μου. [ καὶ τέσσαρα πρόσωπα τῷ ἑνί, τὸ πρόσωπον τοῦ ἑνὸσ πρόσωπον τοῦ Χερούβ, καὶ τὸ πρόσωπον τοῦ δευτέρου πρόσωπον ἀνθρώπου καὶ τὸ τρίτον πρόσωπον λέοντοσ καὶ τὸ τέταρτον πρόσωπον ἀετοῦ]. καὶ ᾖραν τὰ Χερουβίμ. τοῦτο τὸ ζῷον, ὃ εἶδον ἐπὶ τοῦ ποταμοῦ τοῦ Χοβάρ. καὶ ἐν τῷ πορεύεσθαι τὰ Χερουβὶμ ἐπορεύοντο οἱ τροχοί, καὶ οὗτοι ἐχόμενοι αὐτῶν. καὶ ἐν τῷ ἐξαίρειν τὰ Χερουβὶμ τὰσ πτέρυγασ αὐτῶν τοῦ μετεωρίζεσθαι ἀπὸ τῆσ γῆσ οὐκ ἐπέστρεφον οἱ τροχοὶ αὐτῶν. ἐν τῷ ἑστάναι αὐτὰ εἱστήκεισαν, καὶ ἐν τῷ μετεωρίζεσθαι αὐτὰ ἐμετεωρίζοντο μετ̓ αὐτῶν, διότι πνεῦμα ζωῆσ ἐν αὐτοῖσ ἦν. καὶ ἐξῆλθε δόξα Κυρίου ἀπὸ τοῦ οἴκου καὶ ἐπέβη ἐπὶ τὰ Χερουβίμ, καὶ ἀνέλαβον τὰ Χερουβὶμ τὰσ πτέρυγασ αὐτῶν καὶ ἐμετεωρίσθησαν ἀπὸ τῆσ γῆσ ἐνώπιον ἐμοῦ ἐν τῷ ἐξελθεῖν αὐτά, καὶ οἱ τροχοὶ ἐχόμενοι αὐτῶν. καὶ ἔστησαν ἐπὶ τὰ πρόθυρα τῆσ πύλησ οἴκου Κυρίου τῆσ ἀπέναντι, καὶ δόξα Θεοῦ Ἰσραὴλ ἦν ἐπ̓ αὐτῶν ὑπεράνω. τοῦτο τὸ ζῷόν ἐστιν, ὃ εἶδον ὑποκάτω Θεοῦ Ἰσραὴλ ἐπί τοῦ ποταμοῦ τοῦ Χοβάρ, καὶ ἔγνων ὅτι Χερουβίμ ἐστι. τέσσαρα πρόσωπα τῷ ἑνί, καὶ ὀκτὼ πτέρυγεσ τῷ ἑνί, καὶ ὁμοίωμα χειρῶν ἀνθρώπου ὑποκάτωθεν τῶν πτερύγων αὐτῶν. καὶ ὁμοίωσισ τῶν προσώπων αὐτῶν, ταῦτα τὰ πρόσωπά ἐστιν ἃ εἶδον ὑποκάτω τῆσ δόξησ τοῦ Θεοῦ Ἰσραὴλ ἐπὶ τοῦ ποταμοῦ τοῦ Χοβάρ, καὶ αὐτὰ ἕκαστον κατὰ πρόσωπον αὐτῶν ἐπορεύοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 10:

(70인역 성경, 에제키엘서 10:)

목록

SEARCH

MENU NAVIGATION