헬라어 문장 검색 - Σεπτύ048́005́

(70인역 성경, 에제키엘서 5:)

ΚΑΙ σύ, υἱὲ ἀνθρώπου, λαβὲ σεαυτῷ ρομφαίαν ὀξεῖαν ὑπὲρ ξυρὸν κουρέωσ. κτήσῃ αὐτὴν σεαυτῷ καὶ ἐπάξεισ αὐτὴν ἐπὶ τὴν κεφαλήν σου καὶ ἐπὶ τὸν πώγωνά σου. καὶ λήψῃ ζυγὸν σταθμίων καὶ διαστήσεισ αὐτούσ. τὸ τέταρτον ἐν πυρὶ ἀνακαύσεισ ἐν μέσῃ τῇ πόλει κατὰ τὴν πλήρωσιν τῶν ἡμερῶν τοῦ συγκλεισμοῦ. καὶ λήψῃ τὸ τέταρτον καὶ κατακαύσεισ αὐτὸ ἐν μέσῳ αὐτῆσ, καὶ τὸ τέταρτον κατακόψεισ ἐν ρομφαίᾳ κύκλῳ αὐτῆσ, καὶ τὸ τέταρτον διασκορπιεῖσ τῷ πνεύματι, καὶ μάχαιραν ἐκκενώσω ὀπίσω αὐτῶν. καὶ λήψῃ ἐκεῖθεν ὀλίγουσ ἐν ἀριθμῷ καὶ συμπεριλήψῃ αὐτοὺσ τῇ ἀναβολῇ σου. καὶ ἐκ τούτων λήψῃ ἔτι καὶ ρίψεισ αὐτοὺσ εἰσ μέσον τοῦ πυρὸσ καὶ κατακαύσεισ αὐτοὺσ ἐν πυρί. ἐξ αὐτῆσ ἐξελεύσεται πῦρ. ‐ Καὶ ἐρεῖσ παντὶ οἴκω Ἰσραήλ. τάδε λέγει Κύριοσ. αὕτη ἡ Ἱερουσαλὴμ ἐν μέσῳ τῶν ἐθνῶν τέθεικα αὐτὴν καὶ τὰσ κύκλῳ αὐτῆσ χώρασ. καὶ ἐρεῖσ τὰ δικαιώματά μου τῇ ἀνόμῳ ἐκ τῶν ἐθνῶν καὶ τὰ νόμιμά μου ἐκ τῶν χωρῶν τῶν κύκλῳ αὐτῆσ, διότι τὰ δικαιώματά μου ἀπώσαντο καὶ ἐν τοῖσ νομίμοισ μου οὐκ ἐπορεύθησαν ἐν αὐτοῖσ. διὰ τοῦτο τάδε λέγει Κύριοσ. ἀνθ̓ ὧν ἡ ἀφορμὴ ὑμῶν ἐκ τῶν ἐθνῶν τῶν κύκλῳ ὑμῶν καὶ ἐν τοῖσ νομίμοισ μου οὐκ ἐπορεύθητε καὶ τὰ δικαιώματά μου οὐκ ἐποιήσατε, ἀλλ̓ οὐδὲ κατὰ τὰ δικαιώματα τῶν ἐθνῶν τῶν κύκλῳ ὑμῶν οὐ πεποιήκατε, διὰ τοῦτο τάδε λέγει Κύριοσ. ἰδοὺ ἐγὼ ἐπὶ σὲ καὶ ποιήσω ἐν μέσῳ σου κρίμα ἐνώπιον τῶν ἐθνῶν καὶ ποιήσω ἐν σοὶ ἃ οὐ πεποίηκα καὶ ἃ οὐ ποιήσω ὅμοια αὐτοῖσ ἔτι κατὰ πάντα τὰ βελύγματά σου. διὰ τοῦτο πατέρεσ φάγονται τέκνα ἐν μέσῳ σου, καὶ τέκνα φάγονται πατέρασ. καὶ ποιήσω ἐν σοὶ κρίματα καὶ διασκορπιῶ πάντασ τοὺσ καταλοίπουσ σου εἰσ πάντα ἄνεμον. διὰ τοῦτο ζῶ ἐγώ, λέγει Κύριοσ, ἦ μὴν ἀνθ̓ ὧν τὰ ἅγιά μου ἐμίανασ ἐν πᾶσι τοῖσ βδελύγμασί σου, κἀγὼ ἀπώσομαί σε, οὐ φείσεταί μου ὁ ὀφθαλμόσ, κἀγὼ οὐκ ἐλεήσω. τὸ τέταρτόν σου ἐν θανάτῳ ἀναλωθήσεται, καὶ τὸ τέταρτόν σου ἐν λιμῷ συντελεσθήσεται ἐν μέσῳ σου, καὶ τὸ τέταρτόν σου εἰσ πάντα ἄνεμον σκορπιῶ αὐτούσ, καὶ τὸ τέταρτόν σου ἐν ρομφαίᾳ πεσοῦνται κύκλῳ σου, καὶ μάχαιραν ἐκκενώσω ὀπίσω αὐτῶν. καὶ συντελεσθήσεται ὁ θυμόσ μου καὶ ἡ ὀργή μου ἐπ̓ αὐτούσ, καὶ ἐπιγνώσῃ διότι ἐγὼ Κύριοσ λελάληκα ἐν ζήλῳ μου ἐν τῷ συντελέσαι με τὴν ὀργήν μου ἐπ̓ αὐτούσ. καὶ θήσομαί σε εἰσ ἔρημον καὶ τὰσ θυγατέρασ σου κύκλῳ σου ἐνώπιον παντὸσ διοδεύοντοσ, καὶ ἔσῃ στενακτὴ καὶ δηλαϊστὴ ἐν τοῖσ ἔθνεσι τοῖσ κύκλῳ σου ἐν τῷ ποιῆσαί με ἐν σοὶ κρίματα ἐν ἐκδικήσει θυμοῦ μου. ἐγὼ Κύριοσ λελάληκα. καὶ ἐν τῷ ἀποστεῖλάι με βολίδασ τοῦ λιμοῦ ἐπ̓ αὐτοὺσ καὶ ἔσονται εἰσ ἔκλειψιν, καὶ συντρίψω στήριγμα ἄρτου σου. καὶ ἐξαποστελῶ ἐπὶ σὲ λιμὸν καὶ θηρία πονηρὰ καὶ τιμωρήσομαί σε, καὶ θάνατοσ καὶ αἷμα διελεύσονται ἐπὶ σέ, καὶ ρομφαίαν ἐπάξω ἐπὶ σὲ κυκλόθεν. ἐγὼ Κύριοσ λελάληκα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 5:

(70인역 성경, 에제키엘서 5:)

목록

SEARCH

MENU NAVIGATION