Septuagint, Prophetia Ezechielis 3:

(70인역 성경, 에제키엘서 3:)

ΚΑΙ εἶπε πρόσ με. υἱὲ ἀνθρώπου, κατάφαγε τὴν κεφαλίδα ταύτην καὶ πορεύθητι καὶ λάλησον τοῖσ υἱοῖσ Ἰσραήλ. καὶ διήνοιξε τὸ στόμα μου, καὶ ἐψώμισέ με τὴν κεφαλίδα καὶ εἶπε πρόσ με. υἱὲ ἀνθρώπου, τὸ στόμα σου φάγεται, καὶ ἡ κοιλία σου πλησθήσεται τῆσ κεφαλίδοσ ταύτησ τῆσ δεδομένησ εἰσ σέ. καὶ ἔφαγον αὐτήν, καὶ ἐγένετο ἐν τῷ στόματί μου ὡσ μέλι γλυκάζον. καὶ εἶπε πρόσ με. υἱὲ ἀνθρώπου, βάδιζε καὶ εἴσελθε πρὸσ τὸν οἶκον τοῦ Ἰσραὴλ καὶ λάλησον τοὺσ λόγουσ μου πρὸσ αὐτούσ. διότι οὐ πρὸσ λαὸν βαθύχειλον καὶ βαρύγλωσσον σὺ ἐξαποστέλλῃ, πρὸσ τὸν οἶκον τοῦ Ἰσραήλ, οὐδὲ πρὸσ λαοὺσ πολλοὺσ ἀλλοφώνουσ ἢ ἀλλογλώσσουσ οὐδὲ στιβαροὺσ τῇ γλώσσῃ ὄντασ, ὧν οὐκ ἀκούσῃ τοὺσ λόγουσ αὐτῶν. καὶ εἰ πρὸσ τοιούτουσ ἐξαπέστειλά σε, οὗτοι ἂν εἰσήκουσάν σου. ὁ δὲ οἶκοσ τοῦ Ἰσραὴλ οὐ μὴ θελήσουσιν εἰσακοῦσαί σου, διότι οὐ βούλονται εἰσακούειν μου. ὅτι πᾶσ ὁ οἶκοσ Ἰσραὴλ φιλόνεικοί εἰσι καὶ σκληροκάρδιοι. καὶ ἰδοὺ δέδωκα τὸ πρόσωπόν σου δυνατὸν κατέναντι τῶν προσώπων αὐτῶν καὶ τὸ νῖκόσ σου κατισχύσω κατέναντι τοῦ νίκουσ αὐτῶν, καὶ ἔσται διαπαντὸσ κραταιότερον πέτρασ. μὴ φοβηθῇσ ἀπ̓ αὐτῶν μηδὲ πτοηθῇσ ἀπὸ προσώπου αὐτῶν, διότι οἶκοσ παραπικραίνων ἐστί. καὶ εἶπε πρόσ με. υἱὲ ἀνθρώπου, πάντασ τοὺσ λόγουσ, οὓσ λελάληκα μετὰ σοῦ, λαβὲ εἰσ τὴν καρδίαν σου καὶ τοῖσ ὠσί σου ἄκουε, καὶ βάδιζε, εἴσελθε εἰσ τὴν αἰχμαλωσίαν πρὸσ τοὺσ υἱοὺσ τοῦ λαοῦ σου καὶ λαλήσεισ πρὸσ αὐτοὺσ καὶ ἐρεῖσ πρὸσ αὐτούσ. τάδε λέγει Κύριοσ. ἐὰν ἄρα ἀκούσωσιν, ἐὰν ἄρα ἐνδῶσι. καὶ ἀνέλαβέ με πνεῦμα, καὶ ἤκουσα κατόπισθέν μου φωνὴν σεισμοῦ μεγάλου. εὐλογημένη ἡ δόξα Κυρίου ἐκ τοῦ τόπου αὐτοῦ. καὶ εἶδον φωνὴν τῶν πτερύγων τῶν ζῴων πτερυσσομένων ἑτέρα πρὸσ τὴν ἑτέραν, καὶ φωνὴ τῶν τροχῶν ἐχομένη αὐτῶν καὶ φωνὴ τοῦ σεισμοῦ. καὶ τὸ πνεῦμα ἐξῇρέ με καὶ ἀνέλαβέ με, καὶ ἐπορεύθην ἐν ὁρμῇ τοῦ πνεύματόσ μου, καὶ χεὶρ Κυρίου ἐγένετο ἐπ̓ ἐμὲ κραταιά. καὶ εἰσῆλθον εἰσ τὴν αἰχμαλωσίαν μετέωροσ καὶ περιῆλθον τοὺσ κατοικοῦντασ ἐπὶ τοῦ ποταμοῦ τοῦ Χοβὰρ τοὺσ ὄντασ ἐκεῖ καὶ ἐκάθισα ἐκεῖ ἑπτὰ ἡμέρασ ἀναστρεφόμενοσ ἐν μέσῳ αὐτῶν. Καὶ ἐγένετο μετὰ τὰσ ἑπτὰ ἡμέρασ λόγοσ Κυρίου πρόσ με λέγων. υἱὲ ἀνθρώπου, σκοπὸν δέδωκά σε τῷ οἴκῳ Ἰσραήλ, καὶ ἀκούσῃ ἐκ στόματόσ μου λόγον καὶ διαπειλήσῃ αὐτοῖσ παῤ ἐμοῦ. ἐν τῷ λέγειν με τῷ ἀνόμῳ. θανάτῳ θανατωθήσῃ, καὶ οὐ διεστείλω αὐτῷ οὐδὲ ἐλάλησασ τοῦ διαστείλασθαι τῷ ἀνόμῳ ἀποστρέψαι ἀπὸ τῶν ὁδῶν αὐτοῦ τοῦ ζῆσαι αὐτόν, ὁ ἄνομοσ ἐκεῖνοσ τῇ ἀδικίᾳ αὐτοῦ ἀποθανεῖται, καὶ τὸ αἷμα αὐτοῦ ἐκ τῆσ χειρόσ σου ἐκζητήσω. καὶ σὺ ἐὰν διαστείλῃ τῷ ἀνόμῳ, καὶ μὴ ἀποστρέψῃ ἀπὸ τῆσ ἀνομίασ αὐτοῦ καὶ ἀπὸ τῆσ ὁδοῦ αὐτοῦ, ὁ ἄνομοσ ἐκεῖνοσ ἐν τῇ ἀδικίᾳ αὐτοῦ ἀποθανεῖται, καὶ σὺ τὴν ψυχήν σου ρύσῃ. καὶ ἐν τῷ ἀποστρέφειν δίκαιον ἀπὸ τῶν δικαιοσυνῶν αὐτοῦ καὶ ποιήσει παράπτωμα καὶ δώσω τὴν βάσανον εἰσ πρόσωπον αὐτοῦ, αὐτὸσ ἀποθανεῖται, ὅτι οὐ διεστείλω αὐτῷ, καὶ ἐν ταῖσ ἁμαρτίαισ αὐτοῦ ἀποθανεῖται, διότι οὐ μὴ μνησθῶσιν αἱ δικαιοσύναι αὐτοῦ, ἃσ ἐποίησε, καὶ τὸ αἷμα αὐτοῦ ἐκ τῆσ χειρόσ σου ἐκζητήσω. σὺ δὲ ἐὰν διαστείλῃ τῷ δικαίῳ τοῦ μὴ ἁμαρτεῖν, καὶ αὐτὸσ μὴ ἁμάρτῃ, ὁ δίκαιοσ ζωῇ ζήσεται, ὅτι διεστείλω αὐτῷ, καὶ σὺ τὴν σεαυτοῦ ψυχὴν ρύσῃ. Καὶ ἐγένετο ἐπ̓ ἐμὲ χεὶρ Κυρίου, καὶ εἶπε πρόσ με. ἀνάστηθι, καὶ ἔξελθε εἰσ τὸ πεδίον, καὶ ἐκεῖ λαληθήσεται πρόσ σε. καὶ ἀνέστην καὶ ἐξῆλθον πρὸσ τὸ πεδίον, καὶ ἰδοὺ ἐκεῖ δόξα Κυρίου εἱστήκει καθὼσ ἡ ὅρασισ καὶ καθὼσ ἡ δόξα Κυρίου, ἣν εἶδον ἐπὶ τοῦ ποταμοῦ τοῦ Χοβάρ, καὶ πίπτω ἐπὶ πρόσωπόν μου. καὶ ἦλθεν ἐπ̓ ἐμὲ πνεῦμα καὶ ἔστησέ με ἐπὶ τοὺσ πόδασ μου, καὶ ἐλάλησε πρόσ με καὶ εἶπέ μοι. εἴσελθε καὶ ἐγκλείσθητι ἐν μέσῳ τοῦ οἴκου σου. καὶ σύ, υἱὲ ἀνθρώπου, ἰδοὺ δέδονται ἐπὶ σὲ δεσμοί, καὶ δήσουσί σε ἐν αὐτοῖσ, καὶ οὐ μὴ ἐξέλθῃσ ἐκ μέσου αὐτῶν. καὶ τὴν γλῶσσάν σου συνδήσω, καὶ ἀποκωφωθήσῃ, καὶ οὐκ ἔσῃ αὐτοῖσ εἰσ ἄνδρα ἐλέγχοντα, διότι οἶκοσ παραπικραίνων ἐστί. καὶ ἐν τῷ λαλεῖν με πρὸσ σὲ ἀνοίξω τὸ στόμα σου, καὶ ἐρεῖσ πρὸσ αὐτούσ. τάδε λέγει Κύριοσ. ὁ ἀκούων ἀκουέτω, καὶ ὁ ἀπειθῶν ἀπειθήτω, διότι οἶκοσ παραπικραίνων ἐστί.

목록

일치하는 문장이 없습니다.

SEARCH

MENU NAVIGATION