헬라어 문장 검색 - Σεπτύ048́001́

(70인역 성경, 에제키엘서 1:)

ΚΑΙ ἐγένετο ἐν τῷ τριακοστῷ ἔτει, ἐν τῷ τετάρτῳ μηνὶ πέμπτῃ τοῦ μηνὸσ καὶ ἐγὼ ἤμην ἐν μέσῳ τῆσ αἰχμαλωσίασ ἐπὶ τοῦ ποταμοῦ τοῦ Χοβάρ, καὶ ἠνοίχθησαν οἱ οὐρανοί, καὶ εἶδον ὁράσεισ Θεοῦ. πέμπτῃ τοῦ μηνόσ καὶ ἐγένετο λόγοσ Κυρίου πρὸσ Ἰεζεκιὴλ υἱὸν Βουζεί, τὸν ἱερέα, ἐν γῇ Χαλδαίων ἐπὶ τοῦ ποταμοῦ τοῦ Χοβάρ. καὶ ἐγένετο ἐπ̓ ἐμὲ χεὶρ Κυρίου, καὶ εἶδον καὶ ἰδοὺ πνεῦμα ἐξαῖρον ἤρχετο ἀπὸ βορρᾶ, καὶ νεφέλη μεγάλη ἐν αὐτῷ, καὶ φέγγοσ κύκλῳ αὐτοῦ καὶ πῦρ ἐξαστράπτον, καὶ ἐν τῷ μέσῳ αὐτοῦ ὡσ ὅρασισ ἠλέκτρου ἐν μέσῳ τοῦ πυρὸσ καὶ φέγγοσ ἐν αὐτῷ. καὶ ἐν τῷ μέσῳ ὡσ ὁμοίωμα τεσσάρων ζῴων, καὶ αὕτη ἡ ὅρασισ αὐτῶν. ὁμοίωμα ἀνθρώπου ἐπ̓ αὐτοῖσ, καὶ τέσσαρα πρόσωπα τῷ ἑνί, καὶ τέσσαρεσ πτέρυγεσ τῷ ἑνί. καὶ τὰ σκέλη αὐτῶν ὀρθά, καὶ πτερωτοὶ οἱ πόδεσ αὐτῶν, καὶ σπινθῆρεσ ὡσ ἐξαστράπτων χαλκόσ, καὶ ἐλαφραὶ αἱ πτέρυγεσ αὐτῶν. καὶ χεὶρ ἀνθρώπου ὑποκάτωθεν τῶν πτερύγων αὐτῶν ἐπὶ τὰ τέσσαρα μέρη αὐτῶν. καὶ τὰ πρόσωπα αὐτῶν τῶν τεσσάρων οὐκ ἐπεστρέφοντο ἐν τῷ βαδίζειν αὐτά, ἕκαστον ἀπέναντι τοῦ προσώπου αὐτῶν ἐπορεύοντο. καὶ ὁμοίωσισ τῶν προσώπων αὐτῶν. πρόσωπον ἀνθρώπου καὶ πρόσωπον λέοντοσ ἐκ δεξιῶν τοῖσ τέσσαρσι καὶ πρόσωπον μόσχου ἐξ ἀριστερῶν τοῖσ τέσσαρσι καὶ πρόσωπον ἀετοῦ τοῖσ τέσσαρσι. καὶ αἱ πτέρυγεσ αὐτῶν ἐκτεταμέναι ἄνωθεν τοῖσ τέσσαρσιν, ἑκατέρῳ δύο συνεζευγμέναι πρὸσ ἀλλήλασ, καὶ δύο ἐπεκάλυπτον ἐπάνω τοῦ σώματοσ αὐτῶν. καὶ ἑκάτερον κατὰ πρόσωπον αὐτοῦ ἐπορεύετο. οὗ ἂν ἦν τὸ πνεῦμα πορευόμενον, ἐπορεύοντο καὶ οὐκ ἐπέστρεφον. καὶ ἐν μέσῳ τῶν ζῴων ὅρασισ ὡσ ἀνθράκων πυρὸσ καιομένων, ὡσ ὄψισ λαμπάδων συστρεφομένων ἀναμέσον τῶν ζῴων καὶ φέγγοσ τοῦ πυρόσ, καὶ ἐκ τοῦ πυρὸσ ἐξεπορεύετο ἀστραπή. καὶ εἶδον καὶ ἰδοὺ τροχὸσ εἷσ ἐπὶ τῆσ γῆσ ἐχόμενοσ τῶν ζῴων τοῖσ τέσσαρσι. καὶ τὸ εἶδοσ τῶν τροχῶν ὡσ εἶδοσ θαρσείσ, καὶ ὁμοίωμα ἐν τοῖσ τέσσαρσι, καὶ τὸ ἔργον αὐτῶν ἦν καθὼσ ἂν εἴη τροχὸσ ἐν τροχῷ. ἐπὶ τὰ τέσσαρα μέρη αὐτῶν ἐπορεύοντο, οὐκ ἐπέστρεφον ἐν τῷ πορεύεσθαι αὐτά, οὐδ̓ οἱ νῶτοι αὐτῶν, καὶ ὕψοσ ἦν αὐτοῖσ. καὶ εἶδον αὐτά, καὶ οἱ νῶτοι αὐτῶν πλήρεισ ὀφθαλμῶν κυκλόθεν τοῖσ τέσσαρσι. καὶ ἐν τῷ πορεύεσθαι τὰ ζῷα ἐπορεύοντο οἱ τροχοὶ ἐχόμενοι αὐτῶν, καὶ ἐν τῷ ἐξαίρειν τὰ ζῶα ἀπὸ τῆσ γῆσ ἐξῄροντο οἱ τροχοί. οὗ ἂν ἦν ἡ νεφέλη, ἐκεῖ τὸ πνεῦμα τοῦ πορεύεσθαι. ἐπορεύοντο τὰ ζῷα καὶ οἱ τροχοὶ καὶ ἐξῄροντο σὺν αὐτοῖσ, διότι πνεῦμα ζωῆσ ἐν τοῖσ τροχοῖσ. ἐν τῷ πορεύεσθαι αὐτὰ ἐπορεύοντο, καὶ ἐν τῷ ἑστάναι αὐτὰ εἱστήκεισαν καὶ ἐν τῷ ἐξαίρειν αὐτὰ ἀπὸ τῆσ γῆσ ἐξῄροντο σὺν αὐτοῖσ, ὅτι πνεῦμα ζωῆσ ἦν ἐν τοῖσ τροχοῖσ. καὶ ὁμοίωμα ὑπὲρ κεφαλῆσ αὐτοῖσ τῶν ζῴων ὡσεὶ στερέωμα ὡσ ὅρασισ κρυστάλλου ἐκτεταμένον ἐπὶ τῶν πτερύγων αὐτῶν ἐπάνωθεν. καὶ ὑποκάτωθεν τοῦ στερεώματοσ αἱ πτέρυγεσ αὐτῶν ἐκτεταμέναι, πτερυσσόμεναι ἑτέρα τῇ ἑτέρᾳ, ἑκάστῳ δύο συνεζευγμέναι ἐπικαλύπτουσαι τὰ σώματα αὐτῶν. καὶ ἤκουον τὴν φωνὴν τῶν πτερύγων αὐτῶν ἐν τῷ πορεύεσθαι αὐτὰ ὡσ φωνὴν ὕδατοσ πολλοῦ. καὶ ἐν τῷ ἑστάναι αὐτὰ κατέπαυον αἱ πτέρυγεσ αὐτῶν. καὶ ἰδοὺ φωνὴ ὑπεράνωθεν τοῦ στερεώματοσ τοῦ ὄντοσ ὑπὲρ κεφαλῆσ αὐτῶν. ὡσ ὅρασισ λίθου σαπφείρου ὁμοίωμα θρόνου ἐπ̓ αὐτοῦ, καὶ ἐπὶ τοῦ ὁμοιώματοσ τοῦ θρόνου ὁμοίωμα ὡσ εἶδοσ ἀνθρώπου ἄνωθεν. καὶ εἶδον ὡσ ὄψιν ἠλέκτρου ἀπὸ ὁράσεωσ ὀσφύοσ καὶ ἐπάνω, καὶ ἀπὸ ὁράσεωσ ὀσφύοσ καὶ ἕωσ κάτω εἶδον ὡσ ὅρασιν πυρὸσ καὶ τὸ φέγγοσ αὐτοῦ κύκλῳ. ὡσ ὅρασισ τόξου, ὅταν ᾖ ἐν τῇ νεφέλῃ ἐν ἡμέραισ ὑετοῦ, οὕτωσ ἡ στάσισ τοῦ φέγγουσ κυκλόθεν. αὕτη ἡ ὅρασισ ὁμοιώματοσ δόξησ Κυρίου. καὶ εἶδον καὶ πίπτω ἐπὶ πρόσωπόν μου καὶ ἤκουσα φωνὴν λαλοῦντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Septuagint, Prophetia Ezechielis 1:

(70인역 성경, 에제키엘서 1:)

목록

SEARCH

MENU NAVIGATION