Septuagint, Prophetia Ezechielis 1:

(70인역 성경, 에제키엘서 1:)

ΚΑΙ ἐγένετο ἐν τῷ τριακοστῷ ἔτει, ἐν τῷ τετάρτῳ μηνὶ πέμπτῃ τοῦ μηνὸσ καὶ ἐγὼ ἤμην ἐν μέσῳ τῆσ αἰχμαλωσίασ ἐπὶ τοῦ ποταμοῦ τοῦ Χοβάρ, καὶ ἠνοίχθησαν οἱ οὐρανοί, καὶ εἶδον ὁράσεισ Θεοῦ. πέμπτῃ τοῦ μηνόσ καὶ ἐγένετο λόγοσ Κυρίου πρὸσ Ἰεζεκιὴλ υἱὸν Βουζεί, τὸν ἱερέα, ἐν γῇ Χαλδαίων ἐπὶ τοῦ ποταμοῦ τοῦ Χοβάρ. καὶ ἐγένετο ἐπ̓ ἐμὲ χεὶρ Κυρίου, καὶ εἶδον καὶ ἰδοὺ πνεῦμα ἐξαῖρον ἤρχετο ἀπὸ βορρᾶ, καὶ νεφέλη μεγάλη ἐν αὐτῷ, καὶ φέγγοσ κύκλῳ αὐτοῦ καὶ πῦρ ἐξαστράπτον, καὶ ἐν τῷ μέσῳ αὐτοῦ ὡσ ὅρασισ ἠλέκτρου ἐν μέσῳ τοῦ πυρὸσ καὶ φέγγοσ ἐν αὐτῷ. καὶ ἐν τῷ μέσῳ ὡσ ὁμοίωμα τεσσάρων ζῴων, καὶ αὕτη ἡ ὅρασισ αὐτῶν. ὁμοίωμα ἀνθρώπου ἐπ̓ αὐτοῖσ, καὶ τέσσαρα πρόσωπα τῷ ἑνί, καὶ τέσσαρεσ πτέρυγεσ τῷ ἑνί. καὶ τὰ σκέλη αὐτῶν ὀρθά, καὶ πτερωτοὶ οἱ πόδεσ αὐτῶν, καὶ σπινθῆρεσ ὡσ ἐξαστράπτων χαλκόσ, καὶ ἐλαφραὶ αἱ πτέρυγεσ αὐτῶν. καὶ χεὶρ ἀνθρώπου ὑποκάτωθεν τῶν πτερύγων αὐτῶν ἐπὶ τὰ τέσσαρα μέρη αὐτῶν. καὶ τὰ πρόσωπα αὐτῶν τῶν τεσσάρων οὐκ ἐπεστρέφοντο ἐν τῷ βαδίζειν αὐτά, ἕκαστον ἀπέναντι τοῦ προσώπου αὐτῶν ἐπορεύοντο. καὶ ὁμοίωσισ τῶν προσώπων αὐτῶν. πρόσωπον ἀνθρώπου καὶ πρόσωπον λέοντοσ ἐκ δεξιῶν τοῖσ τέσσαρσι καὶ πρόσωπον μόσχου ἐξ ἀριστερῶν τοῖσ τέσσαρσι καὶ πρόσωπον ἀετοῦ τοῖσ τέσσαρσι. καὶ αἱ πτέρυγεσ αὐτῶν ἐκτεταμέναι ἄνωθεν τοῖσ τέσσαρσιν, ἑκατέρῳ δύο συνεζευγμέναι πρὸσ ἀλλήλασ, καὶ δύο ἐπεκάλυπτον ἐπάνω τοῦ σώματοσ αὐτῶν. καὶ ἑκάτερον κατὰ πρόσωπον αὐτοῦ ἐπορεύετο. οὗ ἂν ἦν τὸ πνεῦμα πορευόμενον, ἐπορεύοντο καὶ οὐκ ἐπέστρεφον. καὶ ἐν μέσῳ τῶν ζῴων ὅρασισ ὡσ ἀνθράκων πυρὸσ καιομένων, ὡσ ὄψισ λαμπάδων συστρεφομένων ἀναμέσον τῶν ζῴων καὶ φέγγοσ τοῦ πυρόσ, καὶ ἐκ τοῦ πυρὸσ ἐξεπορεύετο ἀστραπή. καὶ εἶδον καὶ ἰδοὺ τροχὸσ εἷσ ἐπὶ τῆσ γῆσ ἐχόμενοσ τῶν ζῴων τοῖσ τέσσαρσι. καὶ τὸ εἶδοσ τῶν τροχῶν ὡσ εἶδοσ θαρσείσ, καὶ ὁμοίωμα ἐν τοῖσ τέσσαρσι, καὶ τὸ ἔργον αὐτῶν ἦν καθὼσ ἂν εἴη τροχὸσ ἐν τροχῷ. ἐπὶ τὰ τέσσαρα μέρη αὐτῶν ἐπορεύοντο, οὐκ ἐπέστρεφον ἐν τῷ πορεύεσθαι αὐτά, οὐδ̓ οἱ νῶτοι αὐτῶν, καὶ ὕψοσ ἦν αὐτοῖσ. καὶ εἶδον αὐτά, καὶ οἱ νῶτοι αὐτῶν πλήρεισ ὀφθαλμῶν κυκλόθεν τοῖσ τέσσαρσι. καὶ ἐν τῷ πορεύεσθαι τὰ ζῷα ἐπορεύοντο οἱ τροχοὶ ἐχόμενοι αὐτῶν, καὶ ἐν τῷ ἐξαίρειν τὰ ζῶα ἀπὸ τῆσ γῆσ ἐξῄροντο οἱ τροχοί. οὗ ἂν ἦν ἡ νεφέλη, ἐκεῖ τὸ πνεῦμα τοῦ πορεύεσθαι. ἐπορεύοντο τὰ ζῷα καὶ οἱ τροχοὶ καὶ ἐξῄροντο σὺν αὐτοῖσ, διότι πνεῦμα ζωῆσ ἐν τοῖσ τροχοῖσ. ἐν τῷ πορεύεσθαι αὐτὰ ἐπορεύοντο, καὶ ἐν τῷ ἑστάναι αὐτὰ εἱστήκεισαν καὶ ἐν τῷ ἐξαίρειν αὐτὰ ἀπὸ τῆσ γῆσ ἐξῄροντο σὺν αὐτοῖσ, ὅτι πνεῦμα ζωῆσ ἦν ἐν τοῖσ τροχοῖσ. καὶ ὁμοίωμα ὑπὲρ κεφαλῆσ αὐτοῖσ τῶν ζῴων ὡσεὶ στερέωμα ὡσ ὅρασισ κρυστάλλου ἐκτεταμένον ἐπὶ τῶν πτερύγων αὐτῶν ἐπάνωθεν. καὶ ὑποκάτωθεν τοῦ στερεώματοσ αἱ πτέρυγεσ αὐτῶν ἐκτεταμέναι, πτερυσσόμεναι ἑτέρα τῇ ἑτέρᾳ, ἑκάστῳ δύο συνεζευγμέναι ἐπικαλύπτουσαι τὰ σώματα αὐτῶν. καὶ ἤκουον τὴν φωνὴν τῶν πτερύγων αὐτῶν ἐν τῷ πορεύεσθαι αὐτὰ ὡσ φωνὴν ὕδατοσ πολλοῦ. καὶ ἐν τῷ ἑστάναι αὐτὰ κατέπαυον αἱ πτέρυγεσ αὐτῶν. καὶ ἰδοὺ φωνὴ ὑπεράνωθεν τοῦ στερεώματοσ τοῦ ὄντοσ ὑπὲρ κεφαλῆσ αὐτῶν. ὡσ ὅρασισ λίθου σαπφείρου ὁμοίωμα θρόνου ἐπ̓ αὐτοῦ, καὶ ἐπὶ τοῦ ὁμοιώματοσ τοῦ θρόνου ὁμοίωμα ὡσ εἶδοσ ἀνθρώπου ἄνωθεν. καὶ εἶδον ὡσ ὄψιν ἠλέκτρου ἀπὸ ὁράσεωσ ὀσφύοσ καὶ ἐπάνω, καὶ ἀπὸ ὁράσεωσ ὀσφύοσ καὶ ἕωσ κάτω εἶδον ὡσ ὅρασιν πυρὸσ καὶ τὸ φέγγοσ αὐτοῦ κύκλῳ. ὡσ ὅρασισ τόξου, ὅταν ᾖ ἐν τῇ νεφέλῃ ἐν ἡμέραισ ὑετοῦ, οὕτωσ ἡ στάσισ τοῦ φέγγουσ κυκλόθεν. αὕτη ἡ ὅρασισ ὁμοιώματοσ δόξησ Κυρίου. καὶ εἶδον καὶ πίπτω ἐπὶ πρόσωπόν μου καὶ ἤκουσα φωνὴν λαλοῦντοσ.

목록

일치하는 문장이 없습니다.

SEARCH

MENU NAVIGATION