Septuagint, Liber Baruch 3:

(70인역 성경, 바룩서 3:)

ΚΥΡΙΕ παντοκράτωρ ὁ Θεὸσ Ἰσραήλ, ψυχὴ ἐν στενοῖσ καὶ πνεῦμα ἀκηδιῶν κέκραγε πρόσ σε. ἄκουσον, Κύριε, καὶ ἐλέησον, ὅτι ἡμάρτομεν ἐναντίον σου, ὅτι σὺ καθήμενοσ τὸν αἰῶνα, καὶ ἡμεῖσ ἀπολλύμενοι τὸν αἰῶνα. Κύριε παντοκράτωρ ὁ Θεὸσ Ἰσραήλ, ἄκουσον δὴ τῆσ προσευχῆσ τῶν τεθνηκότων Ἰσραὴλ καὶ υἱῶν τῶν ἁμαρτανόντων ἐναντίον σου, οἳ οὐκ ἤκουσαν τῆσ φωνῆσ Κυρίου Θεοῦ αὐτῶν καὶ ἐκολλήθη ἡμῖν τὰ κακά. μὴ μνησθῇσ ἀδικιῶν πατέρων ἡμῶν, ἀλλὰ μνήσθητι χειρόσ σου καὶ ὀνόματόσ σου ἐν τῷ καιρῷ τούτῳ. ὅτι σὺ Κύριοσ ὁ Θεὸσ ἡμῶν, καὶ αἰνέσομέν σε, Κύριε. ὅτι διὰ τοῦτο ἔδωκασ τὸν φόβον σου ἐπί καρδίαν ἡμῶν τοῦ ἐπικαλεῖσθαι τὸ ὄνομά σου. καὶ αἰνέσομέν σε ἐν τῇ ἀποικίᾳ ἡμῶν, ὅτι ἀπεστρέψαμεν ἀπὸ καρδίασ ἡμῶν πᾶσαν ἀδικίαν πατέρων ἡμῶν τῶν ἡμαρτηκότων ἐναντίον σου. ἰδοὺ ἡμεῖσ σήμερον ἐν τῇ ἀποικίᾳ ἡμῶν, οὗ διέσπειρασ ἡμᾶσ ἐκεῖ εἰσ ὀνειδισμὸν καὶ εἰσ ἀρὰν καὶ εἰσ ὄφλησιν κατὰ πάσασ τὰσ ἀδικίασ πατέρων ἡμῶν, οἳ ἀπέστησαν ἀπὸ Κυρίου Θεοῦ ἡμῶν. Ἄκουε Ἰσραὴλ ἐντολὰσ ζωῆσ, ἐνωτίσασθε γνῶναι φρόνησιν. τί ἐστιν Ἰσραήλ̣ τί ὅτι ἐν γῇ τῶν ἐχθρῶν εἶ̣ ἐπαλαιώθησ ἐν γῇ ἀλλοτρίᾳ, συνεμιάνθησ τοῖσ νεκροῖσ, προσελογίσθησ μετὰ τῶν εἰσ ᾅδου̣ ἐγκατέλιπεσ τὴν πηγὴν τῆσ σοφίασ. τῇ ὁδῷ τοῦ Θεοῦ εἰ ἐπορεύθησ, κατῴκεισ ἂν ἐν εἰρήνῃ τὸν αἰῶνα. μάθε ποῦ ἐστι φρόνησισ, ποῦ ἐστιν ἰσχύσ, ποῦ ἐστι σύνεσισ τοῦ γνῶναι ἅμα ποῦ ἐστι μακροβίωσισ καὶ ζωή, ποῦ ἐστι φῶσ ὀφθαλμῶν καὶ εἰρήνη. ‐ Τίσ εὗρε τὸν τόπον αὐτῆσ καὶ τίσ εἰσῆλθεν εἰσ τοὺσ θησαυροὺσ αὐτῆσ̣ ποῦ εἰσιν οἱ ἄρχοντεσ τῶν ἐθνῶν καὶ οἱ κυριεύοντεσ τῶν θηρίων τῶν ἐπὶ τῆσ γῆσ, οἱ ἐν τοῖσ ὀρνέοισ τοῦ οὐρανοῦ ἐμπαίζοντεσ καὶ τὸ ἀργύριον θησαυρίζοντεσ καὶ τὸ χρυσίον, ᾧ ἐπεποίθεισαν ἄνθρωποι, καὶ οὐκ ἔστι τέλοσ τῆσ κτήσεωσ αὐτῶν, οἱ τὸ ἀργύριον τεκταίνοντεσ καὶ μεριμνῶντεσ, καὶ οὐκ ἔστιν ἐξεύρεσισ τῶν ἔργων αὐτῶν̣ ἠφανίσθησαν καὶ εἰσ ᾅδου κατέβησαν, καὶ ἄλλοι ἀντανέστησαν ἀντ̓ αὐτῶν. νεώτεροι εἶδον φῶσ καὶ κατῴκησαν ἐπὶ τῆσ γῆσ, ὁδὸν δὲ ἐπιστήμησ οὐκ ἔγνωσαν, οὐδὲ συνῆκαν τρίβουσ αὐτῆσ, οὐδὲ ἀντελάβοντο αὐτῆσ. οἱ υἱοὶ αὐτῶν ἀπὸ τῆσ ὁδοῦ αὐτῶν πόρρω ἐγενήθησαν, οὐδὲ ἠκούσθη ἐν Χαναάν, οὐδὲ ὤφθη ἐν Θαιμάν, οὔτε υἱοὶ Ἄγαρ, οἱ ἐκζητοῦντεσ τὴν σύνεσιν ἐπὶ τῆσ γῆσ, οἱ ἔμποροι τῆσ Μερρὰν καὶ Θαιμάν, οἱ μυθολόγοι καὶ οἱ ἐκζητηταὶ τῆσ συνέσεωσ, ὁδὸν τῆσ σοφίασ οὐκ ἔγνωσαν, οὐδὲ ἐμνήσθησαν τὰσ τρίβουσ αὐτῆσ. ‐ Ὦ Ἰσραήλ, ὡσ μέγασ ὁ οἶκοσ τοῦ Θεοῦ καὶ ἐπιμήκησ ὁ τόποσ τῆσ κτήσεωσ αὐτοῦ. μέγασ καὶ οὐκ ἔχει τελευτήν, ὑψηλὸσ καὶ ἀμέτρητοσ. ἐκεῖ ἐγεννήθησαν οἱ γίγαντεσ οἱ ὀνομαστοὶ οἱ ἀπ̓ ἀρχῆσ, γενόμενοι εὐμεγέθεισ, ἐπιστάμενοι πόλεμον. οὐ τούτουσ ἐξελέξατο ὁ Θεὸσ οὐδὲ ὁδὸν ἐπιστήμησ ἔδωκεν αὐτοῖσ. καὶ ἀπώλοντο παρὰ τὸ μὴ ἔχειν φρόνησιν, ἀπώλοντο διὰ τὴν ἀβουλίαν αὐτῶν. ‐ Τίσ ἀνέβη εἰσ τὸν οὐρανὸν καὶ ἔλαβεν αὐτὴν καὶ κατεβίβασεν αὐτὴν ἐκ τῶν νεφελῶν̣ τίσ διέβη πέραν τῆσ θαλάσσησ καὶ εὗρεν αὐτὴν καὶ οἴσει αὐτὴν χρυσίου ἐκλεκτοῦ̣ οὐκ ἔστιν ὁ γινώσκων τὴν ὁδὸν αὐτῆσ οὐδὲ ὁ ἐνθυμούμενοσ τὴν τρίβον αὐτῆσ. ἀλλ̓ ὁ εἰδὼσ τὰ πάντα γινώσκει αὐτήν, ἐξεῦρεν αὐτὴν τῇ συνέσει αὐτοῦ. ὁ κατασκευάσασ τὴν γῆν εἰσ τὸν αἰῶνα χρόνον, ἐνέπλησεν αὐτὴν κτηνῶν τετραπόδων. ὁ ἀποστέλλων τὸ φῶσ, καὶ πορεύεται, ἐκάλεσεν αὐτό, καὶ ὑπήκουσεν αὐτῷ τρόμῳ. οἱ δὲ ἀστέρεσ ἔλαμψαν ἐν ταῖσ φυλακαῖσ αὐτῶν καὶ εὐφράνθησαν. ἐκάλεσεν αὐτοὺσ καὶ εἶπον. πάρεσμεν, ἔλαμψαν μετ̓ εὐφροσύνησ τῷ ποιήσαντι αὐτούσ. οὗτοσ ὁ Θεὸσ ἡμῶν, οὐ λογισθήσεται ἕτεροσ πρὸσ αὐτόν. ἐξεῦρε πᾶσαν ὁδὸν ἐπιστήμησ καὶ ἔδωκεν αὐτὴν Ἰακὼβ τῷ παιδὶ αὐτοῦ καὶ Ἰσραὴλ τῷ ἠγαπημένῳ ὑπ̓ αὐτοῦ. μετὰ τοῦτο ἐπὶ γῆσ ὤφθη καὶ ἐν τοῖσ ἀνθρώποισ συνανεστράφη.

목록

일치하는 문장이 없습니다.

SEARCH

MENU NAVIGATION